ARYNews.tv | Urdu – Har Lamha Bakhabar

Tag: ہنگامی لینڈنگ

  • 6 گھنٹوں کے دوران 12 طیاروں کی ہنگامی لینڈنگ

    6 گھنٹوں کے دوران 12 طیاروں کی ہنگامی لینڈنگ

    خرطوم: افریقی ملک ایتھوپیا کے دارالحکومت عدیس ابابا کے لیے اڑان بھرنے والے 12 طیاروں کو موسم کی خرابی کی وجہ سے سوڈان کے دارالحکومت خرطوم میں ہنگامی لینڈنگ کرنی پڑی۔

    بین الاقومی ویب سائٹ کے مطابق ایتھوپیا کے 12 طیاروں نے سوڈانی دارالحکومت خرطوم کے ایئرپورٹ پر ہنگامی لینڈنگ کی ہے۔ ایتھوپین دارالحکومت عدیس ابابا کے ایئرپورٹ پر خراب موسم کی وجہ سے حد نظر 800 میٹر تک محدود ہوگئی تھی۔

    6 گھنٹوں کے دوران 12 ایتھوپین طیاروں کی خرطوم ایئرپورٹ پر ہنگامی لینڈنگ اپنی نوعیت کا پہلا واقعہ ہے۔

    ایتھوپین ایئر لائنز کے یہ طیارے ایشیائی اور یورپی ممالک کے ایئر پورٹس سے عدیس ابابا جارہے تھے تاہم انہیں خراب موسم کے باعث خرطوم میں لینڈنگ کرنا پڑی۔

    سوڈانی محکمہ شہری ہوا بازی کے سربراہ ابراہیم عدلان نے کہا ہے کہ خرطوم ایئرپورٹ حکام نے انتہائی پیشہ ورانہ انداز سے ایتھوپین طیاروں کی لینڈنگ کروائی۔

    انہوں نے کہا کہ عدیس ابابا ایئرپورٹ کے موسمی حالات بہتر ہوجانے تک ہر طرح کی تکنیکی اور لاجسٹک سہولتیں فراہم کی جاتی رہیں، خراب موسمی حالات میں خرطوم ایئرپورٹ نے ہمیشہ عدیس ابابا ایئرپورٹ کے متبادل ہونے کا ثبوت دیا۔

    سربراہ کے مطابق مزید 2 ایتھوپین طیاروں کا رخ جدہ اورجبوتی ایئرپورٹس کی طرف موڑا گیا تھا۔

  • پی آئی اے کا ایک اور طیارہ بڑے حادثے سے بچ گیا

    پی آئی اے کا ایک اور طیارہ بڑے حادثے سے بچ گیا

    کراچی : پی آئی اے کا بوئنگ 777 طیارہ بڑے حادثے سے بچ گیا ، لاہور سے ٹورنٹو جانیوالی پی آئی اے کی پرواز پی کے789 کو فنی خرابی کے باعث کراچی ایئرپورٹ پر ہنگامی لینڈنگ کرنا پڑی۔

    تفصیلات کے مطابق لاہورسے ٹورنٹو کی پرواز حادثے سے بال بال بچ گئی، ذرائع کا کہنا ہے کہ پی آئی اے کے بوئنگ777طیارے میں دوران پرواز اچانک فنی خرابی پیدا ہوگئی، جس کے بعد کپتان نے ایئر ٹریفک کنٹرولر سے رابطہ کرکے کراچی ایئرپورٹ پر لینڈنگ کی اجازت طلب کی، اجازت ملنے کے بعد کپتان نے طیارے کو کراچی ایئرپورٹ پر باحفاظت اتار لیا۔

    طیارے میں دو سوسے زائد مسافر سوار تھے، جو محفوظ رہے ، ترجمان پی آئی اے کاکہنا ہے کہ طیارے میں فنی خرابی کی نشاندہی پر طیارے کو کراچی ایئرپورٹ پر اتارا گیا، جس کے بعد طیارے کی فنی خرابی دور کرکے پرواز کو ٹورنٹو کیلئے روانہ کردیا گیا۔

    ترجمان پی آئی اے کا کہنا ہے کہ پی آئی اے مسافروں کیلئے حفاظتی معیار پر سمجھوتا نہیں کرتی پی آئی اے مسافروں کو زحمت پر معذرت خواہ ہے۔

