چین : یورپ کے کئی ممالک نے امریکہ کی مخالفت کے باوجود چین کے تجویز کردہ بینک میں شمولیت اختیار کرلی ہے۔
چین کی جانب سے ایک بین الاقوامی مالیاتی ادارے ایشیئن انفراسٹرکچرانویسٹمنٹ بنک کی تجویزعالمی سطح پرانتہائی اہمیت اختیار کرگئی ہے، کئی یورپی اقوام کی جانب سے شمولیت کے مثبت اعلانات سامنے آچکے ہیں۔
چین کی سرکاری ایجنسی کے مطابق امریکی مخالفت کے باوجود اس بینک میں جرمنی، فرانس، اٹلی اور برطانیہ کی شمولیت سے ایک فیصلہ کن تقویت حاصل ہوئی ہے اور مخالفت کرنے والی امریکی لابی میں دراڑ پیدا ہوئی۔
لندن :برطانوی ادارے کے مطابق یورپی ممالک کی پانچ سو پچاس خواتین نے داعش میں شمولیت اختیار کر رکھی ہے۔
برطانوی ادارے انسٹی ٹیوٹ فار اسٹریٹیجک ڈائیلاگ کے رپورٹ کے مطابق یورپی ممالک کی ساڑھے پانچ سو خواتین جہاد کی غرض سے سے شام اور عراق میں موجود ہیں ، جہاں انھوں نے شدت پسند تنظیم داعش میں شمولیت اختیار کرلی ہے۔
رپورٹ میں مزید کہا گیا ہے کہ عراق و شام میں لڑنے والی خواتین جہادیوں کی واپسی مغربی ممالک کے لیے بڑا خطرہ ہے، ان کی سرگرمیوں سے ان ممالک میں شدت پسندی کو فروغ حاصل ہوگا جبکہ دہشت گردی کے خطرات بہت زیادہ بڑھ جائینگے۔
یورپی خواتین کی دولتِ اسلامیہ میں شمولیت کے معاملے پر تشویش میں اضافہ ہو رہا ہے، یہ پہلی بار ہے کہ خواتین دہشت گردوں کے بارے میں مفصل رپورٹ شائع ہوئی ہے۔
اس رپورٹ میں ان خواتین کے شدت پسندوں کی صفوں میں شامل ہونے اور انکے سوشل میڈیا میں کردار کا بھی جائزہ لیا گیا ہے، اس کے علاوہ اس سوال کے جواب کو ڈھونڈا گیا ہے کہ آخر کیا وجہ ہے کہ اتنی بڑی تعداد میں خواتین سب کچھ چھوڑ کر دولتِ اسلامیہ میں شمولیت اختیار کرنےگئی ہیں۔
رپورٹ میں اس سلسلے میں کئی وجوہات کی نشاندہی بھی کی ہے اور بتایا گیا ہے کہ دولتِ اسلامیہ میں شمولیت اختیار کرنے کی وجوہات میں سے ایک ذاتی رنجشیں اور دوسری جہادیوں سے شادی کی خواہش ہے۔
رپورٹ میں یہ بھی کہا گیا ہے کہ خطرات کا اندازہ نہ ہونے کے باعث ان خواتین میں سے بڑی تعداد واپس نہیں لوٹی ہے۔ رپورٹ میں مزید کہا گیا ہے کہ ایسی جہادی خواتین کو واپس برطانیہ آ رہی ہیں ملک کے لیے خطرہ ثابت ہو سکتی ہیں۔
اسلام آباد: یورپی ممالک کی تنظیم ای یو نے پاکستان میں سزا موت پر پابندی اٹھائے جانے کے خلاف شدید ردِعمل کا اظہار کرتے ہوئے۔ پابندی دوبارہ لگانے کا مطالبہ کر دیا۔
یورپی یونین نے پاکستان کی جانب سے سزائے موت پر پابندی اٹھانے کے معاملے پر شدید ردِعمل کا اظہار کرتے ہوئے پابندی بحال کرنے کا مطالبہ کیا ہے۔
