Tag: یاسمین راشد

لاہور: سابق وزیرِ اعظم نواز شریف کی صاحب زادی مریم نواز کی آمد پر اسپتال کے دروازے بند کرنے پر ایم ایس جناح اسپتال سے جواب طلب کر لیا گیا۔

تفصیلات کے مطابق دو دن قبل نواز شریف سے ملنے کے لیے ان کی صاحب زادی مریم جناح اسپتال آئیں تو دروازے بند کر دیے گئے جس کی وجہ سے مریضوں اور ان کے تیمارداروں کو سخت مشکلات کا سامنا کرنا پڑا۔

وزیرِ صحت پنجاب یاسمین راشد نے اسپتال انتظامیہ سے سوال کیا کہ دروازے بند ہونے سے مریضوں کو پریشانی کا سامنا کیوں کرنا پڑا؟

یاسمین راشد نے اسپتال انتظامیہ کی سخت سرزنش کرتے ہوئے کہا کہ مریم نواز کی جناح اسپتال آمد پر اسپتال کے دروازے کھلے رہنے چاہئیں۔

انھوں نے کہا کہ ہمارے لیے جناح اسپتال میں نواز شریف سمیت تمام مریض برابر ہیں، کسی بھی قسم کی موومنٹ کے دوران اسپتال کے دروازے بند نہیں ہوں گے، نہ یہ رویہ برداشت ہو گا۔

یہ بھی پڑھیں:  مریم نواز کی جناح اسپتال آمد، سر پرکیمرہ لگ گیا، راستے بند مریض پریشان

یاد رہے کہ دو دن قبل مریم نواز کی لاہور کے جناح اسپتال آمد تیمارداروں کے لیے زحمت بن گئی تھی، انھوں نے اسپتال میں والد کی عیادت کی، واپسی پر اسپتال کی راہ داریاں بند کرا دی گئی تھیں، جس کی وجہ سے مریض اور تیماردار رُل گئے تھے۔

مریم نواز اپنے والد سے ملنے کے بعد جب جناح اسپتال سے روانہ ہوئیں تو سیکورٹی کے سخت انتظامات کیے گئے تھے، اس موقع پر اسپتال کے مختلف وارڈز کے راستے بند کردیے گئے۔

لاہور: کوٹ لکھپت جیل کے قیدی سابق وزیرِ اعظم نواز شریف کے لیے جناح اسپتال لاہور کا نجی وارڈ سب جیل قرار دے دیا گیا۔

تفصیلات کے مطابق دل کی بیماری میں مبتلا نواز شریف کو علاج کے لیے جناح اسپتال لاہور منتقل کرنے کے سلسلے میں اسپتال کے نجی وارڈ کو سب جیل کا درجہ دے دیا گیا ہے۔

اسپتال میں جیل کے 6 افسران اور ملازمین کی تعیناتی کا نوٹیفکیشن بھی جاری کر دیا گیا۔

[bs-quote quote=”نواز شریف اسپتال نہیں جانا چاہتے تھے، یہ بتایا جائے کہ اسپتال اس نہج پر کس نے پہنچائے؟ ” style=”style-8″ align=”left” color=”#dd3333″ author_name=”یاسمین راشد” author_job=”صوبائی وزیرِ صحت”][/bs-quote]

ذرایع کا کہنا ہے کہ انچارج سب جیل اسسٹنٹ سپرنٹنڈنٹ امین صادق ڈیوٹی پر مامور کر دیے گئے ہیں، افسران و ملازمین سیکورٹی سمیت دیگر امور سے اعلیٰ حکام کو آگاہ کریں گے۔

دریں اثنا وزیرِ صحت پنجاب یاسمین راشد نے جناح اسپتال کے حوالے سے کہا کہ یہ کوئی لندن نہیں ہے، یہاں کوئی زخمی بھارتی فوجی بھی آئے گا تو علاج پہلی ذمہ داری ہوگی۔

