Tag: یوم دفاع

  • یوم دفاع : سانحہ کراچی ایئرپورٹ کے شہداء کو خراج عقیدت پیش کیا گیا

    یوم دفاع : سانحہ کراچی ایئرپورٹ کے شہداء کو خراج عقیدت پیش کیا گیا

    کراچی : یوم دفاع کے موقع پر سانحہ کراچی ایئرپورٹ کے شہداء کو خراج عقیدت پیش کیا گیا، ڈی جی اے ایس ایف میجر جنرل ظفر الحق کی ہدایت پر کراچی ایئرپورٹ کے شہداء کو خراج عقیدت پیش کیا گیا۔

    تفصیلات کے مطابق ملک بھر میں یوم دفاع یوم یکجہتی کشمیر کے طور پر منایا گیا، جس کا مقصد وطن عزیز کے لیے جانوں کا نذرانہ پیش کرنے والے شہداء کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

    اس سلسلے میں سانحہ کراچی ایئرپورٹ کے شہید سب انسپکٹر سرور کی قبر پر لاہور کے سی ایس او لیفٹیننٹ کرنل ٹیپو علی خان نے حاضری دی اور پھول چڑھائے۔

    اس کے علاوہ اے ایس ایف لاہور کے سی ایس او کرنل ٹیپو علی خان نے شہید سب انسپکٹر سرور کے اہل خانہ سے ملاقات کی، اس موقع پر شہید سب انسپکٹر کو خراج عقیدت پیش کیا گیا۔

    سی ایس او لاہور لیفٹیننٹ کرنل ٹیپو علی خان کا کہنا تھا کہ پوری قوم کو اپنے شہداء پر فخر ہے۔ یاد رہے کہ آٹھ جون2014 کو کراچی ایئرپورٹ پر بہادری اور جواں مردی کے ساتھ اپنے فرائض نبھاتے ہوئے سب انسپکٹر سرور شہید نے جام شہادت نوش کیا۔

  • یوم دفاع پرفوجی جوانوں کوخراج عقیدت پیش کرتے ہیں، شیری رحمان

    یوم دفاع پرفوجی جوانوں کوخراج عقیدت پیش کرتے ہیں، شیری رحمان

    اسلام آباد: پیپلزپارٹی کی رہنما شیری رحمان نے یوم دفاع پر فوجی جوانوں کوخراج عقیدت پیش کرتے ہوئے کہا کہ ہم سب ان کی بدولت محفوظ زندگی گزار رہے ہیں۔

    تفصیلات کے مطابق سماجی رابطے کی ویب سائٹ ٹویٹر پر پیپلزپارٹی کی رہنما شیری رحمان نے اپنے پیغام میں کہا کہ یوم دفاع پر فوجی جوانوں کوخراج عقیدت پیش کرتے ہیں۔

    شیری رحمان نے کہا کہ فوجی جوان اپنی جانوں کا نذرانہ پیش کر رہے ہیں، ہم سب ان کی بدولت محفوظ زندگی گزار رہے ہیں۔

    ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    واضح رہے کہ ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

    یوم دفاع پاکستان پر وفاقی دارالحکومت اسلام آباد میں دن کا آغاز 31 اور صوبائی دارالحکومتوں میں 21 توپوں کی سلامی سے ہوا، نماز فجر کے بعد مساجد میں ملکی سلامتی اور کشمیریوں کی آزادی کی دعائیں کی گئیں۔

    شہداء کو خراج عقیدت پیش کرنے کے لیے جی ایچ کیو میں یوم دفاع کی مرکزی تقریب منعقد ہوئی۔ آرمی چیف جنرل قمرجاوید باجوہ تقریب کے مہمان خصوصی تھے۔

  • یوم دفاع ، اسپیکرقومی اسمبلی اورچیئرمین سینیٹ کا شہدا کو خراج عقیدت پیش

    یوم دفاع ، اسپیکرقومی اسمبلی اورچیئرمین سینیٹ کا شہدا کو خراج عقیدت پیش

    اسلام آباد : اسپیکرقومی اسمبلی اسدقیصر اور چیئرمین سینیٹ محمدصادق سنجرانی نے کہا بہادرافواج نے ملک کا دفاع کیا اورقربانیاں دیں، یوم دفاع کو اپنے شہدا اور غازیوں کے نام کرتے ہیں، شہداکی قربانیاں رائیگاں نہیں جائیں گی۔

