ARYNews.tv | Urdu – Har Lamha Bakhabar

Tag: یومِ پاکستان

  • چیئرمین جوائنٹ چیفس آف اسٹاف کمیٹی اور سروس چیفس کی قوم کو یومِ پاکستان پر مبارکباد

    چیئرمین جوائنٹ چیفس آف اسٹاف کمیٹی اور سروس چیفس کی قوم کو یومِ پاکستان پر مبارکباد

    راولپنڈی: چیئرمین جوائنٹ چیفس آف اسٹاف کمیٹی اور سروس چیفس نے قوم کو یومِ پاکستان پر مبارکباد پیش کی۔

    پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی اور سروس چیفس کی جانب سے قوم کو یومِ پاکستان کی 85 ویں سالگرہ پر دلی مبارکباد پیش کی گئی۔

    آئی ایس پی آر کے مطابق چیئرمین جوائنٹ چیفس اور سروسز چیفس نے یوم پاکستان پر اپنے پیغام میں کہا 23 مارچ انیس سو چالیس ہماری قومی تاریخ کا اہم ترین فیصلہ کن موڑ ہے۔

    آئی ایس پی آر کے مطابق تاریخی دن ایک آزاد ریاست کے تصور کو حقیقت کا روپ ملا، آزاد وطن کے قیام کیلئے مشترکہ کوششوں کی راہ ہموار ہوئی، ایمان، امید کی رہنمائی اور استقامت پر مبنی یہ دن قوم کےعزم کی علامت ہے۔

    آئی ایس پی آر کے مطابق اللہ کے فضل سے قوم جمہوریت کے سائے میں ترقی کی راہ پر گامزن ہے، قوم اسلام کے بنیادی اصولوں کو برقرار رکھنےکیلئے ان پر عمل پیرا ہے، ثابت قدمی کے ساتھ پاکستان جمہوری اداروں کو مضبوط بنانے اور عوام کی فلاح کیلئےکوشاں ہے۔

    آئی ایس پی آر کے مطابق پاکستان کی مسلح افواج اپنی سرحدوں کی حفاظت کیلئے ہمہ وقت ثابت قدم ہیں، مسلح افواج کا وطن کی خودمختاری کو برقرار رکھنے کیلئے اپنے غیر متزلزل عزم کا اعادہ اور آج پاکستان اقوام عالم کے ساتھ ایک ذمہ داررکن کے طور پر کھڑا ہے۔

  • یومِ پاکستان پر مسلح افواج کی پریڈ، صدر، وزیراعظم اور عسکری قیادت کی شرکت

    یومِ پاکستان پر مسلح افواج کی پریڈ، صدر، وزیراعظم اور عسکری قیادت کی شرکت

    ملک بھر میں آج یوم پاکستان قومی جوش و جذبے سے منایا جا رہا ہے، اس دن کی مناسبت سے اسلام آباد کے شکر پڑیاں گراؤنڈ میں مسلح افواج کی پریڈ جاری ہے۔

    تفصیلات کے مطابق ملک بھر میں آج یوم پاکستان بھرپور قومی جوش و جذبے سے منایا جا رہا ہے، قوم  یوم پاکستان اس عہد کی تجدید کیساتھ منارہی ہے کہ ملکی ترقی کیلئے سخت محنت کی جائیگی۔

    یوم پاکستان کی مناسبت سے اسلام آباد کے شکر پڑیاں گراؤنڈ میں مسلح افواج کی پریڈ جاری ہے جس میں صدر پاکستان آصف علی زرداری اور وزیراعظم شہباز شریف بھی شریک ہیں۔

    اس کے علاوہ اس پریڈ میںچیف آف آرمی اسٹاف جنرل سید عاصم منیر، وائس چیف آف ایئراسٹاف ایئر مارشل حامد رشید رندھاوا، چیف آف نیول اسٹاف ایڈ مرل نوید اشرف اور چیئرمین جوائنٹ چیفس آف اسٹاف کمیٹی جنرل ساحر شمشاد مرزا بھی شریک ہیں۔

