Tag: ہیلری کلنٹن

  • امریکا میں طوفانوں کی وجہ کلائمٹ چینج ہے، ہیلری کلنٹن

    امریکا میں طوفانوں کی وجہ کلائمٹ چینج ہے، ہیلری کلنٹن

    واشنگٹن: امریکی صدارتی امیدوار ہیلری کلنٹن نے کہا ہے کہ گذشتہ ہفتے آنے والا ہرمائن سمندری طوفان موسمیاتی تغیر یا کلائمٹ چینج کا شاخسانہ ہے۔ انہوں نے متنبہ کیا کہ امریکیوں کو ایسے مزید طوفانوں کا سامنا کرنا پڑسکتا ہے۔

    فلوریڈا میں انتخابی مہم کے دوران ایک ریلی سے خطاب کرتے ہوئے ہیلری نے اس بات کا اعتراف کیا کہ سال 2015 ایک گرم ترین سال تھا اور اس کے سائنسی شواہد موجود ہیں۔ ’حال ہی میں آنے والا سمندری طوفان اس بات کا اشارہ ہے کہ ہمیں شدید موسموں کا سامنا کرنا ہوگا اور امریکا کا ہر شخص اس سے متاثر ہوگا‘۔

    h2

    انہوں نے سائنسی تحقیق اور رپورٹس کا حوالہ دیتے ہوئے کہا کہ سنہ 1950 سے سطح سمندر میں ہر سال ایک انچ اضافہ ہو رہا ہے۔ ’اس لحاظ سے 2030 تک، جو زیادہ دور نہیں، ہم 70 بلین ڈالر مالیت کا ساحلی رقبہ کھو دیں گے‘۔

    واضح رہے کہ سمندر کنارے واقع امریکی ریاست فلوریڈا کلائمٹ چینج کے مختلف عوامل جیسے سطح سمندر میں اضافہ، مختلف سمندری طوفان اور سیلابوں کا براہ راست شکار بنتی ہے اور ہر بار اسے انفرا اسٹرکچر کی تباہی اور بھاری مالی نقصانات کا سامنا کرنا پڑتا ہے۔

    گذشتہ ہفتہ آنے والا سمندری طوفان ہرمائین ماہرین کے مطابق کمزور ترین طوفانوں کے درجہ میں رکھا گیا تاہم اس نے فلوریڈا میں خاصی تباہی مچائی۔

    h3

    ہیلری کلنٹن نے اس بات پر بھی زور دیا کہ آئندہ انفرا اسٹرکچر کے تمام ترقیاتی منصوبے سیلابوں اور کلائمٹ چینج کے دیگر خطرات کو مدنظر رکھتے ہوئے تشکیل دیے جائیں تاکہ یہ بدترین صورتحال میں بھی کام کرسکیں۔

    اس سے قبل ایک رپورٹ میں کلائمٹ چینج سے امریکا کی عسکری صلاحیت میں کمی کا خدشہ بھی ظاہر کیا گیا تھا۔ رپورٹ کے مطابق موسمیاتی تغیر یا کلائمٹ چینج کے باعث امریکا کے مشرقی ساحل پر قائم فوجی اڈوں کو تباہی کا سخت خطرہ لاحق ہے۔

    ماہرین نے بتایا کہ کلائمٹ چینج کے باعث امریکا میں مستقل آنے والے سمندری طوفان اور سطح سمندر میں اضافہ ان فوجی اڈوں، ان کے تحت چلائے جانے والے آپریشنز اور یہاں موجود تنصیبات کو متاثر کرے گا۔

    ماہرین کا کہنا تھا کہ 2050 تک یہ اڈے سیلاب سے 10 گنا زیادہ متاثر ہوں گے اور ان میں سے کچھ ایسے ہوں گے جو روز پانی کے تیز بہاؤ یا سیلاب کا سامنا کریں گے۔

    ان 18 اڈوں میں سے 4 اہم فوجی اڈے صدی کے آخر تک اپنا 75 سے 95 فیصد رقبہ کھودیں گے۔

  • ڈونلڈ ٹرمپ کادماغی توازن درست نہیں،ہیلری کلنٹن

    ڈونلڈ ٹرمپ کادماغی توازن درست نہیں،ہیلری کلنٹن

    واشنگٹن : ڈیموکریٹک پارٹی کی صدراتی امیدوار ہیلری کلنٹن کا کہنا ہے کہ ڈونلڈ ٹرمپ کا دماغی توازن درست نہیں ہے اور ریپبلکن پارٹی کے صدارتی امیدوار کی انتخابی مہم کی بنیاد ہی تعصب پر ہے.

