ARYNews.tv | Urdu – Har Lamha Bakhabar

Tag: یوم دفاع وشہدا

  • ‘اے زمین وطن مادر مہربان’ آئی ایس پی آر کا یوم دفاع وشہدا پر خصوصی مِلی نغمہ جاری

    ‘اے زمین وطن مادر مہربان’ آئی ایس پی آر کا یوم دفاع وشہدا پر خصوصی مِلی نغمہ جاری

    راولپنڈی: پاک فوج کے شعبۂ تعلقات عامہ (آئی ایس پی آر) نے یومِ دفاع و شہدا پر خصوصی ملی نغمہ جاری کر دیا گیا، ملی نغمہ افواج اور قوم کے عزم کا عکاس ہے کہ وطن کی سرحدوں کے دفاع کیلئے قوم متحد ہے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے ڈائریکٹر جنرل، میجر جنرل بابر افتخار کی جانب سے سماجی رابطے کی ویب سائٹ ٹویٹر پر یوم دفاع وشہداکے حوالے سے ملی نغمہ جاری کیا گیا۔

    اے زمین وطن مادر مہربان کے نام سے نغمے میں وطن سے محبت کا اظہار کیا گیا ہے، اس نغمے کو پاکستان کے معروف گلوکار شفقت امانت علی ، عابدہ پروین ، سجاد علی سمیت دیگر گلوگاروں نے گایا ہے۔

    گلوگاروں کی نسل در نسل وطن سے محبت اس ملی نغمے میں بھر پور عیاں ہے۔

    ملی نغمہ افواج اور قوم کے عزم کا عکاس ہے کہ وطن کی سرحدوں کے دفاع کیلئے قوم متحد ہے ، پاکستان جو مادر مہربان ہے ، شاہد ہے نسل در نسل پیر و جوان نے اس کی حفاظت کیلئے اپنا سب کچھ قربان کر دیا۔

    خیال رہے آئی ایس پی آر کی جانب سے یوم دفاع و شہداکے حوالے سے مختصر دورانیے کی ویڈیوز جاری کرنے کا سلسلہ جاری ہے ، ویڈیوز میں شہدا ، عازیوں اور انکے اہلہ خانہ کو خراج عقیدت پیش کیا جارہا ہے۔ شُہداءغازیوں اوراُن سے جڑے تمام رشتوں کو سلام ، شُہدائے پاکستان، ہمارا فَخر۔

  • آرمی چیف کا شہدا کے اہل خانہ سے ملنے کیلئے پہنچنے پر قوم کا شکریہ

    آرمی چیف کا شہدا کے اہل خانہ سے ملنے کیلئے پہنچنے پر قوم کا شکریہ

    راولپنڈی : ڈی جی آئی ایس پی آر نے یوم دفاع وشہدا کی غیرمعمولی کوریج پر میڈیا سے اظہار تشکر کرتے ہوئے کہا آرمی چیف نے شہدا کے اہل خانہ سے ملنے پہنچنے پر قوم کا شکریہ ادا کیا ہے۔

    تفصیلات کے مطابق پاک فوج کے شعبہ تعلقات عامہ کے ادارے آئی ایس پی آر ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر یوم دفاع وشہدا کی غیر معمولی کوریج پر میڈیا سے اظہار تشکر کرتے ہوئے کہا میڈیا نے خصوصی طور پر یوم شہدا کی تقریب دوبارہ نشر کی۔

    ڈی جی آئی ایس پی آر کا کہنا تھا کہ آرمی چیف جنرل قمر جاوید باجوہ نے شہدا کے اہل خانہ سے ملنے پہنچنے پر قوم کا شکریہ ادا کرتے شہدا ہمارا فخر ہیں، شہدا کے اہل خانہ ہماری ذمہ داری ہیں۔

    یاد رہے یوم دفاع کے موقع پر شہداء کو خراج عقیدت پیش کرنے کے لیے مرکزی تقریب جی ایچ کیو راولپنڈی میں ہوئی تھی، آرمی چیف جنرل قمرجاوید باجوہ تقریب کے مہمان خصوصی تھے۔

    آرمی چیف جنرل قمر جاوید باجوہ نے یوم دفاع کی مرکزی تقریب سے خطاب کرتے ہوئے کہا تھا کہ یوم دفاع و شہداء کی تقریب سے خطاب میرے لیے باعث فخرہے، پاکستان کی بنیادوں میں شہیدوں کا خون شامل ہے، شہداء کی قربانیاں رائیگاں نہیں گئیں نہ ہی جائیں گی۔