    وفاقی دارالحکومت میں پاک فوج کی جانب سے 31 توپوں کی سلامی دی گئی، پشاور اور لاہور میں 21 ، 21 توپوں کی سلامی سے دن کا آغاز ہوا، اسی طرح کراچی اور کوئٹہ میں بھی اکیس اکیس توپوں کی سلامی دی گئی۔

    یوم پاکستان پریڈ میں جنگی ہتھیاروں کی نمائش کے ساتھ ساتھ  پاکستان ائیر فورس کے جدید ترین طیارے فلائی پاسٹ کا مظاہرہ اور فوجی دستے نے سلامی پیش کی۔

    پریڈ کے دوران ونگ کمانڈر حسن صدیقی کی قیادت میں ایف 16 لڑاکا طیاروں کا شاندار مظاہرہ پیش کیا، اس پریڈ میں ایف 17 پی جی چیتا لڑاکا، جدید ترین لڑاکا طیارے جے 10 سی، پاک فضائیہ کے ٹرانسپورٹ طیارے سی ون تھرٹی اور جدید ترین جاسوسی نظام سے لیس طیاروں کا بھی شاندار فضائی مظاہرہ پیش کیا گیا۔

  • ملک بھر میں یومِ پاکستان بھرپور ملی جوش وجذبے سے منایا جارہا ہے

    ملک بھر میں یومِ پاکستان بھرپور ملی جوش وجذبے سے منایا جارہا ہے

    ملک بھر میں یومِ پاکستان بھرپور ملی جوش وجذبے سے منایا جارہا ہے

    ملک بھر میں آج یوم پاکستان بھرپور قومی جوش و جذبے سے منایا جا رہا ہے، قوم  یوم پاکستان اس عہد کی تجدید کیساتھ منارہی ہے کہ ملکی ترقی کیلئے سخت محنت کی جائیگی۔

    آج کا دن 1940 میں منظور کی گئی تاریخی قرارداد لاہور کو اپنانے کی علامت ہے، اس دن نے جنوبی ایشیاکے مسلمانوں کیلئے علیحدہ وطن کے حصول کیلئے فریم ورک فراہم کیا۔

    آج کے دن ملک بھر کی مساجد میں نماز فجر کے بعد ملکی ترقی، خوشحالی اور یکجہتی  کے لیے خصوصی دعائیں کی گئیں اس کے علاوہ شہداکے درجات کی بلندی کے لیے دعائیں اور قرآن خوانی کا اہتمام کیاگیا ہے۔

    23 مارچ یوم پاکستان پر اہم سرکاری عمارتوں پرقومی پرچم لہرایا گیا ہے، اس دن کی اہم خصوصیت اسلام آباد میں عظیم الشان فوجی پریڈ بھی جاری ہے جس میں تینوں مسلح افواج اور دیگر سیکیورٹی فورسز کے دستےمارچ کررہے ہیں۔

    23مارچ یوم پاکستان کےموقع پر دن کے آغاز پر توپوں کی سلامی پیش کی گئی، یوم پاکستان کے موقع پر وفاقی دارالحکومت میں 31 توپوں کی سلامی دی گئی، پاک فوج کے چاق و چو بند دستے نے توپوں کی سلامی دی۔

  • یومِ پاکستان کی مناسبت سے خصوصی ملی نغمہ جاری

    یومِ پاکستان کی مناسبت سے خصوصی ملی نغمہ جاری

    یوم پاکستان کے موقع پرخصوصی ملی نغمہ جاری کردیا گیا، جس میں تمام محب الوطن پاکستانیوں کےجذبات کی عکاسی کی گئی ، خصوصی گیت کو خوب پذیرائی حاصل ہورہی ہے۔

    تفصیلات کے مطابق 23 مارچ 1940کوقراردادپاکستان منظورہوئی اورمسلمانوں کیلئےالگ ریاست کا خواب پایہ تکمیل کی راہ پر گامزن ہوا ، پاکستان کوبنانےمیں بےشمار قیمتی جانوں کی قربانی دی گئی اوریوم پاکستان ہمارےانہی اپنوں کویادکرنےکاایک بہانہ ہے۔

