Tag: یوم دفاع و شہدا

راولپنڈی: آئی ایس پی آر نے یوم دفاع وشہدا کا نیا پرومو جاری کردیا، جس میں افواج پاکستان کی جرات و شجاعت کو خراج تحسین پیش کیا گیا ہے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) نے یوم دفاع و شہدا کے موقع پر نیا پرومو جاری کر دیا۔

"معرکہ حق” کے عنوان سے جاری اس پرومو میں مسلح افواج پاکستان کی جرات، شجاعت اور قربانیوں کو خراجِ تحسین پیش کیا گیا ہے۔

آئی ایس پی آر کا کہنا ہے کہ بری، فضائی اور بحری افواج کی لازوال قربانیاں قوم کے حوصلے اور ایمان کی روشن علامت ہیں۔ پرومو میں شہدا کے خون کو وطن کی سرحدوں کی حفاظت کی اصل ضمانت قرار دیا گیا ہے۔

ترجمان پاک فوج نے مزید کہا کہ پرومو وطن کے دفاع کی انمول داستان اجاگر کرتا ہے اور یہ اس بات کا عہد ہے کہ یوم دفاع کے موقع پر دشمن کے ناپاک عزائم کو ہمیشہ کی طرح ناکام بنایا جائے گا۔

آئی ایس پی آر کے مطابق پاکستان کی مسلح افواج ہر دور میں دشمن کے لیے سیسہ پلائی دیوار بنی رہیں، جبکہ افواج کی بہادری اور قربانیوں نے تاریخ میں روشن باب رقم کیا ہے۔

ترجمان کا کہنا تھا کہ دفاع وطن ہی بقائے وطن کی ضمانت ہے اور پوری قوم اپنے شہدا اور افواج پاکستان کو سلام پیش کرتی ہے۔

راولپنڈی : یوم دفاع وشہدا کی مرکزی تقریب رات آٹھ بجے جی ایچ کیو میں ہوگی،چیف آف آرمی اسٹاف جنرل سیدعاصم منیر،اعلیٰ سول و عسکری قیادت اوردیگرمعززین شرکت کریں گے۔

تفصیلات کے مطابق ملک بھرمیں یوم دفاع و شہدائےپاکستان قومی اور ملی جوش و جذبے سے منایا جا رہا ہے ، یوم دفاع کی خصوصی تقریب جنرل ہیڈ کوارٹرز ( جی ایچ کیو) راولپنڈی میں ہوگی۔

تقریب کا مقصد دفاع وطن کی خاطر اپنی جانوں کا نظرانہ پیش کرنے والےشہدا اور اُن کے اہلخانہ کو خراج عقیدت پیش کرناہے۔

مرکزی تقریب آج رات 8 بجے منعقد ہوگی، وزیراعظم شہبازشریف تقریب میں بطورمہمان خصوصی شرکت کریں گے

چیف آف آرمی اسٹاف جنرل سیدعاصم منیر،اعلیٰ سول وعسکری قیادت اور دیگر معززین شرکت کریں گے جبکہ تقریب میں شہدا کے اہل خانہ، وفاقی کابینہ کے ارکان، قانون دان اورمعروف شخصیات بھی شریک ہوں گی۔

وزیراعظم اور آرمی چیف کے ساتھ مل کر یادگارشہدا پرپھول رکھیں گےاورشہداکے ایصال ثواب کے لیے دعا کی جائے گی۔

تقریب کا آغاز تلاوت کلام پاک سے ہو گا، جس کے بعد قومی ترانہ پڑھا جائے گا، تقریب میں افواج پاکستان اور قانون نافذ کرنے والے دیگر اداروں کے شہداکی قربانی کی لازوال داستانوں پر روشنی ڈالی جائے گی۔

شہدا کے ورثا کے صبر اور ثابت قدمی کو سلام پیش کیا جائے گا، اس تقریب سےوزیراعظم پاکستان اور چیف آف آرمی اسٹاف خطاب بھی کریں گے

یوم دفاع کےحوالےسےنیول ، ائیر بیسزاورچھاؤنیوں میں بھی خصوصی تقریبات کا انعقاد کیا جائے گا، اس کے علاوہ ملک بھر میں مختلف تقریبات کا انعقاد بھی کیا جا رہا ہے۔

راولپنڈی : یوم دفاع وشہداکےموقع پرسروسزچیفس، چیئرمین جوائنٹ چیفس آف اسٹاف کمیٹی اورمسلح افواج نے بہادرسپاہیوں کی بہادری، قربانی کو خراج تحسین پیش کیا۔