    یاد رہے گذشتہ روز ہی قومی ایئرلائن پی آئی اے کے بوئنگ777طیاروں میں سے ایک میں نقائص کا انکشاف سامنے آیا تھا، ذرائع کا کہنا تھا کہ نقائص میں انجن کی فائر وارننگ چیک کرنے والاسسٹم شامل ہیں جبکہ بریک کا درجہ حرارت دکھانے والا سسٹم بھی مبینہ طور پر خراب ہے۔

    مزید پڑھیں : پی آئی اے کے بوئنگ 777 طیاروں میں سے ایک میں نقائص کا انکشاف

    ذرائع کے مطابق طیارے کے آٹو پائلٹ سسٹمز میں سے ایک سسٹم خراب جبکہ ایک جی پی ایس، ٹائرپریشر دکھانے والا سسٹم بھی مبینہ خرابی کا شکار ہے، طیارے کے دروازے کو لاک دکھانے والاسسٹم بھی مبینہ طور پر خراب ہے

    ذرائع کا کہنا تھا کہ انجن کی اوورہیٹ محسوس کرنیوالے 2سرکٹ میں سے ایک خرابی کا شکار ہے ، ترجمان پی آئی اے کے مطابق طیارے میں 2 سے3 نقائص متعلقہ شعبے کے علم میں ہیں اور طیارے کی شعبہ انجینئرنگ میں آمد پر نقائص دور کئے جارہے ہیں۔

    اس سے قبل 22 نومبر کو قومی ایئرلائن کی دو پروازیں حادثے سے بال بال بچ گئیں تھیں ، پائلٹس نے بڑی مہارت سے طیاروں کو لینڈ کیا ، جہازمیں عملے کے ساتھ تمام مسافر بھی محفوظ رہے تھے۔

    پی کے 650 کے انجن میں اچانک خرابی پیدا ہوگئی تھی جبکہ پی کے 257 کے اڑان بھرنے کے کچھ دیر بعد طیارے کے سسٹم ٹرپ کرگئے تھے ، جس سے ایئربس 320 کا اگلا وہیل بھی بند نہیں ہورہا تھا، پائلٹ نے وہیل کو بند کرنے کی بہت کوشش کی مگر بند نہ ہوسکا۔

  • پی آئی اے کا طیارہ بڑے حادثے سے بال بال بچ گیا

    پی آئی اے کا طیارہ بڑے حادثے سے بال بال بچ گیا

    اسلام آباد : پی اے آئی کے تربیتی طیارے میں تکنیکی خرابی کے باعث ٹی بندر کے قریب ہنگامی لینڈنگ کرنا پڑی، پائلٹ اورجونیئرپائلٹ محفوظ رہے۔

    تفصیلات کے مطابق پی آئی اے کے تربیتی طیارے سیسنا 172 نے کراچی ایئر پورٹ سے آڑان بھری،  دوران پرواز  طیارے کے انجن کے آر پی ایم میں خرابی کی وجہ سے کیٹی بندر پر ہنگامی لینڈنگ کرنا پڑی ، جس کے نتیجے میں طیارے کے انجن کو جزوی نقصان پہنچاجبکہ پائلٹ اور ٹرینی پائلٹ محفوظ رہے۔

    پی آئی اے ترجمان کا کہنا ہے طیارہ نے کراچی سے صبح 9 بجے اڑان بھری اور تقریبا” 40۔9 بجے تکنیکی خرابی پیدا ہونے کے باعث پائلٹ نے مہارت سے کیٹی بندر کے قریب اتار لیا۔

    ترجمان کے مطابق طیارے کے نقصانات کا تخمینہ لگایا جا رہا ہے،پی آئی اے نے واقعے کی انکوائری شروع کر دی ہے۔

    مزید پڑھیں :  پی آئی اے کی  پرواز ڈرون سے بال بال بچ گئی

    یاد رہے رواں سال جنوری میں پاکستان انٹرنیشنل ایئرلائنز (پی آئی اے) کی سکھر جانے والی پرواز ڈرون سے بال بال بچ گئی تھی، ڈرون پی آئی اے کی پرواز سے 100 فٹ کی بلندی پر موجود تھا۔