    یوم پاکستان پر ہر پاکستانی کے دل میں حب الوطنی کا جذبہ دوبارہ سے جنم لیتا ہے اور ملک کو ہر بری نظرسےبچانے کی دعا ہر لب پہ پائی جاتی ہے ، یوم پاکستان کےموقع پر ملک کے ہر کونے میں 1940 سے شروع ہونے والی قربانیوں اورانتھک محنت کےسفرکو یاد کیا جاتا ہے۔

    اسی مناسبت سے یوم پاکستان کےموقع پرخصوصی گیت ریلیز کیا گیا ہے ، جس میں تمام محب الوطن پاکستانیوں کےجذبات کی عکاسی کی گئی۔

    یوم پاکستان کےخصوصی گیت کو بول ‘پوچھے جو نام کوئی تو، پاکستان بتانا ‘خواجہ دانش نےدیئے جبکہ آواز سنم ماروی، نتاشہ بیگ، رائیسہ رائیسانی، بلال علی، زیک آفریدی اور واسق ملک نے دی ، ملک بھر میں یوم پاکستان کے خصوصی گیت کو خوب پذیرائی حاصل ہورہی ہے۔

  • یومِ پاکستان پر مسلح افواج کی خصوصی پریڈ کیلئے تیاریاں جوش و خروش سے جاری

    یومِ پاکستان پر مسلح افواج کی خصوصی پریڈ کیلئے تیاریاں جوش و خروش سے جاری

    یوم پاکستان پر مسلح افواج کی خصوصی پریڈ کیلئے تیاریاں جوش وخروش سے جاری ہے ،پریڈگراونڈمیں آویزاں قائداعظم،علامہ اقبال کی تصاویر اور بل بورڈ تیاری کے آخری مراحل میں ہیں۔

    تفصیلات کے مطابق23 مارچ کو یوم پاکستان پر مسلح افواج کی خصوصی پریڈ کیلئے تیاریاں جاری ہے، پریڈ گراونڈ میں آویزاں قائداعظم اور علامہ اقبال کی تصاویر، بل بورڈ تیاری کے آخری مراحل میں ہیں۔

    بل بورڈ بنانے والے ماہرین نے یوم پاکستان سےمتعلق اپنےجذبات کااظہارکیا، ویلڈنگ انچارج پرویز خان نے کہا کہ ہم پورا سال 23 مارچ کا انتظار کرتے ہیں، کوشش کرتےہیں جذبےاورخوشی کیساتھ اس کام کوانجام دیں۔

    پرویز خان کا کہنا تھا کہ کوشش کرتےہیں کہ ہرایک کام کوپیار،محبت ،سلیقے سےتیارکریں، جب ہمارےعزیز ٹی وی پر ہمارا بنا کام دیکھتے ہیں توہمارےجذبات بیان نہیں کیےجاسکتے۔

    بل بورڈ فٹرمحمد سفیان نے کہا کہ اپنےبنائےبل بورڈپرقائداعظم،علامہ اقبال کی تصاویر دیکھتےہیں تودل خوش ہوجاتا ہے ، پاکستان ہےتوہم ہیں اورہماری بقا پاکستان کے ساتھ ہے۔

  • برطانوی بادشاہ چارلس کا یومِ پاکستان پر خصوصی پیغام

    برطانوی بادشاہ چارلس کا یومِ پاکستان پر خصوصی پیغام

    لندن : برطانوی بادشاہ چارلس نے صدر عارف علوی اور پاکستانی قوم کو یوم پاکستان کی مبارکباد دیتے کہا کہ پاک برطانیہ گہرے دوستانہ تعلقات اور مضبوط شراکت داری کا خواہاں ہوں۔

    تفصیلات کے مطابق برطانوی بادشاہ چارلس سوئم نے یومِ پاکستان پر خصوصی پیغام جاری کیا، اپنے خصوصی پیغام میں برطانوی بادشاہ نے صدر عارف علوی اور پاکستانی قوم کو یوم پاکستان کی مبارکباد دی۔