    تفصیلات کےمطابق امریکی ریاست نیواڈا کے شہر رینو میں انتخابی مہم کےدوران ہیلری کلنٹن نے ٹرمپ کو شدید تنقید کا نشانہ بناتے ہوئے کہا کہ ڈونلڈ ٹرمپ نسلی امتیاز میں اپنا ثانی نہیں رکھتے،وہ اقدار جو امریکا کو ایک عظیم ملک بناتے ہیں ٹرمپ ان کو یکسر نظر انداز کرتے ہیں جو ملک کے لیے خطرناک ثابت ہوگا.

    ان کا کہنا تھا کہ ریپبلکن صدارتی امیدوار نفرت پر مبنی تحریک چلانے کی کوشش کررہے ہیں.

    دوسری جانب امریکی چینل کو انٹرویو دیتے ہوئےڈونلڈ ٹرمپ نے ہیلری کلنٹن کی تنقید پر ردعمل میں کہا کہ ہیلری تیسرے درجے کی سیاست دان ہیں،جو صرف باتیں بناتی ہیں.

    ان کا کہنا تھا کہ انتخابی مہم صرف محبت پر مبنی ہے اور وہ ملک کو مضبوط دیکھنے کے خواہشمند ہیں.

    *امریکی صدر اوباما اور ہیلری کلنٹن داعش کے بانی ہیں،ڈونلڈ ٹرمپ

    واضح رہے کہ اس سے قبل ریپبلکن پارٹی کے صدارتی امیدوار ڈونلڈ ٹرمپ کا کہنا تھا کہ امریکی صدر اور ہیلری کلنٹن داعش کے بانی ہیں.

  • ہیلری کلنٹن کاپاکستانی نژاد امریکی فوجی کیپٹن ہمایوں خان کوخراج عقیدت

    ہیلری کلنٹن کاپاکستانی نژاد امریکی فوجی کیپٹن ہمایوں خان کوخراج عقیدت

    واشنگٹن : ڈیموکریٹک صدارتی امیدوارہیلری کلنٹن نے امریکی فوج کےپاکستانی نژادکیپٹن ہمایوں خان کو خراج عقیدت پیش کیا.

    تفصیلات کے مطابق ڈیموکریٹک صدراتی امیدوار ہیلری کلنٹن نے سماجی رابطے کی ویب سائٹ ٹویٹر پر اپنے پیغام میں کہا کہ ہمایوں خان نے اپنے عمل سے اپنے ساتھیوں کی جان بچائی.

    ہیلری کلنٹن نے سماجی رابطے کی ویب سائٹ ٹویٹر پر اپنے پیغام میں کہا کہ ہمایوں خان امریکی اقدار کا مظہر ہے.

    یاد رہے کہ گزشتہ روز امریکی فوج کے کیپٹن ہمایوں خان کےوالدین نےڈیموکریٹک کنونشن میں ڈونلنڈٹرمپ پر شدیدتنقید کی تھی.

    عراق میں جاں بحق ہونے والے امریکی فوجی ہمایوں خان کے والد خصرخان نے ڈونلڈٹرمپ پرشدید تنقید کرتے ہوئے سوال کیا کہ کیا انہوں نے امریکی آئین پڑھا ہے.

    clinton-5

    واضح رہے کہ امریکی فوج کے مسلمان کیپٹن ہمایوں خان دوہزارچار میں عراق میں کار بم دھماکےمیں جان کی بازی ہار گئے تھے.

