سری نگر: بھارت کے نام نہاد یوم جمہوریہ پر آزاد اور مقبوضہ کشمیر میں آج یوم سیاہ منایا جارہا ہے جب کہ مقبوضہ وادی میں مکمل ہڑتال کا اعلان کیا گیا ہے۔
کشمیرمیڈیا سروس کے مطابق یوم سیاہ منانے کی اپیل کل جماعتی حریت کانفرنس نے کی ہے، حریت کانفرنس نے اعلان کیا ہے کہ آج کے دن مقبوضہ کشمیر میں یوم سیاہ منایا جائے گا۔
حریت رہنماؤں کا کہنا ہے کہ کشمیری گھروں، دکانوں اور بازاروں میں سیاہ پرچم لہرائیں گے، عالمی برادری غاصبانہ بھارتی تسلط ختم کرانے کیلئے کردار ادا کرے۔
آج کے دن آزاد کشمیر، پاکستان اور مختلف ممالک کے دارالحکومتوں میں بھارت مخالف مظاہرے اور ریلیاں نکالی جائیں گی تاکہ عالمی برادری کو پیغام دیا جاسکے کہ بھارت نے کشمیریوں کے تمام بنیادی حقوق سلب کر رکھے ہیں۔
وزیراعظم آزاد کشمیر تنویر الیاس کا کہنا ہے کہ بھارت کشمیریوں کو حق خودارادیت دینے کے وعدے سے مکر رہا ہے اور بھارت میں کوئی بھی اقلیت محفوظ نہیں۔
