Tag: ہوم سیریز کے شیڈول کا اعلان

لاہور: پاکستان کرکٹ بورڈ نے پی ایس ایل آئندہ سال فروری میں قطر کی بجائے دبئی اور شرجہ میں کرنے کا اعلان کردیا۔

 کروڑوں روپے مالیت کی پاکستان سپر لیگ کرانے کے لئے زور شور سے تیاریاں کی جارہی ہیں لیکن وینیو کے انتخاب میں مشکلات سے دوچارہیں، پی ایس ایل کے چئیرمین نجم سیٹھی نے پہلے اعلان کیا کہ لیگ قطر میں ہوگی۔

 پی سی بی نے اب بیان جاری کیا کہ لیگ متحدہ عرب امارات میں کھیلی جائے گی،اس فیصلے کے بعد قطر کی شاہی فیملی پی سی بی سے کافی ناراض ہے۔

 قطر کرکٹ ایسوسی ایشن کے صدر گل خان نے کہا کہ فیصلے سے قطر کے پاکستانیوں کو گہرا صدمہ ہوگا،لیگ کے لئے سپر اسٹارز کھلاڑیوں کے علاوہ بین الاقوامی کوچز بھی دلچسپی ظاہر کر رہے ہیں۔

آسٹریلیا کے ڈرین بیری، جنوبی افریقہ کے میکی ارتھر اور ایرک سمنز نے بھی پی ایس یل میں شرکت کے لئے انتظامیہ سے رابطہ کیا ہے۔

لاہور : پاکستان کرکٹ بورڈ نے پاکستان اور انگلینڈ کے درمیان ہونے والی ہوم سیریز کے شیڈول کا اعلان کر دیا ہے۔ سیریز متحدہ عرب امارات میں کھیلی جائے گی۔

پی سی بی کے اعلان کردہ شیڈول کے مطابق پاکستان اور انگلینڈ کے درمیان تین ٹیسٹ، چار ون ڈے اور تین ٹی ٹوینٹی میچز کی سیریز کھیلی جائے گی۔ سیریز سے قبل پاکستان اے اور انگلینڈ کے درمیان دو دو روزہ میچز ہوں گے۔

پہلا ٹیسٹ میچ تیرہ اکتوبر سے ابوظہبی میں، دوسرا ٹیسٹ بائیس اکتوبر سے دبئی میں اور تیسرا ٹیسٹ میچ یکم نومبر سے شارجہ میں ہوگا۔

پہلے دو ون ڈے میچ گیارہ اور تیرہ نومبر کو ابوظہبی میں، تیسرا میچ سترہ نومبر کو شارجہ میں اور چوتھا ون ڈے میچ بیس نومبر کو دبئی میں ہو گا۔ پہلے دو ٹی ٹوینٹی میچز چھبیس اور ستائیس نومبر کو دبئی میں اور تیسرا ٹی ٹوینٹی میچ تیس نومبر کو شارجہ میں کھیلا جائے گا۔