ARYNews.tv | Urdu – Har Lamha Bakhabar

Tag: یوم دفاع و شہدا

  • پاک فوج کی مہم’’ہمیں پیار ہے پاکستان سے ‘‘نے شہدا کے لواحقین کے دل جیت لئے

    پاک فوج کی مہم’’ہمیں پیار ہے پاکستان سے ‘‘نے شہدا کے لواحقین کے دل جیت لئے

    اسلام آباد : پاک فوج کی مثالی مہم ’’ہمیں پیار ہے پاکستان سے ‘‘نے شہدا کے لواحقین کے دل جیت لئے، شہدا کے اہل خانہ کا کہنا ہے آرمی چیف کے مشکور ہے ، تاریخ میں شہدا کو یاد رکھنے کی ایسی کوئی مثال نہیں۔

    تفصیلات کے مطابق یوم دفاع و شہدا کے موقع پر شہیدوں کو خراج عقیدت پیش کرتے کے لئے پاک فوج کی مثالی مہم ’’ہمیں پیار ہے پاکستان سے ‘‘ نے شہدا کے لواحقین کے دل جیت لئے۔

    شہدا کے اہل خانہ کا کہنا ہے آرمی چیف جنرل قمر جاوید باجوہ کے مشکور ہیں، دنیا میں اپنے شہدا کو یا د رکھنے کی ایسی کوئی مثال نہیں جبکہ مہم میں معاونت پر میڈیا اور آرگنائزر کو بھی سلام پیش کیا۔

    خیال رہے ملک بھر میں یوم دفاع و شہدا آج ملی جوش جزبے سے منایا جا رہا ہے، ہمیں پیار ہے پاکستان کے نام سے آئی ایس پی آر کی خصوصی مہم میں شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے۔

    مزید پڑھیں : قوم آج یوم دفاع پاکستان ملی جوش وجذبے سے منارہی ہے

    شہدا کی یادگاروں پر پھول رکھے جارہےہیں جبکہ غازیوں اور شہدا کے ساتھیوں کے گھر جاکر ان سے محبت کا اظہار کیا جارہا ہے۔

    واضح رہے ڈی جی آئی ایس پی آر میجر جنرل آصف غفور نے ہمیں پیار ہے پاکستان سے‘ کے نام سے یوم دفاع وشہداء منانے کا اعلان کیا تھا اور کہا تھا کہ کوئی شہادت بھولی نہیں جائے گی اور وطن کی حفاظت کے لیے جانیں دینے والوں کو سلام پیش کیا جائے گا۔

  • یوم دفاع و شہدا، شوبز شخصیات کا شہدا کو خراجِ عقیدت پیش

    یوم دفاع و شہدا، شوبز شخصیات کا شہدا کو خراجِ عقیدت پیش

    کراچی : ملک بھرمیں یوم شہداو دفاع ملی جوش وجذبے سے منایا جارہا ہے، مشہورو معروف شوبز ستارے بھی پاکستان سے محبت کا اظہار کرتے ہوئے شہدا کو سلام اور خراج تحسین کررہے ہیں۔

    تفصیلات کے مطابق یوم دفاع و شہدا کے موقع ہر جہاں پاکستانی قوم مادر وطن پر جان نچھاور کرنے والوں کو خراج عقیدت کررہی ہیں وہیں شوبز اسٹار بھی کسی سے پیچھے نہیں ہیں۔

    سماجی ویب سائٹ ٹویٹر پر کئی مشہورو معروف شخصیات بھی وطن کی محبت میں پرجوش نظر آئے اور شہیدوں کو خراج عقیدت پیش کیا۔

    فیصل قریشی

    فیصل قریشی نے شہداء کی قربانیوں پر ویڈیو شئیر کرتے ہوئے پاک فوج کوسلام پیش کیا۔

    اداکارحمزہ علی عباسی

    اداکارحمزہ علی عباسی نےٹوئیٹ کرتے ہوئے باہمت شہداء کو خراج تحسین پیش کرتے ہوئے کہا پاکستان سے محبت محض ایک زمین کے ٹکڑے سے محبت نہیں بلکہ اس منشور سے محبت ہے، سلام ان شہدا کو جنہوں نے اس منشور کے لیے جانیں قربان کی۔