    واضح رہے کہ گزشتہ سال 27 دسمبر کو طیاروں کو زمین سے لیزر لائٹیں مارنے کے واقعات میں تشویش ناک حد تک اضافہ ہوگیا تھا، گزشتہ سال طیاروں پر لیزر لائٹیں مارنے کے 58 سے زائد واقعات رپورٹ ہوئے لیزر لائٹ پڑنے سے جہازوں کے تحفظات کو خطرات لاحق ہوگئے۔

  • امریکا: انجن میں خرابی کے باعث طیارے کی ہائی وے پر ہنگامی لینڈنگ

    امریکا: انجن میں خرابی کے باعث طیارے کی ہائی وے پر ہنگامی لینڈنگ

    واشنگٹن : امریکا میں زیرتربیت پائلٹ نے انجن میں خرابی کے باعث طیارے کو الاباما کے مصروف ہائی وے پر اتار دیا۔

    غیر ملکی خبر رساں ادارے کے مطابق امریکی ریاست الاباما میں دوران پرواز سنگل انجن والے طیارے کے انجن میں خرابی پیدا ہوئی،  ایئرپورٹ دور ہونے کے باعث پائلٹ نے طیارے کو سڑک پر اتارنے کا فیصلہ کیا۔

    سوشل میڈیا پر جاری ہونے والی ویڈیو میں دیکھا جاسکتا ہے کہ ایک چھوٹا طیارے میں دو افراد سوار تھے جو ہنگامی لینڈنگ میں محفوظ رہے۔

    غیر ملکی خبر رساں ادارے کہنا تھا کہ ہائی وے پر سفر کرنے والے مسافر یہ منظر دیکھ کر حیران رہ گئے۔

    مقامی میڈیا کے مطابق فوٹیج میں دیکھا جاسکتا ہے کہ طیارہ کی لینڈنگ کے دوران قریب میں گاڑیاں موجود ہیں جبکہ طیارے کا پائلٹ محفوظ رہا۔

    عینی شاہد کا کہنا ہے کہ مجھے یقین نہیں ہورہا ہے کہ پائلٹ نے یہ کیسے کر لیا، یہ منظر براہ راست دیکھنے کے بعد بھی یقین نہیں آرہا ہے کہ پائلٹ نے طیارے کی سڑک پر لینڈنگ کروائی۔

    سوشل میڈیا پر جاری ہونے والی ویڈیو ہائی وے پر سفر کرنے والے ایک مسافر نے بنائی تھی۔

    پولیس کے مطابق پائلٹ نے بتایا کہ طیارے کے انجن میں خرابی ہوئی ایئرپورٹ دور تھا اس لئے سڑک پر طیارے کو اتارنا مجبوری تھی۔

    ایک اور عینی شاہد نے بتایا کہ پائلٹ نے کمال مہارت سے طیارے کو لینڈ کیا اور ٹریفک رواں دواں ہونے کے باوجود کسی گاڑی اور کسی شخص کو کوئی نقصان نہیں پہنچا۔

    مزید پڑھیں : لاس اینجلس: انجن کی خرابی، خاتون پائلٹ نے طیارہ ہائی وے پر اتار دیا

    یاد رہے کہ رواں جون میں امریکی شہر لاس اینجلس میں زیر تربیت خاتون پائلٹ نے انجن میں خرابی کے سبب نجی طیارے کو مصروف ہائی وے پر اتار دیا تھا۔

    مزید پڑھیں : شکاگو: انجن میں خرابی، پائلٹ نے طیارہ ہائی وے پر اتار دیا

    خیال رہے کہ  شکاگوں میں دورانِ پرواز  چھوٹے طیارے کے انجن میں خرابی کے باعث پائلٹ نے طیارے کو شکاگو کے مصروف ترین لیک شور ڈرائیو نامی ہائی وے پر اتار تھا اور خوش قسمتی سے اس حادثے میں بھی پائلٹ محفوظ رہے تھے۔

