اسلام آباد: وزیراعظم شہباز شریف کا کہنا ہے کہ شہیدوں کے بےحرمتی کرنے والےاللہ اور قوم کے مجرم ہیں انہیں معاف نہیں کرینگے۔
تفصیلات کے مطابق وزیراعظم نے آرمی قبرستان راولپنڈی کا دورہ کیا اور یادگار شہدا پر پھول چڑھائے اور فاتحہ خوانی کی۔
اس موقع پر اظہار خیال کرتے ہوئے وزیراعظم نے کہا کہ قوم کی نمائندگی کرتے ہوئےشہدا پرمحبتوں کے پھول نچھاورکرنےآیا ہوں، شہدا نےاپنے وطن کی حفاظت کیلئےبھرپورقربانیاں دی ہیں۔
یہ بھی پڑھیں: بہادر سپوتوں کی عظیم قربانیوں کو فراموش نہیں کیا جاسکتا، ڈی جی اے ایس ایف
وزیراعظم نے کہا کہ شہدا کی قربانیوں کی توہین نو مئی کی تاریخ کو دہرانےنہیں دیں گے، شہیدوں کےبےحرمتی کرنےوالےاللہ اورقوم کےمجرم ہیں معاف نہیں کرینگے۔
وزیراعظم شہباز شریف نے کہا کہ قرآن کریم نے شہیدوں کو زندہ اور ان کی تکریم کا درس دیا ہے، ہم شہیدوں اورغازیوں کی تکریم پرآنچ نہیں آنےدیں گے، دہشت گردی کےخاتمےاورملکی استحکام کیلئےحکومت اورعوام پاک فوج کیساتھ ہیں۔
جنرل عاصم منیر کا کہنا تھا کہ فوج اپنی طاقت عوام سےحاصل کرتی ہے،فوج اور عوام میں خلیج کی کوشش ناقابل برداشت اورناقابل معافی عمل ہے،فوج اور عوام میں دراڑ کی کوشش ریاست مخالف عمل تصورہوگا۔