ARYNews.tv | Urdu – Har Lamha Bakhabar

Tag: ہوشربا انکشاف

  • کپل شرما اپنے شو کی ایک قسط کا کتنا معاوضہ لیتے ہیں؟ ہوشربا انکشاف

    کپل شرما اپنے شو کی ایک قسط کا کتنا معاوضہ لیتے ہیں؟ ہوشربا انکشاف

    دنیا بھر میں مشہور کامیڈین و اداکار کپل شرما کے معاوضے سے متعلق ہوشربا انکشاف ہوا ہے۔

    دی گریٹ انڈین کپل شو نیٹ فلیکس پر ایک مقبول ترین شو بن گیا ہے، شو میں باصلاحیت فنکاروں کی طرف سے دکھائے جانے والے مزاحیہ انداز اور ان کی دلچسپ کہانی نے سامعین کو مسحور کیا ہے۔

    تاہم اب شو کی کاسٹ کے معاوضے سے متعلق حالیہ انکشافات سامنے آئے ہیں جس نے کافی ہلچل مچا دی ہے، بھارتی میڈیا رپورٹس کے مطابق کپل شرما نے صرف 5 اقساط کے لیے 26 کروڑ روپے لیے ہیں، اس کے مطابق کپل ہر قسط کے 5 کروڑ روپے وصول کرتے ہیں۔

    رپورٹ کے مطابق شو کے ایک اور نامور کامیڈین سنیل گروور مبینہ طور پر فی ایپیسوڈ 25 لاکھ روپے کماتے ہیں، جب کہ ارچنا پورن سنگھ تقریباً ہر قسط کے 10 لاکھ روپے وصول کرتی ہیں۔

    اس کے علاوہ شو کے دیگر کاسٹ کرشنا ابھیشیک، کیکو شاردا، اور راجیو ٹھاکر سمیت دیگر کامیڈین بھی مختلف معاوضے وصول کرتے ہیں، جس کی رقم 10 لاکھ روپے سے لے کر 6 لاکھ روپے فی قسط تک ہے۔

    قابل ذکر بات یہ ہے کہ کپل شرما کے ساتھ چھ سال کے طویل اختلافات کے بعد شو میں واپسی کے بعد سنیل گروور کی فیس مبینہ طور پر دوگنی ہوگئی ہے۔

    واضح رہے کہنیٹ فلکس پر کپل کے شو میں اب تک رنبیر کپور اپنی والدہ و بہن کیساتھ، دلجیت دوسانجھ اداکارہ پرینیتی چوپڑا کیساتھ، روہت شرما ساتھی کھلاڑی شریاس کیساتھ، وکی کوشل و انکے بھائی اور اداکار عامر خان خصوصی شرکت کر چکے ہیں۔

  • کراچی کے سب سے بڑے منشیات ڈیلر کا منشیات فروخت سے متعلق ہوشربا انکشاف

    کراچی کے سب سے بڑے منشیات ڈیلر کا منشیات فروخت سے متعلق ہوشربا انکشاف

    کراچی: شہر قائد کے سب سے بڑے منشیات ڈیلر ریاست عرف جدگال نے منشیات فروخت سے متعلق ہوشربا انکشاف کیے ہیں۔

    تفصیلات کے مطابق کراچی کے منشیات ڈیلر ریاست عرف جدگال نے انٹیروگیشن رپورٹ میں ہوشربا انکشاف کیا ہے، ڈیلر نے بتایا کہ اڈے پر روزانہ  50 سے 60 لاکھ روپے کی منشیات فروخت ہوتی ہے۔

    منشیات ڈیلر نے بتایا کہ میرا بھائی عابد بڑے پیمانے پر منشیات کا کاروبار کرتا ہے، میرے بھائی نے منشیات کے کام میں آنے کی آفر کی تو میں نے حامی بھر لی، میں پاک کالونی اڈے پر چرس اور آئس فروخت کرتا تھا۔

    ریاست نے کہا کہ ہمارے اڈے پر چرس، آئس، کرسٹل اور دیگر منشیات فروخت ہوتی ہیں، تمام منشیات میرا بھائی ایران اور دیگر ممالک سے اسمگل کر کے لاتا ہے، گولیمار میں بھی منشیات فروش ڈیلرز کو ہم سپلائی کرتے ہیں۔

    انٹیروگیشن رپورٹ کے مطابق منشیات ڈیلر نے بتایا کہ پرانا گولیمار میں منشیات کے اڈے بڑھانے، تحفظ کیلئے اسلحہ خریدنا چاہتا تھا، ہمیں مخالفین کے منشیات اڈوں کو ختم کرنے کیلئے بھی اسلحے کی ضرورت تھی۔

