اسلام آباد : وزیرتوانائی اویس لغاری نے بچت کا نیا فارمولا پیش کردیا اور کہا 2گھنٹےکی لوڈشیڈنگ سے50ارب روپےکی بچت کی جاسکتی ہے۔
تفصیلات کے مطابق اسلام آباد میں یوتھ کنونشن سے وزیر توانائی اویس لغاری نے خطاب کرتے ہوئے کہا کہ توانائی کےبحران پر قابو پانے کیلئے اقدامات کر رہے ہیں، توانائی کےشعبےمیں اصلاحات ناگریز ہیں۔
وزیر توانائی نے بتایا کہ بجلی پیداکرنےکی صلاحیت29ہزارمیگاواٹ ہے، توانائی کی پیداوارسےمتعلق غلط اعداد و شمار پیش کیےجاتےہیں، 2گھنٹےکی لوڈشیڈنگ سے50ارب روپےکی بچت کی جاسکتی ہے۔
ان کا کہنا تھا کہ بجلی مہنگی ہے،سستی بجلی پیداکرنےکیلئےاقدامات کررہےہیں، ملک بھرمیں پنکھے9 ہزار میگا واٹ بجلی کا لوڈ لیتے ہیں،بجلی کی بچت کیلئےپنکھوں کوکم واٹ پرمنتقل کرنااہم اقدام ہے۔
وفاقی وزیر نے کہا کہ ملک میں صنعتی پیداوارمیں اضافہ ضروری ہے، موسم سرمامیں بجلی کےبہتراستعمال کیلئے صنعتی پیداوارمیں اضافہ کرنا ہوگا۔
انھوں نے بتایا کہ حکومت نےلوڈشیڈنگ ختم کرنےکیلئےنئےپلانٹس لگائے، اس وقت بوجھ10روپےفی یونٹ تھا جو ڈالرکی قیمت بڑھنے سے بڑھ گیا، توانائی کی کھپت کوپورا کرنے کیلئے نئے پلانٹس لگانے ہوں گے۔
ان کا کہنا تھا کہ کوئی شک نہیں خطےمیں سب سےزیادہ مہنگی بجلی دےرہےہیں، بجلی یونٹ کےریٹ میں کمی سےعوام پربوجھ کم ہوگا۔
وزیر توانائی نے کہا کہ شہباز شریف نےکام سونپا،ہم نےخاموشی سےآئی پی پیزپرکام شروع کیا ، آئی پی پیز سے متعلق جو کام 3ماہ میں ہواوہ پاکستان میں کبھی نہیں ہوا ، آئی پی پیزسےمتعلق خوشخبری دیں گے پاکستان بہتری کی طرف جائےگا، سب مل کرکام کررہےہیں، 4 ماہ میں رزلٹ دےکررہیں گے۔
انھوں نے مزید بتایا کہ نواز شریف کی حکومت 2013میں آئی سب نےکہالوڈشیڈنگ ختم کرو، ہمیں انٹرنیشنل مارکیٹ میں کوئی بجلی گھر لگا کر نہیں دے رہا تھا لیکن ہمارے دوست چین نے ہمیں آئی پی پیز لگا کردیں۔
وفاقی وزیر نے کہا کہ ہمیں زیادہ سستی بجلی والےپلانٹ لگانےہیں ، لوگ انڈسٹری کوچلانےکےلئےگیس خریدرہےہیں، کوشش کریں گےان کوبھی بجلی پرلائیں۔
ان کا کہنا تھا کہ ہمیں سردیوں میں پیکج دیناہے، جہاں 45روپےکایونٹ استعمال کررہےہیں وہاں20روپےکایونٹ ہوگا، باہرکےبجائےاپناکوئلہ استعمال کریں توقیمتوں میں کمی آسکتی ہے، ہمارےٹیوب ویل باہرسےآئےڈیزل پرچل رہےہیں، ٹیوب ویل کوشمسی توانائی پرلائیں گے۔