    تفصیلات کے مطابق یوم دفاع پر اسپیکرقومی اسمبلی اسدقیصر نے اپنے ویڈیو پیغام میں کہا یوم دفاع ہماری تاریخ کا بہت اہم دن ہے، پوری قوم مسلح افواج کے ساتھ کھڑی ہے، ہماری بہادر افواج نے ہمیشہ ملکی دفاع کے لیے قربانیاں دیں۔

    اسدقیصر کا کہنا تھا کہ پاکستان کی ترقی، خوشحالی اور دفاع کے لیے ہمیں عہدکرنا ہے ، آج بھی پوری قوم اورفوج ہردم تیار ہے، یوم دفاع کو اپنے شہدا اور غازیوں کے نام کرتے ہیں۔

    مودی سرکارکسی خوش فہمی میں نہ رہے،کشمیریوں کیساتھ ہیں


    دوسری جانب چیئرمین سینیٹ محمدصادق سنجرانی نے یوم دفاع کے موقع پر اپنے پیغام میں کہا آج کے دن بہادر افواج نے ملک کا دفاع کیا اور قربانیاں دیں، شہدا کو پوری قوم خراج تحسین پیش کرتی ہے۔

    چیئرمین سینیٹ کا کہنا تھا شہداکی قربانیاں رائیگاں نہیں جائیں گی، ملک دشمن عناصرکیخلاف پاک فوج کا کردارقابل تعریف ہے، مودی سرکار کسی خوش فہمی میں نہ رہے، کشمیریوں کیساتھ ہیں۔

    خیال رہے ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

  • آرمی چیف نے کہا خون کے آخری قطرے تک کشمیریوں کے لیے لڑیں گے، مسعود خان

    آرمی چیف نے کہا خون کے آخری قطرے تک کشمیریوں کے لیے لڑیں گے، مسعود خان

    مظفرآباد: صدر آزاد جموں و کشمیرسردار مسعود خان کا کہنا ہے کہ وزیراعظم عمران خان نے کہا آزاد کشمیرپرحملہ پاکستان پرحملہ تصور کیا جائے گا۔

    تفصیلات کے مطابق صدر آزاد کشمیر سردار مسعود خان نے کہا کہ آج شہدائے پاکستان اور لواحقین کوخراج عقیدت وتحسین پیش کرنے کا دن ہے۔

    انہوں نے کہا کہ کشمیریوں کے حق خودارادیت کے لیے پاکستان نے 6 جنگیں لڑیں، پاکستان کشمیر کے لیے سیاسی وسفارتی کوششیں جاری رکھے ہوئے ہے۔

    صدر آزاد کشمیر نے کہا کہ 1965میں بھارت نے پاکستان کوللکارنے کی سنگین غلطی کی تھی، پاکستانی قوم مثال اتحاد کا مظاہرہ کرتے ہوئے سیسہ پلائی دیوار ثابت ہوئی۔

    سردار مسعود خان نے کہا کہ بھارت نے 5 اگست کو پھرمقبوضہ کشمیراورخطے پرحملہ کیا، پاکستان کی جانب سے بھارت کو بھرپور اور منہ توڑجواب دیا گیا۔

    انہوں نے کہا کہ وزیراعظم عمران خان نے کہا آزاد کشمیر پرحملہ پاکستان پرحملہ تصورکیا جائے گا، آرمی چیف نے کہا خون کے آخری قطرے تک کشمیریوں کے لیے لڑیں گے۔

    صدر آزاد کشمیر نے کہا کہ بھارت تشدد اور ظلم سے کشمیریوں کی آواز دبانا چاہتا ہے، ہمیں یقین ہے پاکستان ہرصورت میں کشمیریوں کا ساتھ دے گا۔

    ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    واضح رہے کہ ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

  • یوم دفاع کشمیریوں سے اظہاریکجہتی کے لیے منایا جا رہا ہے، فردوس عاشق اعوان

    یوم دفاع کشمیریوں سے اظہاریکجہتی کے لیے منایا جا رہا ہے، فردوس عاشق اعوان

    سیالکوٹ: معاون خصوصی برائے اطلاعات فردوس عاشق اعوان کا کہنا ہے کہ مسئلہ کشمیرکے حل کے بغیرخطے میں امن قائم نہیں ہوسکتا۔

    تفصیلات کے مطابق معاون خصوصی برائے اطلاعات فردوس عاشق اعوان نے کہا کہ ہمارے شہداء قوم کا فخرہیں، ہمیں 1965 والے جذبے اور بے مثال اتحاد کی ضرورت ہے، آج تجدید عہد کا دن ہے۔