    کراچی کے منشیات ڈیلر نے کہا کہ اسلحے کی خریداری کی ذمہ داری اپنے کارندے رضا کو سونپی تھی، رضا کے پی میں موجود وہاب پٹھان سے اسلحے کی ڈیلنگ کر رہا ہے جبکہ میرے اڈے سے منشیات فروشی کے کام لیاقت انجام دے رہا ہے۔

  • ’13 سال کی عمر میں خودکشی۔۔۔‘، جونی لیور کا اپنے متعلق ہوشربا انکشاف

    ’13 سال کی عمر میں خودکشی۔۔۔‘، جونی لیور کا اپنے متعلق ہوشربا انکشاف

    نئی دہلی: بالی ووڈ انڈسٹری میں اپنے ابتدائی دنوں سے ایک طویل سفر طے کرکے نام بنانے والے مشہور کامیڈی اداکار جونی لیور نے اپنے بچپن سے متعلق ہوشربا انکشاف کیا ہے۔

    بالی ووڈ کے کامیڈی اداکار جونی لیور نے ایک انٹرویو میں مالی مسائل کے ساتھ بچپن میں انتہائی مشکل کا سامنا کرنے کے بارے میں بات کی۔

    اداکار جونی لیور نے انڈسٹری میں اپنے ابتدائی دنوں سے ایک طویل سفر طے کیا ہے، اداکار کا کامیڈی کی دنیا میں ایک نمایاں نام ہے اور وہ اب تک کے سب سے مشہور کامیڈی اداکاروں میں سے ایک ہے۔

    تاہم اداکار جونی کے لیے چیزیں ہمیشہ اتنی ہموار اور لگژری نہیں تھیں جیسا کہ اب ہیں، جونی کو اس مقام تک پہنچنے کے لیے بہت جدوجہد کرنا پڑی ہے اسی دوران ان کی زندگی میں ایک ایسا وقت آیا جب انہیں جینے کی خواہش بھی نہیں تھی۔

    اداکار جونی لیور نے انٹر ویو میں بتایا کہ میں بھارت کی کچی آبادی دھاراوی میں پیدا ہوا اور وہی زندگی گزاری، جب میں 13 سال کا تھا تو اپنی زندگی کا خاتمہ کرنے کے لیے ریلوے ٹریک پر گیا تھا۔

    انہوں نے کہا کہ اُس وقت میرے لیے کچھ بھی معنی نہیں رکھتا تھا اور میں بس خودکشی کرنے کے لیے ریلوے کی پٹریوں پر پہنچ گیا، جونی لیور نے انکشاف کیا کہ جب میں پٹری پر لیٹ گیا تو میرے سامنے بہنوں کا چہرہ آگیا اور میں فوراً اٹھ گیا، اس کے بعد میں نے زندگی کا احترام کرنا شروع کیا۔

    جونی لیور نے پوڈ کاسٹ میں کہا کہ میں نے اپنی آنکھوں کے سامنے قتل ہوتے دیکھا اگر میں اداکار نہ ہوتا تو جرائم کی دنیا میں آ جاتا، میں انڈسٹری کا ہمیشہ شکر گزار ہوں اس انڈسٹری نے مجھے کام دیا ورنہ میں گینگسٹر بن کر رہ جاتا۔

  • ’’آپ مانیں یا نہ مانیں قومی کرکٹ ٹیم ون یونٹ نہیں ہے!‘‘ہوشربا انکشاف

    ’’آپ مانیں یا نہ مانیں قومی کرکٹ ٹیم ون یونٹ نہیں ہے!‘‘ہوشربا انکشاف

    عالمی کپ میں پاکستان کرکٹ ٹیم کی اب تک جس طرح کی پرفارمنس رہی ہے اس پر بہت سارے سوالات اٹھ رہے ہیں، اب ٹیم میں اختلافات کی خبریں بھی سامنے آنے لگی ہیں۔

    اے آر وائی نیوز کے اسپورٹس پروگرام میں قومی کرکٹ ٹیم کی کارکردگی پر اظہار خیال کرتے ہوئے شعیب جٹ کا کہنا تھا کہ آپ مانیں نہ مانیں آپ ون یونٹ نہیں ہیں جب آپ ون یونٹ نہیں ہونگے تو پھر آپ کیسے پرفارم کریں گے۔

    انھوں نے کہا کہ کل کپتان نے جو بات کی ہے اگر اسے سمجھیں تو بڑی خوفناک بات کی ہے، وہ کپتان ہے پریس کانفرنس میں تو آکر نہیں بتائے گا کہ کیا بات چل رہی ہے۔ اب ڈھکے چھپے الفاظ میں بات باہر آنا شرو ہورہی ہے۔