    آرمی چیف نے افواج پاکستان اورقوم کی جانب سے غازیوں اورشہداء کے لواحقین کو خراج تحسین پیش کرتے ہوئے کہا تھا کہ جانتا ہوں آپ کے دکھوں کا کوئی بدل نہیں لیکن آپ کا حوصلہ ہمارے لیے مثال ہے، زندہ قومیں اپنے شہیدوں پر ناز کرتی ہیں، پاکستان ایک زندہ اور تابندہ قوم ہے۔ انہوں نے کہا کہ مادروطن کے لیے کسی قربانی سے دریغ نہیں کیا اور نہ آئندہ کریں گے۔

    خیال رہے ڈی جی آئی ایس پی آر نے کہا تھا کہ یوم دفاع و یوم شہدا 6 ستمبر کو گزشتہ سال کی طرح بھرپور طور پر منائیں گے، ہر شہید کو یاد رکھا جائے اور ہر شہید کے گھر جائیں۔

  • یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائیں گے

    یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائیں گے

    اسلام آباد : آج ملک بھر میں یوم دفاع وشہدا ملی جوش و جذبے سے منایا جارہا ہے، آج شہداء یادگاروں پر پھول رکھے جائیں گے۔ غازیوں اور شہداء کے ساتھیوں کے گھر جاکر ان سے محبت کا اظہار کیا جائے گا۔

      مرکزی تقریب رات آٹھ بجے جی ایچ کیو میں ہوگی جس کے مہمان خصوصی وزیر اعظم عمران خان ہوں گے، چھ ستمبر ملکی سرحدوں کے دفاع اور تجدید عہد وفا کا دن ہے،  وہ دن جب دشمن ناپاک ارادوں کے ساتھ ارض پاک میں گھسا۔

    وہ دن جب پاک فوج نے دشمن کے ناپاک قدموں کو پسپا کردیا۔ اس سلسلے میں ہمیں پیار ہے پاکستان کے نام سے آئی ایس پی آر کی خصوصی مہم جاری ہے۔

    شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے، آج شہداء یادگاروں پر پھول رکھے جائیں گے۔ غازیوں اور شہداء کے ساتھیوں کے گھر جاکر ان سے محبت کا اظہار کیا جائے گا۔

    واضح رہے کہ چھ ستمبر انیس سوپینسٹھ وہ دن ہے جب دشمن نے اُس قوم کو للکارا جس کی اساس شجاعت اور بہادری ہے۔ بھارت کی پندرہویں بکتر بند ڈویژن رات کی تاریکی میں پاکستان پر حملہ آور ہوئی۔

    طاقت کے نشے میں چور بھارتی فوج نے بے خبری میں حملہ اور صبح تک لاہور میں ناشتہ کا دعویٰ کیا لیکن انہیں معلوم نہ تھا کہ سرحدوں کی رکھوالی خالد بن ولید اور ٹیپو سلطان کے جانشین کررہے تھے۔

    پاک فوج نے اپنے سے کہیں بڑی فوجی طاقت کا غرور خاک میں ملادیا۔ بھارت چونڈہ کا مقام کبھی نہیں بھولے گا جسے پاک فوج کے جوانوں نے بھارتی ٹینکوں کا قبرستان بنایا۔

    بی آر بی کے مقام پر میجر راجہ عزیز بھٹی شہید نے دشمن کی صفوں میں گھس کر انہیں بھاگنے پر مجبور کیا۔ کوہ میں دشت میں صحرا میں پاک فوج کے جوان ہر محاذ پر بہادری سے لڑے، پاک فضائیہ کے مٹھی بھر جنگی جہازوں نے ملک کی فضاؤں کو محفوظ بنایا۔

    ایم ایم عالم کو کیسے کوئی بھول سکتا ہے۔ تیس سیکنڈ میں دشمن کےچھ جہاز ڈھیر کردیئے، جنہیں لاہور میں ناشتہ کرناتھا وہ اپنے علاقے بھی چھوڑ کر بھاگ رہے تھے۔

    غیر ملکی اخباروں میں پاک فوج کے کارنامے بیان کیے جارہے تھے۔ پاکستانی قوم بھی وطن کے دفاع کے لیے فوج کے شانہ بشانہ کھڑی تھی، شہریوں کا ڈنڈے اٹھائے سرحدوں پر جانا، چندے اکٹھے کرنا اور نور جہاں کا ریڈیو پر ملی نغموں سے سے جوانوں کا جذبہ بڑھانا، یہ وہ سترہ دن تھے جب اٹھارہ سال پہلے بننے والے ملک نے ایک قوم بن کر اور یک جان ہوکر اپنا دفاع کیا۔

     

  • "عشق وطن سے” پاک بحریہ کا یوم دفاع وشہدا پر خصوصی نغمہ جاری

    "عشق وطن سے” پاک بحریہ کا یوم دفاع وشہدا پر خصوصی نغمہ جاری

    اسلام آباد : پاک بحریہ نے یوم دفاع وشہدا کی مناسبت سے خصوصی نغمہ ’عشق وطن سے‘ اور پرومو جاری کیا ہے، پرومو میں بحریہ کی کامیابیوں اور قربانیوں کا احاطہ کیا گیا ہے۔

