ARYNews.tv | Urdu – Har Lamha Bakhabar

Tag: ہوائی فائرنگ

  • کراچی : رواں سال کے صرف 26 دنوں میں چار افراد اندھی گولیوں کا نشانہ بن گئے

    کراچی : رواں سال کے صرف 26 دنوں میں چار افراد اندھی گولیوں کا نشانہ بن گئے

    کراچی : شہر قائد میں اندھی گولیاں لگنے کے واقعات میں اضافہ ہو گیا اور صرف 26 دنوں میں چار افراد اندھی گولیوں کا نشانہ بن گئے۔

    تفصیلات کے مطابق کراچی پولیس ہوائی فائرنگ کے واقعات روکنے میں مکمل ناکام نظر آتی ہے ، شہرقائد میں ہوائی فائرنگ سے جاں بحق ہونے کے واقعات بڑھنے لگے ہیں۔

    چھیپا فاؤنڈیشن نے ہوائی فائرنگ سے جانی نقصانات کے اعدادو شمارجاری کردیے ، جس میں بتایا کہ سال 2024 میں ہوائی فائرنگ سے 11 افراد جاں بحق ہوئے اور 345 افراد زخمی ہوئے۔

    چھیپا فاؤنڈیشن کا کہنا تھا کہ رواں سال 26 دنوں میں ہی 4 افراد اندھی گولیوں کا نشانہ بن گئے، جنوری میں اب تک 2 بچوں،ایک بچی سمیت 4 افراد جان سے گئے۔

    اعدادوشمار کے مطابق جنوری میں اب تک مجموعی طورپر24 افراد ہوائی فائرنگ سے زخمی ہوچکے ہیں ، جن میں 17 مرد 4 خواتین 3 بچے زخمی ہوئے۔

  • سال نو پر ہوائی فائرنگ اور آتش بازی کرنے والوں کے گرد گھیرا تنگ

    سال نو پر ہوائی فائرنگ اور آتش بازی کرنے والوں کے گرد گھیرا تنگ

    لاہور : سٹی ڈویژن پولیس نے کریک ڈاؤن کرتے ہوئے مختلف مقامات سے سال نو پر ہوائی فائرنگ اور آتش بازی کرنے والے 16 ملزمان کو گرفتار کرلیا۔

    تفصیلات کے مطابق سال نو پر ہوائی فائرنگ اورآتش بازی کرنے والوں کے گرد گھیرا تنگ کردیا گیا، سٹی ڈویژن پولیس نے کریک ڈاؤن کرتے ہوئے مختلف مقامات سے 16 ملزمان کو گرفتار کرلیا۔

    پولیس نے بتایا کہ شاد باغ پولیس نے کریک ڈاؤن کرکےغیر قانونی اسلحہ رکھنے والے15 ملزمان کو گرفتار کیا اور شراب فروشی کے مرتکب 11ملزمان کو پابند سلاسل کر کے 154لیٹر شراب برآمد کرلی۔

    پولیس کا کہنا تھا کہ کریک ڈاون موچی گیٹ پولیس نے 4 ملزمان سے لاکھوں مالیت کی آتش بازی کا سامان برآمد کیا ، گرفتار ملزمان میں عمران، عدیل، روزی خان اور عظیم سمیت دیگر شامل ہیں۔

    اس کے علاوہ شاہدرہ سے 5، اسلام پورہ سے 2 ،راوی روڈ ،شاہدرہ ٹاؤن اور اکبری گیٹ سے ایک ایک ملزم گرفتار کیا جبکہ گوالمنڈی پولیس نے کاروائی کے دوران 2 ملزمان کو گرفتار کرکے ملزمان کےقبضےسےبھاری مقدار میں اسلحہ اور آتش بازی کا سامان برآمد کرلیا۔

  • کراچی : گلشن معمار تھانے میں نئے سال کا پہلا مقدمہ درج

    کراچی : گلشن معمار تھانے میں نئے سال کا پہلا مقدمہ درج

    کراچی : گلشن معمار تھانے میں سال 2025 کا پہلا مقدمہ درج کرلیا گیا، ایف آئی آرمیں اقدام قتل ،ہوائی فائرنگ کی دفعات شامل کی گئیں ہیں۔

