Tag: یمن

صنعاء: یمن کے مغربی شہر الحدیدہ میں باغی حوثی ملیشیا نے رہائشی عمارتوں میں مورچہ بندی کی کارروائیوں میں اضافہ کردیا ہے، یہ پیش رفت باغی ملیشیا کی جانب سے وسیع پیمانے پر تین حملوں میں ناکامی کے بعد سامنے آئی۔

غیرملکی خبررساں ادارے کے مطابق یمنی مشترکہ مزاحمت کے زیر انتظام عسکری میڈیا نے الحدیدہ میں الخمسین اسٹریٹ کے نزدیک رہائشی عمارتوں میں حوثی عناصر کی جانب سے مورچے قائم کرنے کی کارروائی کو کیمرے کی آنکھ میں محفوظ کرلیا۔

عسکری ذرائع کے مطابق غیرمعمولی نوعیت کی چڑھائی کے سلسلے میں بہت تیزی سے مورچے قائم کیے جارہے ہیں اس دوران باغیوں کی جانب سے فائرنگ، گولہ باری اور دراندازی کی کوششوں کے علاوہ آزاد کرائے جانے والے رہائشی علاقوں میں وسیع پیمانے پر حملوں اور پیش قدمی کی سرتوڑ کوشش کی جارہی ہے۔

حوثی ملیشیا اقوام متحدہ کے زیر سرپرستی اعلان کردہ جنگ بندی کی خلاف ورزی کرتے ہوئے الحدیدہ شہر میں آزاد کرائے جانے والے علاقوں اور محلوں میں رہائشی علاقوں پر بھاری گولہ باری کررہی ہے۔

حوثی باغیوں نے دسمبر میں دستخط کیے گئے سویڈن معاہدے پر عمل درآمد سے بھی انکار کردیا ہے، اس سے قبل عسکری ذرائع نے خبردار کیا تھا کہ مغربی ساحل کے محاذوں پر اور الحدیدہ شہر کے اندر مسلح جتھے نقل و حرکت کررہے ہیں۔

اس کے علاوہ صوبے کے باہر سے کمک بھی منگوائی جارہی ہیں جبکہ اقوام متحدہ سویڈن معاہدے پر عملدرآمد میں پیش رفت کے لیے کوششیں کررہی ہے، اس میں الحدیدہ شہر اور اس کی بندرگاہوں سے حوثی ملیشیا کا انخلا شامل ہے۔

ریاض: سعودی عرب کی قیادت میں عرب اتحاد نے یمن میں سخت گیر جنگجو گروپ داعش کے امیر ابو اسامہ المہاجر کو ساتھیوں سمیت گرفتار کرلیا۔

عرب میڈیا کے مطابق ابو اسامہ المہاجر اور اس کے انتہا پسند گروپ کے دوسرے کارندوں کو 3 جون کو ایک مشترکہ کارروائی کے دوران گرفتار کیا گیا، ان کے قبضے سے ہتھیار، گولہ بارود اور ٹیلی مواصلات کے آلات بھی برآمد ہوئے تھے۔

عرب اتحاد کے ترجمان کرنل ترکی المالکی نے کہا ہے کہ سعودی فورسز نے یمنی فورسز کے ساتھ مل کر ایک مکان میں یہ چھاپہ مار کارروائی کی تھی، البتہ انہوں نے اس مکان کے محل و وقوع کے بارے میں کچھ نہیں بتایا۔

انہوں نے کہا کہ اس مکان کی کئی روز تک نگرانی کی جاتی رہی تھی جس سے اس میں دہشت گرد گروپ داعش کے لیڈر کی دوسرے عناصر کے ساتھ موجودگی کا پتا چلا تھا، ان کے ساتھ عورتیں اور تین بچے بھی رہائش پذیر تھے۔

Breaking: The Arab Coalition said that a joint operation between Saudi and Yemeni forces has led to the capture of Abu Osama al-Muhajir, the emir of ISIS in Yemen.https://t.co/bYe7ImpOwD pic.twitter.com/3tbaM06Bah

— Al Arabiya English (@AlArabiya_Eng) June 25, 2019

کرنل ترکی المالکی کے مطابق نگرانی اور مسلسل مانیٹرنگ کے ذریعے ان کے روزمرہ کے معمولات، نقل و حرکت کی تفہیم اور ان کی مکمل طور پر شناخت کے بعد فورسز نے کامیاب کارروائی کی تھی۔

انہوں ںے کہا کہ دہشت گردوں کو مختصر دورانیے میں گرفتار کرلیا تھا اور اس کارروائی کے دوران میں اس امر کو بھی یقینی بنایا تھا کہ مکان میں موجود بچوں اور عورتوں کو کوئی نقصان نہ پہنچے۔

کرنل ترکی المالکی نے کہا کہ دہشت گردوں کی گرفتاری اور گھر میں موجد اسلحہ و دیگر آلات کو پکڑنے کے لیے یہ تمام چھاپہ مار کارروائی صرف دس منٹ میں مکمل ہوگئی تھی۔