  • امریکہ میں پہلی مرتبہ خاتون صدارتی امیدوار نامزد

    امریکہ میں پہلی مرتبہ خاتون صدارتی امیدوار نامزد

    فلا ڈلفیا: سابق وزیر خارجہ ہیلری کلنٹن نے ملکی تاریخ میں پہلی بار کسی اکثریتی جماعت کی جانب سے بطور خاتون صدر نامزدگی کا اعزاز حاصل کر لیا۔

    تفصیلات کے مطابق ہیلری کلنٹن نے ریاست پنسلوینیا کےشہرفلا ڈلفیا میں منعقد ہونے والے ڈیموکریٹک پارٹی کے کنوینشن کے دوران ہونے والی ووٹنگ کے نتیجے میں 2382 ووٹ حاصل کیے۔

    مزید پڑھیں: واشنگٹن : برنی سینڈرزہیلری کلنٹن کی حمایت میں دستبردار

    برنی سینڈرز جنہوں نے ڈیموکریٹک پارٹی کے صدارتی امیدوار بننے کے لیے ہیلری کلنٹن کی حمایت کا اعلان کیا تھا انہوں نے جماعت کے اتحاد کی علامت کے طور پراسٹیج پر آکر ہیلری کی نامزدگی کا اعلان کیا۔

    ہیلری کلنٹن امریکا میں کسی بڑی سیاسی جماعت کی جانب سےصدارتی امیدوار نامزد کی جانےوالی پہلی خاتون ہیں،رواں برس نومبر میں ہونے والے صدارتی انتخابات میں اب ان کا مقابلہ ریپبلکن پارٹی کے صدارتی امیدوار ڈونلڈ ٹرمپ سے ہوگا.

    مزید پڑھیں: واشنگٹن: ہیلری کلنٹن کا نائب صدر کے امیدوار کے لیے ٹم کین کا انتخاب

    یاد رہے کہ اس سے قبل ہیلری کلنٹن نے ریاست ورجینیا سے تعلق رکھنے والے سینیٹر ٹم کین کو اپنا نائب صدارتی امیدوار منتخب کیا تھا۔

     اٹھاون سالہ ٹم کین معتدل رہنما ہیں اور ہیلری نے انھیں ایسے امیدواروں پر ترجیح دی ہے جن کا جھکاؤ بائیں بازو کی جانب زیادہ ہے۔ ٹم کین اسقاط حمل کے خلاف ہیں اور وہ آزادانہ تجارت کے معاہدوں کے حامی ہیں۔

    واضح رہے کہ امریکی نائب صدر کے لیے ہیلری کلنٹن کی جانب سے نامزد کین ہسپانوی زبان روانی سے بولتے ہیں اور وہ ڈونلڈ ٹرمپ کے خلاف انتخابی مہم کے دوران ہسپانوی امریکی ووٹروں کی حمایت حاصل کر سکتے ہیں۔

  • واشنگٹن: ہیلری کلنٹن کا نائب صدر کے امیدوار کے لیے ٹم کین کا انتخاب

    واشنگٹن: ہیلری کلنٹن کا نائب صدر کے امیدوار کے لیے ٹم کین کا انتخاب

    واشنگٹن : امریکہ میں ڈیموکریٹ پارٹی کی جانب سے صدارتی امیدوار ہیلری کلنٹن نے ریاست ورجینیا سے تعلق رکھنے والے سینیٹر ٹم کین کو اپنا نائب صدارتی امیدوار منتخب کرلیا.

    تفصیلات کے مطابق ڈیموکریٹ پارٹی کی صدارتی امیدوار ہیلری کلنٹن نے سینیٹر ٹم کین کا نائب صدارتی امیدوار کے لیے انتخاب کرلیا،ہیلری کلنٹن نے سماجی رابطے کی ویب سائٹ ٹویٹر پر پیغام میں اپنے فیصلے کا اعلان کیا وہ ہفتے کو اس کا باضابطہ اعلان کریں گی.

    58 سالہ ٹم کین معتدل رہنما ہیں اور ہیلری نے انھیں ایسے امیدواروں پر ترجیح دی ہے جن کا جھکاؤ بائیں بازو کی جانب زیادہ ہے،ٹم کین اسقاطِ حمل کے خلاف ہیں اور وہ آزادانہ تجارت کے معاہدوں کے حامی ہیں.

    یاد رہے کہ نومبر میں ہونے والے صدارتی انتخابات میں ورجینیا کو اہم میدانِ جنگ قرار دیا جا رہا ہے.

