Tag: یاسمین راشد

لاہور: وزیر صحت پنجاب ڈاکٹر یاسمین راشد نے ڈینگی مہم ایس او پیز پر عمل نہ کرنے پر سخت کارروائی کا حکم دے دیا۔

تفصیلات کے مطابق وزیرصحت پنجاب کی زیر صدارت انسداد ڈینگی مہم سے متعلق اجلاس ہوا جس میں انسداد ڈینگی مہم کی سرگرمیوں کا جائزہ لیا گیا۔اجلاس میں سیکرٹری صحت نے صوبے میں ڈینگی مہم کی سرگرمیوں کی تفصیلات سے آگاہ کیا۔

اس موقع پر ڈاکٹر یاسمین راشد کا کہنا تھا کہ کمشنرز،ڈی سی علاقوں میں ایس او پیز پر سختی سے عملدرآمد کروائیں،متاثرہ علاقہ جات میں مانیٹرنگ کو مزید سخت کیا جائے۔

وزیر صحت پنجاب نے کہا کہ ڈینگی وبا پر قابو پانے کے لیے تمام تر وسائل بروئے کار لائے جا رہے ہیں،پنجاب ہیلتھ کیئر کمیشن ایس او پیز پر مکمل عملدرآمدکے لیے متحرک ہے۔

انہوں نے کہا کہ شہری اپنے گھروں اور بزنس پوائٹس کو صاف ستھرا رکھیں،انسداد ڈینگی مہم میں کسی قسم کی کوتاہی برداشت نہیں کی جائے گی۔

ڈاکٹر یاسمین راشد کا کہنا تھا کہ اگلے ہفتے انسداد ڈینگی مہم کی سرگرمیوں کا دوبارہ جائزہ لیا جائے گا۔ انہوں نے ڈینگی مہم ایس او پیز پر عمل نہ کرنے پر سخت کارروائی کا حکم دے دیا۔

لاہور: وزیر صحت پنجاب ڈاکٹر یاسمین راشد نے کہا ہے کہ اسپتالوں کی صورتحال سے متعلق غلط خبریں پھیلائی جا رہی ہیں۔

تفصیلات کے مطابق لاہور میں میڈیا سے گفتگو کرتے ہوئے صوبائی وزیر صحت یاسمین راشد کا کہنا تھا کہ صوبے میں کرونا کے سب سے زیادہ مریض لاہور،راولپنڈی میں ہیں۔

انہوں نے بتایا کہ صوبے میں کرونا وائرس کے 251 مریضوں کی حالت تشویش ناک ہے،لاہور میں 119 اور راولپنڈی میں 113مریضوں کی حالت تشویش ناک ہے۔

ڈاکٹر یاسمین راشد کا کہنا تھا کہ اسپتالوں کی صورت حال سے متعلق غلط معلومات پھیلائی جا رہی ہیں،اسپتالوں میں بستر اور وینٹی لیٹرز کے حوالے سے بہت شور مچ رہا ہے۔انہوں نے بتایا کہ اسپتالوں میں صرف تشویش ناک حالت میں مبتلا لوگ رکھے جا رہے ہیں۔

وزیر صحت پنجاب نے میڈیا سے گفتگو کے دوران کہا کہ کرونا کے پیش نظر ہمارے لیے ابھی بھی صورتحال الارمنگ ہے،غیرمعینہ مدت تک معاشی سرگرمیاں بند نہیں کی جاسکتیں۔

پاکستان میں کرونا سے روزانہ اموات کی شرح بڑھ گئی، مزید 78 جاں بحق

واضح رہے کہ پاکستان میں کرونا وائرس کی وبا سے اموات میں خوفناک حد تک اضافہ ہو گیا ہے،گزشتہ چوبیس گھنٹوں کے دوران ملک بھر میں مزید 78 افراد کرونا انفیکشن کا شکار ہو کر جاں بحق ہو گئے ہیں۔

لاہور: وزیر صحت پنجاب ڈاکٹر یاسمین راشد کا کہنا ہے کہ لگتا ہے اس حکومت میں کوئی ڈاکٹر بے روزگار نہیں رہے گا۔

تفصیلات کے مطابق پنجاب اسمبلی کے اجلاس میں صوبائی وزیر صحت ڈاکٹر یاسمین راشد نے کہا کہ چلڈرن اسپتال میں پبلک سروس کمیشن کے ذریعے بھرتیاں کر رہے ہیں۔

ڈاکٹر یاسمین راشد کا کہنا تھا کہ 2 ہزار مرد و خواتین ڈاکٹروں کے انٹرویو کرلیے ہیں، کرونا سےنمٹنے کے لیے 10ہزار ڈاکٹروں کے انٹرویو ہو رہے ہیں۔انہوں نے کہا کہ لگتا ہے اس حکومت میں کوئی ڈاکٹربے روزگار نہیں رہے گا۔

وزیر صحت پنجاب نے کہا کہ 7سال سے صوبے میں ڈاکٹروں کی ترقی نہیں ہوئی، پنجاب حکومت ہر 15دن میں ترقی دے رہی ہے جو پہلےنہیں ہوا۔

