کراچی: اے آر وائی ڈیجٹیل کے یوٹیوب چینل پر بھارتی ہیکرز نے حملہ کر دیا۔
تفصیلات کے مطابق بھارتی ہیکرز نے اے آر وائی ڈیجیٹل کے یو ٹیوب چینل پر حملہ کر کے ہیک کر لیا، اس حملے کے نتیجے میں اے آر وائی ڈیجیٹل کا یو ٹیوب چینل کچھ دیر تک ہیک رہا۔
تاہم بھارتی ہیکرز سے اے آر وائی ڈیجٹیل کے یوٹیوب چینل کو ریکور کروا لیا گیا۔
انتظامیہ کے مطابق یوٹیوب چینل کچھ دیر بھارتی ہیکرز نے ہیک کیے رکھا، اس دوران بھارتی ہیکرز نے ہرزہ سرائی کرنے کی کوشش بھی کی، تاہم یوٹیوب چینل کو ریکور کروا لیا گیا۔
کراچی: اسٹیٹ بینک آف پاکستان نے بینکوں کے ڈیٹا کی چوری سے متعلق ایف آئی اے رپورٹس کی تردید کرتے ہوئے کہا ہے کہ اب تک ڈیٹا چوری کے کوئی شواہد نہیں ملے۔
تفصیلات کے مطابق بینک کارڈز کی ہیکنگ کے حوالے سے ایف آئی اے کے دعوے پر اسٹیٹ بینک کی وضاحت آ گئی، کہا کارڈز ڈیٹا چوری ہونے کا ایف آئی اے کا دعویٰ غلط ہے۔
[bs-quote quote=”بینکوں کا ڈیٹا چوری ہونے کے کوئی شواہد نہیں ملے، نہ ہی کسی بینک کی جانب سے کوئی شکایت موصول ہوئی۔” style=”style-7″ align=”left” color=”#dd3333″ author_name=”اسٹیٹ بینک”][/bs-quote]
اسٹیٹ بینک نے کہا ہے کہ 27 اکتوبر 2018 کو ایک بینک کے سیکورٹی حصار کے توڑے جانے کا وقعہ پیش آیا تھا، اس کے بعد ایسا کوئی واقعہ پیش نہیں آیا۔
اسٹیٹ بینک کا کہنا ہے کہ نہ تو بینکوں کا ڈیٹا چوری ہونے کے کوئی شواہد ملے ہیں، نہ ہی کسی بینک کی جانب سے ایسی کوئی شکایت موصول ہوئی۔
اسٹیٹ بینک نے کہا کہ بینکوں کا ٹرانزیکشن نظام مضبوط بنانے کے لیے پہلے ہی ہدایات جاری کی جا چکی ہیں، اسٹیٹ بینک واضح کر چکا ہے کہ کسی بھی سائبر حملے کے خدشے کی صورت میں بینک اس کا پیشگی تدارک کریں۔
اسٹیٹ بینک کے مطابق کمرشل بینکس اپنے خود کار سیکورٹی سسٹم سے مطمئن ہیں، پیشگی احتیاط کے سبب چند بینکوں نے بین الاقوامی لین دین مکمل طور پر بند کر رکھا ہے، جب کہ اسٹیٹ بینک معاملے کی خود نگرانی کر رہا ہے۔
یہ بھی پڑھیں: اے ٹی ایم استعمال کرنے والے ہوشیار، انیس ہزار سے زائد افراد کا بینک ڈیٹا چوری
خیال رہے کہ سائبر سیکورٹی کمپنی کی رپورٹ کے مطابق سائبر کرمنلز نے پاکستانی بینکوں کو نشانے پر رکھ لیا ہے، کئی ہزار ہیک شدہ کریڈٹ اور ڈیبٹ کارڈز کی ڈارک ویب پر فروخت کا انکشاف ہوا ہے۔
کریڈٹ اور ڈیبٹ کارڈ ڈارک ویب پر 100 سے 160 ڈالرز میں بیچا گیا، 22 پاکستانی بینکوں کے مجموعی طور پر 19864 کارڈز کا ڈیٹا چوری ہوا، پاکستانی اے ٹی ایم استعمال کرنے والے غیر ملکیوں کا ڈیٹا بھی چرایا گیا۔
چنیوٹ: ہیکرز نے ایک اور شہری کا بینک اکاؤنٹ ہیک کر کے زندگی بھر کی کمائی لوٹ لی، چنیوٹ کے شہری نے چیف جسٹس سے انصاف کی اپیل کر دی۔
تفصیلات کے مطابق ہیکرز نے ایک اور شہری کا بینک اکاؤنٹ شکار کر لیا، چنیوٹ کے شہری عبداللہ کی زندگی بھر کی جمع پونجی لوٹ لی۔
[bs-quote quote=”ہیکر نے بینک کے آفیشل نمبر سے کال کی اور اکاؤنٹ کی معلومات اور پن کوڈ مانگا” style=”style-7″ align=”left” color=”#dd3333″][/bs-quote]