سعودی فورسز نے تب یمن کے مقامی وقت کے مطابق صبح 9 بجکر 20 منٹ پر یہ کارروائی شروع کی تھی اور اس کو ساڑھے 9 بجے مکمل بھی کرلیا تھا۔

ریاض: سعودی محکمہ دفاع نے حوثی باغیوں کی جانب سے سرحدی علاقوں خمیس اور ابھا کی طرف داخل ہونے والے پانچ ڈرون طیارے مار گرائے۔

عرب میڈیا کے مطابق یمن میں آئینی حکومت کی رٹ بحالی میں سرگرم عرب اتحادی فوج کے ترجمان کرنل ترکی المالکی نے کہا ہے کہ سعودی ایئر ڈیفنس نے یمنی باغیوں کی جانب سے مملکت کے سرحدی علاقوں خمیس مشیط اور ابھا کی طرف بھیجے گئے پانچ ڈرون طیارے مار گرائے، اس کارروائی سے شہری علاقے بڑی تباہی سے بچالیے گئے ہیں۔

کرنل ترکی المالکی نے کہا کہ ابھا کے ہوائی اڈے پر فلائٹ آپریشن معمول کے مطابق جاری ہے، پروازوں کی آمدورفت میں کسی قسم کی تاخیر نہیں ہوئی اور نہ ہی مسافروں کو کسی قسم کی پریشانی کا سامنا کرنا پڑا۔

مزید پڑھیں: سعودی عرب:‌ حوثی باغیوں‌ کا ائیرپورٹ پر میزائل حملہ، 26 زخمی

انہوں نے کہا کہ دہشت گرد حوثی ملیشیا نے سعودی عرب کے سرحدی شہروں کو ڈرون طیاروں کی مدد سے نشانہ بنانے کی ناکام کوشش کی مگر سعودی محکمہ دفاع نے فوری اور موثر کارروائی کرتے ہوئے حوثیوں کے پانچ ڈرون طیارے مار گرائے۔

کرنل المالکی نے کہا کہ حوثیوں کے انسان دشمن اقدامات کے خلاف سعودی عرب کو بین الاقوامی قوانین کے مطابق جوابی کارروائی کا بھرپور حق حاصل ہے۔

یاد رہے کہ بدھ کے روز حوثی باغیوں نے ابھا کے بین الاقوامی ہوائی اڈے پر میزائل حملہ کیا جس کے نتیجے میں 26 مسافر زخمی ہوگئے تھے، زخمی ہونے والوں میں دو سعودی بچے، بھارتی، یمنی اور مقامی شہری اور تین خواتین شامل تھیں۔

صنعا: یمن میں عرب اتحاد کے طیاروں نے الضالع صوبے کے شمالی محاذ پر باغی حوثی ملیشیاؤں کے ٹھکانوں پر متعدد فضائی حملے کیے جس کے نتیجے میں 36 حوثی باغی ہلاک اور 52 زخمی ہوگئے۔

عرب میڈیا کے مطابق الضالع کے شمال میں واقع محاذ پر حوثی ملیشیا کے 22 ارکان کو گرفتار کرلیا گیا جن میں ایک سینئر عسکری کمانڈر اور متعدد افسران شامل ہیں۔

دوسری جانب قعطبہ ضلع کے مغرب میں شخب کے علاقے کے نزدیک کی جانے والی بمباری میں راکٹ لانچرز سمیت کئی عسکری گاڑیاں اور دو فوجی ٹینک تباہ ہوگئے۔

یمنی مشترکہ مزاحمتی فورسز کے ایک عسکری ذرائع کا کہنا ہے کہ الضالع کے شمال میں واقع محاذ پر حوثی ملیشیا کے درجنوں ارکان کو گرفتار کیا گیا، ان میں ایک سینئر عسکری کمانڈر اور متعدد افسران شامل ہیں۔

مزید پڑھیں: یمن میں عرب طیاروں کی دو الگ الگ کارروائیاں، 60 حوثی باغی ہلاک

رپورٹ کے مطابق شخب کے علاقے میں سڑکوں اور جھاڑیوں کے پیچھے درجنوں حوثی باغیوں کی لاشیں موجود ہیں جن کو مفرور ارکان چھوڑ کر بھاگ گئے۔

اس دوران حوثی باغیوں نے الفاخر کے اطراف پلوں کو دھماکے سے اڑانے اور بارودی سرنگیں اور دھماکا خیز مواد نصب کرنے کی کارروائیوں میں اضافہ کردیا جس کا مقصد اتحادی فورسز کی سلیم سے الفاخر کی جانب پیش قدمی کو روکنا ہے۔

واضح رہے کہ رواں ماہ کے اوائل میں سعودی اتحادی فورسز نے حوثی باغیوں کے دو ٹھکانوں کو نشانہ بنایا تھا جس کے نتیجے میں 60 باغی ہلاک ہوگئے تھے۔