ARYNews.tv | Urdu – Har Lamha Bakhabar

Tag: یوم تشکر

  • یوم تشکر: پاکستانی ویمنز ٹیم کا فوج سے اظہار یکجہتی، میچ سے قبل شہدا کے لیے دعا (ویڈیو)

    یوم تشکر: پاکستانی ویمنز ٹیم کا فوج سے اظہار یکجہتی، میچ سے قبل شہدا کے لیے دعا (ویڈیو)

    معرکہ حق میں پاکستان کی تاریخی فتح پر آج ملک بھر میں یوم تشکر منایا جا رہا ہے قومی ویمنز کرکٹرز نے میچ سے قبل پاک فوج سے اظہار یکجہتی کیا۔

    اے آر وائی نیوز کے مطابق بھارتی جارحیت کے خلاف پاکستان کے آپریشن بنیان مرصوص کی شاندار کامیابی پر آج پوری قوم یوم تشکر منا رہی ہے۔ پاکستان کی ویمنز کرکٹرز نے بھی اس موقع پر پاک فوج سے اظہار یکجہتی کیا ہے۔

    پاکستان کی خواتین کرکٹرز نے بھی یومِ تشکر جوش و خروش سے منا کر بہادر مسلح افواج کے ساتھ بھرپور یک جہتی کا اظہار کیا ہے۔

    پاکستان میں کھیلے جا رہے قومی ویمنز ٹی 20 ٹورنامنٹ میں آج چیلنجرز اور اسٹارز کے درمیان نیشنل بینک اسٹیڈیم جبکہ اسٹرائیکرز اور انوینسبلر کے درمیان اوول اکیڈمی گراؤنڈ میں میچز سے قبل یوم تشکر سے قبل خصوصی تقریبات ہوئیں۔

    قومی ویمنز کرکٹرز نے دفاع وطن کے لیے پاک فوج کے کامیاب آپریشن پر ان سے اظہار یکجہتی کیا اور بھارتی جارحیت میں شہید ہونے والے پاکستانیوں کے لیے خصوصی دعا کی۔

    اس موقع پر خواتین کھلاڑیوں اور آفیشلز نے شہدائے وطن کے درجات کی بلندی کے لیے دعا کی اور شہدا کو خراجِ عقیدت پیش کرتے ہوئے کہا کہ پوری قوم سیسہ پلائی دیوار کی طرح مسلح افواج کے شانہ بشانہ ہے۔

     

  • معرکہ حق میں تاریخی فتح، آج ملک بھر میں یوم تشکر منایا جارہا ہے

    معرکہ حق میں تاریخی فتح، آج ملک بھر میں یوم تشکر منایا جارہا ہے

    معرکہ حق میں تاریخی فتح پر ملک بھر میں آج یوم تشکر منایا جارہا ہے، افواج پاکستان اور پاکستانی عوام کو خراج تحسین پیش کیا جارہا ہے۔

    تفصیلات کے مطابق وفاقی دارالحکومت میں 31، صوبائی دارالحکومتوں میں 21  توپوں کی سلامی دی گئی، دن کا آغاز ملکی سلامتی اور امن واستحکام کیلئے خصوصی دعاؤں سے کیا گیا، اس موقع پر پاک فوج کے چاق و چوبند دستے کی جانب سے نعرہ تکبیر بلند کیا گیا اور جوانوں نے پاکستان زندہ باد کے نعرے بھی لگائے۔

    خیبرپختونخوا بشمول ضم اضلاع میں تعینات پاک فوج کے جوانوں نے یوم تشکر کے موقع پر تقریب کا انعقاد کیا، تقریبات میں عوام، عمائدین، سول اور عسکری شخصیات نے شرکت کی اور شرکا نے وطن عزیز کی سالمیت اور خوشحالی کیلئے دعائیں کیں۔

    ننکانہ صاحب میں یوم تشکر کا آغاز خصوصی عبادات اور دعاؤں سے ہوا، ننکانہ صاحب کی تمام مساجد میں نماز فجر کے بعد خصوصی دعاؤں کا اہتمام کیا گیا جبکہ علما کرام نے پاکستان کی سلامتی، تعمیروترقی اور شہدا کے بلندی درجات کیلئے خصوصی دعائیں کیں۔