انہوں نے خواجہ سلمان کو مخاطب کرتے ہوئے کہا کہ خواجہ صاحب30 ڈاکٹروں کی 19 سے 20گریڈ میں ترقی آج تک نہیں ہوئی، 10سال کوئی پروموشن کیوں نہیں کی گئی۔

ڈاکٹر یاسمین راشد کا مزید کہنا تھا کہ آپ نے کہا تھا 6 ماہ میں خالی آسامیوں کو پر کر لیا جائےگا،نہ تو خالی اسامیوں کو پر کیا جا رہا ہے نہ ہی ترقیاں ہو رہی ہیں۔

لاہور: وزیر صحت پنجاب ڈاکٹر یاسمین راشد کا کہنا ہے کہ آئی سی یو میں مریضوں کی جان بچانے کے مزید اقدامات کر رہے ہیں۔

تفصیلات کے مطابق وزیر صحت پنجاب کی زیرصدارت محکمہ پرائمری اینڈ سیکنڈری ہیلتھ کیئر میں اجلاس ہوا جس میں انتہائی نگہداشت یونٹس میں کرونا کے کاشکار مریضوں کے اعداووشمار پر بریفنگ دی گئی۔

اس موقع پر ڈاکٹر یاسمین راشد کا کہنا تھا کہ تمام ٹیچنگ اسپتالوں میں ڈاکٹروں سمیت طبی عملہ موجود ہے،آئی سی یو میں مریضوں کی جان بچانے کےمزید اقدامات کر رہے ہیں۔

وزیر صحت پنجاب کا مزید کہنا تھا کہ کرونا کےمریضوں کے علاج کے لیے تمام وسائل بروئےکار لا رہے ہیں،کرونا وائرس کے مریضوں کا علاج کرنے والے ڈاکٹروں کا حوصلہ بلند ہے۔

پاکستان میں کرونا وبا سے مزید 22 اموات، تعداد 462 ہو گئی

واضح رہے کہ نئے اور مہلک وائرس کو وِڈ نائنٹین کی عالمگیر وبا سے پاکستان بھر میں اموات کی تعداد 462 ہو گئی ہے، ملک کے مختلف حصوں میں کرونا وائرس کے تصدیق شدہ کیسز کی تعداد بھی بڑھ کر 20,186 ہو گئی۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق پاکستان میں کرونا وائرس کے کیسز تیز رفتاری کے ساتھ بڑھ رہے ہیں، ملک کے مختلف شہروں میں اس وقت کرونا کے زیر علاج مریضوں کی تعداد 14 ہزار 134 ہے، پاکستان میں 24 گھنٹوں کے دوران کرونا کے 1083 نئے کیسز رپورٹ ہوئے، جبکہ اب تک 5,590 مریض وائرس سے لاحق ہونے والی بیماری سے صحت یاب ہو چکے ہیں۔

لاہور: وزیرصحت پنجاب یاسمین راشد نے کہا ہے کہ صوبے میں کرونا مریض صحتیاب ہوکر اپنے گھروں کو واپس جارہے ہیں ، ڈاکٹرز اور طبی عملہ مریضوں کی دن رات خدمت میں مصروف ہیں۔

تفصیلات کے مطابق وزیرصحت پنجاب نے اپنے دفتر میں نجی فلاحی تنظیموں کے نمائندگان سے ملاقات کی، اس موقع پر نجی فلاحی تنظیموں نے مستحق افراد کے لیے 15ہزار صابن عطیہ کیے۔

ڈاکٹریاسمین راشد نے نجی فلاحی تنظیموں کے امدادی سامان کی کاوش کو سراہا۔ اس موقع پر ان کا کہنا تھا کہ مستحق طبقات کے لیے امدادی سامان دینے کی کاوش کو سراہتے ہیں، مخیر ادارے اور حضرات اہم کردار ادا کررہے ہیں، لاک ڈاؤن سے بے روزگار افراد کی بحالی کا کام جاری ہے۔

پاکستان میں کرونا کے مصدقہ کیسز کی تعداد 13328 ہو گئی، 281 جاں بحق

انہوں نے کہا کہ بطور قوم کروناوائرس کے خلاف جنگ کو جیتنا ہے، روزانہ کی صورت حال عوام سے شیئر کی جارہی ہیں، ہمیں مشکل وقت میں ایک دوسرے کا ساتھ دینا ہے، پنجاب میں کرونا مریضوں کا بہترین علاج جاری ہے۔

خیال رہے کہ این سی او سی کے مطابق ملک کے مختلف شہروں میں اس وقت کرونا کے ایکٹو کیسز کی تعداد 10 ہزار 018 ہے، پاکستان میں 24 گھنٹوں کے دوران کرونا کے 605 نئے کیسز رپورٹ ہوئے، جب کہ اب تک 3029 مریض وائرس سے لاحق ہونے والی بیماری سے صحت یاب ہو چکے ہیں۔