Tag: ہوائی فائرنگ

  • شادی کی خوشی میں کی جانے والی ہوائی فائرنگ سے دولہا ہلاک

    شادی کی خوشی میں کی جانے والی ہوائی فائرنگ سے دولہا ہلاک

    (28 اگست 2025): شادی کی تقریب میں خوشی میں کی گئی ہوائی فائرنگ سے دولہا جاں بحق ہو گیا خوشیوں کا گھر ماتم کدہ بن گیا۔

    یہ افسوسناک واقعہ شمالی ترکی میں پیش آیا، جہاں شادی کی خوشی میں کی جانے والی فائرنگ کے نتیجے میں گولی آکر دولہا کو لگی جس سے وہ شدید زخمی ہو گیا جس کو فوری طور پر اسپتال منتقل کیا گیا، جہاں وہ زخموں کی تاب نہ لاتے ہوئے دم توڑ گیا۔

    ترک میڈیا کے مطابق یہ واقعہ اس وقت پیش آیا جب 23 سالہ دولہا علی کے اپنی دلہن کو رخصت کرا کر گھر لے جا رہا تھا کہ ہوائی فائرنگ کی گولی اچانک آ کر اس کو لگی جو کچھ دیر بعد دم توڑ گیا۔

    رپورٹ کے مطابق یہ فائرنگ مبینہ طور پر دلہن کی ایک خاتون رشتہ دار نے کی تھی۔ سیکیورٹی فورسز نے فائرنگ کرنے والی 47 سالہ خاتون کو حراست میں لے کر تفتیش شروع کر دی ہے۔ جب کہ اس کے پاس سے دو غیر لائسنس یافتہ پستول بھی برآمد ہوئے ہیں۔

    واضح رہے کہ ترکی کے شمال مشرقی صوبے ترابزون میں بھی شادی سے پہلے کی گئی فائرنگ میں ایک شخص ہلاک اور دو افراد زخمی ہو گئے تھے۔ اس واقعہ کے بعد شادی کو منسوخ کر دیا گیا تھا جب کہ دو افراد کو حراست میں لیا گیا تھا، ان میں ایک پولیس افسر بھی شامل تھا۔

  • کراچی : یوم آزادی پر ہوائی فائرنگ کرنے والے 125 ملزمان گرفتار

    کراچی : یوم آزادی پر ہوائی فائرنگ کرنے والے 125 ملزمان گرفتار

    کراچی: یوم آزادی پر ہوائی فائرنگ میں ملوث 125 ملزمان کو گرفتار کرلیا گیا ، جس میں 3 پولیس اہلکار بھی شامل ہیں۔

    تفصیلات کے مطابق کراچی میں یوم آزادی پرہوائی فائرنگ کی زدمیں آکر بچی سمیت 3 افراد جاں بحق اور 82 کے زخمی ہونے کے واقعے پر ایڈیشنل آئی جی کراچی جاوید عالم اوڈھو نے کہا ہے کہ فائرنگ میں ملوث عناصر کے خلاف بھرپورکریک ڈاؤن جاری ہے۔

    جاوید عالم اوڈھو کا کہنا تھا کہ کراچی پولیس کی جانب سے تابڑ توڑ کارروائیوں میں 125 ملزمان کو گرفتار کر لیا گیا، جن میں تین پولیس اہلکار بھی شامل ہیں۔

    ایڈیشنل آئی جی کراچی نے بتایا کہ شہر بھر میں 143 مقدمات درج کیے گئے، جن میں 13 مقدمات اقدام قتل، 50 اسلحہ ایکٹ کی دفعات اور 80 ہوائی فائرنگ کی دفعات کے تحت ہیں۔

    مختلف کارروائیوں کے دوران 59 ہتھیار بھی برآمد کیے گئے۔ گرفتار اہلکاروں کے خلاف محکمہ جاتی کارروائی کی جائے گی۔

    ایڈیشنل آئی جی کے مطابق گرفتار پولیس اہلکاروں میں زوہیر (اہلکار ٹریفک پولیس)، مصطفی (ہیڈ کوارٹرز خواجہ اجمیر نگری) اور جیل پولیس کا ایک اہلکار شامل ہے۔