    یوم تشکر کے موقع پر ہیڈ کوارٹر ایف سی این اے میں قرآن خوانی کی پروقار تقریب کا انعقاد کیا گیا، تقریب کا مقصد پاکستان کی ترقی، سلامتی اور خوشحالی کیلئے اجتماعی دعا کرنا تھا۔

    تقریب میں شہدا کے بلندی درجات، ملکی سلامتی  اور افواج پاکستان کی کامیابی کیلئے دعائیں مانگی گئیں، آزاد کشمیر میں آپریشن بنیان مرصوص کی شاندار کامیابی پر یوم تشکر بھرپور ملی جذبے کیساتھ منایا جارہا ہے۔

    اس کے علاوہ مقبوضہ کشمیر کی آزادی کے لئے خصوصی دعائیں مانگی گئیں، معرکہ حق میں تاریخی فتح پر سجدہ شکر، نماز فجر کے بعد مساجد میں ملک کی سلامتی کیلئے خصوصی دعائیں۔

  • یوم تشکر، اسلام آباد میں 31، صوبائی دارالحکومتوں میں 21 توپوں کی سلامی دی جائیگی

    یوم تشکر، اسلام آباد میں 31، صوبائی دارالحکومتوں میں 21 توپوں کی سلامی دی جائیگی

    وزیراطلاعات عطاتارڑ نے کہا ہے کہ یوم تشکر پر اسلام آباد میں 31 اور صوبائی دارالحکومتوں میں 21 توپوں کی سلامی دی جائیگی۔

    پاک فوج سے اظہاریکجہتی کیلئے یوم تشکرسے متعلق گفتگو کرتے ہوئے عطاتارڑ نے کہا کہ معرکہ حق میں تاریخی فتح پرکل ملک بھر میں یوم تشکر منایا جائےگا، عوام کل اللہ تعالیٰ کی بارگاہ میں سجدہ شکر بجالائیں گے، مسلح افواج نے بہادری سے ملکی سرحدوں کا دفاع کیا۔

    وزیراطلاعات نے کہا کہ دن کے آغاز پر مسلح افواج اور ملک کےلیے خصوصی دعائیں کی جائیں گی، ملک بھر میں پرچم کشائی کی تقاریب اور شہدا کی قبروں پر حاضری دی جائےگی۔

    انھوں نے کہا کہ مزارقائد اور مزاراقبال پر گارڈز کی تبدیلی کی پُروقار تقریبات ہونگی، شہدا کی یادگاروں پر دعائیہ تقاریب ہوگی اور پھول رکھے جائیں گے، یوم تشکر کی خصوصی تقریب کل رات پاکستان مونومنٹ اسلام آباد میں ہوگی۔

    وزیراطلاعات عطاتارڑ نے کہا کہ وزیراعظم شہباز شریف تقریب کے مہمان خصوصی ہوں گے، چیئرمین جوائنٹ چیفس آف اسٹاف کمیٹی اور سروسز چیفس تقریب میں شریک ہونگے۔

    https://urdu.arynews.tv/pahalgam-operation-bunyanun-mursus-success-announcement-of-a-day-of-thanksgiving-across-the-pakistan-tomorrow/

  • معرکہ حق میں تاریخی فتح پر کل ملک بھر میں یوم تشکر منانے کا اعلان

    معرکہ حق میں تاریخی فتح پر کل ملک بھر میں یوم تشکر منانے کا اعلان

    بھارتی جارحیت کے خلاف پاک فوج کے آپریشن بنیان مرصوص معرکہ حق میں تاریخی فتح پر کل ملک بھر میں یوم تشکر منایا جائے گا۔

