ARYNews.tv | Urdu – Har Lamha Bakhabar

Tag: یومِ دفاع و شہداء

  • پاک فوج نے یومِ دفاع و شہدا کی مرکزی تقریب کا پرومو جاری کردیا

    پاک فوج نے یومِ دفاع و شہدا کی مرکزی تقریب کا پرومو جاری کردیا

    راولپنڈی : ڈی جی آئی ایس پی آر کا کہنا ہے 6ستمبر2018 کی مرکزی تقریب رات 8 بجے سے براہ راست نشر ہوگی، وزیراعظم عمران خان اور آرمی چیف جنرل قمر جاوید باجوہ خطاب کریں گے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر یوم دفاع و شہدا کی مرکزی تقریب کا پرومو جاری کردیا، جس میں مرکزی تقریب کی جھلکیاں دکھائی گئی ہے۔

    نئی ویڈیو کے مطابق تقریب کا آغاز قومی ترانے اور تلاوت کلام پاک سے ہوگا، تقریب میں وطن سے عشق اورقومی جذبے کی کہانی سےحاضرین کو آگاہ کیا جائے گا اور شہدا کے لواحقین کی یادوں سے سجی تقریب میں امن سے ترقی کا سفر بھی بتایا جائے گا جبکہ مسلح افواج کے دستے پریڈ اور آرمی بینڈ بھی اپنی پرفارمنس سے لہو گرمائیں گے۔

    ڈی جی آئی ایس پی آر کا کہنا ہے کہ یوم دفاع وشہدا کی مرکزی تقریب رات8 بجے جی ایچ کیو سے براہ راست نشر ہوگی اور وزیراعظم عمران خان اورآرمی چیف جنرل قمرجاوید باجوہ تقریب سے خطاب کریں گے۔

    یاد رہے گذشتہ روز ڈی جی آئی ایس پی آرمیجر جنرل آصف غفور نے سماجی رابطے کی ویب سائٹ ٹوئٹر پر یومِ دفاع و شہداء کے حوالے سے آخری پرومو جاری کیا تھا، جس میں آرمی چیف جنرل قمر جاوید باجوہ نے شہدا کو خراج عقیدت پیش کرتے ہوئے پیغام میں کہا تھا شہید کی جوموت ہے وہ قوم کی حیات ہے، شہدا پاکستان اور لواحقین کو سلام۔

    مزید پڑھیں : قوم آج یوم دفاع پاکستان ملی جوش وجذبے سے منارہی ہے

    خیال رہے ملک بھر میں یوم دفاع و شہدا آج ملی جوش جزبے سے منایا جا رہا ہے، ہمیں پیار ہے پاکستان کے نام سے آئی ایس پی آر کی خصوصی مہم میں شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے۔

    شہدا کی یادگاروں پر پھول رکھے جارہےہیں  جبکہ غازیوں اور شہدا کے ساتھیوں کے گھر جاکر ان سے محبت کا اظہار کیا جارہاہے ۔

  • شہیدوں کے ساتھی ان غازیوں کو سلام جو ہمارے خواب پورے کرتے ادھورے ہوگئے، آئی ایس پی آر

    شہیدوں کے ساتھی ان غازیوں کو سلام جو ہمارے خواب پورے کرتے ادھورے ہوگئے، آئی ایس پی آر

    راولپنڈی: پاک فوج کی جانب سے یومِ دفاع و شہداء 2018 پر وطن کی خاطر لڑنے والے غازیوں کو خراج تحسین پیش کرتے ہوئے پیغام میں کہا گیا ہے کہ شہیدوں کے ساتھ پاکستان کے غازی بھی داد کے حقدار ہیں، جو جنگ میں معذور ہوکر بھی وطن پر مرمٹنے کو تیار ہیں۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹویٹرپریومِ دفاع وشہدا 2018 کے حوالے سے نیا پرومو جاری کیا ہے۔

    جاری کیے گئے نئے پرومو میں پاک فوج کے غازیوں کو دکھایا گیا ہے جبکہ مختلف آپریشنز میں زخمی ہونے والے پاک فوج کے غازی بھی پرومو میں شامل ہیں ، کئی غازی زخمی ہونے کے باعث ٹانگوں اورہاتھوں سے محروم ہوئے لیکن اعضا کی محرومی کے باوجود وطن کے لیے مرمٹنے کا جذبہ برقرار ہے۔

    ڈی جی آئی ایس پی آرمیجر جنرل آصف غفور نے اپنے پیغام میں کہا کہ شہیدوں کے ساتھی اوران غازیوں کو سلام جو ہمارے خواب پورے کرتے ادھورے ہوگئے۔ ہمیں پیارہے پاکستان سے۔

    اس سے قبل جاری ہونے والے پرومو آئی ایس پی آر کی جانب سے پاکستانی میڈیا کو خراج تحسین پیش کرتے ہوئے کہا گیا تھا، میڈیا کا شہدا کی قربانیوں کو اجاگر کرنے میں اہم کردارہے، شکریہ پاکستان میڈیا۔

