Tag: ہیرا پھیری

ممبئی: بالی وڈ اداکار سنیل شیٹی نے  اکشے کمار کے حوالے سے ہیرا پھیری 3 کے اسکرپٹ سے ناخوش ہونی والی خبروں کی تردید کی ہے۔

ہیرا پھیری فلم بالترتیب 2000 اور 2006 میں آئی جبکہ ہیرا پھیری 3 کو آنے میں ڈیڑھ دہائی سے زیادہ کا وقت لگا۔ تاہم  فلم کی سیکوئل کے حوالے سے یہ خبریں تھیں کہ اکشے کمار  اس اسکرپٹ سے خوش نہیں ہیں جس کی وجہ سے فلم تاخیر کا شکار ہوئی لیکن سنیل سیٹھی نے ان دعوؤں کو مسترد کردیا۔

ایک انٹرویو میں سنیل شیٹھی نے کہا کہ اکشے کمار ہمیشہ ہی چاہتے تھے کہ ہیرا پھیری 3 بنائی جائے لیکن اس میں تاخیر اکشے کی وجہ سے ہوئی مجھے ایسا بلکل بھی نہیں لگتا میرے خیال میں اسکرپٹ پر کوئی بحث نہیں ہوئی۔

بھارتی اداکار کا کہنا تھا کہ یہ ایک بہت اہم پروجیکٹ ہے جس کے بارے میں پروڈیوسر کو بہت واضح ہونے کی ضرورت تھی۔ فلم میں تاخیری اکشے کی وجہ سے نہیں ہوئی، پروڈیوسر فیروز بھائی کی زندگی میں بہت کچھ چل رہا تھا شاید اس وجہ سے تاخیری ہوئی ہے۔

’ہیرا پھیری 3‘ کی کہانی کیسی ہوگی؟ سنیل شیٹھی نے بتا دیا

انٹرویور نے اداکار سے پوچھا کہ فلم کے اعلان اور ہدایت کاروں کی متعدد تبدیلیوں کے درمیان یہ بھی کہا جا رہا تھا کہ اکشے کمار کے بجائے اداکار کارتک آریان فلم میں شامل ہوں گے۔ اس پر ردعمل ظاہر کرتے ہوئے سنیل شیٹھی نے کہا کہ ایسی فلم میں مرکزی کردار صرف اصل اداکار ہی ادا کر سکتے ہیں۔

اکشے اور میں نے ہمیشہ اس کے بارے میں بات کی، ہم ہمیشہ چاہتے تھے کہ ایسا ہو، اکشے کے کردار کو کبھی نہیں بدلا جا سکتا تھا،  راجو  کے کردار کو کوئی اور نہیں کر سکتا تھا۔ کارتک اسی فلم میں کوئی اور کردار ادا کر سکتے تھے، جو سب سے اہم ہو سکتا ہے لیکن راجو ہمیشہ راجو ہی رہے گا۔

بالی ووڈ اداکار اکشے کمار، سنیل شیٹی اور پاریش راول نے حال ہی میں ’ہیرا پھیری 3‘ کیلئے ایک پروموشنل ویڈیو کی عکسبندی کروائی۔

بھارتی میڈیا رپورٹ کے مطابق ہیرا پھیری 3 کی عکسبندی کا آغاز 21 فروری کو ممبئی میں ہوا، جس کے فوری بعد ہی سیٹ پر لی گئی ایک تصویر سوشل میڈیا پر وائرل ہوگئی۔

میڈیا رپورٹس کے مطابق پاریش راول، سنیل شیٹی اور اکشے کمار نے فلم کی عکسبندی کا آغاز کیام فلم کی عکسبندی باضابطہ اعلان کے بغیر ہی شروع کی گئی ہے۔

پہلے کہا جا رہا تھا کہ فلم کی ہدایات انیس بزمی دیں گے مگر اب ان کی جگہ فرہاد سامجی کی خدمات ڈائریکشن کے لیے حاصل کی گئی ہیں۔

Thank you everyone for all the love and trust over this news. Here's a pic from the sets yesterday. #HeraPheri3 https://t.co/08vs8ckgBp pic.twitter.com/dKBNDlI3oQ

— Himesh (@HimeshMankad) February 22, 2023

البتہ فلم کی دیگر کاسٹ کے بارے میں تفصیلات ابھی سامنے نہیں آئیں جبکہ ریلیز کی تاریخ کا بھی اعلان نہیں ہوا۔

خیال رہے کہ بالی وڈ کی مقبول ترین فلم ‘ہیرا پھیری’ کو 2000 میں ریلیز کیا گیا تھا جس کی کامیابی کے بعد اس کا سیکوئل ‘پھر ہیرا پھیری’ 2006 میں ریلیز ہوا، دونوں میں اکشے کمار، پریش راول اور سنیل شیٹی نے مرکزی کردار ادا کیے تھے۔