    واضح رہے کہ کین ہسپانوی زبان روانی سے بولتے ہیں اور وہ ڈونلڈ ٹرمپ کے خلاف انتخابی مہم کے دوران ہسپانوی امریکی ووٹروں کی حمایت حاصل کر سکتے ہیں.

  • واشنگٹن : برنی سینڈرزہیلری کلنٹن کی حمایت میں دستبردار

    واشنگٹن : برنی سینڈرزہیلری کلنٹن کی حمایت میں دستبردار

    واشنگٹن : امریکا میں ڈیموکریٹک پارٹی کی صدارتی نامزدگی حاصل کرنے کےخواہشمند برنی سینڈرزہلیری کلنٹن کے حق میں دستبرار ہوگئے ہیں.

    تفصیلات کے مطابق امریکی ریاست نیو ہیمپشائر کے شہر پورٹس ماؤتھ کے ہائی اسکول میں برنی سینڈرز نے ہیلری کلنٹن کے ہمراہ انتخابی مہم میں شرکت کی ان کاکہناتھاکہ ہلیری کلنٹن صدارتی انتخابات میں ڈیموکریٹک پارٹی کی امیدوار ہوں گی.

    برنی سینڈرز نےشرکا سے خطاب کرتے ہوئے کہا کہ وہ ہیلری کلنٹن کو صدارتی انتخاب کے لیے ڈیموکریٹک نامزدگی کی دوڑ جیتنے پر مبارکباد پیش کرتے ہیں،ان کاکہناتھاکہ ہلیری کی کامیابی کےلیےان سے جو ہوسکا کریں گے.

    انہوں نے کہا کہ اگر ڈونلڈ ٹرمپ صدر منتخب ہوگئے تو ہماری شہری آزادی،مساوی حقوق اور ملک کے مستقبل کا کیا ہوگا.

    یاد رہے کہ صدارتی نامزدگی کے لیے پرائمری انتخابات میں سابق امریکی وزیر خارجہ نے برنی سینڈرز سے زیادہ ڈیلی گیٹس کی حمایت حاصل کی تھی.

    واضح رہے کہ ہیلری کلنٹن کو رواں ماہ کے آخر میں ریاست فلاڈیلفیا میں پارٹی کنونشن میں باضابطہ صدارتی امیدوار نامزد کیا جائے گا.

  • صدراوباماہیلری کلنٹن کی انتخابی مہم میں سرگرم

    صدراوباماہیلری کلنٹن کی انتخابی مہم میں سرگرم

    واشنگٹن :امریکی صدر اوباما نےشمالی کیرولینا میں جلسے کےدوران ہلیری کلنٹن پرمکمل اعتماد کااظہار کردیا.

    تفصیلات کے مطابق امریکی صدر اوباما نے شمالی کیرولینا میں جلسےکے دوران خطاب کرتے ہوئے کہا کہ ہیلری تجربے کار،باشعور اور با صلاحیت صدر ثابت ہوں گی.

    امریکی صدر اوباما کا مزید کہنا تھا کہ وہ اور ہیلری امریکا کے بارے میں مشترکہ نصب العین کے حامی ہیں.

    انہوں نے امریکی وزیرخارجہ کے طور پر اوباما نے ہیلری کلنٹن کے ریکارڈ کو سراہتے ہوئے کہا کہ ملک کی اعلیٰ ترین سفارت کار کی حیثیت سے اُنھوں نے عمدہ کام کیا،انہوں نے ہیلری کووائٹ ہاؤس پہنچانےکےلیےصدراوبامانےووٹرزسےتعاون بھی طلب کیا.

    ہلیری کلنٹن نے جلسے سےخطاب میں صدراباماکاشکریہ اداکیا اورکہاکے دونوں رہنماامریکا کےمستقبل سےمتعلق پرامید ہیں.

  • واشنگٹن : ایف بی آئی کی ہیلری کلنٹن سے ای میلز کے بارے میں پوچھ گچھ

    واشنگٹن : ایف بی آئی کی ہیلری کلنٹن سے ای میلز کے بارے میں پوچھ گچھ

    واشنگٹن : ڈیموکریٹک پارٹی کی صدارتی امیدوار اورسابق سکریٹری خارجہ ہیلری کلنٹن سے وفاقی تحقیقاتی ادارے ایف بی آئی کی ذاتی ای میلز کے حوالے سے پوچھ گچھ کی گئی.