    یاد رہے یوم آزادی کے موقع پر ہوائی فائرنگ کی زد میں آ کر بچی سمیت تین افراد جاں بحق اور 82 زخمی ہوئے تھے۔

  • کراچی: آزادی کے نام پر ہوائی فائرنگ نے کئی گھر اجاڑ دیے

    کراچی: آزادی کے نام پر ہوائی فائرنگ نے کئی گھر اجاڑ دیے

    کراچی(14 اگست 2025): شہر قائد میں آزادی کے جشن کے نام پر تین گھر اجڑ گئے جبکہ 82 افراد کو زخمی حالت میں اسپتال منتقل کیا گیا۔

    تفصیلات کے مطابق شہر قائد میں آزادی کے جشن کے نام پر تین گھر اجڑ گئے جبکہ 82 افراد کو زخمی حالت میں اسپتال منتقل کیا گیا، آئی جی سندھ غلام نبی میمن نے فائرنگ کے واقعات میں قیمتی جانوں کے ضیاع اور زخمی ہونے پر سخت نوٹس لے لیا۔

      آزادی کے نام پر ایک گھنٹے کے دوران فائرنگ سے 82 افراد زخمی 3 جان سے گئے، عزیزآباد میں 8 سالہ بچی سر پر گولی لگنے سے جاں بحق ہوئی جبکہ کورنگی اور لیاری میں معمر افراد سر اور گردن پر گولی لگنے سے جاں بحق ہوئے۔

    ایسٹ زون میں 30 ویسٹ میں 43 ساوتھ میں 12 شہریوں کو گولیاں لگی، ہوائی فائرنگ سے 51 مرد 24 خواتین 6 بچے 1 بچی زخمی ہوئی، آئی جی سندھ غلام نبی میمن کا فائرنگ کے واقعات پر سخت نوٹس لے لیا۔

    آئی جی سندھ غلام نبی میمن نے کہا کہ ہوائی فائرنگ سے قیمتی جانیں گئی جس پر بہت افسوس ہے جشن آزادی کا مقصد یہ نہیں کہ آپ کسی کی جان لے لیں، پولیس قانون کے مطابق اپنی کارروائی کر رہی ہے کراچی بھر سے 57 افراد گرفتار 57 ہتھیار برآمد ہوئے۔

    غلام نبی میمن نے کہا کہ گرفتار افراد کے خلاف اقدام قتل کے تحت مقدمات ہورہے ہیں تمام گرفتار افراد کو کیسز کا سامنا کرنا پڑے گا ہوئی فائرنگ ایک نامناسب عمل ہے عوام کو پرہیز کرنا چاہیے ایسا عمل کریں جس سے لوگ خوش ہوں نا کہ تکلیف کا باعث بنے۔

  • کراچی : ہوائی فائرنگ میں ملوث 7 ملزمان اسلحہ سمیت گرفتار

    کراچی : ہوائی فائرنگ میں ملوث 7 ملزمان اسلحہ سمیت گرفتار

    کراچی : (14 اگست 2025) شہر قائد میں جشن آزادی کے موقع پر ہوائی فائرنگ میں ملوث 7 ملزمان کو گرفتار کرلیا گیا۔

    اے آر وائی نیوز کی رپورٹ کے مطابق پولیس حکام کا کہنا ہے کہ رات 12 بجے کے بعد شہر کے مختلف علاقوں میں ہوائی فائرنگ میں ملوث7ملزمان کو اسلحہ سمیت گرفتار کرلیا گیا ہے۔

    پولیس کے مطابق ملزمان کو نیو کراچی کے مختلف سیکٹرز سے گرفتار کرکے ان کیخلاف مقدمات درج کیے گئے ہیں مزید تحقیقات بھی جاری ہیں۔

    ایس ایس پی فیضان علی نے بتایا کہ ضلع کیماڑی میں ہوائی فائرنگ میں ملوث7ملزمان گرفتار کیے گئے ہیں جبکہ پاپوش نگر میں ہوائی فائرنگ میں ملوث 2 ملزمان کو اسلحہ سمیت حراست میں لیا گیا۔