    پہلگام فالس فلیگ آپریشن کی آڑ میں 7 مئی کو رات کی تاریکی میں بھارت کے پاکستان پر بزدلانہ حملوں کا پاک فوج نے دن کی روشنی میں آپریشن بنیان مرصوص کے ذریعہ منہ توڑ جواب دے کر جنگی جارحیت پر آمادہ بھارت کو چند گھنٹوں میں گھٹنے ٹیکنے اور جنگ بندی کی پیشکش کرنے پر مجبور کر دیا۔

    اس معرکہ حق میں تاریخی فتح پر 16 مئی (کل جمعۃ المبارک) ملک بھر میں یوم تشکر منایا جائے گا جس میں پاکستانی عوام اور افواج پاکستان کو خراج تحسین پیش کیا جائے گا۔

    یوم تشکر پر دن کا آغاز ملک بھر میں مساجد میں نماز فجر کے بعد قرآن خوانی اور خصوصی دعاؤں سے کیا جائے گا۔

    وفاقی دارالحکومت میں 31 جبکہ صوبائی دارالحکومتوں میں 21، اکیس توپوں کی سلامی دی جائے گی، جب کہ مزار قائد اور مزار اقبال پر گارڈز کی تبدیلی کی تقریبات کا انعقاد بھی کیا جائے گا۔

    یوم تشکر پر وفاقی اور صوبائی دارالحکومتوں میں پرچم کشائی کی تقریبات ہوں گی۔ ملک بھر میں یادگار شہدا پر پھول رکھے جائیں گے اور دعائیہ تقریب منعقد ہو گی۔ شہدا کو خراج عقیدت پیش کرنے کیلیے لواحقین سے خصوصی ملاقاتیں ہوں گی۔

    یوم تشکر کی نمایاں تقریب کل رات پاکستان مونومنٹ اسلام آباد میں ہوگی۔ تقریب کے مہمان خصوصی وزیراعظم شہباز شریف ہوں گے جب کہ چیئرمین جوائنٹ چیفس آف اسٹاف کمیٹی اور مسلح افواج کے سربراہ بھی تقریب کا حصہ ہوں گے۔

    یوم تشکر کی اس نمایاں تقریب میں تمام مکاتب فِکر سے تعلق رکھنے والی اہم شخصیات شرکت کریں گی۔

    https://urdu.arynews.tv/audio-after-pahalgam-operation-banyan-marsus-pakistans-historic-victory-against-india/

  • آج پورے ملک میں یوم تشکر منایا جائے گا، وزیراعظم

    آج پورے ملک میں یوم تشکر منایا جائے گا، وزیراعظم

    اسلام آباد : وزیراعظم شہباز شریف نے آج ملک بھر میں یوم تشکر منانے کا اعلان کیا ہے، قوم، علماءکرام شہداء و غازیوں کیلئے خصوصی دعائیں کریں۔

    اپنے ایک بیان میں ان کا کہنا ہے کہ یہ دن اللہ رب العزت کے حضور سجدہ شکر بجا لانے کا ہے، آپریشن بنیان مرصوص میں افواج پاکستان کی بےمثال بہادری کو خراج تحسین پیش کیا جائیگا۔

    وزیراعظم نے کہا کہ یوم تشکر پوری قوم کے حوصلے اور وحدت کو سراہنے کے لیے منایا جائیگا، مسلح افواج نے آپریشن بنیان مرصوص میں دشمن کی جارحیت کا مؤثر اور بھرپور جواب دیا۔

    ان کا کہنا تھا کہ پاکستان نے ہرمحاذ پر برتری ثابت کی، ہم اس کامیابی پر اللہ تعالیٰ کے شکر گزار ہیں جس نے ہمیں اس امتحان میں سرخرو فرمایا۔

    دشمن کی جارحیت کے باوجود پاکستان نے صبر و تحمل اورمکمل تیاری کے ساتھ اپنے دفاع کو یقینی بنایا
    قوم اور علماء کرام آج ملک بھر میں اجتماعی دعاؤں اور نوافل کا اہتمام کریں۔