    اداکارہ صباقمر

    اداکارہ صباقمر نے بھی اپنے ٹوئٹ میں شہداء کو سلیوٹ پیش کیا۔

    گلوکار عاطف اسلم

    گلوکار عاطف اسلم نے یوم دفاع و شہدا کے موقع پر سماجی رابطے کی ویب سائٹ ٹوئٹر پر اپنے گانے ’ ہمیں پیار ہے پاکستان سے ‘ کی ویڈیو شیئر کی اور شہیدوں کو خراج عقیدت پیش کیا۔

    عائزہ خان

    اداکارہ عائزہ خان نے بھی ٹوئٹر پر اپنے پیغام میں کہا ہم ہر سال یوم دفاع پاکستان پر اس دن کی یاد تازہ کرتے ہیں ، جو ہمیں ملک کے لئے جان قربان کرنے اور اس جنگ کے شہیدوں کا احترام اور وطن سے پیار کا سبق دیتا ہے۔

    شہزاد رائے

    گلوکار شہزاد رائے نے اپنے پیغام میں شہیدوں کو خراج عقیدت پیش کرتے ہوئے کہا مجھے پاکستانی ہونے پر فخر ہے۔

    فخر عالم

    گلوکار فخر عالم نے یوم دفاع و شہدا پر اپنے پیغام میں کہا اس آزادی کے پیچھے وردی ہے، یاد رکھیں آزادی کی قیمت شہیدوں کا خون ہے، یونیفارم میں ان بہادر مردوں اور خواتین کو سلام ، جو سوال کے بغیر خدمت کرتے ہیں۔

  • ہماری جانیں پاکستان کے لئے وقف ہیں، آرمی چیف جنرل قمرجاوید باجوہ

    ہماری جانیں پاکستان کے لئے وقف ہیں، آرمی چیف جنرل قمرجاوید باجوہ

    راولپنڈی: آرمی چیف جنرل قمرجاوید باجوہ کا کہنا ہے کہ دنیا میں جان سے بڑھ کر کوئی قربانی نہیں ہوتی، ہماری جانیں پاکستان کے لئے وقف ہیں۔

    تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے بیان میں کہا آرمی چیف جنرل قمرجاوید باجوہ اپنی اہلیہ کے ہمراہ پولیس لائنز میں شہید سب انسپکٹرعباس کے گھر گئے اور اہل خانہ سے ملاقات کی۔

    ڈی جی آئی ایس پی آر کا کہنا ہے کہ آرمی چیف نے شہید سب انسپکٹرعباس کی قوم کے لئے قربانی کو سراہا اور خراج عقیدت پیش کیا۔

    ترجمان کے مطابق اس موقع پر آرمی چیف جنرل قمرجاوید باجوہ کا کہنا تھا کہ دنیا میں جان سے بڑھ کر کوئی قربانی نہیں ہوتی، ہماری جانیں پاکستان کے لئے وقف ہیں۔

    یاد رہے شہید سب انسپکٹرمحمدعباس نے 1990 میں ایک آپریشن میں جام شہادت نوش کیا، شہید سب انسپکٹر نے افغان اغوا کاروں کے خلاف آپریشن میں حصہ لیا تھا۔

    شہید سب انسپکٹر محمد عباس کی اہلیہ، 2 بیٹے اور 2 بیٹیاں سوگواران میں شامل ہیں۔

    یاد رہے گذشتہ روز  آرمی چیف جنرل قمر جاوید باجوہ نے شہدا کو خراج عقیدت پیش کرتے ہوئے پیغام میں کہا تھا شہید کی جوموت ہے وہ قوم کی حیات ہے، شہدا پاکستان اور لواحقین کو سلام۔

    مزید پڑھیں :  شہیدکی جوموت ہے وہ قوم کی حیات ہے، آرمی چیف جنرل قمر جاوید باجوہ

    خیال رہے ملک بھر میں یوم دفاع و شہدا آج ملی جوش جزبے سے منایا جا رہا ہے، ہمیں پیار ہے پاکستان کے نام سے آئی ایس پی آر کی خصوصی مہم میں شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے۔

    شہدا کی یادگاروں پر پھول رکھے جارہےہیں  جبکہ غازیوں اور شہدا کے ساتھیوں کے گھر جاکر ان سے محبت کا اظہار کیا جارہاہے ۔

     یوم دفاع و شہدا کی مرکزی تقریب رات آٹھ بجے جی ایچ کیو میں ہوگی،  وزیر اعظم عمران خان مہمان خصوصی ہوں گے۔

  • عظیم قومیں اپنے شہدا کو نہیں بھولتیں اور ہم ایک عظیم قوم ہیں، ڈی جی آئی ایس پی آر