    تفصیلات کے مطابق وفاقی تحیقاتی ادارے ایف بی آئی نے ڈیموکریٹک پارٹی کی صدارتی امیدوار سے ان کے دور کے بارے میں سوالات کیے جب وہ سیکرٹری خارجہ کے عہدے فائز تھیں.

    ہیلری کنٹن کے ترجمان کےمطابق سابق سیکریٹری خارجہ اور ڈیموکریٹک پارٹی کی صدارتی امیدوار نے رضاکارانہ طور پر ایف بی آئی کو انٹرویو دیا.

    یاد رہےایف بی آئی ہیلری کلنٹن اور اُن کے ساتھیوں سے سیکریٹری خارجہ کے دور میں ذاتی ای میل ایڈریس کے ذریعے حساس معلومات کے تبادلے کے بارے میں تحقیقات کر رہی ہے.

    ہیلری کلنٹن کے مطابق انہوں نے حساس معلومات کے لیے ذاتی ای میلز استعمال نہیں کیا،انہوں نے ذاتی ای میل ایڈریس کا استعمال اپنی سہولت کے لیے کیا کیونکہ مختلف ٹیلی فونز اور ٹیبلٹ کے بجائے بلیک بیری کا استعمال زیادہ آسان تھا.

    یاد رہے کہ امریکی محکمۂ خارجہ کی ایک تحقیقاتی رپورٹ میں ہیلری کلنٹن سمیت دوسرے سیکریٹری خارجہ پر ای میلز کی سکیورٹی کے ناقص نظام کا الزام عائد کیا گیا ہے.

    واضح رہے کہ ہیلری کلنٹن امریکہ میں صدارتی دوڑ میں ڈیموکریٹک جماعت کی ممکنہ اُمیدوار ہیں اور صدارتی اُمیدوار کے لیے اُن کی باقاعدہ نامزدگی کا اعلان جولائی کے آخر میں ہوگا.

  • ڈونلڈ ٹرمپ مسلمانوں کو بلا جواز تنقید کا نشانہ بناتے ہیں،نیویارک پولیس کمشنر

    ڈونلڈ ٹرمپ مسلمانوں کو بلا جواز تنقید کا نشانہ بناتے ہیں،نیویارک پولیس کمشنر

    نیو یارک : نیویارک سٹی کے پولیس کمشنر ولیم بِل برائٹن کا کہنا ہے ڈونلڈ ٹرمپ مسلمانوں کو بلاجواز تنقید کا نشانہ بناتے ہیں ان کے اپنے گھر "ٹرمپ پلازہ” کی سکیورٹی پر مسلمان افسران تعینات ہیں۔

    ٹی وی چینل "ایم ایس این بی سی” کے پروگرام "مارننگ شو” میں گفتگو کرتے ہوئے پولیس کمشنر ولیم بل برائٹن کا کہنا تھا کہ ان کا کہنا تھا دہشتگردی کے خلاف جاری جنگ کے قلع قمع کے لیے مسلم کیمونیٹیز کی اہمیت سے انکار نہیں کیا جا سکتا، ہمیں انکا بھرپور تعاون اور اعتماد حاصل ہے۔

    پولیس کمشنر ولیم بل برائٹن کا کہنا تھا کہ ڈونلڈ ٹرمپ کا بار بار یہ کہنا کہ مسلمانوں پر امریکہ میں داخلے پر پابندی لگا دینی چاہیے، بلاجواز ہے ایسے نفرت آمیز بیانات دہشت گردی کے خاتمے کے خلاف ہماری جاری کوششوں کو نقصان پہنچا سکتے ہیں۔

    ایک سوال کے جواب میں انہوں نے بتایا کہ اس وقت نیویارک پولیس ڈیپارٹمنٹ کے آفیسرز کی تعداد 36000 ہے جس میں 1000 کے قریب مسلمان آفیسر شامل ہیں۔ نیویارک پولیس کی بھاری نفری مین ہٹن شہر کی اہم اور بلند و بالا عمارتوں کی سکیورٹی پر تعینات ہے جس میں ڈونلڈ ٹرمپ کا پلازہ "ٹرمپ پلازہ” بھی شامل ہے.