پاکستان میں یورپی یونین کے سفیر لارس گنار وگیمارک کی جانب سے جاری اعلامیہ کے مطابق یورپی یونین کو حکومتِ پاکستان کی جانب سے سزائے موت پر پابندی اٹھانے کے فیصلے سے مایوسی ہوئی ہے اور دہشت گردی کے خلاف جنگ میں سزائے موت مؤثر ہتھیار نہیں ہے۔
یورپی یونین کے سفیر نے پابندی کو جلد از جلد دوبارہ عائد کرنے کی امید کا اظہار کرتے ہوئے کہا کہ یورپی یونین ہر صورتحال میں سزائے موت کے خلاف ہے۔
لارس گنار نے یقین دلایا کہ یورپی یونین سانحہ پشاور کے بعد غم کی اس گھڑی میں حکومت پاکستان کے ساتھ ہے، لارس گنار کاکہنا ہے کہ پاکستان کے اس فیصلے سے جی ایس پی پلس اسٹیٹس پر بھی منفی اثرات مرتب ہوسکتے ہیں۔
غزہ : تین روزہ جنگ بندی کے نفاذ کے بعد امدادی تنظیموں کی جانب سے امدادی کارروائیاں شروع کردی گئی ہیں۔
تین دن کی جنگ بندی سے غزہ کے باسیوں نے سکھ کا سانس لیا، اسرائیل کے وحشیانہ حملے رکنے کے بعد غزہ میں معمول کی زندگی بحال ہوئی ہے۔ بازاروں میں لوگوں کا ہجوم ہے، اسرائیلی بمباری سے تباہ حال غزہ میں کھانے پینے کی اشیا، دواؤں اور پانی کی قلت پیدا ہوگئی ہے۔
مخلتف علاقوں میں عورتیں، بچے اورمرد قطاروں میں لگے پانی حاصل کرنے کی کوششوں میں مصروف دکھائی دیتے ہیں، امدادی تنظیموں نے غزہ میں دواؤں اوردیگرضروریات زندگی کی فراہمی کا کام شروع کردیا ہے۔
جرمنی، فرانس، برطانیہ اوردیگرممالک نے غزہ کے لئے امداد کا اعلان کیا ہے، فرانس ڈیڑھ کروڑ ڈالرز، جرمنی تقریبا سوا کروڑ ڈالرز اور برطانیہ ایک کروڑ پاؤنڈز سے زیادہ غزہ میں زخمیوں کے علاج معالجے اور انفرااسٹریکچر کی بحالی کے لئے فراہم کرے گا۔
یورپی ممالک میں دریاؤں کی سطح میں اضافے کے باعث شدید سیلاب لاکھوں افراد متاثرہونے سے ہنگامی صورتحال،حکام نے ریڈ الرٹ جاری کردیا۔.
بیلجئیم، برطانیہ اور برٹنی کے ساحلی علاقوں میں سیلاب کے نتیجے املاک کوبڑےپیمانے پر نقصان پہنچا ہے۔ حکام کا کہنا ہےکہ نقصان کا تخمینہ لگانے میں ایک ہفتہ لگ سکتا ہے جبکہ سیلابی علاقوں میں پھنسے ہزاروں افراد بجلی سے تاحال محروم ہیں۔
حالیہ بارشوں کے باعث دریاؤں کی سطح میں اضافہ اور طوفانی ہوائیں سیلاب کا باعث بنی ہیں۔ برطانوی حکومت کی جانب سے پندرہ سو امدادی رضا کاروں کو معطل کیا گیا تھا جس کے باعث امدادی کارروائیوں میں تاخیر ہونے کی وجہ سے حکومت کو تنقید کا نشانہ بنایا جارہا ہے۔
امریکہ چین کی بڑھتی ہوئی اقتصادی ترقی سے خائف ہیں، امریکہ اقتصادی رکاوٹ پیدا کرنے کے لیے جلد یورپی ممالک سے اہم تجارتی معاہدے کرے گا۔
امریکی خبر رساں ادارے کی ایک رپورٹ کے مطابق چین کی اقتصادی ترقی کے تدارک کے لیے امریکہ اور یورپی یونین میں تجارتی معاملات پر مشاورت کی گئی۔
ملاقات میں مقامی صنعتوں کو مستحکم کرنے اور عالمی تجارتی نظام میں خدشات کو دور کرنے کے لیے منصوبہ بندی کی گئی، وائٹ ہاؤس کی جانب سے یورپی ممالک سے مزاکرات کا لائحہ عمل جاری کیا جاچکا ہے۔
