Tag: یوم دفاع و شہدا پاکستان

اسلام آباد : ٹریفک پولیس نے یوم دفاع و شہدا  پاکستان 2018 کی تقریب کے موقع پر عوام کی سہولت کے لیے ٹریفک حکام نے متبادل ٹریفک پلان جاری کردیا۔

تفصیلات کے مطابق پاکستان کے 6 ستمبر جمعرات کے روز یوم دفاع و شہدا 2018 کے موقع پر جنرل ہیڈ کوارٹر میں منعقد ہونے والے تقریب کے سلسلے میں محکمہ ٹریفک پولیس کی جانب سے شہریوں کی سہولت کے لیے متبادل ٹریفک پلان جاری کردیا گیا ہے۔

محکمہ ٹریفک پولیس کی جانب سے جاری ٹریفک پلان کے مطابق آبپارہ چوک سے کشمیر ہائی وے پر کوڑیا نوالہ چوک تک روڈ ٹریفک کے لیے بند رہے گا جبکہ پشاور، لاہور سے مری جانے والے زیرو پوائنٹ سے فیض آباد مری روڈ شہریوں کے لیے کھلا رہے گا۔

محکمہ ٹریفک پولیس ذرائع کا کہنا ہے کہ سہر وردی ایمبیسی روڈ سے سرینا تک سڑک ٹریفک کے لئے بند ہوگی، تاہم شہری ہری بازار چوک، سر فراز روڈ، شہید ملت روڈ میونسپل روڈ استعمال کریں۔

یوم دفاع و شہدا 2018 کی تقریب کے موقع پر سیکریٹریٹ چوک سے کنونشن سینٹر شاہراہ جمہوریت روڈ بھی بند رہے گا، وفاقی دارالحکومت کی عوام کے لیے ایوب چوک، میریٹ ہوٹل براستہ مارگلہ روڈ کھلا رہے گا، جبکہ بری امام سے ریڈیو پاکستان تک سٹرک ہر قسم کے ٹریفک کے لیے بند رہے گی۔

محکمہ ٹریفک پولیس کے جاری ٹریفک پلان میں بتایا گیا ہے کہ شہری متبادل تھرڈ روڈ استعمال کریں، کشمیر چوک سے سرینا ہوٹل تک دو طرفہ ٹریفک بند رہے گا۔

ٹریفک پولیس کی جانب سے عوام کی آسانی کے لیے راول ڈیم سے فیض آباد، زیرو پوائنٹ، فیصل ایونیو، مارگلہ روڈ کو ٹریفک کے لیے کھلا رکھا جائے گا اور شہری کلب روڈ یوٹن سے مری ٹریفک کوڑیا نوالہ چوک تک ون وے بھی استعمال کرسکیں گے۔