    شاہ چارلس کا کہنا تھا کہ برطانیہ اور پاکستان کے گہرے دوستانہ تعلقات اور مضبوط شراکت داری کا خواہاں ہوں، 2006 کے دورہ پاکستان کے دوران عوام کی مہمان نوازی آج بھی ان کی یادوں کا حصہ ہے۔

    برطانوی بادشاہ نے مزید کہا کہ گزشتہ برس کے سیلاب کے بعد عوام کی تعمیر نو کیلئے کاوشوں کا معترف ہوں،ماحولیاتی تبدیلی، امن، ترقی اور جمہوریت کیلئے مل کر کام کرنے کی پہلے سے زیادہ ضرورت ہے۔

    یاد رہے گذشتہ سال وزیراعظم شہباز شریف نے بکنگھم پیلس میں اسٹیٹ ریسپشن کے موقع پر برطانیہ کے نئے بادشاہ چارلس سے ملاقات کی اور ان سے ملکہ الزبتھ دوم کے انتقال پر تعزیت کا اظہار کیا تھا۔

    اس موقع پر شہباز شریف نے آنجہانی ملکہ کو خراج عقیدت پیش کرتے ہوئے کہا تھا کہ ملکہ الزبتھ دوم دولت مشترکہ کے شہریوں کے لیے تحریک اور طاقت کا ذریعہ تھیں اور ان کے پاکستان کے دو دوروں کی اچھی یادیں ہیں، شاہی خاندان اور پاکستان کے تعلقات وقت کے ساتھ مضبوط ہوئے ہیں۔

  • ‘شاد رہے پاکستان’ آئی ایس پی آر کا یومِ پاکستان کی مناسبت سے پرومو جاری

    ‘شاد رہے پاکستان’ آئی ایس پی آر کا یومِ پاکستان کی مناسبت سے پرومو جاری

    راولپنڈی : آئی ایس پی آر نے یومِ پاکستان کی مناسبت سے ‘شاد رہے پاکستان’ کے عنوان سے پرومو جاری کردیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) نے 82واں یوم پاکستان کی مناسبت سے پرومو جاری کردیا۔

    جاری کردہ نئے پرومو کا مرکزی خیال ‘شاد رہے پاکستان رکھا گیا ہے، قومی ترانے میں شاد رہے پاکستان وطن عزیز کیلئے دعا ہے جبکہ قومی ترانے سے ‘مرکز یقین شاد باد’ بھی پرومو میں نمایاں ہے۔

    یوم پاکستان کی وطن عزیز کی ڈائمنڈ جوبلی کے باعث خصوصی اہمیت ہے، 23مارچ کو 82واں یوم پاکستان بھرپور انداز میں منایا جائے گا۔

    ڈی جی آئی ایس پی آر 81 ویں یوم پاکستان کےموقع پر شانداراور پُروقار پریڈ کا انعقاد کیا جائے گا۔

    خیال رہے “یوم پاکستان” پاکستان کی تاریخ کا بہت اہم دن ہے، اس دن قرارداد پاکستان پیش کی گئی تھی، جس کی بنیاد پر مسلم لیگ نے برصغیر میں مسلمانوں کے جدا وطن کے حصول کے لیے تحریک شروع کی تھی اور سات برس کے بعد اپنا مطالبہ منظور کرانے میں کامیاب رہی۔وہ مطالبہ جو اسلامی جمہوریۂ پاکستان کے نام سے دنیا کے نقشے پر ابھرا۔

    اس دن کی ایک اور خصوصیت یہ بھی ہے کہ 23 مارچ 1956 کو پاکستان کا پہلا آئین کو اپنایا گیا جس میں مملکتِ پاکستان کو دنیا کا پہلااسلامی جمہوری ملک قراردیا گیا۔

    یوم پاکستان کو منانے کیلئے ہرسال 23 مارچ کو خصوصی تقریب کا اہتمام کیا جاتا ہے جس میں پاکستان مسلح افواج پریڈ بھی کرتے ہیں