    تفصیلات کے مطابق کراچی میں سال نو کے موقع پر ہوائی فائرنگ کے واقعات پر گلشن معمار تھانے میں سال کا پہلا مقدمہ نمبر 1بٹہ 2025 درج کرلیا گیا ہے۔

    ایس ایس پی ویسٹ طارق الٰہی مستوئی نے بتایا کہ ایف آئی آرمیں اقدام قتل ،ہوائی فائرنگ کی دفعات شامل کی گئیں ہیں۔

    طارق الٰہی مستوئی کا کہنا تھا کہ ملزم عارف شاہ سیکٹر زیڈ ٹو میں ہوائی فائرنگ کر رہا تھا، عارف شاہ کیخلاف اسلحہ ایکٹ کے تحت الگ سے بھی مقدمہ درج کیا گیا ہے۔

    ایس ایس پی ویسٹ نے کہا کہ دوسرا مقدمہ ہوائی فائرنگ پر پابندی ایکٹ کے تحت درج ہوا، گلشن معمار تھانےمیں دوسرا مقدمہ ملزم شہاب کیخلاف درج ہوا،شہاب الدین سیکٹر ایکس سکس میں ہوائی فائرنگ کر رہا تھا۔

    مزید پڑھیں : سال نو کا جشن : کراچی میں ہوائی فائرنگ سے 24 افراد زخمی

    انھوں نے مزید بتایا کہ ملزم کیخلاف ہوائی فائرنگ پرپابندی ایکٹ کے تحت بھی مقدمہ درج کیا گیا ، دونوں ملزمان کوگلشن معمار پولیس نے رنگے ہاتھوں گرفتار کیا ہے۔

    یاد رہے کراچی میں سال نو کے موقع پر مختلف علاقوں میں ہوائی فائرنگ سے پچیس افراد زخمی ہوگئے تھے۔

    ریسکیوحکام کے مطابق زخمیوں میں بیس مرد، دو خواتین اور تین بچے شامل ہیں۔۔

    پولیس کے مطابق شہر کے مختلف علاقوں سے ہوائی فائرنگ میں ملوث پچیس افراد کو گرفتار کرلیا گیا اور ملزمان سے فائرنگ میں استعمال ہونے والا اسلحہ بھی برآمد بھی کیا۔

  • کراچی / لاہور: ہوائی فائرنگ کرنے والوں کی شامت، 40 شہری گرفتار

    کراچی / لاہور: ہوائی فائرنگ کرنے والوں کی شامت، 40 شہری گرفتار

    کراچی اور لاہور میں سال نو پر ہوائی فائرنگ کرنے والوں کو پکڑنے کیلئے پولیس نے کارروائیاں کرتے ہوئے 40 ملزمان کو گرفتار کرلیا، اسلحہ برآمد کرکے مقدمات درج کرلیے۔

    اے آر وائی نیوز کے نمائندوں کی رپورٹ کے مطابق کراچی میں پولیس نے ہوائی فائرنگ کرنے والوں کیخلاف کریک ڈاؤن کیا اور مجموعی طور پر ہوائی فائرنگ کرنے والے25ملزمان کو گرفتار کرلیا۔

    ایس ایس پی ویسٹ کا کہنا ہے کہ پولیس نے اورنگی ٹاؤن سے3،منگھوپیر سے3،سرجانی ٹاؤن سے2ملزمان گرفتار کیا۔

    انہوں نے بتایاکہ گلشن معمار سے2،پاکستان بازار سے1،مومن آباد سے ایک ملزم کو گرفتار کیا گیا، مذکورہ ملزمان کے قبضے سے فائرنگ میں استعمال ہونے والا اسلحہ بھی برآمد کرلیا گیا ہے۔

    اس کے علاوہ ضلع کیماڑی کی پولیس نے کارروائی کرکے ہوائی فائرنگ میں ملوث 6 ملزمان کو گرفتار کرکے ملزمان کےقبضے سے فائرنگ میں استعمال ہونے والا اسلحہ برآمد کرلیا۔

    دوسری جانب لاہور میں سال نو کا جشن مناتے ہوئے ہوائی فائرنگ اور ہلڑبازی کرنے والوں کیخلاف پولیس فوری حرکت میں آئی اور قانون کی خلاف ورزی پر15ملزمان کو گرفتار کرکے اسلحہ برآمد کرلیا۔

