Tag: یواے ای

دبئی : متحدہ عرب امارات کے مختلف شہروں میں آئندہ چند روز تک مزید بارش کا امکان ہے، حکام نے ڈرائیوروں اورعوام کو خصوصی احتیاط برتنے کی ہدایت کی ہے، گزشتہ روزکی طوفانی بارش کے بعد لوگوں کو مشکلات کا سامنا کرنا پڑا۔

تفصیلات کے مطابق عرب میڈیا کا کہنا ہے کہ محکمہ موسمیات نے متحدہ عرب امارات کے مختلف شہروں میں آئندہ چند روز تک بارش اور طوفانی ہواؤں کی پیش گوئی کی ہے، حکام نے بارش کے پیش نظرڈرائیورز اورعوام کوخصوصی احتیاط برتنے کی ہدایت کی ہے۔

گزشتہ روزدبئی میں موسلادھاربارش نے دبئی میں جل تھل ایک کردیا تھا ، دنیا کے سب سے بڑے دبئی شاپنگ مال میں بھی پانی بھرگیا جبکہ نشیبی علاقے بھی زیرآب آگئے تھے ، سڑکوں پر رش کے باعث لوگوں کو مشکلات کا سامنا کرنا پڑا۔

مزید پڑھیں : متحدہ عرب امارات میں تباہ کن بارشیں، نظام زندگی مفلوج

بارشوں کی وجہ سے نکاسی کا نظام بری طرح سے متاثر ہوا اور سڑکوں پر تین سے چار فٹ پانی کھڑا ہوگیا، تاہم کسی بھی علاقے میں خوش قسمتی سے جانی نقصان نہیں ہوا، خلیج ٹائمز کی جانب سے برسات کی تباہ کاریوں کے حوالے سے ویڈیوز بھی شیئر کی گئیں۔

بارشوں کے پیش نظر متحدہ عرب امارات کے حکام نے تمام تعلیمی اداروں اور نجی و سرکاری دفاتروں کل بند رکھنے کا اعلان کیا تھا جبکہ حکومت نے کسی بھی ہنگامی صورتحال سے نمٹنے کے لیے ایمرجنسی نافذ کردی ہے۔

دبئی: متحدہ عرب امارات کی ریاست فجیرہ کی مقامی عدالت نے بچے کو تھپڑ مارنے کے جرم میں خلیجی شخص کو لاکھوں روپے جرمانہ ادا کرنے کا حکم دے دیا۔

تفصیلات کے مطابق اماراتی میڈیا رپورٹ میں بتایا گیا ہے کہ عدالت نے بچے کو تھپڑ رسید کرنے کے جرم میں ایک ماہ معطل قید کی سزا بھی سنائی ہے۔

فجیرہ پولیس نے بچے کی شکایت پر عدالتی سمن بھیج کر مجرم کو تفتیش کے لیے بلایا اور پبلک پراسیکیوٹر نے اس پر بچے کے ساتھ نامناسب عمل کا الزام عائد کیا۔

مجرم نے عدالت کو بتایا کہ جب وہ ایک شاپنگ مال کے بیت الخلامیں رفع حاجت میں مصروف تھا کہ اس دوران دروازے پر زور زور سے دستک دی گئی جس پر اسے شرمندگی محسوس ہورہی تھی اور شدید غصہ آرہا تھا۔

مجرم کا کہنا تھا کہ جیسے ہی وہ بیت الخلا سے باہر آیا تو بچہ زور زور سے ہنسنے لگا، دراصل وہ اپنے دستوں کے ساتھ مل کر مزاق کررہا تھا جس پر وہ آگ بگولہ ہوگیا اور بچے کو سبق سکھانے کے لیے ہلکا سا تھپڑ مارا۔

مجرم نے کہا کہ بچے کوتھپڑ مارنے کا مقصد اس کی تضحیک کرنا نہیں تھا بلکہ آئندہ ایسی شرارت کرنے سے روکنے کے لیے تھا۔

عدالت نے جرم ثابت ہونے پر خلیجی شخص کو ایک ماہ معطل قید کی سزا اور 20 ہزار درہم یعنی قریباً ساڑھے آٹھ لاکھ روپے پاکستانی جرمانے کی سزا سنا دی۔