  • "ہر پاکستانی کی آواز۔ پاکستان زندہ باد” یومِ پاکستان کا دوسرا پرومو جاری

    "ہر پاکستانی کی آواز۔ پاکستان زندہ باد” یومِ پاکستان کا دوسرا پرومو جاری

    راولپنڈی : آئی ایس پی آر نے یوم پاکستان کی مناسبت سے "ہر پاکستانی کی آواز۔ پاکستان زندہ ” کے عنوان سے دوسرا پرومو جاری کردیا، اس سے قبل پاک  فوج کی جانب سے پاکستان زندہ باد کا پرومو جاری کیا گیا تھا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور سماجی رابطے کی ویب سائٹ ٹوئٹر پر یوم پاکستان کی مناسبت سے دوسرا پرومو جاری کر دیا ، جس کا عنوان ے "ہر پاکستانی کی آواز۔ پاکستان زندہ ” رکھا گیا ہے۔

    یاد رہے 13 مارچ کو ڈی جی آئی ایس پی آر میجر جنرل آصف غفور نے اپنے ٹوئٹ میں کہا تھا یوم پاکستان کی پریڈ کا سلوگن ‘پاکستان زندہ باد’ ہوگا جبکہ ملائیشیا کے وزیراعظم مہاتیر بن محمد پریڈ کے مہمان خصوصی ہوں گے۔

    مزید پڑھیں : ملائیشین وزیراعظم یوم پاکستان پریڈمیں مہمان خصوصی ہوں گے، ڈی جی آئی ایس پی آر

    ڈی جی آئی ایس پی آر کے مطابق آذربائیجان کے وزیردفاع کرنل جنرل ذاکرحسن اوف بھی یوم پاکستان کی تقریب میں شریک ہوں گے جبکہ بحرین فوج کے کمانڈر جنرل شیر محمد بن عیسیٰ الخلیفہ اور سلطنت آف عمان کے سرکاری عہدیداران بھی یوم پاکستان پریڈ میں شرکت کریں گے۔

    میجر جنرل آصف غفور کا کہنا تھا کہ یوم پاکستان کے موقع پر آذربائیجان اور سعودی عرب کے فوجی دستے پریڈ میں شرکت کریں گے، آذربائیجان ،بحرین، سعودی عرب اور سری لنکا کا پیراٹروپرز فری فال جمپ کا مظاہرہ کریں گے جبکہ ترکی کے ایف 16 اور چین کے جے 10 طیارے فضائی کرتب دکھائیں گے۔

  • یومِ پاکستان پر شوبز ستاروں اور قومی کھلاڑیوں کے پیغامات

    یومِ پاکستان پر شوبز ستاروں اور قومی کھلاڑیوں کے پیغامات

    کراچی :یوم پاکستان کے تاریخ ساز دن پر قوم کا جوش وجذبہ عروج پر ہے اور اپنے اپنے طریقے سے وطن عزیز سے والہانہ محبت کا اظہار کررہے ہیں۔

    تفصیلات کے مطابق جہاں یوم پاکستان ملی جوش و جذبے سے منایا جارہا ہے، وہیں سوشل میڈیا پر بھی شوبز ستاروں اور قومی کھلاڑیوں کی جانب سے پیغامات اور مبارک باد کا سلسلہ جاری ہے۔

    مشہور اداکار فیصل قریشی نے پیغام میں کہا ‘اس پرچم کے سائے تلے ہم ایک ہیں’۔

    پاکستانی گلوکار فخر عالم نے سماجی رابطے کی ویب سائٹ ٹوئٹر پر ایک ویڈیو شئر کی اور پیغام میں لکھا ہم سب کو یوم پاکستان کی پریڈ میں شامل ہونے پر فخر ہے، چلو مل کر اپنے ملک، اپنے ہیروز اور اپنے سپاہیوں پر فخر کرتے ہیں، پاکستان زندہ آباد۔

    کراچی کنگز کے کپتان عماد وسیم نے اپنے پیغام میں کہا کہ یوم پاکستان مبارک ہو، مجھے پاکستانی ہونے پر فخر ہے۔

    سابق فاسٹ بولر وسیم اکرم نے اپنے ٹوئٹر پیغام میں یوم پاکستان کی مبارک باد دی اور کہا کہ میری زندگی میں میرا سب سے بڑا کردار اس ملک و قوم کی خدمت کرنا ہے، میرے لیے اعزاز کی بات ہوگی کہ میں بطور سفیر اس ملک کی ہی نہیں بلکہ اپنے لوگوں کی بھی خدمت کروں۔

