Tag: ہڑتال

کراچی: شہر قائد میں ایک بار پھر آٹے کے بحران کا خدشہ پیدا ہوگیا ہے۔

فلورملزایسوسی ایشن کی جانب سے جاری بیان میں بتایا گیا ہے کہ کراچی میں گندم لانے پر پابندی کے حکومتی فیصلے سے متعدد فلور ملز بند ہوگئیں ہیں جس کے باعث کراچی میں آٹے کی سپلائی مکمل بند ہونےکا بدترین خدشہ پیدا ہوگیا ہے۔

اطلاعات کے مطابق کراچی میں 92 فلور ملز کو غیر معینہ مدت کے لئے بند کردیا گیا ہے۔

فلورملزایسوسی ایشن کے مطابق آج سے غیر معینہ مدت کیلئے ملز بند کی ہیں، اب کراچی میں آٹے کے بحران کے ذمہ دار فلور ملرز نہیں ہوں گے۔

ادھر فلور ملز کہ ہڑتال کے باعث آٹے کی فی کلو قیمت میں 20 روپے کا اضافہ ہوگیا ہے جبکہ کئی علاقوں میں آٹا نہ ملنے کی شکایت بھی موصول ہونے لگی ہیں۔

یاد رہے کہ دو روز قبل چیئرمین فلور ملز ایسوسی ایشن چوہدری عامر نے ایک بیان میں بتایا تھا کہ محکمہ خوارک نے فلور ملز کی اندرون سندھ سے خریدی گئی گندم کو ضبط کرلیاہے جس کئے باعث کراچی شہر میں آٹے کے بحران کا خدشہ پیدا ہو گیا ہے۔

انہوں نے کہا کہ 12 ٹرکوں پر لدی 500 ٹن سے زائد گندم ضبط کی گئی ہے یہ کراچی کی 70 سے زائد فلور ملز کو اندرون سندھ سے گندم فراہم کرنی تھی۔

ہمارے یہاں ہڑتال کا لفظ انگریزی زبان کے اسٹرائک کا مفہوم ادا کرنے کے لیے مستعمل ہے۔

ملک بھر میں سیاسی جماعتوں اور ایک زمانے میں مزدو یونینوں کی حکومت اور مختلف اداروں کے خلاف ہڑتالیں ہم دیکھتے اور اس کا حصّہ بھی رہے ہیں۔

کراچی کے وہ شہری جو اب زندگی کی چار دہائیاں یا اس سے زائد دیکھ چکے ہیں وہ تو اس سے خوب ہی واقف ہیں۔ پاکستان جیسے ترقی پذیر ملکوں میں کسی بھی قسم کی ہڑتال کو کام یاب بنانے کے لیے ہلڑ بازی بھی ضروری سمجھی جاتی رہی ہے، مگر ہم کسی شٹر بند یا قلم چھوڑ ہڑتال کی بات نہیں کررہے بلکہ یہ ایک معدنی جنس ہے جسے زربیخ بھی کہتے ہیں۔ طبی اور کیمیائی اعتبار سے اسے مختلف ناموں سے شناخت کیا جاتا ہے اور اس کی اقسام کے لحاظ سے ادویہ تیار کی جاتی ہیں.

ماہرین کے مطابق اس کی پانچ اقسام ہیں جو مختلف امراض سے نجات کے لیے استعمال کی جاتی ہے۔ طبیب اس کی مخصوص مقدار سے دوا تیار کرتے ہیں۔

یہ زرد، سرخ، سفیدی مائل، سبز اور خاکی ہوتی ہے۔ ہڑتال یا زربیخ پیاس لگاتی ہے۔ اس کی مدد سے گوشت اور مسے کو کاٹا جاسکتا ہے۔ ماہرین کے مطابق یہ خارش سے جلد پر پڑ جانے والے نشانات کے علاوہ داغوں کو دور کرنے میں استعمال ہوتی ہے۔ اگر سَر میں جوئیں پڑ جائیں تو اس کا مخصوص طریقے سے استعمال ان سے نجات دلا سکتا ہے۔

ہڑتال گنج پن کو دور کرتی ہے۔ اسے عام طریقے سے کھانے سے گریز کرنا چاہیے کہ آنتوں میں خراش پیدا کرتی ہے۔ بعض ماہرین نے لکھا ہے کہ یہ زہریلی ہوتی ہے اور اس کی مدد سے ہر قسم کا کیڑا مر جاتا ہے۔ مختلف حشرات کو بھگانے کے لیے اس کی دھونی بھی دی جاتی ہے۔