    کراچی میں ہوائی فائرنگ : بچی سمیت 3 افراد جاں بحق، 57 زخمی

    واضح رہے کہ 13 اور 14 اگست کی درمیانی شب رات 2 بجے کے بعد پاکستان کے یوم آزادی کے موقع پر کراچی کے مختلف علاقوں میں ہوائی فائرنگ کی زد میں آکر بچی سمیت 3 افراد جاں بحق اور 57 سے زائد زخمی ہوگئے۔

    ریسکیو ذرائع کے مطابق زخمیوں میں بچے اور 4 خواتین بھی شامل ہیں جنہیں اسپتال منتقل کردیا گیا۔ زخمیوں میں سے متعدد افراد کی حالت تشویشناک بتائی جارہی ہے۔

  • کراچی میں ہوائی فائرنگ : بچی سمیت 3 افراد جاں بحق، 75 زخمی

    کراچی میں ہوائی فائرنگ : بچی سمیت 3 افراد جاں بحق، 75 زخمی

    کراچی : شہر قائد میں جشن آزادی کے موقع پر کی جانے والی ہوائی فائرنگ کے نتیجے میں بچی سمیت 3 افراد جاں بحق اور 75 کے زخمی ہونے کی اطلاعات ہیں۔

    اے آر وائی نیوز کی رپورٹ کے مطابق کراچی کے مختلف علاقوں میں ہوائی فائرنگ سے بچی سمیت 3 افراد جاں بحق جبکہ 4 خواتین سمیت 75 افراد زخمی ہوگئے۔

    ریسکیو حکام کے مطابق کراچی کے علاقے عزیز آباد بلاک 8 میں ہوائی فائرنگ سے 8 سال کی بچی، کورنگی ساڑھے 3نمبر اور آگرہ تاج کالونی میں ہوائی فائرنگ سے دو افراد جاں بحق ہوئے۔

    زخمی ہونے والے افراد کو طبی امداد کیلیے اسپتال لایا گیا ہے اسپتال ذرائع کا کہنا ہے کہ زخمیوں میں سے متعدد افراد کی حالت تشویشناک ہے۔

    لیاقت آباد ڈاک خانہ اور اورنگی ٹاؤن ڈبہ موڑ کے قریب ہوائی فائرنگ سے دو خواتین زخمی ہوگئیں جبکہ لیاری کلاکوٹ اور پان منڈی میں ہوائی فائرنگ کی گولی لگنے سے دوافراد زخمی ہوگئے جنہیں اسپتال لایا گیا۔

    ریسکیوحکام کے مطابق شریف آباد ایف سی ایریا، لیاقت آباد ناظم آباد بڑا میدان، کلری، مچھرکالونی، ایم اے جناح روڈ گل پلازہ، اخترکالونی میں ہوائی فائرنگ سے7سال کی بچی سمیت متعدد افراد زخمی ہوگئے۔

    ریسکیو حکام کا کہنا ہے کہ نمائش چورنگی، محمود آباد 6 نمبر، ناظم آباد پل، جمشید کوارٹرز اور کورنگی چکرا گوٹھ میں نامعلوم سمت سے گولی لگنے سے کئی افراد زخمی ہوگئے۔

    مزید پڑھیں : رات 12 بجتے ہی ملک بھرمیں جشن آزادی کا پُرجوش آغاز

    ریسکیو حکام کے مطابق پٹیل پاڑہ دربن بازار، گولیمار، لیاقت چوک، لیاقت آباد6نمبر، گلبرگ شاداب مسجد کے قریب، گلستان جوہراور سولجربازار میں گولی لگنے سے متعدد افراد زخمی ہوئے۔

  • شادی میں ہوائی فائرنگ سے لڑکی کا قتل، دولہا کی ایما پر دوستوں نے شدید فائرنگ کی

    شادی میں ہوائی فائرنگ سے لڑکی کا قتل، دولہا کی ایما پر دوستوں نے شدید فائرنگ کی

    کراچی: نیوکراچی میں ہوائی فائرنگ سے لڑکی کے قتل کا واقعہ پیش آیا تھا، دولہا کی ایما پر اس کے دوستوں نے شدید فائرنگ کی تھی۔

