کوئٹہ : بلوچستان کی ینگ ڈاکٹرز ایسوسی ایشن نے حکومتی کمیٹی سے مذاکرات کامیاب ہونے کے بعد ہڑتال ختم کرنے اور سروسز بحال کرنے کا اعلان کردیا۔
تفصیلات کے مطابق کوئٹہ میں حکومتی کمیٹی اورینگ ڈاکٹرز ایسوسی ایشن کےمذاکرات کامیاب ہوگئے ، جس کے بعد ینگ ڈاکٹرزایسوسی ایشن نے سروسز بحال کرنےکااعلان کردیا۔
زمرک اچکزئی نے کہا کہ ڈاکٹرزنےکوروناکیخلاف فرنٹ لائن کاکرداراداکیاہے، جمہوری حکومت ہےسب کوحق کیلئے آواز اٹھانے کا حق ہے، ڈاکٹرز پر تشددافسوسناک ہےجس کاوزیراعلیٰ نےنوٹس لیا، یقین دہانی کرائی ہے تشدد کرنیوالوں کیخلاف کارروائی ہوگی۔
ان کا کہنا تھا کہ ،ڈاکٹرزکےمطالبات جائزہیں کیونکہ ڈاکٹرزفرنٹ لائن پرہیں، فراہم کیےگئےطبی سامان کی انکوائری کی جائےگی، کنٹریکٹ پرتعینات ڈاکٹرزکوہرسہولت فراہم کریں گے۔
صدرینگ ڈاکٹرزایسوسی ایشن ڈاکٹر یاسر نے کہا کہ جس طرح تشددکیایہ انسانیت کی تذلیل ہے، جمہوری حکومت میں ایسےاقدامات کاہونالمحہ فکریہ ہے۔
ڈاکٹریاسرخان کا کہنا تھا کہ حکومت کی جانب سےمکمل پی پی ایزابھی تک نہیں ملیں، یقین دہانی کرائی گئی ہے کہ مسائل حل ہوں گے ، عوام کی مشکلات کودیکھتےہوئےحکومتی کمیٹی پراعتمادکیاہے۔
گذشتہ روز بلوچستان ینگ ڈاکٹرایسوسی ایشن کے صدرڈاکٹریاسر خان نے کہا تھا کہ بلوچستان میں ڈاکٹروں کو حفاظتی سامان نہیں دیا جارہا کوئٹہ میں کورونا کے چالیس مثبت کیس ہیں، جس میں اٹھارہ ڈاکٹراور دو پیرامیڈیکس ہیں یہ اٹلی سے بھی بری صورتحال ہے۔
ترجمان بلوچستان حکومت لیاقت شہوانی نے کہاتھا چین کوبڑی تعدادمیں سامان کا آرڈردیا ہواہے ، جیسے ہی سامان پہنچے گا ڈاکٹروں کو فراہم کریں گے