    پاک بھارت کشیدگی سے متعلق تمام خبریں

    وزیراعظم نے کہا کہ قوم، علماء کرام شہداء و غازیوں کیلئے خصوصی دعائیں کریں، افواج پاکستان کی قربانیوں کو کبھی فراموش نہیں کیا جاسکتا، قوم افواج پاکستان کے شانہ بشانہ کھڑی ہے۔

  • پی ٹی آئی کراچی کا یوم تشکر منانے کا اعلان

    پی ٹی آئی کراچی کا یوم تشکر منانے کا اعلان

    کراچی: وفاقی حکومت کے 2 سال کامیابی سے مکمل ہونے پر پی ٹی آئی کراچی نے یوم تشکر منانے کا اعلان کر دیا ہے۔

    اے آر وائی نیوز کے مطابق کراچی میں پی ٹی آئی نے یوم تشکر منانے کا اعلان کیا ہے، جس کی تقریب میں پی ٹی آئی رہنما اور کارکنان شرکت کریں گے۔

    رکن سندھ اسمبلی خرم شیر زمان نے اس سلسلے میں کہا ہے کہ یوم تشکر کی مرکزی تقریب انصاف ہاؤس میں منعقد کی جائے گی، یوم تشکر پر وزیر اعظم عمران خان کو خراج تحسین پیش کیا جائے گا۔

    خرم شیر زمان کا کہنا تھا کہ 2 سال میں وفاقی حکومت نے ملک کو ایک سمت دی ہے، آج پاکستان دن بدن ترقی کا سفر طے کر رہا ہے، کرونا وبا میں وفاقی حکومت نے بہتر کردار ادا کیا۔

    خیال رہے کہ 25 جولائی کو وفاقی حکومت کو 2 سال مکمل ہو جائیں گے۔ یاد رہے کہ پاکستان تحریک انصاف نے 2018 کے عام انتخابات میں شان دار کامیابی حاصل کی تھی۔

    پی ٹی آئی رہنماؤں کا کہنا ہے کہ دو سال قبل ملک میں ہونے والے عام انتخابات میں پاکستانی عوام نے ساسی چوروں سے نجات کے حصول کے لیے عمران خان کی صورت میں ایک نئے لیڈر کا انتخاب کیا تھا۔

  • کل عوام نے یوم تشکر اور لوٹ مار ایسوسی ایشن نے یوم سیاہ منایا: فیاض چوہان

    کل عوام نے یوم تشکر اور لوٹ مار ایسوسی ایشن نے یوم سیاہ منایا: فیاض چوہان

    لاہور: صوبائی وزیر فیاض الحسن چوہان نے کہا ہے کہ کل عوام نے یوم تشکر اور لوٹ مار ایسوسی ایشن نے یوم سیاہ منایا.

    ان خیالات کا اظہار انھوں نے خصوصی پریس کانفرنس کرتے ہوئے کیا. فیاض الحسن چوہان نے کہا کہ لوٹ مار ایسوسی ایشن نے کبھی عوام کے لئے کچھ نہیں کیا.

    پی ٹی آئی رہنما نے کہا کہ ان لوگوں کا منی لانڈرنگ اور ججزکو بلیک میل کرنے پربھی منہ سیاہ ہوگا، یہ سارے کے سارے آل پارٹیز لوٹ مار ایسوسی ایشن ہیں، کل تمام پارٹیوں نے مل کر بھی جلسیاں منعقد کیں.

    فیاض الحسن چوہان نے کہا کہ لندن اوردبئی میں گھومنے والوں کے لیے بندےاکٹھا کرنا مشکل ہوگیا، ورلڈ بینک نے ن لیگ کے دور سے متعلق رپورٹ تیار کی ہے، محترمہ بی بی سے پڑھنا بھی گوارا نہ ہوا اور جلد بازی میں اسے ہمارےخلاف ٹوئٹ کر دیا.

    فیاض چوہان نے کہا کہ مریم صفدر کے ٹوئٹس نے ہی نوازشریف کو اس حد تک پہنچایا ہے، مریم صفدر کی جعل سازی کی ایک اور خبر صبح سے بریک ہو رہی ہے.

