ARYNews.tv | Urdu – Har Lamha Bakhabar

Tag: ہیری پوٹر

  • ہیری پوٹر کے ناول کا آئیڈیا چوری

    ہیری پوٹر کے ناول کا آئیڈیا چوری

    لندن: ہالی ووڈ کی جادوئی فلم سیریز ہیری پوٹر کا ایک غیر مطبوعہ (غیر شائع شدہ) حصہ چوری ہوجانے کی اطلاعات ہیں جو اس کی مصنفہ جے کے رولنگ نے ایک پوسٹ کارڈ پر لکھ رکھا تھا۔

    جے کے رولنگ نے سماجی رابطوں کی ویب سائٹ ٹوئٹر پر ہیری پوٹر کے مداحوں سے درخواست کی کہ اگر وہ اس تصنیفی ٹکڑے کی فروخت کے بارے میں سنیں تو اسے نہ خریدیں۔

    ہیری پوٹر کے غیر مطبوعہ ناول کے خلاصے کی صورت میں لکھا گیا یہ ٹکڑا جے کے رولنگ نے 3 سال قبل لکھا تھا۔

    یہ خلاصہ ہیری پوٹر ناول کا پریکوئیل تھا جس میں ہیری پوٹر کی پیدائش سے قبل اس کے ماں باپ کی زندگی کو دکھایا جانا تھا۔

    harry-2

    تاہم اس پر مزید کام کیے جانے یا اس کی اشاعت سے قبل اسے نیلام کردیا گیا جسے ادیبوں کی عالمی تنظیم پین نے 25 ہزار پاؤنڈز میں خریدا تھا۔ اس رقم کو فلاحی مقاصد کے لیے خرچ کیا گیا۔

    پین کے مطابق برطانوی شہر برمنگھم میں اسے جس جگہ رکھا گیا تھا وہاں ڈکیتی کی ایک واردات پیش آئی جس میں مالکان اس نایاب تصنیفی ٹکڑے سے بھی ہاتھ دھو بیٹھے۔

    یاد رہے کہ ہیری پوٹر کے اب تک 7 ناول لکھے جا چکے ہیں جنہیں 79 زبانوں میں ترجمہ کیا جاچکا ہے۔ اس ناول کی دنیا بھر میں 45 کروڑ کاپیاں خریدی جا چکی ہیں۔

    مزید پڑھیں: ہیری پوٹر کی ٹوپی جیسی مکڑی دریافت

    اس ناول پر بننے والی فلم سیریز اب تک دنیا بھر میں 7 ارب ڈالرز کما چکی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دہشت گردی سے متعلق مغرب کے دہرے معیار پر جے کے رولنگ برہم

    دہشت گردی سے متعلق مغرب کے دہرے معیار پر جے کے رولنگ برہم

    لندن: معروف ناول ’ہیری پوٹر‘ کی مصنفہ جے کے رولنگ نے اپنی مسلمان اور انسان دوستی کا ثبوت دیتے ہوئے امریکی اخبار ڈیلی میل کے دوغلے معیار پر اسے سخت تنقید کا نشانہ بنایا۔

    دو روز قبل کینیڈا کے شہر کیوبک میں واقع ایک مسجد میں ایک نوجوان لڑکے کی فائرنگ سے 6 نمازی شہید ہوگئے تھے۔ امریکی اخبار ڈیلی میل نے حملہ آور سے متعلق خبر پر اپنے ٹوئٹر اکاؤنٹ پر اسے ’تنہائی کا شکار‘ قرار دیا۔

    اس دوغلے معیار نے امریکی مصنفہ جے کے رولنگ کو سخت برواختہ کردیا اور انہوں نے اپنے ٹوئٹ میں اس کی تصحیح کی، ’یہ ایک دہشت گرد ہے، تنہائی کا شکار نہیں‘۔