    "ٹرمپ پلازہ” جس میں ممکنہ امریکی صدر ڈونلڈ ٹرمپ کی رہائش رکھتے ہیں کی حفاظت مامور دیگر غیرم مسلم افسران کے ساتھ ساتھ مسلمان افسران بھی شامل ہیں۔

    پولیس کمشنر کا کہنا تھ اکہ حفاظتی معاملات میں رنگ و نسل اور مذہب و فرقہ کی کوئی تخصیص نہیں کی جاتی ہے، ہمیں اپنی پولیس فورس پر مکمل اعتماد ہے۔

    امریکہ میں مسلمانوں کی تنظیم ”کئیر“ کے ترجمان ابراہیم ہوپر کا کہنا تھاکہ ڈونلڈ ٹرمپ کے مسلمانوں کے خلاف سخت بیانات نے ثابت کر دیا ہے کہ اسکا دماغی توازن بگڑ گیا ہے لہذا اسکو کسی سرجن سے علاج کروانے کی ضرورت ہے۔

    واضح رہے چند ماہ بعد امریکہ میں صدارتی الیکشن ہونے جا رہے ہیں اور اس کو لے کر تلخ و سخت بیانات کا عمل جاری ہے کبھی ڈونلڈ ٹرمپ کوئی نفرت آمیز بیان داغتے ہیں تو متوازن مزاج ہیلری کلنٹن اس کا مداوا کرتی نظر آتی ہیں تو کبھی مسلمان کمیونٹی کی جانب سے ڈونلڈ ٹرمپ کو کرارا جواب دیتے ہیں۔

  • ڈیمو کریٹک پارٹی کی ممکنہ صدارتی امیدوار ہیلری کلنٹن کی ایک اور جیت

    ڈیمو کریٹک پارٹی کی ممکنہ صدارتی امیدوار ہیلری کلنٹن کی ایک اور جیت

    واشنگٹن : ڈیموکریٹک پارٹی کے صدارتی امیدوار کی نامزدگی کے لیے ہلیری کلنٹن نے واشنگٹن ڈی سی میں برنی سینڈرز کو شکست دے کر صدارتی نامزدگی کا آخری معرکہ بھی اپنے نام کرلیا ہے۔

    تفصیلات کے مطابق واشنگٹن ڈی سی میں ڈیموکریٹ پارٹی کے پرائمری انتخابات منعقد ہوئے جس میں ڈیمو کریٹک کی ممکنہ امیدوار ہلیری کلنٹن نے 79 فیصد کے قریب ووٹ لے کر صدارتی نامزدگی کا مقابلہ جیت لیا،جب کہ ان کے حریف برنی سینڈرز کو 21 فیصد ووٹ ہی ملے تھے۔

    اس طرح واشنگٹن ڈی سی پرائمری کے ساتھ ہی صدارتی امیدوار کی نامزدگی کے لیے ڈیموکریٹک پارٹی کا انتخابی عمل مکمل ہو گیا ہے،جس کے‌ قوی‌ امید کی‌ جا رہی‌ ہے کہ ڈیموکریٹک پارٹی کی‌ صدارتی امیدوارہیلری کلنٹن ہوں گی۔

    HELARY POST

    یاد‌ رہے گزشتہ ہفتے امریکہ کے صدر باراک اوباما نے‌ ڈیموکریٹ پارٹی کے صدارتی امیدوار کے لیے ہیلری کلنٹن کی توثیق کرچکے ہیں تاہم آٹھ نومبر کو ہونے والے صدارتی انتخابات کے لیے امیدوار کی باضابطہ نامزدگی کا اعلان اگلے ماہ ہونے والی پارٹی کنونشن میں کیا جائے گا۔

    جارح مزاج ڈونلڈ ٹرمپ کے برعکس معتدل مزاج ہیلری کلنٹن تیزی سے مقبولیت حاصل کرتی جارہی ہیں،انہیں امریکہ میں مقیم پاکستانیوں سمیت متوازن امریکی شہریوں کی اکثریت کی حمایت بھی شامل ہے،ڈونلڈ ٹرمپ کے متعصبانہ بیانات ان کی شہرت کو مسلسل نقصان پہنچا رہے ہیں جس کہ براہ راست فائدہ ہیلری کلنٹن کو پہنچ سکتا ہے۔