    عظیم قومیں اپنے شہدا کو نہیں بھولتیں اور ہم ایک عظیم قوم ہیں، ڈی جی آئی ایس پی آر

    راولپنڈی : یوم دفاع و شہداء پر ڈی جی آئی ایس پی آر میجرجنرل آصف غفور نے شہیدوں کو سلام پیش کرتے ہوئے کہا ہم ایک عظیم قوم ہیں اور عظیم قومیں اپنے شہدا کو نہیں بھولتیں۔

    تفصیلات کے مطابق یوم دفاع و شہداء کے دن پر ڈی جی آئی ایس پی آر میجرجنرل آصف غفور نے سماجی رابطے کی ویب سائٹ ٹوئٹر پر پیغام میں کہا کہ آج دفاع اور شہدا کا دن ہے، آئیں اپنے شہدا کے گھروں کو جائیں، آئیں شہدا کو اورعظیم خاندانوں کو سلام پیش کریں اور ملک کے لیے دی گئی عظیم قربانی پر ان کا شکریہ ادا کریں۔

    ڈی جی آئی ایس پی آر کا مزید کہنا تھا کہ عظیم قومیں اپنے شہداء کو نہیں بھولتیں، ہم ایک عظیم قوم ہیں۔#ہمیں پیار ہے پاکستان سے۔

    مزید پڑھیں : قوم آج یوم دفاع پاکستان ملی جوش وجذبے سے منارہی ہے

    خیال رہے ملک بھر میں یوم دفاع و شہدا آج ملی جوش جزبے سے منایا جا رہا ہے، ہمیں پیار ہے پاکستان کے نام سے آئی ایس پی آر کی خصوصی مہم میں شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے۔

    شہدا کی یادگاروں پر پھول رکھے جارہےہیں  جبکہ غازیوں اور شہدا کے ساتھیوں کے گھر جاکر ان سے محبت کا اظہار کیا جارہاہے ۔

     یوم دفاع و شہدا کی مرکزی تقریب رات آٹھ بجے جی ایچ کیو میں ہوگی،  وزیر اعظم عمران خان مہمان خصوصی ہوں گے۔

  • یوم دفاع وشہدا ، مزار قائد اور مزاراقبال پر گارڈز کی تبدیلی کی پروقار تقاریب

    یوم دفاع وشہدا ، مزار قائد اور مزاراقبال پر گارڈز کی تبدیلی کی پروقار تقاریب

    کراچی : یوم دفاع وشہدا پر مزار قائد اور مزاراقبال پر گارڈز کی  تبدیلی کی پروقار تقاریب منعقد کی گئیں، جہاں  تقاریب کے مہمان خصوصی نے مزار قائد اور مزاراقبال پر آرمی چیف کی جانب  سے پھول چڑھائے اور فاتحہ خوانی کی۔

    تفصیلات کے مطابق یوم دفاع وشہدا کے موقع پر مزار قائد پر گارڈز کی تبدیلی کی پروقار تقریب ہوئی ، پاکستان ائیر فورس اکیڈمی اصغر خان کے کیڈٹس نے گارڈز کے فرائض سنبھال لئے، اصغرخان اکیڈمی کے73 ایئر فورس کیڈٹس نے پاک بحریہ کے دستوں کو تبدیل کیا ، ان کیڈٹس میں 5 خواتین بھی شامل ہیں۔

    تقریب کے مہمان خصوصی پاکستان ائیر فورس اکیڈمی اصغر خان کے ائیر آفیسر کمانڈنگ ائیر وائس مارشل ندیم صابر نے بابائے قوم کے مزار پر پریڈ کا معائنہ کیا اور آرمی چیف کی جانب سے پھول چڑھائے اور فاتحہ خوانی کی۔

    دوسری جانب لاہور میں یوم دفاع پاکستان کے موقع پر مزار اقبال پر  بھی پر وقار تقریب منعقد ہوئی ،  تقریب کے  مہمان خصوصی گیریژن کمانڈر میجر جنرل محمد عامر نے حاضری دی۔

    گیریژن کمانڈر میجر جنرل محمد عامر نے آرمی چیف کی جانب سے پھول چڑھائے، فاتحہ خوانی کی اور مہمانوں کی کتاب میں تاثرات بھی قلمبند کیے۔