    تفصیلات کے مطابق شادی کی تقریب میں ہوائی فائرنگ سے جاں بحق ہونے والی لڑکی کے قتل کا مقدمہ مقتولہ کے بھائی کی مدعیت میں نیوکراچی تھانے میں درج کرلیا گیا ہے، مقدمے میں دولہا احمد رضا کو بھی نامزد کیا گیا ہے۔

    دولہا کے ساتھ ساتھ ہوائی فائرنگ میں ملوث جنید، عمر، عبدالرحمان، عثمان، فیضان اور ذیشان نامی لڑکووں کو بھی مقدمے میں نامزد کیا گیا ہے۔

    ایف آئی آر کے متن میں واقعے سے متعلق کہا گیا ہے کہ دولہا احمد رضا کی ایما پر اس کے دوستوں نے شدید فائرنگ کی۔

    متن میں بتایا گیا کہ چھت پر موجود لائبہ کو ایک گولی لگی جو جان لیوا ثابت ہوئی، پولیس نے بتایا کہ مقدمے کے بعد پولیس نے 3 افراد کو حراست میں لے لیا ہے۔

    https://urdu.arynews.tv/arial-firing-at-wedding-medical-student-dies/

  • کراچی : چاند رات پر ہوائی فائرنگ کرنے والوں کی شامت آگئی، پکڑ دھکڑ شروع

    کراچی : چاند رات پر ہوائی فائرنگ کرنے والوں کی شامت آگئی، پکڑ دھکڑ شروع

    کراچی کے مختلف علاقوں میں چاند رات پر ہوائی فائرنگ کا سلسلہ شروع ہوگیا، پولیس نے فوری کارروائی کرتے ہوئے 6 ملزمان کو حراست میں لے لیا۔

    کراچی میں ہوائی فائرنگ سے شہریوں کے زخمی ہونے کی اطلاعات پر پولیس فوری حرکت میں آگئی، جس سے چاند رات کی خوشیاں منانے والوں کی شامت آگئی۔

    پولیس نے مختلف علاقوں میں کارروائیاں کرکے ہوائی فائرنگ کرنے والے6افراد کو گرفتار کرلیا، پولیس حکام کے مطابق کیماڑی پولیس نے کارروائی کرکے ہوائی فائرنگ کرنے والے3افراد کو گرفتار کیا۔

    ایس ایس پی کیماڑی نے بتایا کہ گرفتار ہونے والے ملزمان کے قبضے سے فائرنگ میں استعمال ہونے والا اسلحہ برآمد کرلیا گیا ہے۔

    اس کے علاوہ پولیس نے سائٹ اے کے علاقے سے ہوائی فائرنگ کرنے والے 2 ملزمان کو حراست میں لے لیا۔ گرفتار شدگان کیخلاف مقدمات درج کرکے مزید تحقیقات کی جارہی ہیں۔

    واضح رہے کہ کراچی میں نماز مغرب کے بعد جیسے ہی چاند کی رویت کا اعلان ہوا، مختلف علاقوں میں ہوائی فائرنگ کے نتیجے میں 11 افراد کے زخمی ہونے کے واقعات پیش آئے ہیں۔

    کراچی کے علاقے قصبہ کالونی میں نامعلوم سمت سے گولی لگنے سے بچی زخمی ہوگئی، فرنٹیئر کالونی میں بھی نامعلوم سمت سے گولی لگنے سے ایک شخص زخمی ہوا۔

    حیدری کے قریب نامعلوم سمت سے گولی لگنے سے ایک شخص زخمی جب کہ میانوالی کالونی میں نامعلوم سمت سے گولی لگنے سے ایک شخص زخمی ہوا۔

    اس کے علاوہ لانڈھی معین آباد نامعلوم سمت سے گولی لگنے سے ایک شخص زخمی ہوگیا۔ الاصف اسکوائر کے قریب ڈکیتی مزاحمت پر فائرنگ سےایک شخص زخمی ہوا۔