    مزید پڑھیں: مال روڈ پر ریلی ، متحدہ اپوزیشن کے رہنماؤں اور کارکنوں کے خلاف مقدمہ درج

    خیال رہے کہ گزشتہ روز  اپوزیشن کی جانب سے یوم سیاہ بنانے کا اعلان کیا گیا تھا، اس موقع پر لیگی کارکنوں نے خوب ہلڑ بازی کی اور قانون کی دھجیاں اڑائیں۔

     مال روڈ پر ریلی نکالنے اور اور جلسہ کرنے پر اپوزیشن جماعتوں کے رہنماؤں اورکارکنوں کے خلاف پرچہ کٹ گیا، ایف آئی آر میں شہباز شریف، قمرزمان کائرہ سمیت دوہزار رہنماؤں اور کارکنوں کو نامزد کیا گیا ہے۔

  • عوام کے حقوق کے تحفظ کے لیے آج ہم پھر سے ایک ہوگئے ہیں: بلاول بھٹو

    عوام کے حقوق کے تحفظ کے لیے آج ہم پھر سے ایک ہوگئے ہیں: بلاول بھٹو

    کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ عوام کے حقوق کے تحفظ کے لیے آج ہم پھر سے ایک ہوگئے ہیں، جمہوریت خطرے میں ہے، کوئی ایک سیاسی جماعت پاکستان کے مسائل کا حل اکیلے نہیں نکال سکتی۔

    ان خیالات کا اظہار بلاول بھٹو آج مزار قائد سے متصل باغ جناح کراچی میں یوم سیاہ کے موقع پر منعقد کیے گئے اپوزیشن کے جلسے سے خطاب میں کر رہے تھے۔

    پی پی چیئرمین کا کہنا تھا کہ اس وقت صرف سیاست دان ہی نہیں بلکہ سیاست نشانے پر ہے، غربت نہیں غریب نشانے پر ہے، آج پارلیمان اور جمہوریت نشانے پر ہے، چند قوانین نہیں پورا آئین نشانے پر ہے۔

    بلاول بھٹو نے کہا کہ گزشتہ سال 28 جولائی کو کراچی میں پارٹی میٹنگ بلائی تھی، اپوزیشن جماعتوں نے پارلیمنٹ کے بائیکاٹ کا فیصلہ کیا تھا، لیکن پیپلز پارٹی نے دھاندلی کے باوجود جمہوریت بچائی، ہم نے اپوزیشن کو کہا پارلیمنٹ میں آئیں، جمہوریت بچائیں۔

    یہ بھی پڑھیں:  کراچی: اپوزیشن جماعتوں کا جلسہ، مختلف علاقوں میں بد ترین ٹریفک جام

    انھوں نے مزید کہا کہ عمران خان نے کہا تھا صرف 6 ماہ دیں، پھر میں ہر چیز کا ذمہ دار ہوں گا، ہم نے ایک سال دیا ہے، ہر پاکستانی پریشان ہے، ملک تاریخی معاشی بحران سے گزر رہا ہے، سبسڈی چھین کر کسانوں کا معاشی قتل عام کیا جا رہا ہے۔

    بلاول بھٹو نے 25 جولائی کو پاکستان کی تاریخ کا سیاہ ترین دن قرار دیتے ہوئے کہا کہ ہم حکومت کے خلاف علم بغاوت بلند کر رہے ہیں۔

    انھوں نے کہا کہ ہم نے ن لیگ کے ساتھ میثاق جمہوریت پر دستخط کیے، پاکستان کا متفقہ آئین بھٹو شہید نے مفتی محمود دیگر کے ساتھ مل کر بنایا، لیکن آج جمہوریت خطرے میں ہے۔

  • پاکستان تحریک انصاف آج یوم تشکر منائے گی، فردوس عاشق اعوان

    پاکستان تحریک انصاف آج یوم تشکر منائے گی، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا کہ آج قوم کے مال میں خیانت کرنے والوں کی شکست کا دن ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹویٹر پر اپنے پیغام میں کہا کہ پاکستان تحریک انصاف آج یوم تشکرمنائے گی۔