    مزید پڑھیں : قوم آج یوم دفاع پاکستان ملی جوش وجذبے سے منارہی ہے

    خیال رہے ملک بھر میں یومدفاع و شہدا آج ملی جوش جزبے سے منایا جا رہا ہے، ہمیں پیار ہے پاکستان کے نام سے آئی ایس پی آر کی خصوصی مہم میں شہیدوں اور ان کے اہل خانہ کو ملک بھر میں خراج تحسین دینے کا سلسلہ جاری ہے۔

    شہدا کی یادگاروں پر پھول رکھے جارہےہیں  جبکہ غازیوں اور شہدا کے ساتھیوں کے گھر جاکر ان سے محبت کا اظہار کیا جارہاہے ۔

     یوم دفاع و شہدا کی مرکزی تقریب رات آٹھ بجے جی ایچ کیو میں ہوگی،  وزیر اعظم عمران خان مہمان خصوصی ہوں گے۔

  • آئی ایس پی آر نے یومِ دفاع و شہدا کا ملی نغمہ جاری کر دیا

    آئی ایس پی آر نے یومِ دفاع و شہدا کا ملی نغمہ جاری کر دیا

    راولپنڈی: پاک فوج کے شعبۂ تعلقات عامہ (آئی ایس پی آر) کی جانب سے یومِ دفاع و شہدا پر خصوصی نغمہ جاری کر دیا گیا۔

    خصوصی نغمے میں پاک فوج کے شہدا اور غازیوں کو خراجِ عقیدت پیش کیا گیا ہے، یہ نغمہ پاکستان کے معروف گلوکار عاطف اسلم کی آواز میں ریکارڈ کیا گیا۔

    آئی ایس پی آر کی طرف سے جاری کردہ نغمہ عمران رضا نے لکھا ہے جب کہ ساحر علی بگا نے اسے کمپوزکیا ہے۔

    یاد رہے کہ اس سے قبل بھی آئی ایس پی آر کی جانب سے اس نغمے کے کئی پرومو جاری کیے گئے تھے، ایک پرومو میں پاکستانی شہید سیاست دانوں اور دیگر شخصیات کی تصاویر بھی شامل کی گئیں۔

    کشمیر میں جدوجہدِ آزادی میں مصروف مجاہدین کو بھی ایک پرومو میں خراجِ تحسین پیش کیا گیا، جس میں دکھایا گیا کہ بھارتی فوج کے ہاتھوں کس طرح کشمیری لہو لہو ہیں۔

    یوم دفاع وشہدا آج ملی جوش و جذبے سے منایا جائے گا، یادگاروں پر پھول رکھے جائینگے

    واضح رہے کہ آج (چھ ستمبر) یومِ دفاع و شہدا ملک بھر میں منایا جا رہا ہے، یومِ دفاع کی مرکزی تقریب جنرل ہیڈ کوارٹرز (جی ایچ کیو) راولپنڈی میں ہوگی، مرکزی تقریب میں وزیرِ اعظم عمران خان بہ طور مہمان خصوصی شریک ہوں گے۔

    وزیرِ اعظم عمران خان نے یومِ دفاع کے موقع پر اپنے پیغام میں کہا کہ افواجِ پاکستان نے دہشت گردی کے خلاف جنگ میں نمایاں کام یابیاں حاصل کی ہیں۔

  • ریل گاڑیاں بھی ” ہمیں پیارہے پاکستان سے” کا پیغام دینے لگیں

    ریل گاڑیاں بھی ” ہمیں پیارہے پاکستان سے” کا پیغام دینے لگیں

    لاہور : یوم دفاع و شہدا پر ریل گاڑیاں بھی” ہمیں پیار ہے پاکستان سے” کا پیغام دینے لگیں ، مختلف ریل گاڑیوں کی بوگیوں پر خصوصی تصاویر و پیغامات آویزاں کردیئے گئے ہیں۔

    تفصیلات کے مطابق یوم دفاع و شہدا پر شہیدوں کو خراج عقیدت پیش کرنے میں پاکستان ریلوے بھی پیش پیش ہیں، ریل گاڑیاں بھی ” ہمیں پیار ہے پاکستان سے” کا پیغام دے رہی ہے۔

     

     

    پاکستان ریلوے کی جانب سے ریل گاڑیوں کو دفاع وطن کے لئے جانیں قربان کرنے والے شہدا اور غازیوں کی تصاویر سے سجا دیا جبکہ مختلف ریل گاڑیوں کی بوگیوں پرخصوصی پیغامات بھی درج کئے گئے ہیں۔

     