یاسمین راشد کا کہنا تھا کہ نواز شریف کو دل کے مرض کے ساتھ ساتھ دیگر مسائل بھی لا حق ہیں، اس لیے انھیں ملٹی ڈسپلن اسپتال میں رکھا گیا، انھیں دل کے اسپتال منتقل کرنا چاہتے تھے لیکن وہ جیل جانے کی ضد کر گئے۔

یہ بھی پڑھیں:  نواز شریف کو کوئی خطرناک بیماری نہیں: ڈاکٹر عارف تجمل

وزیر صحت نے مزید کہا کہ نواز شریف کارڈیالوجی جانا چاہتے ہیں تو ایک لمحے میں بھیج دیں گے، مریم نواز اسپتال کے حوالے سے بیان تو دیتی ہیں مگر یہ نہیں بتاتیں کہ اسپتال اس نہج تک کس نے پہنچائے، نواز شریف کی فیملی سے پوچھا گیا ہے کہ کیا سہولیات چاہئیں۔

یاسمین راشد نے کہا ’میں نے بھی تو 4 بچوں کو پاکستان کے اسپتالوں میں جنم دیا ہے۔‘

لاہور: وزیر صحت پنجاب یاسمین راشد نے کہا ہے کہ کوئی بھی شخص قانون سے بالاتر نہیں ہوسکتا ہے، شہباز شریف کا گرفتار ہونا بتاتا ہے انصاف ہورہا ہے، ن لیگ والے بے شک چور کی گرفتاری پر احتجاج کرلیں۔

ان خیالات کا اظہار انہوں نے شہباز شریف کی گرفتاری کے بعد میڈیا سے گفتگو کرتے ہوئے کیا، یاسمین راشد نے کہا کہ آشیانہ بہت پرانا اور بڑا اسکینڈل ہے، اسکینڈل میں فواد حسن فواد کو گرفتار کیا جاچکا ہے، نیب کی جانب سے جو قدم اُٹھایا گیا ہے یہ بہت ضروری تھا۔

صوبائی وزیر صحت نے کہا کہ حکومت چاہتی ہے کوئی بھی شخص قانون سے اوپر نہیں، جب ادارے مضبوط ہوتے ہیں ت ایسے اقدامات سامنے آتے ہیں، رانا مشہود نے کل ہی کہا تھا حالات بہت اچھے ہوگئے ہیں، قومی اداروں میں سیاسی مداخلت بہت کم ہوگئی ہے۔

دوسری جانب پی ٹی آئی رہنما عثمان ڈار نے کہا کہ ہے کہ ن لیگ والے سیاسی مقدمات کا رونا رو رہے ہیں، عوام احتساب ہوتا دیکھنا چاہتی ہے، آج پی اے سی چیئرمین پر حکومتی موقف کی تائید ہوئی ہے۔

انہوں نے کہا کہ شہباز شریف پر تمام مقدمات ان کے اپنے دور میں قائم ہوئے، نیب بغیر کسی دباؤ اور بلاتفریق اپنا کام کررہی ہے، لوٹ مار کرنے والے کو احتساب کے عمل سے گزرنا ہوگا۔

مزید پڑھیں: کرپشن کیس: نیب نے شہبازشریف کو گرفتار کرلیا

واضح رہے کہ سابق وزیر اعلیٰ پنجاب شہباز شریف کو صاف پانی اسکینڈل کی تحقیقات کے لیے نیب میں پیشی کے لیے آئے تھے اور انہیں آشیانہ کمپنی کیس میں کرپشن کے الزامات میں حراست میں لے لیا گیا ہے۔

نیب کے ترجمان کا کہنا تھا کہ شہباز شریف کی گرفتاری آشیانہ ہاؤس اسکینڈل میں غیرقانونی ٹھیکے دینے پر عمل میں آئی ہے کل انہیں عدالت میں پیش کیا جائے گا۔