    فردوس عاشق اعوان نے کہا کہ 25 جولائی کوعوام کی امنگیں، عمران خان کی 23 سالہ جدوجہد رنگ لائی، عوام نےعمران خان کو احتساب کا جو مینڈیٹ دیا آج اس کی فتح کا دن ہے۔

    معاون خصوصی برائے اطلاعات نے کہا کہ آج قوم کے مال میں خیانت کرنے والوں کی شکست کا دن ہے، ان عناصرکی شکست کا دن ہے جنہوں نے قوم کے مال میں خیانت کی۔

    وعدہ کرتا ہوں کہ قوم کو کبھی مایوس نہیں‌ کروں گا: وزیراعظم

    یاد رہے کہ گزشتہ روز وزیراعظم عمران خان کا کہنا تھا کہ وہ دن ضرور آئے گا جب دنیا پاکستانی پاسپورٹ کی عزت کرے گی، جب تک لٹیروں کا احتساب نہیں ہوگا ملک آگے نہیں بڑھے گا۔

    وزیراعظم پاکستان کا کہنا تھا کہ پاکستان کو علامہ اقبال اور قائداعظم کا پاکستان بنانا ہے، میں وعدہ کرتا ہوں قوم کو کبھی مایوس نہیں کروں‌ گا۔

  • دور بیٹھا ایک شخص بھائی کو بھائی سے لڑا رہا ہے، مصطفیٰ کمال

    دور بیٹھا ایک شخص بھائی کو بھائی سے لڑا رہا ہے، مصطفیٰ کمال

    کراچی : پی ایس پی کے سربراہ مصطفی کمال نے کہا ہے کہ دور بیٹھا ایک شخص بھائی کو بھائی سے لڑا رہا ہے، ایک سال میں لوگوں کی پی ایس پی سےمحبت کی مثال نہیں ملتی۔

    ان خیالات کا اظہار انہوں نے کراچی میں پاک سرزمین پارٹی کے قیام کے ایک سال مکمل ہونے پر یوم تشکرکی تقریب سے خطاب کرتے ہوئے کیا، اس موقع پر منعقدہ تقریب میں پی ایس پی رہنماؤں اور کارکنان کی بڑی تعداد موجود تھی۔

    مصطفی کمال نے اپنے خطاب میں کہا کہ طعنے دیئےجاتے ہیں ہمیں اسٹیبلشمنٹ لیکرآئی ہے جبکہ میری اسٹیبلشمنٹ صرف اور صرف اللہ کی ذات ہے۔ انہوں نے کہا کہ اللہ نے ہمارے دل سے انسان کا خوف نکالا اور فیصلہ ہم پر چھوڑ دیا۔ حق کی بات کی تو ایسے لوگ ساتھ آئے جن کا گمان بھی نہیں تھا۔

    مصطفیٰ کمال کا کہناتھا کہ سب سے پہلےہمارے ساتھ چلنےوالے ڈاکٹرصغیراحمد ہیں، افتخارعالم اور ڈاکٹرصغیراحمد نےاپنی اسمبلی کی سیٹوں کولات ماری، انہوں نے کہا کہ ہم قوم کے نوجوانوں کو گمراہ کرنے میں ہرگز شامل نہیں تھے لیکن لاعلمی میں ساتھ دیتے رہے۔ جب نظرسے پردے ہٹے تو کچرا صاف نظر آنے لگا۔

    سربراہ پی ایس پی نے کہا کہ ہمیں وہ لوگ بھی ووٹ دینگے جو ایم کیوایم کو دیتے تھے اور وہ بھی جو ایم کیوایم کو ووٹ نہیں دیتے تھے۔

    ان کا کہنا تھا کہ آج کٹی پہاڑی کے پختون کو مہاجر ویلکم کرتا ہے، ہماری منزل ٹوٹےہوئےدلوں کوجوڑناہے، ہماری منزل مل گئی ہےہمیں وزارتیں نہیں چاہئیں، ایک کونسلر کی سیٹ بھی نہیں ملےتوکوئی بات نہیں۔