چین کا کہنا ہے کہ امریکہ کی جانب سے اقتصادی ترقی میں رکاوٹ اور چین کے ملکی قوانین کو تبدیل کرنے پر زور دینے کے لیے معاہدے کیے جائیں گے۔
سرد طوفانی ہواؤں، برف باری اور بارشوں نے کرسمس کی خوشیوں کو منجمد کر دیا ہے، فرانس سمیت دیگر یورپی ممالک میں کم از کم چھ افراد ہلاک جبکہ متعدد زخمی ہوگئے۔
یورپ کے دیگر ممالک کے بعد فرانس میں بھی طوفانی ہوائیں، برف باری اور شدید بارشیں کرسمس کی تیاریوں میں خلل ڈال رہی ہیں، فرانس میں نوے کلومیٹر فی گھنٹے کی رفتار سے چلنے والی ہواؤٴں اور طوفانی بارشوں نے نظٓام زندگی کو مفلوج کر کے رکھ دیا ہے۔
لاکھوں لوگ بجلی سے محروم ہیں، بجلی کی عدم سپلائی کے باعث کرسمس کی تیاری کرنے والے لوگ گھروں میں محصور ہوکر رہ گئے، بریٹینی اور نارمنڈی میں تقریباً ڈھائی لاکھ گھر بجلی سے محروم ہیں، زمینی اور فضائی ٹریفک کا نظام بھی بری طرح متاثر ہوا، پیرس میں اندرون اور بیرون ملک تمام پروازیں بھی منسوخ کر دی گئیں۔
فرانس، جرمنی اور انگلینڈ سمیت مختلف یورپی ممالک میں برف باری کے باعث معمولات زندگی متاثر ہیں، شہریوں سمیت مختلف ممالک سے آئے سیاحوں کو بھی شدید مشکلات کا سامنا کرنا پڑا۔
براعظم یورپ ان دنوں شدید سردی کی لپیٹ میں ہے، برفباری اور خراب موسم کے باعث مختلف ممالک کے درمیان سینکڑوں پروازیں منسوخ ہوگئیں، سڑکوں پر کئی کئی فٹ برف جمع ہے، جسکی وجہ سے ٹریفک کا نظام بھی بری طرح متاثر ہے۔
شدید سردی کے باعث شہریوں سمیت سیر و تفریح پر آئے سیاح بھی شدید مشکلات کا شکار ہیں، برف باری کی شدت کے باعث جرمنی کے ایک اسکول میں سو سے زائد بچے پھنس گئے جنہیں ریسکیو آپریشن کے بعد اسکول سے نکال کر ہیسٹنگ ٹاؤن ہال پہنچا دیا گیا ہے۔
یورپی ممالک کی نمائندہ تنظیم یورپی یونین نے سگریٹ نوشی کے خلاف نئی قانون سازی کرنے کا فیصلہ کرلیاہے۔
یورپی یونین نے ممبر ممالک کے لئے سگریٹ کی خرید و فروخت پر نئی قانون سازی کرتے ہوئے اس کی خرید و فروخت پر مزید پابندیاں عائد کر دی ہیں۔ نئی پابندیوں کے مطابق ممبر ممالک سگریٹ کے کور کے پینسٹھ فیصد حصے پر ایسے جملے تحریر کرینگے، جس سے سگریٹ نوشی کی حوصلہ شکنی ہو۔
جملوں کے بجائے مذمتی تصاویر بھی پرنٹ کی جاسکتی ہیں تاہم یہ لازمی نہیں۔ ممبر ممالک دو ہزار سولہ تک تمام قسم کےپھلوں کے فلیورز والے سگریٹ کی فروخت پر مکمل پابندی عائد کر دیں گے جبکہ دو ہزار بیس تک مینتھول فلیور سگریٹ پربھی مکمل پابندی عائد کی جائےگی۔
یونین کی جانب سے کی گئی نئی قانون سازی کے مطابق تمام ممبر ممالک کو پابند کیا گیا ہے کہ سگریٹ نوشی کے مقابلے میں ای سگریٹ کے فروغ کے لئے کوششیں کی جائیں۔