    پاکستانی کرکٹ ٹیم کے بالر ویاب ریاض نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستانی ہونے کے احساس سے بڑھ کر کچھ نہیں، ہر یوم پاکستان پر جشن منانے کا ایک اور موقع ملتا ہے کہ ہم کون ہیں اور اپنے ملک کے لئے کیا کام کرسکتے ہیں، اللہ تعالی ہمارے پاکستان کو ہمیشہ کے لئے اپنے رحم کی سائے تلے رکھے، امین

    قومی ٹیم کے بیٹسمین احمد شہزاد نے اپنے پیغام میں کہا کہ اللہ کا شکر ہے مجھے پاکستانی ہونے کی شناخت دی اور ملک کی خدمت کا موقع دیا۔

    اداکارہ و میزبان جگن کاظم نے ٹوئٹر پر ویڈیو پیغام میں کہا ہے کہ 23 مارچ پاکستان کیلئے اور پاکستانیوں کیلئے بہت اہم ہے ، اور ہامری کوشش ہونے چاہیئے کہ ہم اپنے پاکستان کو سپر پاور بنانے کی کوشش کریں اور یہ سب کرنے کیلیے ہم سب کو مل کر کام کرنا ہوگا۔

    عمر اکمل نے بھی یوم پاکستان کی مبارک باد دی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • یومِ پاکستان : کوہلو میں 5577فٹ بلندی پر پاکستانی پرچم بنا دیا گیا

    یومِ پاکستان : کوہلو میں 5577فٹ بلندی پر پاکستانی پرچم بنا دیا گیا

    کوہلو :  78 ویں یوم پاکستان پر  بلوچستان کے ضلع کوہلو میں 5577فٹ بلندی پر پاکستانی پرچم بنا دیا گیا۔

    تفصیلات کے مطابق ملک بھر میں 78 واں  یوم پاکستان جوش وجذبے سےمنایا جا رہا ہے، صوبہ بلوچستان کے ضلعے کوہلوکی جندران چوٹی پاکستانی پرچم بنادیا گیا۔

    پاکستانی پرچم300فٹ لمبااور200فٹ چوڑا ہے جبکہ پرچم سطح سمندرسے 5577فٹ بلند مقام پر ہے اور قومی پرچم کو یوم پاکستان کے سلسلے میں بنایا گیا ہے۔

    خیال رہے کہ کوہلو کالعدم بی ایل اے کا کبھی مرکزہوا کرتا تھا۔

    یاد ریے کہ ملک بھرمیں یوم پاکستان ملی جوش و جذبے سے منایا جا رہا ہے، وفاقی دارالحکومت میں دن کا آغاز اکتیس اور صوبائی دارالحکومتوں میں اکیس، اکیس توپوں کی سلامی سے ہوا۔

    اسلام آباد کے شکرپڑیاں پریڈ گراؤنڈ کے مقام پر شاندار فوجی پریڈ کا انعقاد کیا گیا،  تقریب کا باقاعدہ آغاز قومی ترانے سے کیا گیا ، پریڈ میں تینوں مسلح افواج کے چاک وچوبند دستوں نے شاندار پرفارمنس کا مظاہرہ کیا۔

    مرکزی تقریب میں صدر مملکت ممنون حسین، وزیراعظم شاہد خاقان عباسی، تینوں افواج کے سربراہان، چیئرمین جوائنٹ چیفس آف اسٹاف کمیٹی جنرل زبیرمحمود حیات سمیت دیگرسول وعسکری حکام شریک ہوئے۔

    خیال رہے 23 مارچ 1940 کو لاہور کے منٹو پارک میں مسلم لیگ نے برصغیر سے علیحدگی کے لیے قرار داد پیش کی تھی، جس میں مطالبہ کیا گیا تھا کہ مسلمانوں کے لیے علیحدہ ملک قائم کیا جائے کیونکہ ہندو اور مسلم علیحدہ نظریات کی حامل اقوام ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