    انہوں نے کہا کہ یوم دفاع کشمیریوں سے اظہاریکجہتی کے لیے منایا جا رہا ہے، آج شہداء اورغازیوں کو یاد کرنے کا دن ہے۔

    فردوس عاشق اعوان نے کہا کہ کشمیر پاکستان کی شہہ رگ اور دفاعی حصار ہے، مسئلہ کشمیرکے حل کے بغیر خطے میں امن قائم نہیں ہوسکتا۔

    معاون خصوصی برائے اطلاعات نے کہا کہ آج شہداء اورغازیوں کو یاد کرنے کا دن ہے، شہداء نے جانوں کا نذرانہ دے کر تابناک تاریخ رقم کی۔ انہوں نے کہا کہ آج بھی 1965 والے جذبے کی ضرورت ہے۔

    ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    واضح رہے کہ ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

    یوم دفاع پاکستان پر وفاقی دارالحکومت اسلام آباد میں دن کا آغاز 31 اور صوبائی دارالحکومتوں میں 21 توپوں کی سلامی سے ہوا، نماز فجر کے بعد مساجد میں ملکی سلامتی اور کشمیریوں کی آزادی کی دعائیں کی گئیں۔

    شہداء کو خراج عقیدت پیش کرنے کے لیے جی ایچ کیو میں یوم دفاع کی مرکزی تقریب منعقد ہوئی۔ آرمی چیف جنرل قمرجاوید باجوہ تقریب کے مہمان خصوصی تھے۔

  • چھ ستمبر کا دن ہماری تاریخ کا ایک سنہرا باب ہے،  ایڈمرل ظفر محمود عباسی

    چھ ستمبر کا دن ہماری تاریخ کا ایک سنہرا باب ہے، ایڈمرل ظفر محمود عباسی

    اسلام آباد : سربراہ پاک بحریہ ایڈمرل ظفرمحمودعباسی نے کہا ہے کہ چھ ستمبرکادن ہماری تاریخ کاایک سنہراباب ہے ، دشمنوں پرلرزہ طاری کرنے پر ہم اللہ کے حضور سربسجود ہیں۔

    تفصیلات کے مطابق یوم دفاع کے موقع پر سربراہ پاک بحریہ ایڈمرل ظفرمحمودعباسی نے اپنے پیغام میں کہا چھ ستمبر کا دن ہماری تاریخ کا ایک سنہرا باب ہے، آج کا دن ہمیں شہدا اور غازیوں کے لازوال کارناموں کی یاد دلاتا ہے اور آج ہی کے دن بے مثل شجاعت ودلیری سے نئی داستانیں رقم کی گئیں۔

    سربراہ پاک بحریہ کا کہنا تھا کہ ہماری بہادرافواج نے دشمن کے مذموم ارادوں کو خاک میں ملایا، بحریہ کے آپریشن سومنات کے دوران دوارکا میں دشمن کو نشانہ بنایا، آبدوزغازی نے بھارتی بحری بیڑے کو منظر نامے سے دور رکھا۔

    ایڈمرل ظفرمحمودعباسی نے کہا پاکستان نیوی نے پلوامہ واقعے کے بعد صلاحیتوں کا بھرپور مظاہرہ کیا، پاکستان نیوی کے ایئر کرافٹ نے بھارت کی جدید آبدوز کا سراغ لگایا، دشمنوں پر لرزہ طاری کرنے پر ہم اللہ کے حضور سربسجود ہیں۔

    ان کا مزید کہنا تھا کہ آج اپنے کشمیری بھائیوں کے ساتھ مکمل یکجہتی کا اظہارکرتے ہیں اور عزم کرتے ہیں پاکستان کوخوشحال اوراسلامی فلاحی ریاست بنائیں گے ، پاک فوج کا ہر جوان ملک کے دفاع کے عزم کی تجدید کرتا ہے۔

    مزید پڑھیں : ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    خیال رہے ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

    یوم دفاع پاکستان پر وفاقی دارالحکومت اسلام آباد میں دن کا آغاز 31 اور صوبائی دارالحکومتوں میں 21 توپوں کی سلامی سے ہوا، نماز فجر کے بعد مساجد میں ملکی سلامتی اور کشمیریوں کی آزادی کی دعائیں کی گئیں۔

  • عمران خان اورآرمی چیف کی قیادت میں کشمیریوں کے ساتھ ہیں، شیخ رشید

    عمران خان اورآرمی چیف کی قیادت میں کشمیریوں کے ساتھ ہیں، شیخ رشید

    اسلام آباد: وفاقی وزیر ریلوے شیخ رشید احمد کا کہنا ہے کہ جب تک کشمیرکا مسئلہ حل نہیں ہوتا خطے میں امن ناممکن ہے۔

