Tag: ہیرامنڈی

سنجے لیلا بھنسالی کی ویب سیریز ’ ہیرامنڈی میں تنقید کا نشانہ بننے والی اداکارہ شرمین سیگل عرف عالم زیب کے حق میں بالآخر تاجدار بھی بول پڑے۔

ہیرا منڈی کے تاجدار اداکار طحٰہ شاہ نے ساتھی اداکارہ شرمین سیگل کے حق میں بیان دیتے ہوئے کہا کہ مداحوں سے کہوں گا کہ شرمین کو ٹرول نہیں کریں ہوسکتا ہے کہ وہ اپنی اگلی فلم میں  اچھی ایکٹنگ کرکے سب کو غلط ثابت کردیں۔

اداکار طحٰہ شاہ نے بھارتی میڈیا کو انٹرویو میں کہا کہ بھنسالی اپنی فلموں میں ایسے کسی کو بنا ٹیلنٹ کے کاسٹ نہیں کرتے، اگر انہوں نے شرمین کو عالم زیب کے کردار کیلئے سلیکٹ کیاہے تو انہوں نے شرمین میں کچھ اسپارک دیکھا ہوگا۔

 

View this post on Instagram

 

A post shared by Galatta Media (@galattadotcom)

اداکار نے کہا کہ میں سنجے بھنسالی کے فیصلے پر یقین رکھتا ہوں اور مجھے  لگتا ہے کہ اگرچہ ہیرا منڈی میں شرمین کوئی جادو نہ چلا سکیں لیکن اپنے آنے والے پروجیکٹس میں ایسا ضرور کریں گی۔

یاد رہے اداکارہ شرمین سیگل کو سیریز ہیرا منڈی میں اپنی پرفارمنس پر اس حد تک تنقید کا سامنا کرنا پڑا تھا کہ وہ اپنے انسٹاگرام اکاؤنٹ کا کمنٹ سیکشن بند کرنے پر مجبور ہوگئی تھیں۔

واضح رہے کہ شرمین سیگل ہدایت کار سنجے لیلا بھنسالی کی بھانجی ہیں جن پر نیپوٹزم کے الزام بھی عائد ہونے لگے تھے لیکن پھر اداکارہ نے یہ بیان دیا کہ انہوں نے اس سیریز میں کاسٹ ہونے کے لیے تقریباً ایک سال آڈیشن دیے۔

ممبئی: بالی ووڈ کے معروف ڈائریکٹر سنجے لیلا بھنسالی کی پہلی ویب شو ہیرامنڈی نیٹ فلیکس پر سب سے زیادہ دیکھی جانے والی بھارتی سیریز بن گئی۔

بالی وڈ کے نامور ڈائریکٹر سنجے لیلا بھنسالی کی نئی ویب سیریز ’ہیرا منڈی‘ نے نیٹ فلیکس پر ریکارڈ قائم کردیا، یکم مئی کو نیٹ فلیکس پر ریلیز ہونے والی ہیرا منڈی پہلے ہفتے میں سب سے زیادہ ویوز حاصل کرنے والی بھارتی ویب سیریز بن گئی۔

سنجے لیلا بھنسالی کی یہ نیٹ فلیکس سیریز اب تک 43 ممالک میں ٹاپ 10 پر ٹرینڈ کررہی ہے، تقسیم برصغیر سے قبل ماحول میں فلمائی گئی ویب سیریز کو 45 لاکھ کے قریب افراد دیکھ چکے ہیں اوع اس کا واچ ٹائم 33 گھنٹے بنا ہے۔

تاہم یہ آسونٹا کیس سے پیچھے ہے جس نے دوسرے ہفتے میں ہی 1 کروڑ 20 لاکھ ویوز حاصل کیے ہیں، پہلے نمبر پر دی گریٹ انڈین کپل شو تھا جس نے اپنے پہلے ہفتے میں 2 کروڑ سے زیادہ ویوز حاصل کرلیے تھے۔

واضح رہے کہ اس ویب سیریز میں سوناکشی سنہا، ادیتی راؤ حیدری، منیشا کوئرالا، شرمین سہگل، سنجیدہ شیخ اور ریچا چڈھا نے مرکزی کردار ادا کیا ہے۔

بالی ووڈ کی معروف اداکارہ ریچا چڈھا نے لائیو شو میں اداکارہ شرمین سیگل کو روسٹ کردیا۔

نیٹ فیلکس  سیریز ’ہیرامنڈی ‘ کی اداکارہ ریچا چڈھا اور شرمین سگل نے ایک انٹرویو میں شرکت کی جہاں اداکارہ ریچا چڈھا نے ساتھی اداکارہ اور سنجے لیلا بھنسالی کی بھانجی شرمین سیگل پر تنقید کی۔

انٹرویو کے دوران شرمین سیگل نے انکشاف کیا کہ وہ ایک بہترین ‘ کُک‘ ہیں، جس پر ریچا چڈھا نے حیرت کا اظہار کیا کیونکہ ریچا چڈھا نے صبح جو سلاد کھایا تھا وہ شرمین نے ہی تیار کیا تھا۔

شرمین سیگل نے بتایا کہ میں بہت اچھا کھانا بناتی ہوں، یہاں تک کہ میں باقائدہ کرسمز لنچز بھی بنا چکی ہوں، شرمین کی اس بات پر طنزیہ انداز میں ریچا چڈھا نے کہا کہ ’مجھے نہیں لگتا کہ آپکو اور مجھے ایک دوسرے کے ساتھ بیٹھنا چاہیے‘۔

واضح رہے کہ ہدایت کار سنجے لیلا بھنسالی کی ویب سیریز ہیرامنڈی میں ادیتی راؤ حیدری، سوناکشی سنہا، منیشا کوئرالا، اور سنجیدہ شیخ جیسے بالی ووڈ ستاروں نے اپنی اداکاری کے جوہر دکھائے۔