    پاک بحریہ کے ترجمان کے مطابق پاک بحریہ کی جانب یوم دفاع وشہدا پر نغمے کا ٹیزر اور پرومو جاری کیا ہے ، پاک بحریہ کے نغمے’’عشق وطن سے‘‘میں وطن سے محبت کا اظہار کیا گیا ہے، وطن کی سرحدوں کے دفاع کا عہد بھی نغمے کا حصہ ہے۔

    ترجمان کا کہنا ہے پاک بحریہ کا پرومو 71 سالہ تاریخ میں عوام، بحریہ کے لازوال رشتے کی بنیاد ہے، پرومو میں بحریہ کی کامیابیوں اور قربانیوں کا احاطہ کیا گیا ہے۔

    اس سے قبل پاک بحریہ نے سماجی رابطے کی ویب سائٹ فیس بک پر ویڈیو ریلیز کی تھی ، جس میں شہیدوں کو خراج عقیدت پیش کیا گیا تھا۔

    خیال رہے یوم دفاع وشہدا کل جوش و خروش سے منایا جائے گا، اس حوالے سے مرکزی تقریب پاک فوج کے ہیڈ کوارٹر جی ایچ کیو میں منعقد کی جائے گی۔

    واضح رہے پاک فوج نے یوم دفاع و شہدا 2018 کو ’ہمیں پیار ہے پاکستان ’سے کے نام سے منفرد انداز میں منانے اعلان کیا تھا اور اس حوالے سے آئی ایس پی آر اس نے نیا نغمہ بھی جاری کیا تھا۔

    ڈی جی آئی ایس پی آر کا کہنا تھا کہ یومِ دفاع و شہدا 2018 پر قوم کے شہیدوں اور ان کے گھر والوں کو یاد کیا جائے گا اور قوم سے درخواست کی تھی کہ وہ 6 ستمبر یومِ دفاع و شہدا پر تمام شہدا کے گھر جا کر انھیں خراجِ عقیدت پیش کریں۔

    یاد رہے پاک فوج کی جانب سے ہمیں پیار ہے پاکستان سے‘ مہم کے سلسلے میں خصوصی پروموز جاری کئے تھے، جس میں نشانِ حیدر حاصل کرنے والے شہداء کو خراج عقیدت پیش کیا گیا تھا جبکہ پہلی بارملک کے ان سیاست دانوں کو بھی خراجِ عقیدت پیش کیا گیا، جو دہشت گردوں کے حملوں میں شہید ہوئے۔

  • یوم دفاع وشہدا کی مہم کا بحریہ ٹاؤن بھرپور حصہ بنے گا، ملک ریاض

    یوم دفاع وشہدا کی مہم کا بحریہ ٹاؤن بھرپور حصہ بنے گا، ملک ریاض

    کراچی : بحریہ ٹاون کے سربراہ ملک ریاض نے یوم دفاع وشہدا کی مہم میں بھرپور حصہ لینے کا اعلان کردیا اور کہا ہ یوم شہدا پر تمام شہدا کے گھر جاکر انھیں خراج عقیدت پیش کریں گے۔

    تفصیلات کے مطابق پاک فوج کے یوم دفاع و شہدا منفرد انداز میں منانے کے اعلان کے بعد چیئرمین ملک ریاض نے سماجی رابطے کی ویب سائٹ ٹوئٹر پر اپنے پیغام میں کہا کہ بحریہ ٹاؤن یوم دفاع وشہدا کی مہم کا بھرپور حصہ بنے گا، یوم شہدا پر تمام شہدا کی تصاویر لگا کر ان کے گھر جائیں گے اور انھیں خراج عقیدت پیش کریں گے، ہمیں پیار ہے پاکستان سے۔

    یاد رہے ڈی جی آئی ایس پی آر میجر جنرل آصف غفور نے 6 ستمبر کو یوم دفاع و شہدا پر آئی ایس پی آر میں پلاننگ کانفرنس کرتے ہوئے کہا تھا کہ یوم دفاع و شہداء منفرد انداز میں ہمیں پیار ہے پاکستان سے کے نام سے منایا جائے گا۔، کوئی شہادت بھولی نہیں جائے گی اور وطن کی حفاظت کے لیے جانیں دینے والوں کو سلام پیش کیا جائے گا۔

    مزید پڑھیں : ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    ڈی جی آئی ایس پی آر کا کہنا تھا کہ جی ایچ کیومیں منعقد تقریب براہ راست نشر کی جائے گی، جس کے لئے سول سوسائٹی ، میڈیا اور افواجِ پاکستان کے نمائندوں کو آگاہ کیا گیا ہے، وزارت اطلاعات ،آئی ایس پی آر مہم کا فوکل پوائنٹ ہوں گے،شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے۔