  • ہوائی فائرنگ سے شادی کے گھر میں صف ماتم بچھ گئی

    ہوائی فائرنگ سے شادی کے گھر میں صف ماتم بچھ گئی

    مریدکے : محلہ33 چک میں شادی والے گھر میں صف ماتم بچھ گئی، ہوائی فائرنگ میں گولی لگنے سے نوجوان جاں بحق ہوگیا۔

    تفصیلات کے مطابق مرید کے کے علاقے 33چک میں شادی والے گھر میں ہونے والی مہندی کی تقریب کے دوران ہوائی فائرنگ جاری تھی۔

    اس حوالے سے پولیس کا کہنا ہے کہ مہندی کی تقریب میں دولہا کے دوستوں نے فائرنگ کی، جس کے نتیجے میں گردن پر گولی لگنے سے دولہا کا بھائی موقع پر ہی چل بسا۔

    اطلاع ملتے ہی پولیس نے جائے وقوعہ پر پہنچ کر لاش کو قبضے میں لے لیا اور قانونی کارروائی کیلیے لاش متعلقہ اسپتال پہنچا دی۔

    پولیس کے مطابق مقتول 35سالہ عمیر اپنے سگے بھائی کی شادی میں شرکت کیلئے بیرون ملک سے وطن واپس آیا تھا۔ صدر پولیس نے مزید قانونی کاروائی شروع کردی ہے۔

    واضح رہے کہ گزشتہ دنوں کراچی کے علاقے لیاری موسیٰ لین میں گھر کی چھت پر کھیلنے والی ننھی بچی اندھی گولی لگنے سے جاں بحق ہو گئی۔

    ریسکیو حکام کا کہنا ہے کہ متوفیہ بچی بلڈنگ کی ساتویں منزل پر رہائش پذیر اور چھت پر کھیل رہی تھی کہ نامعلوم سمت سے آنے والی گولی بچی کے سر میں لگی جس سے جاں بحق ہوئی۔

    مزید پڑھیں : چھت پر کھیلتی بچی ہوائی فائرنگ سے جاں بحق، دولہا گرفتار

    پولیس نے بتایا کہ واقعہ شادی میں کی جانے والی ہوائی فائرنگ سے پیش آیا۔ ہوائی فائرنگ میں ملوث دولہا کو گرفتار کر لیا گیا ہے جبکہ دولہا کے دوست بھی فائرنگ میں ملوث ہیں جنہیں گرفتار کرنے کیلیے کارروائی جاری ہے۔

  • کراچی:  ہوائی فائرنگ سے  ڈھائی سالہ بچی کی ہلاکت کا مقدمہ درج

    کراچی: ہوائی فائرنگ سے ڈھائی سالہ بچی کی ہلاکت کا مقدمہ درج

    کراچی : لیاری موسیٰ لین میں ہوائی فائرنگ سے ڈھائی سالہ بچی کی ہلاکت کا مقدمہ درج کرلیا گیا، مقدمے میں گرفتار ملزم آفتاب سمیت سات نامزد اور دیگر ملزمان کو شامل کیا گیا ہے۔

    تفصیلات کے مطابق کراچی کے علاقے لیاری موسیٰ لین میں ہوائی فائرنگ سے بچی کی ہلاکت کے معاملے پر ڈاکس پولیس اسٹیشن میں پہلامقدمہ سرکاری مدعیت میں درج کرلیا گیا۔

    پولیس نے بتایا کہ مقدمے میں گرفتار ملزم آفتاب سمیت سات نامزد اور دیگر ملزمان کو شامل کیا گیا ہے، جو شادی کی تقریب میں ہوائی فائرنگ میں ملوث ہیں۔

    ملزمان میں اظہر باجوہ، کامران ملک، علی اقبال بہاری، ساجد ریاض، واحد ریاض، وحید اور دیگر چار نامعلوم ملزمان شامل ہیں۔

    پولیس نے کہا کہ بچی کے قتل کا مقدمہ بغدادی پولیس اسٹیشن میں الگ درج کیا جائے گا، شادی کی تقریب میں فائرنگ ڈاکس پولیس اسٹیشن کے باہرکی جاتی رہی ۔

