روس: یورپی یونین اور امریکا نے روس پر نئی اقتصادی پابندیاں عائد کردیں، روسی صدر ولادیمیر پیوٹن کا کہنا ہے کہ وہ پابندیوں کا مقابلہ کریں گے۔
یورپی یونین نے روس کے پانچ اور امریکا نے تین بنکوں پرعالمی اداروں سے تجارتی لین دین پر پابندیاں عائد کردی ہیں جبکہ روس کے دفاعی اور آئل ریفائینری کے اداروں پر بھی پابندیاں عائد کی گئی ہیں۔
روسی صدر ولادی میر پیوٹن کا کہنا ہےکہ مغربی ممالک کی جانب سے عائد کی گئی پابندیاں ناقابل قبول ہیں، ان کاکہنا تھا کہ وہ ان پابندیوں کا مقابلہ کرنے کے لئے مغربی ممالک پر بھی جوابی پابندیاں عائد کریں گے۔