تفصیلات کے مطابق پاک فوج کے شعبہ تعلقات عامہ آئی ایس پی آر کی جانب سے بیان میں کہا ہے کہ 59 ویں یوم دفاع وشہدا کے موقع پر سروسزچیفس ، چیئرمین جوائنٹ چیفس آف اسٹاف کمیٹی اور مسلح افواج نے خصوصی پیغام میں کہا کہ یہ دن1965 کی جنگ کی ولولہ انگیزیادوں کوتازہ کرتاہے اور یہ دن قوم کےناقابل تسخیر عزم اورغیرمتزلزل جذبےکی زندہ مثال ہے۔

آئی ایس پی آر کا کہنا تھا کہ آج ہم اپنےبہادرسپاہیوں کی بہادری،قربانی کوخراج تحسین پیش کرتےہیں، ہمارے بہادر جوانوں نے زبردست مشکلات کیخلاف بہادری سےمادر وطن کادفاع کیا اور 59سال پہلےافواج پاکستان نےفیصلہ کن اندازمیں دشمن کےمذموم عزائم کوناکام بنایا، افواج نےدشمن کےعزائم ناکام بناتےہوئے تاریخی فتح حاصل کی۔

ترجمان نے کہا کہ 1965کی جنگ امیدتھی،جس نےمصیبت کےوقت قوم کیلئےعزم کی مثال قائم کی، آج شہدا کوخراج تحسین پیش کرتےہیں جنہوں نے1947سےدفاع وطن میں جانوں کانذرانہ دیا اور ان کوبھی خراج تحسین جنہوں نےدہشت گردی کیخلاف جنگ میں لازوال قربانیاں دیں، شہدائےوطن کی قربانیوں کوکبھی فراموش نہیں کیاجائے گا۔

خصوصی پیغام میں کہا گیا ہے کہ ہم ان سابق فوجیوں کوبھی سلام پیش کرتےہیں جوبہادری سےلڑے ، سابق فوجیوں کی بہادری اوربے لوثی کو ہمیشہ یادرکھاجائےگا۔

آئی ایس پی آر نے کہا کہ پاکستان کی مسلح افواج تمام خطرات اورچیلنجزسےنمٹنےکیلئےغیرمتزلزل عزم کااعادہ کرتی ہیں ، ہم قانون نافذکرنےوالے اداروں کیساتھ مل کروطن کےدفاع کےلیےتیارہیں۔

ترجمان کے مطابق ہم اپنےتمام شہداء اور سابق فوجیوں کے خاندانوں کو بھی خراج تحسین پیش کرتے ہیں ، شہداکی قربانیاں مضبوط،زیادہ خوشحال اورپرامن پاکستان کیلئےجدوجہدکی ترغیب دیتی ہیں۔

کراچی : یوم دفاع و شہدا کے موقع پر بانی وطن قائداعظم محمد علی جناح کے مزار پر گارڈز کی تبدیلی کی پروقار تقریب میں پاکستان ایئرفورس کے کیڈٹس نے گارڈز کے فرائض سنبھال لئے۔

تفصیلات کے مطابق یوم دفاع و شہدا کے موقع پر بانی پاکستان قائداعظم محمد علی جناح کے مزار پر گارڈز کی تبدیلی کی پروقار تقریب ہوئی۔

پاکستان ایئرفورس کے کیڈٹس نے مزار قائد پر گارڈز کے فرائض سنبھال لئے، اس موقع پر ایئر وائس مارشل شہریار خان تقریب کے مہمان خصوصی تھے ، انھوں نے بانی پاکستان کے مزار پر پھول چڑھائے،فاتحہ خوانی کی۔

مہمان خصوصی ایئر وائس مارشل شہریار خان نے تقریب سے خطاب کرتے ہوئے کہا کہ مزارقائدپرگارڈزکی ذمہ داریاں سنبھالنا ایئر فورس کیلئے اعزاز ہے، پاک فضائیہ کے دستوں نے دشمن کو ایک انچ بھی آگے نہ بڑھنے دیا۔

ان کا کہنا تھا کہ دشمن کوپیغام ہے ہماری امن پسندی کو ہماری کمزوری نہ سمجھا جائے، آپ کو یقین دلاتا ہوں کہ پاکستان کا دفاع مضبوط ہاتھوں میں ہے۔

مہمان خصوصی نے مزید کہا کہ پاک فضائیہ 1965کےدوران قوم کی امیدوں پر پوری اتری، پاکستان کا امن ہماری اولین ترجیح ہے۔

ترجمان پاک فضائیہ نے بتایا کہ مزارقائد پرپاک فضائیہ کے74کیڈٹس پیشہ ورانہ ذمہ داریوں کیلئے تعینات ہوں گے ، مذکورہ کیڈٹس میں 61 مرداور13خواتین کیڈٹس شامل ہیں۔