    مزید پڑھیں : گھر میں کھیلتی بچی اندھی گولی لگنے سے جاں بحق، دولہا گرفتار

    حکام کا کہنا تھا کہ ہوائی فائرنگ میں ایس ایم جی، نائن ایم ایم اور تیس بور کے ہتھیار استعمال ہوئے ہیں، پولیس گولیوں کے لاتعداد خول برآمد کرچکی ہے۔

    پولیس بتایا کہ دلہا آفتاب احمد پولیس اہلکار ہے اور کراچی پولیس آفس میں تعینات ہے، فائرنگ کے مقام اور بچی کی ہلاکت کا جائے وقوعہ تقریباً ایک کلومیٹر فاصلے رکھتا ہے۔

    حکام کے مطابق بچی اہلخانہ نےتاحال مقدمہ درج کرانےسے متعلق پولیس سے رابطہ نہیں کیا تاہم ڈھائی سالہ بچی حیا فاطمہ کی لاش ضابطہ کارروائی کے بعد ورثا کے حوالے کردی گئی ہے۔

  • ہوائی فائرنگ کے بڑھتے ہوئے واقعات : قانون میں اس کی سزا کیا ہے؟

    ہوائی فائرنگ کے بڑھتے ہوئے واقعات : قانون میں اس کی سزا کیا ہے؟

    کراچی : نئے سال کا موقع ہو، شادی اور جشن آزادی ہو یا عید کا چاند نظر آئے، بد قسمتی سے اس کی خوشی میں ہوائی فائرنگ کرنا ایک ٹرینڈ بن چکا ہے۔

    اس کی وجہ سے ملک بھر میں سالانہ سینکڑوں لوگ اپنی جان سے ہاتھ دھو بیٹھتے ہیں لیکن ایسے قتل کا ملزم ہاتھ آنا کافی حد تک ناممکن ہوتا ہے، اس پر ستم یہ کہ قانون ہونے کے باوجود ہوائی فائرنگ کے سدباب کیلیے مؤثر اقدامات نہیں کیے جاتے۔

    اس حوالے سے اے آر وائی نیوز کے پروگرام باخبر سویرا میں ممتاز قانون دان ایڈووکیٹ عثمان فاروق نے ہوائی فائرنگ کی قانونی حیثیت اور اس کی سزا سے متعلق چند بنیادی باتیں بیان کیں۔

    انہوں نے کہا کہ بدقسمتی سے ہمارے معاشرے میں ہتھیاروں کی نمائش اور اس کا غیر ضروری استعمال عام ہوتا جا رہا ہے۔

    ان کا کہنا تھا کہ شہریوں کو اسلحے کا لائنسنس اس لیے جاری نہیں کیا جاتا کہ وہ ہوائی فائرنگ کرتے پھریں، ان کو گولیاں اور کارتوس بھی گن کر فراہم کیے جاتے ہیں کیونکہ لائسنس یافتہ اسلحے سے بھی ہوائی فائرنگ کرنا ملکی قانون میں قابل سزا جرم ہے لیکن اس پر عمل درآمد نہیں ہوتا۔

    ایک سوال کے جواب میں ایڈووکیٹ عثمان فاروق نے بتایا کہ مجموعہ تعزیرات پاکستان کی دفعہ 337-ایچ سب سیکشن 2 کے تحت یہ ایک قابل سزا جرم ہے اور مجرم پر جرمانہ عائد ہوگا یا قید کی سزا ہوگی یا پھر دونوں نافذ العمل ہوں گی۔

    مزید پڑھیں : شادی میں ہوائی فائرنگ نے ایک اور جان لے لی

    واضح رہے کہ کراچی کے علاقے سپرہائی وے پر شادی کی تقریب میں ہوائی فائرنگ سے 12سالہ بچی جاں بحق ہوگئی، بچی کی شناخت 12 سالہ عزیلہ سبزعلی کے نام سے ہوئی۔

    شادی کی تقریب میں بچی عمارت کی چوتھی منزل پر موجود تھی جہاں اس کے سینے میں گولی لگی جو جان لیوا ثابت ہوئی۔

    پولیس نے دونوں ملزمان کو گرفتار کرکے اسلحہ برآمد کر لیا ہے۔ ملزمان مقتولہ کے رشتے دار جان زاد اور جمال شاہ بتائے جاتے ہیں۔