    یاد رہے پاک فوج نے یوم دفاع و شہدا 2018 کو ’ہمیں پیار ہے پاکستان ’سے کے نام سے منفرد انداز میں منانے اعلان کیا تھا اور اس حوالے سے آئی ایس پی آر اس نے نیا نغمہ بھی جاری کیا تھا۔

    مزید پڑھیں : ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    میجر جنرل آصف غفور کا کہنا تھا کہ شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے، کوئی شہادت بھولی نہیں جائے گی، شہید کی تصویر پر شہادت کی تفصیل اور جائے شہادت لکھی جائے گی، وطن کی حفاظت کے لیے جانیں دینے والوں کو سلام پیش کیا جائے گا۔

    ڈی جی آئی ایس پی آر کا مزید کہنا تھا کہ شاپنگ مال شہداء کی تصاویر سے سجائے جائیں گے ، بسوں،ویگنوں ،ٹرکوں اور گاڑیوں پرشہدا کی تصاویر لگائی جائیں گی جبکہ ریلوے انتظامیہ کی جانب سے ٹرینوں اوراسٹیشنوں اور تمام ائیر پورٹس پر بھی شہداء کی تصاویر آویزاں کی جائیں گی۔

    ڈی جی آئی ایس پی آر نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں۔

  • فیلڈ فارمیشن افسران شہداء کے خاندانوں سے مل کر ان کی قربانیوں کا اعتراف کریں،آرمی چیف کی ہدایت

    فیلڈ فارمیشن افسران شہداء کے خاندانوں سے مل کر ان کی قربانیوں کا اعتراف کریں،آرمی چیف کی ہدایت

    راولپنڈی : آرمی چیف جنرل قمرجاوید باجوہ نے یوم دفاع پر شہداء پر فیلڈ فارمیشن افسران کو ہدایت کی کہ شہدا کے گھروں میں جائیں اور ان کی عظیم قربانیوں کا احترام اور اعتراف کریں۔

    پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت جی ایچ کیو میں 213 ویں کور کمانڈرز کانفرنس ہوئی، کانفرنس میں آپریشن ردالفساد میں پیش رفت کا جائزہ لیا گیا اور خطے کی جیو اسٹریٹیجک صورتحال پر تبادلہ خیال کیا گیا۔

    آئی ایس پی آر کے مطابق کورکمانڈرز نے یوم دفاع پر شہداء کو زبردست خراج تحسین بھی پیش کیا۔

    اس موقع پر پاک فوج کے سربراہ جنرل قمر جاوید باجوہ کا کہنا تھا کہ شہداء کی قربانیوں   خدمات کا اعتراف کیاجائے، فیلڈ فارمیشنز شہداء کے خاندانوں سے مل کر ان کی عظیم قربانیوں کا احترام اور اعتراف کریں۔

    یاد رہے  ڈی جی آئی ایس پی آر میجر جنرل آصف غفور نے اعلان کیا تھا کہ ہمیں پیار ہے پاکستان سے‘ کے نام سے یوم دفاع وشہداء منایا جائے گا، کوئی شہادت بھولی نہیں جائے گی اور  وطن کی حفاظت کے لیے جانیں دینے والوں کو سلام پیش کیا جائے گا۔

    پاک فوج کی جانب سے   یوم دفاع وشہداء پر شہیدوں ، غازیوں کو خراج تحسین پیش کرنے کا سلسلہ جاری ہے۔

    ڈی جی آئی ایس پی آر کا مزید کہنا تھا کہ شاپنگ مال شہداء کی تصاویر سے سجائے جائیں گے ، بسوں،ویگنوں ،ٹرکوں اور گاڑیوں پرشہدا کی تصاویر لگائی جائیں گی جبکہ ریلوے انتظامیہ کی جانب سے ٹرینوں اوراسٹیشنوں اور تمام ائیر پورٹس پر بھی شہداء کی تصاویر آویزاں کی جائیں گی۔

    میجر آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں۔

  • یومِ دفاع: پاک فوج کا بے نظیر، سراج رئیسانی اور بشیر بلور سمیت شہدا کو خراج عقیدت

    یومِ دفاع: پاک فوج کا بے نظیر، سراج رئیسانی اور بشیر بلور سمیت شہدا کو خراج عقیدت

    راولپنڈی: پاک فوج نے یومِ دفاع پر بے نظیر بھٹو، سراج رئیسانی اور بشیر بلور سمیت دیگر شہدا کو خراج عقیدت پیش کرنے کے لیے نئی ویڈیو جاری کر دی۔