  • شکاگو: انجن میں خرابی، پائلٹ نے طیارہ ہائی وے پر اتار دیا

    شکاگو: انجن میں خرابی، پائلٹ نے طیارہ ہائی وے پر اتار دیا

    واشنگٹن : امریکی شہر  شکاگو میں پائلٹ نے انجن میں خرابی کے باعث چھوٹے طیارے کو شہر کے مصروف ترین ہائی وے پر اتار دیا۔

    تفصیلات کے مطابق جمعے کے روز  دورانِ پرواز  چھوٹے طیارے کے انجن میں خرابی پیدا ہوگئی، جس کے باعث پائلٹ نے طیارے کو شکاگو کے مصروف ترین لیک شور ڈرائیو ہائی وے پر اتارنے کا فیصلہ کیا۔

    امریکی خبر رساں اداروں کا کہنا تھا کہ طیارے کی لینڈنگ کے دوران قریب میں گاڑیاں موجود ہیں جبکہ طیارے کا پائلٹ اور خاتون مسافر  بلکل محفوظ رہے اور کوئی جانی نقصان بھی نہیں ہوا۔

    غیر ملکی خبر رساں ادارے کا کہنا ہے کہ طیارے کی ہائی وے پر لینڈنگ کے باعث ٹریفک کی روانی معطل ہوگئی اور گاڑیوں کی لمبی قطاریں لگ گئیں، تاہم موقع کے امدادی خدمات انجام دینے والے رضا کاروں نے طیارے کو دھکیل کر سائڈ پر کرکے ٹریفک کی روانی بحال کی۔

    عینی شاہد کا کہنا ہے کہ مجھے یقین نہیں ہورہا ہے کہ پائلٹ نے یہ کر کیسے لیا، یہ منظر براہ راست دیکھنے کے بعد بھی یقین نہیں آرہا ہے کہ طیارہ ہائی وے پر اتار لیا گیا ہے۔

    امریکی میڈیا کے مطابق طیارے نے مصروف ترین ہائی وے پر شام 3:15 منٹ پر ایمرجنسی لینڈنگ کی، پولیس کا کہنا ہے کہ پائلٹ نے بتایا ہے کہ طیارے کے انجن میں خرابی ہوگئی تھی اور ایئرپورٹ بھی دور تھا اس لئے سڑک پر طیارے کو اتارنا مجبوری تھی۔

    ایف ایف اے انویسٹی گیشن کی جانب سے پائلٹ اور خاتون مسافر کا نام ظاہر نہیں کیا گیا ہے تاہم قرب و جوار میں رہائش پذیر لوگوں کا کہنا ہے کہ خوش قسمتی سے کوئی جانی نقصان نہیں ہوا۔

    عینی شاہد کے مطابق پائلٹ نے کمال مہارت سے طیارے کو لینڈ کیا اور ٹریفک رواں دواں ہونے کے باوجود کسی گاڑی اور کسی شخص کو کوئی نقصان نہیں پہنچا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • برطانوی لڑاکا طیاروں‌ نے پی آئی اے کی پرواز کا رخ‌ موڑ دیا

    برطانوی لڑاکا طیاروں‌ نے پی آئی اے کی پرواز کا رخ‌ موڑ دیا

    لندن: لاہور سے لندن جانے والی پی آئی اے کی پرواز کا برطانوی لڑاکا طیاروں نے رخ موڑ دیا اور لندن سے قبل ہی دوسرے ایئرپورٹ پر لینڈنگ کرادی۔

    تفصیلات کے مطابق پی آئی اے کی پرواز لاہور سے لندن ہیتھرو ائیرپورٹ کے لیے روانہ ہوئی تاہم دھمکی آمیز کال کے بعد اس پرواز کو ائیرپورٹ پر اترنے کی اجازت نہیں دی گئی ، فضا میں ہی برٹش رائل ائیر فورس کے لڑاکا طیاروں نے مسافر طیارے کو حصار میں لے کر اسٹنسٹڈ ائیرپورٹ پر باحفاظت اتار لیا۔

    برٹش میڈیا کے مطابق پی آئی اے کی پرواز پی کے 757 کو مشکوک چیز کی اطلاع کے بعد دوسرے ائیرپورٹ پر اتارا گیا، طیارے کو کلیئرنس ملنے کے بعد ہیتھرو ائیرپورٹ جانے کی اجازت دی جائے گی۔

