کراچی کنگز کے فیلڈنگ کوچ محمد مسرور کو ایمرجنگ ایشیا کپ کے لیے قومی ٹیم کا ہیڈ کوچ مقرر کیا گیا ہے۔
تفصیلات کے مطابق پاکستان کرکٹ بورڈ ( پی سی بی) نے کولمبو میں ہونے والے اے سی سی ایمرجنگ ایشیا کپ کے لیے کراچی کنگز کے محمد مسرور کو پاکستان شاہینز کا ہیڈ کوچ اور کراچی کنگز کے فزیو تھیراپسٹ امیتاز احمد خان کو شاہینز کا فزیو تھیراپسٹ مقرر کر دیا ہے۔
واضح رہے کہ ایمرجنگ ایشیا کپ 14 سے 23 جولائی تک کھیلا جائے گا اور قومی کرکٹ ٹیم کے وکٹ کیپر بیٹر محمد حارث پاکستان شاہینز کے کپتان ہوں گے۔
ٹورنامنٹ میں آٹھ ٹیمیں شریک ہوں گی اور مجموعی طور پر 15 میچز کھیلے جائیں گے۔
پاکستان شاہینز اپنا پہلا میچ میں 14 جولائی کو نیپال کے خلاف کھیلے گی جبکہ 16 جولائی کو انڈیا اے، اور 18 جولائی کو سری لنکا اے کا چیلنج درپیش ہوگا۔
اسکواڈ میں کپتان محمد حارث، عمیر بن یوسف نائب کپتان، عماد بٹ، ارشد اقبال، حسیب اللہ، کامران غلام، مہران ممتاز، مبصر خان، محمد وسیم جونیئر، قاسم اکرم، صاحبزادہ فرحان، صائم ایوب، شاہنواز دھانی، سفیان مقیم اور طیب طاہر شامل ہیں۔ ریزرو کھلاڑیوں میں عبدالواحد بنگلزئی، محمدعباس آفریدی، محمد جنید اور روحیل نذیر شامل ہیں۔
پاکستان شاہینز کے گروپ اے میں انڈیا اے، نیپال اور سری لنکا کی ٹیمیں شامل ہیں۔
گروپ بی میں افغانستان اے، عمان، بنگلہ دیش اور یو اے ای کی ٹیمیں شامل ہیں، ٹورنامنٹ میں گروپ سے دو ٹاپ ٹیمیں سیمی کے لیے کوالیفائی کریں گی
View this post on Instagram