ہیکر نے اس بار بینک کے آفیشل نمبر سے کال کر کے شہری سے اس کے اکاؤنٹ کی معلومات اور پن کوڈ مانگا۔
عبد اللہ کی طرف سے ہیکر کو تفصیلات کی فراہمی کے بعد ان کے اکاؤنٹ سے ہیکر نے پونے 6 لاکھ روپے اپنے اکاؤنٹ میں ٹرانسفر کر لیے۔
لٹنے والے شہری عبد اللہ نے بینک کے عملے پر تعاون نہ کرنے کا الزام لگا دیا، ان کا کہنا تھا کہ بینک کا عملہ ان کے ساتھ تعاون نہیں کر رہا ہے۔
عبد اللہ نے وزیرِ اعظم عمران خان اور چیف جسٹس پاکستان میاں ثاقب نثار سے انصاف فراہم کرنے کی اپیل کر دی۔ کہا میری عمر بھر کی کمائی لوٹی گئی ہے، مجھے انصاف فراہم کیا جائے۔
یہ بھی پڑھیں: ہیکر نے ریٹائرڈ سائنس دان کے اکاؤنٹ سے 30 لاکھ روپے نکال لیے
یاد رہے کہ گزشتہ روز خان ریسرچ لیبارٹریز (کے آر ایل) کے ریٹائرڈ چیف سائنٹسٹ ڈاکٹر یوسف خلجی کے اکاؤنٹ سے بھی 30 لاکھ روپے غائب کر دیے گئے تھے۔
بزرگ شہری نے چیف جسٹس پاکستان ثاقب نثار سے واقعے کا نوٹس لینے کا مطالبہ کرتے ہوئے کہا کہ ان کے ساتھ بینک فراڈ ہوا ہے۔
ڈاکٹر یوسف خلجی کا کہنا تھا کہ ان کے پنشن اکاؤنٹ سے 25 اور 26 اکتوبر کو 30 لاکھ روپے نکلوائے گئے ہیں، اور بینک حکام اور ایف آئی اے کو درخواستیں دیں لیکن کوئی شنوائی نہیں ہوئی۔
اسلام آباد: بینک اکاؤنٹ ہیک ہونے کا ایک اور کیس سامنے آ گیا، ہیکر نے ریٹائرڈ سائنس دان کے اکاؤنٹ سے تیس لاکھ روپے نکال لیے۔
تفصیلات کے مطابق بینک اکاؤنٹ ہیک ہونے کا ایک اور کیس سامنے آ گیا، خان ریسرچ لیبارٹریز (کے آر ایل) کے ریٹائرڈ چیف سائنٹسٹ ڈاکٹر یوسف خلجی کے اکاؤنٹ سے 30 لاکھ روپے غائب کر دیے گئے۔
[bs-quote quote=”بینک حکام اور ایف آئی اے کو درخواستیں دیں لیکن کوئی شنوائی نہیں ہوئی” style=”style-7″ align=”left” color=”#dd3333″ author_name=”ڈاکٹر یوسف خلجی” author_job=”سائنس دان”][/bs-quote]
بزرگ شہری مدد کی درخواست لیے سپریم کورٹ پہنچ گیا، چیف جسٹس سے نوٹس لینے کا مطالبہ کرتے ہوئے کہا کہ ان کے ساتھ بینک فراڈ ہوا ہے۔
ڈاکٹر یوسف خلجی نے کہا کہ ان کے پنشن اکاؤنٹ سے 25 اور 26 اکتوبر کو تیس لاکھ روپے نکلوائے گئے ہیں۔
ان کا کہنا تھا کہ بینک حکام اور ایف آئی اے کو درخواستیں دیں لیکن کوئی شنوائی نہیں ہوئی، زندگی بھر کی کمائی ایک دن میں لٹ گئی ہے۔
ریٹائرڈ سائنس دان نے چیف جسٹس پاکستان میاں ثاقب نثار سے نوٹس لینے کا مطالبہ کرتے ہوئے کہا کہ انھیں انصاف دلایا جائے۔
یہ بھی پڑھیں: پاکستان کی تاریخ میں بینکنگ سسٹم پر سب سے بڑا سائبر حملہ، لاکھوں ڈالر نکال لیے گئے
خیال رہے ایک ہفتہ قبل پاکستان کی تاریخ میں بینکنگ سسٹم پر سب سے بڑا سائبر حملہ ہوا، جس میں بینک اسلامی کے کریڈٹ، اے ٹی ایم کارڈز سے لاکھوں ڈالر نکالے گئے۔
اس سائبر حملے کے بعد اسٹیٹ بینک نے سمندر پار ٹرانزیکشنز کے لیے عارضی پابندیاں عائد کر دی ہیں، اسٹیٹ بینک کی جانب سے بینکوں کو ہدایات جاری کر دی گئی ہیں کہ وہ ملک میں تمام پے منٹ کارڈز کی سیکورٹی یقینی بنانے کے لیے انتظامات کریں، اور کارڈز کے استعمال خاص طور پر بیرون ملک لین دین کی ریئل ٹائم نگرانی کی جائے۔