نئی دہلی(11 اگست 2025): بھارتی کرکٹر یش دیال پر خاتون سے زیادتی کے الزامات کے پیشِ نظر پابندی لگا دی گئی۔
بھارتی میڈیا رپورٹ کے مطابق رائل چیلنجرز بنگلورو (آر سی بی) کے فاسٹ بولر یش دیال کچھ ہفتوں سے اپنی ذاتی زندگی کے باعث خبروں میں ہیں اگرچہ اس وقت مبینہ جنسی استحصال کیس میں عدالتی کارروائی چل رہی ہے، لیکن ان کی ذاتی زندگی نے اب ان کے پیشہ ورانہ کیریئر کو بھی متاثر کرنا شروع کر دیا ہے۔
بھارتی میڈیا کا کہنا ہے کہ فاسٹ بولر کو مبینہ طور پر اتر پردیش ٹی 20 لیگ میں حصہ لینے سے روک دیا گیا ہے، فاسٹ بولر یش دیال کے لیگ کھیلنے پر پابندی لگائی گئی ہے، یش یو پی (اتر پردیش) ٹی ٹوئنٹی لیگ کے تیسرے ایڈیشن کا حصہ نہیں ہوں گے، ان کا گورکھپور لائنز کے ساتھ 7 لاکھ میں معاہدہ ہوا تھا۔
زیادتی کیس، بھارتی کرکٹر یش دیال کی گرفتاری پر حکم امتناع جاری
واضح رہے کہ غازی آباد میں یش کے خلاف 6 جولائی کو ایف آئی آر کا اندراج ہوا تھا، رائل چیلنجرز بنگلور (آر سی بی) کے فاسٹ بولر یش دیال کے خلاف ایک خاتون سے زیادتی کا کیس رجسٹرڈ کیا گیا تھا۔
فاسٹ بولر پر ایک خاتون نے جنسی استحصال کا الزام لگایا تھا، غازی آباد کی خاتون نے فاسٹ بولر پر جنسی استحصال کے خلاف مقدمہ درج کرنے کی درخواست دی تھی، جس کے بعد خاتون سے زیادتی کے کیس میں بھارتی کرکٹر کے خلاف مقدمہ درج کرلیا گیا تھا۔
رپورٹس کے مطابق خاتون نے الزام عائد کیا تھا کہ 5 سالہ تعلق کے دوران یش نے جسمانی اور ذہنی تشدد کیا۔ خاتون نے شادی کا وعدہ کر کے مالی طور بھی استحصال کرنے کا الزام لگایا تھا، بھارتی میڈیا کا کہنا ہے کہ الزامات ثابت ہونے پر بھارتی کرکٹر کو 10 برس قید کی سزا کا سامنا کرنا پڑ سکتا ہے۔