    پولیس کے مطابق ملزمان کی گرفتاری تھانہ کینٹ، ہنجروال اور شاہدرہ کے علاقوں میں عمل میں آئی، لاہور کے علاقے کاہنہ اور راوی روڈ میں ہوائی فائرنگ کرنے والاگروہ گرفتار کرلیا گیا۔

    اس کے علاوہ لاہور کے تھانہ شفیق آباد اور اچھرہ میں ہوائی فائرنگ کرنے والا ملزم اور ڈھولن وال قادری چوک سے ہوائی فائرنگ کرنے والےملزمان کو گرفتار کرکے اسلحہ برآمد کرلیا۔

  • ہوائی فائرنگ سے دولہے کی ماں جاں بحق، شادیانے ماتم میں تبدیل

    ہوائی فائرنگ سے دولہے کی ماں جاں بحق، شادیانے ماتم میں تبدیل

    سجاول: ہوائی فائرنگ اور اسلحہ کی نمائش قانوناً جرم ہے پھر بھی مختلف تقاریب اور مقامات پر ان کی خلاف ورزی کی جاتی ہے۔

    شادی بیاہ کی تقریب میں عموماً ہونے والی ہوائی فائرنگ کسی نہ کسی حادثے کا سبب بنتی ہے اس کے باوجود لوگ اس سے باز نہیں آتے ہیں، ایک ایسا ہی افسوسناک واقعہ سجاول کے میرپور بٹھورو میں پیش آیا جہاں بارات کی خوشی میں ہوائی فائرنگ سے دولہے والدہ جاں بحق ہوگئی۔

    پولیس کا کہنا ہے کہ شادی کی تقریب میں فائرنگ سے دولہے کی ماں کو گولی لگی اور وہ زندگی کی بازی ہار گئی، دولہے کی والدہ کی لاش کو اسپتال منتقل کردیا گیا ہے، ورثا کی مدعیت میں مقدمہ درج کرکے کارروائی کی جائےگی۔

    کراچی: شادی میں ہوائی فائرنگ پر پولیس نے دولہے کو گرفتار کرلیا

    واضح رہے کہ حالیہ دنوں میں تقریبات کے موقعے پر کی جانے والی فائرنگ کے باعث معصوم جانیں ضائع ہونے کے کئی واقعات سامنے آئے ہیں، اس سے قبل ٹنڈو جام میں شادی کی تقریب میں ہوائی فائرنگ سے مقامی فنکارہ جاں بحق ہوگئی تھیں۔

    رپورٹ کے مطابق عمومی طور پر بندوقوں کا رخ ہوا میں کر کے فائرنگ اس غلط فہمی کی بنا پر کی جاتی ہے کہ اس صورت میں کسی کے زخمی ہونے کا احتمال نہیں رہتا، تحقیق کے مطابق درحقیقت ہوا سے واپس آ کر گرنے والی گولیاں براہ راست فائرنگ سے زیادہ جان لیوا ثابت ہو سکتی ہیں اس لیے ہمشہ احتیاط کریں۔

  • کراچی میں جشن آزادی کے موقع پر ہوائی فائرنگ سے 70 افراد زخمی

    کراچی میں جشن آزادی کے موقع پر ہوائی فائرنگ سے 70 افراد زخمی

    کراچی: پاکستان کے 78 ویں یوم آزادی کے موقع پر رات 12 بجتے ہی مختلف علاقوں میں ہوائی فائرنگ کے نتیجے میں خواتین اور بچوں سمیت 70 افراد زخمی ہوگئے۔

    اے آر وائی نیوز کے مطابق ریسکیو حکام کا کہنا ہے کہ جشن آزادی کے موقع پر ہوائی فائرنگ میں ملوث پولیس افسر سمیت 13 ملزمان کو حراست میں لے لیا گیا۔

    پولیس حکام کا کہنا ہے کہ کارروائیاں ضلع کیماڑی، سٹی اور ایسٹ پولیس کی جانب سے کی گئیں، ملزمان میں سی ٹی ڈی افسر اے ایس آئی دانیال، محمد واجد، عبد اللہ، انس، بلال رضا، عبدالرحمان، حارث، شاہ زیب، محمد رفیق، محمد عادل، شعبان اور حارث اقبال شامل ہیں۔