    برطانوی پولیس کی جانب سے جاری بیان میں کہا گیا ہے کہ طیارے کی ہنگامی لینڈنگ ہنگامہ آرائی کی اطلاعات موصول ہونے پر کی گئی، پی کے 757 کی لینڈنگ دہشت گردی یا ہائی جیکنگ کا واقعہ نہیں تاہم اس میں سوار ایک شخص پولیس کو مطلوب تھا جس کے باعث یہ تمام امور سرانجام دیے گئے۔

    ترجمان پی آئی اے کے مطابق پی کے 757 میں ہنگامہ آرائی کے باعث طیارے کا رخ موڑا گیا تاہم اسے دوسرے ائیرپور ٹ پر اتار کر تمام مسافروں کو باحفاظت نکال لیا گیا جبکہ ہنگامہ آرائی کرنے والے شخص کو گرفتار کرلیا گیا۔


    PIA aircraft landed at Stansted airport over… by arynews

    پی آئی اے حکام کے مطابق مسافروں کو واپسی کی پرواز کے لیے مشکلات درپیش ہیں جس کے لیے اقدامات کیے جارہے ہیں۔ ترجمان پی آئی اے نے مزید کہا کہ ’’مسافروں کو لندن کے لیے ٹرانسپورٹ فراہم کی جائے گی‘‘۔

  • لاہور، نجی طیارے کی ہنگامی لینڈنگ

    لاہور، نجی طیارے کی ہنگامی لینڈنگ

    لاہور : نجی ایئر لائن طیارہ کو ایک انجن میں آگ لگنے کی وجہ سے لاہور ایئرپورٹ پر ہنگامی لینڈنگ کرنا پڑی۔

    تفصیلات کے مطابق نجی ایئر لائن لینڈنگ کےدوران طیارے کے ایک انجن میں آگ لگ جانے کی وجہ سے پائلٹ کو ایک انجن کے ساتھ ہنگامی لینڈنگ کرنا پڑی۔

    ایئرپورٹ ذرائع کے مطابق شاہین ایئرلائن کی پرواز مانچسٹر سے لاہور آرہی تھی کہ لینڈنگ سے ذرا پہلے طیارے کے ایک انجن میں آگ بھڑک اُٹھی جس کے بعد پائلٹ نے ایک انجن کے ساتھ ہنگامی لینڈنگ کی۔

    ایئر پورٹ حکام کا کہنا تھا کہ حادثے میں خرابی کی اطلاع ملتے ہی ایمرجنسی میں سے رن وے کو مکمل طور پر خالی کروالیا گیا اور کسی بھی ممکنہ حادثے سے بچنے کے لیے تمام ضروری حفاظتی اقدامات اُٹھالیے گئے تھے۔

    شاہین ائیرلائن کی فیری سروس کا طیارہ مسافروں کو مانچسٹر اتار کر خالی واپس آرہا تھا۔ ہنگامی لیڈنگ کے وقت طیارے میں پائلٹ سمیت عملے کے دس ارکان سوار تھے ۔

    یاد رہے گزشتہ برس بھی کراچی اور اسلام آباد ایئر پورٹ دو الگ الگ واقعات میں طیاروں کو ہنگامی لینڈنگ کرنی پڑا تھی۔

  • پی آئی اے کی پرواز کی اسلام آباد ایئرپورٹ پر ہنگامی لینڈنگ

    پی آئی اے کی پرواز کی اسلام آباد ایئرپورٹ پر ہنگامی لینڈنگ

    کراچی: اسلام آباد سے اسکردو جانے والی پی آئی اے کی پرواز حادثے سے بال بال بچ گئی،پائلٹ نے اسلام آباد ایئر پورٹ پر طیارے کو بحفاظت اتار لیا.

    تفصیلات کےمطابق پی آئی اے کی پرواز پی کے 451 مسافروں کو لے کر اسکردو جارہی تھی کہ طیارے کے ہائیڈرالک سسٹم اور انجن میں خرابی کے باعث اسے بینظیر انٹرنیشنل ایئرپورٹ پر اتارا گیاتاہم اس دوران طیارہ رن وے سے پھسل گیا.

    ہنگامی لینڈنگ کے باعث کسی قسم کا جانی نقصان نہیں ہوا اور خوش قسمتی سے طیارے میں سوار تمام مسافر مکمل طور پر محفوظ رہے.