    میجر جنرل آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں ، شہیدوں کو سلام ، ہمیں پیار ہے پاکستان سے۔

  • ’ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    ’ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    راولپنڈی : ڈی جی آئی ایس پی آر میجر جنرل آصف غفور کا کہنا ہے کہ ہمیں پیار ہے پاکستان سے‘ کے نام سے یوم دفاع وشہداء منایا جائے گا، کوئی شہادت بھولی نہیں جائے گی اور  وطن کی حفاظت کے لیے جانیں دینے والوں کو سلام پیش کیا جائے گا۔

    تفصیلات کے مطابق پاک فوج کےشعبہ تعلقات عامہ (آئی ایس پی آر) کے ڈائریکٹر جنرل آصف غفور نے سماجی رابطے کی ویب سائٹ ٹوئٹر پر ویڈیو شیئر کی ، جس میں میجر جنرل آصف غفور نے 6 ستمبر کو یوم دفاع و شہدا پر آئی ایس پی آر میں پلاننگ کانفرنس کرتے ہوئے کہا کہ یوم دفاع و شہداء منفرد انداز میں ہمیں پیار ہے پاکستان سے کے نام سے منایا جائے گا۔

    ڈی جی آئی ایس پی آر کا کہنا تھا کہ جی ایچ کیومیں منعقد تقریب براہ راست نشر کی جائے گی، جس کے لئے سول سوسائٹی ، میڈیا اور افواجِ پاکستان کے نمائندوں کو آگاہ کیا گیا ہے، وزارت اطلاعات ،آئی ایس پی آر مہم کا فوکل پوائنٹ ہوں گے۔

    میجر جنرل آصف غفور نے کہا کہ شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے، کوئی شہادت بھولی نہیں جائے گی، شہید کی تصویر پر شہادت کی تفصیل اور جائے شہادت لکھی جائے گی، وطن کی حفاظت کے لیے جانیں دینے والوں کو سلام پیش کیا جائے گا اور شہیدوں کے لواحقین کو سلام پیش کیا جائے گا۔

    ڈی جی آئی ایس پی آر کا مزید کہنا تھا کہ شاپنگ مال شہداء کی تصاویر سے سجائے جائیں گے ، بسوں،ویگنوں ،ٹرکوں اور گاڑیوں پرشہدا کی تصاویر لگائی جائیں گی جبکہ ریلوے انتظامیہ کی جانب سے ٹرینوں اوراسٹیشنوں اور تمام ائیر پورٹس پر بھی شہداء کی تصاویر آویزاں کی جائیں گی۔

    میجر جنرل آصف غفور نے کہا یوم دفاع پرافواجِ پاکستان ہتھیاروں کی نمائش کریں گی، شہداء کے لواحقین اور غازیوں کے لیے ہر چھاؤنی میں تقریب ہوگی، تعلیمی اداروں میں شہداء کی یاد اور وطن سے محبت کی تقریبات ہوں گی جبکہ تمام ادارے شہداء کی یاد میں خصوصی تقاریب منعقد کریں گے ، جس کے لئے چیمبر آف کامرس،انجمن تاجران اورسول سوسائٹی کی بھرپورتعاون کی یقین دہانی کرائی ہے۔

    ڈی جی آئی ایس پی آر نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں ، شہیدوں کو سلام ، ہمیں پیار ہے پاکستان سے۔

    مزید پڑھیں : یومِ دفاع پر شہدا اور لواحقین کو منفرد انداز سے خراج عقیدت پیش کرنے کا اعلان

    یاد رہے 24 اگست کو ڈی جی آئی ایس پی آر میجر جنرل آصف غفور کا ایک ٹویٹ میں کہنا تھا کہ زندہ قومیں اپنے شہیدوں کوکبھی فراموش نہیں کرتیں، قوم اس سال 6 ستمبرکو منفرد انداز میں شہدا کوخراج تحسین پیش کرے گی۔

    خیال رہے چھ ستمبر 1965 کو پاکستانی افواج کے بہادر سپوتوں نے دشمن کو کاری ضرب لگا کر منہ توڑ جواب دیا تھا، جسے تا دنیا تک سب یاد رکھیں گے، اس جنگ میں مٹھی بھر فوج نے اپنے سے کئی گناہ بڑے دشمن کے دانت کھٹے کردیے تھے۔

    سن 1965 کو ملک کا دفاع کرتے ہوئے شہید ہونے والے جوانوں کی یادگاروں پر پھول چڑھائے جاتے ہیں، جب کہ سرکاری سطح پر قرآن و فاتحہ خوانی کا بھی اہتمام کیا جاتا ہے۔