    ملزمان کے قبضے سے اسلحہ اور دیگر سامان برآمد کرکے مقدمات درج کئے جارہے ہیں۔

    یاد رہے کہ ملک بھر میں آج 78 واں یوم آزادی ملی جوش و جذبے کے ساتھ منایا جا رہا ہے۔

    جشن آزادی کے موقع پر عوام نے رنگ برنگی لائٹس، ہری بھری جھنڈیاں اور جھنڈے لگا کر پورا ملک کو دلہن کی طرح سجادیا ہے۔

    پاکستان کے 77 ویں یوم آزادی کا پرتپاک استقبال، قومی پرچموں کی بہار

    شہر قائد کی اگر بات کی جائے تو اہم شاہراہوں کے اردگرد قائم عمارتوں کی سجاوٹ نے شہر کے رنگ ڈھنگ ہی بدل دیے جبکہ اسلام آباد میں بھی رنگوں کی قوس و قزح چھائی ہوئی ہے۔

  • مہندی کی تقریب میں ہوائی فائرنگ، 16 سالہ لڑکی جاں بحق

    مہندی کی تقریب میں ہوائی فائرنگ، 16 سالہ لڑکی جاں بحق

    لاہور: مناواں میں مہندی کی تقریب میں ہوائی فائرنگ سے 16 سالہ لڑکی جاں بحق ہوگئی۔

    تفصیلات کے مطابق غیر قانونی ہوائی فائرنگ کے واقعے میں ایک اور معصوم زندگی کا چراغ گل ہوگیا، لاہور کے علاقے مناواں میں 16 سال کی لڑکی ہوائی فائرنگ کی زد میں آکر جاں بحق ہوگئی۔

    پولیس کے مطابق دلہا کے دوستوں نے مہندی کی تقریب میں ہوائی فائرنگ کی  تھی، دلہا اور فائرنگ کرنے والے ملزمان موقع سے فرار ہوگئے۔

    پولیس کا کہنا ہے کہ واقعے کا مقدمہ والد کی مدعیت میں نامعلوم افراد کے خلاف درج کرلیا گیا ہے، جس کے بعد دلہا کے والد اور والدہ کو حراست میں لے کر تفتیش جاری ہے۔

    دوسری جانب کراچی میں رواں ہفتہ کے دوران ہوائی فائرنگ کے واقعے میں ہلاکتوں کی تعداد 4 ہوئی گئی ہے۔پولیس ہوائی فائرنگ کے روک تھام میں اقدامات کرتے دیکھائی نہیں دے رہی۔

  • کراچی: شادی میں ہوائی فائرنگ کرنیوالا ملزم گرفتار

    کراچی: شادی میں ہوائی فائرنگ کرنیوالا ملزم گرفتار

    کراچی: اتحاد ٹاؤن پولیس نے کارروائی کرتے ہوئے شادی میں ہوائی فائرنگ کرنیوالے ملزم کو  گرفتار کرلیا۔

    تفصیلات کے مطابق 29 جون کو عابدآباد بلاک سی میں شادی کی تقریب میں ہوائی فائرنگ کرنیوالے ملزم کو پولیس نے گرفتار کرلیا، گرفتار ملزم کی شناخت شمشیر علی کے نام سے ہوئی ہے۔

    ایس ایس پی کیماڑی فیضان علی نے کہا کہ گرفتار ملزم شمشیر علی سے اسلحہ بھی برآمد کرلیا گیا ہے، شادی کی تقریب میں ہوائی فائرنگ کی ویڈیو بھی وائرل ہوئی تھی، ملزم کی ہوائی سے ایک بچہ جاں بحق اور ایک شخص زخمی ہوا تھا۔

    ایس ایس پی کیماڑی فیضان علی نے بتایا کہ ملزم کے خلاف مقدمہ کرلیا گیا جبکہ مزید تفتیش جاری ہے۔

  • ویڈیوز: سائٹ ایریا میٹروول میں شادی کی تقریب میں ہوائی فائرنگ سے علاقہ گونج اٹھا