    تفصیلات کے مطابق پاک فوج نے یومِ دفاع پر شہدا کو خراجِ عقیدت پیش کرنے کا نئے انداز سے عزم کر لیا، ’ہمیں پیار ہے پاکستان سے‘ مہم کے سلسلے میں ایک نئی ویڈیو جاری کر دی۔

    پاک فوج کے شعبۂ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے ایک نئی ویڈیو جاری کی ہے، جس میں پہلی بار ملک کے ان سیاست دانوں کو بھی خراجِ عقیدت پیش کیا گیا ہے جو دہشت گردوں کے حملوں میں شہید ہوئے۔

    آئی ایس پی آر کی جاری کردہ ویڈیو میں سابق وزیرِ اعظم بے نظیر بھٹو، بلوچستان عوامی پارٹی کے میر سراج خان رئیسانی، سابق صوبائی وزیر اور عوامی نیشنل پارٹی کے رہنما بشیر احمد بلور سمیت پولیس افسر چوہدری اسلم خان، ہنگو کے طالب علم اعتزاز حسن بنگش، سابق وزیرِ داخلہ پنجاب شجاع خان زادہ کو خراج عقیدت اور سلام پیش کیا گیا۔

    ’ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    آئی ایس پی آر نے قوم سے درخواست کی ہے کہ وہ 6 ستمبر یومِ دفاع و شہدا پر تمام شہدا کے گھر جا کر انھیں خراجِ عقیدت پیش کریں۔

    واضح رہے کہ ڈی جی آئی ایس پی آر نے گزشتہ روز کہا تھا کہ یومِ دفاع و شہدا 2018 پر قوم کے شہیدوں اور ان کے گھر والوں کو یاد کیا جائے گا۔

  • آئیں ہم سب شہدا کے اہل خانہ کیساتھ وقت گزاریں، ہمیں پیار ہے پاکستان سے، صدر اے آروائی نیٹ ورک

    آئیں ہم سب شہدا کے اہل خانہ کیساتھ وقت گزاریں، ہمیں پیار ہے پاکستان سے، صدر اے آروائی نیٹ ورک

    کراچی : اے آروائی نیٹ ورک کے صدر سلمان اقبال نے اپنے پیغام میں کہا آئیں ہم سب شہدا کے اہل خانہ کیساتھ وقت گزاریں ، یوم شہدا پر اےآروائی اور اس کی ٹیم شہدا کے اہلخانہ کے ساتھ دن گزارے گی، ہمیں پیار ہے پاکستان سے ۔

    تفصیلات کے مطابق اے آروائی نیٹ ورک کے صدر سلمان اقبال نے پاک فوج کے یوم دفاع و شہدا منفرد انداز میں منانے کے اعلان کے بعد سماجی رابطے ویب سائٹ ٹوئٹر پر اپنے پیغام میں کہا کہ ہمیں پیار ہے پاکستان سے، آئیں ہم سب شہدا کے اہل خانہ کیساتھ وقت گزاریں۔

    سلمان اقبال کا کہنا تھا کہ یوم شہدا پر اے آر وائی اور اس کی ٹیم شہدا کے اہل خانہ کے ساتھ دن گزارے گی اور شہدا کو فقید المثال خراج تحسین پیش کریں گے، ہیروز کو سلام۔

    یاد رہے گذشتہ روز ڈی جی آئی ایس پی آر میجر جنرل آصف غفور نے 6 ستمبر کو یوم دفاع و شہدا پر آئی ایس پی آر میں پلاننگ کانفرنس کرتے ہوئے کہا تھا کہ یوم دفاع و شہداء منفرد انداز میں ہمیں پیار ہے پاکستان سے کے نام سے منایا جائے گا۔، کوئی شہادت بھولی نہیں جائے گی اور وطن کی حفاظت کے لیے جانیں دینے والوں کو سلام پیش کیا جائے گا۔

    مزید پڑھیں : ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    ڈی جی آئی ایس پی آر کا کہنا تھا کہ جی ایچ کیومیں منعقد تقریب براہ راست نشر کی جائے گی، جس کے لئے سول سوسائٹی ، میڈیا اور افواجِ پاکستان کے نمائندوں کو آگاہ کیا گیا ہے، وزارت اطلاعات ،آئی ایس پی آر مہم کا فوکل پوائنٹ ہوں گے،شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے۔

    میجر جنرل آصف غفور نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں ، شہیدوں کو سلام ، ہمیں پیار ہے پاکستان سے۔