    شعیب نے کہا کہ سچ بڑا کڑوا ہے، ہمارے تمام لیجنڈز ٹیم کی حوصلہ افزائی کررہے ہیں بڑی اچھی بات ہے لیکن پاکستان ٹیم کے ساتھ ماہر نفسیات بھی ہے جو انھیں جوش دلاتا ہے مگر کچھ اچھا نہیں ہورہا ایسا اس لیے نہیں ہورہا کہ آپ ون یونٹ نہیں ہیں۔

    ہم مثال دیتے ہیں کہ نیدرلینڈز بڑا اچھا کھیل رہی تھی اس نے جنوبی افریقہ کو شکست دی تھی، مگر افغانستان کی بھی مثال لے لیں وہ ون یونٹ ہے۔

    پروگرام میں مزید ان کا کہنا تھا کہ ہوسکتا ہے کہ میں غلط بیانی کررہا ہوں مگر جو چیزیں باہر آرہی ہیں وہ آپ دیکھ لیں، کپتان کیا کہہ رہے ہیں اگر ایک کھلاڑی جو پروفیشنل ہے اس کا فوکس آنے والی گیند پر نہیں ہے کہیں اور ہے تو وہ کہیں اور کیا ہے۔

    سب کے دماغ منتشر ہیں، اگر اتحاد نہیں ہو گا تو آپ کیسے جیتیں گے۔ آنے والے چار میچز میری بھی خواہش ہے کہ جیتیں لیکن مجھے لگتا ہے کہ آپ اس میں سے ایک میچ بھی جیت جائیں تو بہت بڑی بات ہوگی۔

    شعیب جٹ نے کہا کہ کڑوا سچ اس لیے بول رہا ہوں کہ جیتنے کے لیے متحد ہونا بہت ضروری ہے، بابر اعظم کے میچ کے بعد دیے جانے والے بیان سے مجھے تو سب ٹھیک نہیں لگ رہا۔

  • گھوٹکی اور کشمور میں ڈاکوؤں کے کتنے گروپ سرگرم ہیں؟ ہوشربا انکشاف

    گھوٹکی اور کشمور میں ڈاکوؤں کے کتنے گروپ سرگرم ہیں؟ ہوشربا انکشاف

    گھوٹکی اور کشمور میں ڈاکوؤں کے سرگرم گروپ کے حوالے سے اہم انکشاف ہوا ہے۔

    اے آر وائی نیوز کے مطابق ڈاکوؤں کے گھوٹکی میں 6 اور کشمور میں 11گروپ سرگرم ہیں، جس میں سب سے زیادہ متاثر ضلع کشمور ہے جہاں کئی پولیس اہلکار شہید ہو چکے ہیں۔

    رپورٹ کے مطابق گھوٹکی، سکھر میں پولیس چوکیاں بننے سے اغوا کے کیسز تھم گئے، لیکن کشمور میں کئی افراد اغوا ہیں، راہب شر، جانو اندھر، سومارشر، رانو شر، چاندی شر اور پرویز جاگیرانی گینگ ایکٹو ہیں۔

    کچے کے ڈاکو بی 10 اینٹی ٹینک گن، آر پی جی 7 اور 12.7 اینٹی ایئر کرافٹ گن استعمال کرتے ہیں، ڈاکوؤں کے لیے سندھ پولیس بھی اسی طرح کے ہتھیاروں کا استعمال کررہی ہے۔

    گھوٹکی سے پنجاب تک7 چیک پوسٹیں تیار، مجموعی طور پر 140 پوسٹیں بنانی ہیں

    74 چیک  پوسٹوں  پر 500 سے زائد اہلکار تعینات کردئیے گئے، ڈاکوؤں سے لڑنے والے اہلکاروں کے لیے کچا الاؤنس کی سمری بھیجی گئی ہے، ممکنہ طور پر بجٹ میں 5 ہزار روپے ماہانہ الاؤنس دیاجائےگا۔

    رپورٹ کے مطابق سندھ پولیس کی 3 چیک پوسٹ پنجاب کی حدود میں ہیں، 8 ماہ کے دوران  5 ہزار 400 ایکڑ کا علاقہ کلیئر کرایا ہے، اس کے علاوہ اب تک 65 مغویوں کو بازیاب کرتے ہوئے 37 ڈاکوؤں کو جہنم واصل کیاگیا،  11 ڈاکو زخمی، 85 سہولت کار اور 100 جرائم  پیشہ عناصر کو گرفتار کیا جاچکا ہے۔