    صرف ایک جے کے رولنگ ہی نہیں، کیوبک کی مسجد کے حملے پر مغربی میڈیا کے دہرے معیار کو سب نے تنقید کا نشانہ بنایا۔ ایک ٹوئٹر صارف نے لکھا، ’اگر کسی مسلمان شخص نے کسی چرچ پر حملہ کیا ہوتا تو اسے فوراً دہشت گرد قرار دیا جاتا‘۔

    جے کے رولنگ اس سے قبل بھی اپنی انسان دوستی کا ثبوت دے چکی ہیں جب چند روز قبل امریکی صدر ڈونلڈ ٹرمپ نے 7 مسلمان ممالک پر ویزے کی پابندی کا اعلان کیا تب جے کے رولنگ نے نائب امریکی صدر مائیک پنس کے ایک ٹوئٹ کو دوبارہ ری ٹوئٹ کرتے ہوئے انجیل کی ایک آیت لکھی، ’اس شخص کے لیے بھلا کیا فائدہ ہے جو دنیا جیت لے لیکن اپنی روح، اپنے اصل کو ہار جائے‘۔

    مائیک پنس نے یہ ٹوئٹ دسمبر 2015 میں کیا تھا جب انہوں نے خود مسلمانوں کی امریکا میں داخلے پر پابندی کو غیر آئینی قرار دیا تھا۔

  • فلم ہیری پوٹر میں دکھائی جانے والی ٹوپی جیسی مکڑی دریافت

    فلم ہیری پوٹر میں دکھائی جانے والی ٹوپی جیسی مکڑی دریافت

    ممبئی: بھارتی سائنسدانوں نے مکڑی کی ایک نئی قسم دریافت کی ہے جو حیرت انگیز طور پر ہالی ووڈ فلم سیریز ہیری پوٹر میں دکھائی جانے والی ٹوپی کی شکل جیسی ہے۔ ماہرین نے اس مکڑی کا نام ٹوپی کے مالک گوڈرک گریفنڈر کے نام پر رکھ دیا ہے۔

    اس مکڑی کی دریافت جنوب مغربی بھارت کے پہاڑوں میں کیے جانے والے ایک سروے کے دوران ہوئی۔ سروے میں شامل سائنس دان جاوید احمد نے اخباری نمائندوں کو بتایا کہ جب انہوں نے اس مکڑی کو دیکھا تو ان سمیت تمام لوگ حیرت سے چیخ اٹھے، ’ارے یہ تو بالکل ہیری پوٹر کی ٹوپی جیسی مکڑی ہے‘۔

    انہوں نے کہا کہ یہ حیرت انگیز طور پر اس سے بے حد مشابہہ تھی۔

    harry-potter-2

    جاوید اور ان کی ٹیم نے فیصلہ کیا تھا کہ مکڑی پر تحقیق کے بعد اگر یہ کوئی نئی قسم کی مکڑی ثابت ہوگئی تو وہ اس کا نام فلم میں دکھائے جانے والے ٹوپی کے مالک کے نام پر ہی رکھیں گے۔

    تحقیقی مقالے کی اشاعت کے بعد جاوید احمد نے ہیری پوٹر کی مصنفہ جے کے رولنگ کو بھی ٹوئٹر پر اس بات سے مطلع کیا۔ جے کے رولنگ نے اس پر نہایت خوشی کا اظہار کرتے ہوئے جاوید اور ان کی ٹیم کو مبارک باد دی۔

    واضح رہے کہ فلم ہیری پوٹر سیریز ایک تخیلاتی جادوئی اسکول کی کہانی ہے جو بچوں اور بڑوں میں یکساں مقبول ہے۔ سیریز کا ایک اور حصہ ’فنٹاسٹک بیسٹس اینڈ ویئر ٹو فائنڈ دیم‘ حال ہی میں ریلیز کیا گیا ہے جو اس سیریز کا پریکوئل ہے۔

  • ہیری پوٹر کی ایما واٹس اقوام متحدہ کی جذبہ خیر سگالی کی سفیرمنتخب

    ہیری پوٹر کی ایما واٹس اقوام متحدہ کی جذبہ خیر سگالی کی سفیرمنتخب

    harr