    ویڈیوز: سائٹ ایریا میٹروول میں شادی کی تقریب میں ہوائی فائرنگ سے علاقہ گونج اٹھا

    کراچی: شہر قائد کے علاقے سائٹ ایریا، میٹروول میں شادی کی ایک تقریب میں شدید ہوائی فائرنگ سے علاقہ گونج اٹھا۔

    تفصیلات کے مطابق شادیوں میں فائرنگ ممنوع ہونے کے باوجود شہر کے مختلف علاقوں میں فائرنگ کے واقعات سامنے آتے رہتے ہیں، میٹروول اور اس سے متصل فرنٹیئر کالونی میں تقریباً پر شادی میں شدید ہوائی فائرنگ معمول ہے، تاہم پولیس کی جانب سے اس کی روک تھام کے لیے کوئی کارروائی نہیں کی جاتی۔

    حال ہی میں میٹروول کے علاقے میں ایک شادی کی تقریب کے دوران لڑکوں نے زبردست ہوائی فائرنگ کی، جس کی ویڈیوز بھی سامنے آ گئی ہیں۔

    ویڈیوز میں دیکھا جا سکتا ہے کہ متعدد افراد چھوٹے بڑے ہتھیاروں سے دن میں فائرنگ کر رہے ہیں، فائرنگ کے دوران اطراف کے چند گھروں کی دیواروں پر بھی گولیاں لگیں، سیمنٹ کی چھتوں میں بھی گولیاں لگنے سے سوراخ ہوئے۔ دن دہاڑے شدید ہوائی فائرنگ کے باعث علاقے میں خوف و ہراس پھیل گیا تھا۔

    ویڈیوز سامنے آنے کے بعد بھی تاحال پولیس نے کسی کو گرفتار نہیں کیا، بلکہ پولیس کا کہنا ہے کہ نوجوانوں کی ہوائی فائرنگ کی ویڈیو سوشل میڈیا پر دیکھی ہے، جس کی تحقیقات کی جا رہی ہے، تصدیق ہو جانے پر مقدمہ درج کریں گے۔

  • کراچی پولیس ہوائی فائرنگ کے واقعات روکنے میں مکمل ناکام، اندھی گولیاں زندگیاں چاٹنے لگیں

    کراچی پولیس ہوائی فائرنگ کے واقعات روکنے میں مکمل ناکام، اندھی گولیاں زندگیاں چاٹنے لگیں

    کراچی: شہر قائد میں اندھی گولیاں لگنے کے واقعات میں اضافہ ہو گیا ہے تاہم کراچی پولیس ہوائی فائرنگ کے واقعات روکنے میں مکمل ناکام ہو گئی ہے۔

    تفصیلات کے مطابق کراچی میں اندھی گولیاں گھر کے باہر اور اندر معصوم بچوں سمیت بڑوں کی بھی جان لینے لگی ہیں، حالیہ واقعے میں تین ہٹی مارٹن کوارٹر میں گھر میں بیٹھی 75 سالہ محمد خاتون گولی لگنے سے زخمی ہو گئیں۔

    گزشتہ 4 روز کے اندر اندھی گولیاں لگنے سے ایک بچی اور طالب علم سمیت 3 افراد جاں بحق اور متعدد زخمی ہو چکے ہیں، رواں سال اب تک اندھی گولیاں لگنے سے سیکڑوں شہری زخمی ہوئے، لیکن ان واقعات کے خلاف کوئی ایکشن لینے والا نہیں ہے۔

    گزشتہ روز چند گھنٹوں میں نامعلوم سمت سے گولی لگنے سے ایک شخص جاں بحق اور 3 افراد زخمی ہوئے، بلدیہ رشید آباد میں اندھی گولی لگنے سے 3 سالہ بچی ابھا نور زخمی ہوئی، جب کہ چند روز قبل لانڈھی فیوچر کالونی میں اندھی گولی لگنے سے ڈھائی سالہ بچی آسیہ جاں بحق ہوئی جو گھر کی چھت پر سو رہی تھی۔

    کورنگی میں چھت پر سویا ہوا نویں جماعت کا 14 سالہ طالب علم علی رضا جاں بحق ہوا، لوڈ شیڈنگ کے باعث علی رضا چھت پر سویا ہوا تھا، علی رضا کو نامعلوم سمت سے آنے والی گولی لگی تھی۔