    مزید پڑھیں : نشان حیدر پانے والے شہدا کو خراج تحسین پیش

    یاد رہے پاک فوج کی جانب سے ہمیں پیار ہے پاکستان سے‘ مہم کے سلسلے میں خصوصی پروموز جاری کئے تھے، جس میں نشانِ حیدر حاصل کرنے والے شہداء کو خراج عقیدت پیش کیا گیا تھا جبکہ پہلی بارملک کے ان سیاست دانوں کو بھی خراجِ عقیدت پیش کیا گیا، جو دہشت گردوں کے حملوں میں شہید ہوئے۔

    واضح رہے پاک فوج نے یوم دفاع و شہدا 2018 کو ’ہمیں پیار ہے پاکستان ’سے کے نام سے منفرد انداز میں منانے اعلان کیا تھا اور اس حوالے سے آئی ایس پی آر اس نے نیا نغمہ بھی جاری کیا تھا۔

    ڈی جی آئی ایس پی آر کا کہنا تھا کہ یومِ دفاع و شہدا 2018 پر قوم کے شہیدوں اور ان کے گھر والوں کو یاد کیا جائے گا اور قوم سے درخواست کی تھی کہ وہ 6 ستمبر یومِ دفاع و شہدا پر تمام شہدا کے گھر جا کر انھیں خراجِ عقیدت پیش کریں۔

  • میڈیا کا شہدا کی قربانیوں کو اجاگر کرنے میں اہم کردارہے، شکریہ پاکستانی میڈیا، ڈی جی آئی ایس پی آر

    میڈیا کا شہدا کی قربانیوں کو اجاگر کرنے میں اہم کردارہے، شکریہ پاکستانی میڈیا، ڈی جی آئی ایس پی آر

    راولپنڈی : یومِ دفاع و شہداء 2018 کے حوالے سے پاکستانی میڈیا کو خراج تحسین پیش کرتے ہوئے ڈی جی آئی ایس پی آر میجر جنرل آصف غفور کا کہنا ہے کہ میڈیا کا شہدا کی قربانیوں کو اجاگر کرنے میں اہم کردارہے، شکریہ پاکستان میڈیا، ہمیں پیار ہے پاکستان سے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر یومِ دفاع و شہداء 2018 کے حوالے سے پاکستانی میڈیا کو خراج تحسین پیش کرتے ہوئے پرومو جاری کیا، جس میں پاکستانی میڈیا سے وابستہ صحافیوں کے پیغامات شامل ہیں۔

    ڈی جی آئی ایس پی آر میجر جنرل آصف غفور نے کہا پاکستانی میڈیا نے پاکستان شہدا کی قربانیوں کو اجاگر کرنے اور قوم کو آگاہ کرنے میں کلیدی کردار ادا کیا، شکریہ پاکستان میڈیا۔

    یاد رہے ڈی جی آئی ایس پی آر میجر جنرل آصف غفور نے خصوصی پرومو جاری کیا تھا، جس میں نشانِ حیدر حاصل کرنے والے شہداء کو خراج عقیدت پیش کیا گیا تھا۔

    مزید پڑھیں : پاک فوج نے ’ہمیں پیار ہے پاکستان سے‘ کا نیا پرومو جاری کردیا

    اس سے قبل بھی پاک فوج کی جانب سے ہمیں پیار ہے پاکستان سے‘ مہم کے سلسلے میں ایک نئی ویڈیو جاری کی تھی، جس میں پہلی بار ملک کے ان سیاست دانوں کو بھی خراجِ عقیدت پیش کیا گیا ہے جو دہشت گردوں کے حملوں میں شہید ہوئے۔

    واضح رہے پاک فوج نے یوم دفاع و شہدا 2018 کو ’ہمیں پیار ہے پاکستان ’سے کے نام سے منفرد انداز میں منانے اعلان کیا تھا اور اس حوالے سے آئی ایس پی آر اس نے نیا نغمہ بھی جاری کیا تھا۔

    ڈی جی آئی ایس پی آر کا کہنا تھا کہ یومِ دفاع و شہدا 2018 پر قوم کے شہیدوں اور ان کے گھر والوں کو یاد کیا جائے گا اور   قوم سے درخواست کی تھی کہ وہ 6 ستمبر یومِ دفاع و شہدا پر تمام شہدا کے گھر جا کر انھیں خراجِ عقیدت پیش کریں۔

    خراج عقیدت پیش کیا جائے گا، جس کا عنوان ہمیں پیار ہے پاکستان سے ہے۔ اس حوالے سے آئی ایس پی آر اس نے نیا نغمہ بھی جاری کیا تھا۔اس سے قبل ڈی جی آئی ایس پی آر میجر جنرل آصف غفور نے خصوصی پرومو میں نشانِ حیدر حاصل کرنے والے شہداء کو خراج عقیدت پیش کیا تھا۔