    *پرندہ ٹکرانے کے باعث پی آئی اے کی پرواز کی ہنگامی لینڈنگ

    یاد رہے کہ گزشتہ سال پی آئی اے کی کراچی سے شارجہ جانے والی پرواز کو پرندہ ٹکرانے کے باعث تربت ایئرپورٹ پرہنگامی لینڈنگ کرنا پڑی تھی.

  • دہلی ایئر پورٹ پر دو روز سے محصور مسافرلاہور پہنچ گئے

    دہلی ایئر پورٹ پر دو روز سے محصور مسافرلاہور پہنچ گئے

    لاہور: دہلی ایئر پورٹ پر دو روز سے محصور مسافرلاہور پہنچ گئے ہیں ، گزشتہ روز آسمانی بجلی گرنے پر پرواز کو دہلی ایئرپورٹ پر ہنگامی لینڈنگ کرائی گئی تھی۔

    نجی ائیر لائن کی پرواز آسمانی بجلی کی زد میں آئی تو سمجھیں مسافروں پر بجلی ہی گر گئی، دو سو چودہ پاکستانی مسافر حادثے سے بال بال بچ گئے لیکن جہاز کی دہلی میں ہنگامی لینڈنگ اور طویل انتظار نے مسافروں کو دوہری اذیت سے دو چار کردیا۔

    دو روز بعد جب مسافر لاہور پہنچے تو میڈیا سے گفتگو میں پھٹ پڑے۔

    یاد رہے کہ لاہور آنے والی گلف ائر لائنز کی پرواز جی ایف 766 پر آسمانی بجلی گرنے سے طیارے کو نقصان پہنچا اور اسے ہنگامی طور پر نئی دہلی ائرپورٹ پر اتار لیا گیا۔ پرواز بحرین سے لاہور آ رہی تھی۔ طیارے میں 214 پاکستانی مسافر سوار تھے جو محفوظ ہیں۔

    وزیرِاعظم نواز شریف نے نئی دہلی ایئر پورٹ 200 سے زائد پاکستانیوں کے پھنس جانے کا نوٹس لیتے ہوئے پاکستانی ہائی کمیشن کو ان کی وطن واپسی کے لئے متبادل انتظامات کرنے اور پی آئی اے کو بھی فوری طور پر اپنا طیارہ نیو دہلی ائر پورٹ بھجوانے کی ہدایت کی۔

  • لاہورمیں ایک اورطیارہ بڑے حادثے سے بال بال بچ گیا

    لاہورمیں ایک اورطیارہ بڑے حادثے سے بال بال بچ گیا

    لاہور: ایک اور طیارہ بڑے حادثے سے بال بال بچ گیا ہے، لندن سے آنے والی پی آئی اے کی پرواز کو گیئر میں خرابی پر ہنگامی لینڈنگ کرائی گئی، گزشتہ روز کچے میں اترنے والا طیارہ بھی تاحال نہیں ہٹایا جاسکا ہے۔

    لاہور ایئرپورٹ پر دو روز میں تین طیارے بڑے حادثے سے بال بال بچ گئے ہیں، لندن سےآنے والی پی آئی کی پرواز پی کے سیون فائیوایٹ نے علامہ اقبال انٹرنیشنل ایئرپورٹ پر ہنگامی لینڈنگ کی ۔

    ذرائع کے مطابق لینڈنگ گیئر میں خرابی کےباعث طیارے کی ہنگامی لینڈنگ کرائی گئی، ایمرجنسی لینڈنگ سےطیارے کے دو پہیے جام ہوگئے تاہم مسافر مکمل طورپر محفوظ رہے۔

    لاہورایئرپورٹ پر گزشتہ روز حادثے سے بال بال بچ جانے والے نجی ایئرلائن کے دو طیاروں کے باعث رن وے تاحال کلیئر نہ ہوسکا، جسکی وجہ سےمرکزی رن وے بند ہے۔

    ذرائع کا کہنا ہے مرکزی رن وے بند ہونے کے باعث طیارے کو چھوٹے رن وے پر اتارا گیا، جس کی وجہ سے حادثہ پیش آیا۔