    تفصیلات کے مطابق وفاقی وزیر ریلوے شیخ رشید احمد نے کہا کہ عمران خان نے آج کے دن کو پاک فوج اورکشمیریوں کےنام کیا وزیراعظم اور آرمی چیف کی قیادت میں کشمیریوں کے ساتھ ہیں۔

    انہوں نے کہا کہ وقت آنے پر پاکستان کا بچہ بچہ سرفروش ہونے کو تیار ہے، مودی نے جوکام کیا اس نے بڑی غلطی کردی اب کشمیر آزاد ہوگا۔

    شیخ رشید احمد نے کہا کہ کشمیریوں پر72 سال سے ہندوستان بربریت کررہا ہے، آج ہم نے کوئی کوتائی کی تو کشمیری ہمیں معاف نہیں کریں گے۔

    وفاقی وزیر نے کہا کہ جب تک کشمیرکا مسئلہ حل نہیں ہوتا خطے میں امن ناممکن ہے۔ انہوں نے کہا کہ کشمیرکے مسئلے پر اپوزیشن اور حکومت کو ایک پیج پر ہونا چاہیے۔

    شیخ رشید احمد نے کہا کہ کشمیرکامسئلہ حل کیے بغیر پاکستان اوربھارت میں امن قائم نہیں ہوسکتا۔ انہوں نے مزید کہا کہ مودی عالمی دہشت گرد اورکشمیریوں کی نسل کشی میں ملوث ہے۔

    ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    واضح رہے کہ ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

  • سرپہ باندھے کفن آگے بڑھے صف شکن

    سرپہ باندھے کفن آگے بڑھے صف شکن

    قوموں اورملکوں کی تاریخ میں کچھ دن ایسے ہوتے ہیں جو عام ایام کے برعکس بڑی قربانی مانگتے ہیں، یہ دن اپنی مٹی کے فرزندوں سے وطن کی حفاظت کے لئے تن من دھن کی قربانی کا تقاضا کرتے ہیں، ماؤں سے ان کے جگر گوشے اور بوڑھے باپوں سے ان کی زندگی کا آخری سہارا قربان کرنے کامطالبہ کرتے ہیں۔

    قربانی کی لازوال داستانیں رقم ہوتی ہیں، سروں پر کفن باندھ کر سرفروشان وطن رزم گاہ حق و باطل کا رخ کرتے ہیں ،آزادی کو اپنی جان و مال پر ترجیح دے کر دیوانہ وار لڑتے ہیں، کچھ جام شہادت نوش کر کے امر ہو جاتے ہیں اور کچھ غازی بن کر سرخرو ہوتے ہیں۔ تب جا کر کہیں وطن اپنی آزادی، وقار اور علیحدہ تشخص برقرار رکھنے میں کامیاب ہوتے ہیں۔

    ایسا ہی ایک دن وطن عزیز پاکستان پر بھی آیا تھا جب بھارت نے پانچ اور چھ ستمبر 1965ء کی درمیانی شب پاکستان پر شب خون مارا تھا، بھارتی جرنیلوں کا خیال تھا کہ وہ راتوں رات پاکستان کے اہم علاقوں پر قبضہ کر لیں گے اور ناشتہ لاہور جیم خانہ میں کریں گے لیکن انہیں پاک فوج کی پیشہ ورانہ مہارت اور پاکستانی قوم کے جذبے کا درست اندازہ نہیں تھا ۔ افواج پاکستان اور عوام نے مل کر دیوانہ وار دشمن کا مقابلہ کیا اورسروں پر کفن باندھ کر دشمن کے مد مقابل ڈٹ گئے، جسموں سے بارود باندھ کر ٹینکوں کے آگے لیٹ گئے۔

    وہ جنگ جو بھارتی فوج ایک رات میں ختم کرنے کے ارادے رکھتی تھی تئیس ستمبر یعنی سترہ روز تک جاری رہی اور اس جنگ میں بھارت کو چھ سو سے زائد ٹینکوں اور ساٹھ طیاروں اور دیگر فوجی سازو سامان سمیت بے پناہ جانی نقصان بھی اٹھانا پڑا۔ دوسری جنگ عظیم کے بعد ٹینکوں کے سب سے بڑی لڑائی اسی جنگ میں لڑی گئی جس میں میجر عزیز بھٹی شہید کانام سنہرے حروف سے لکھ جائے گا تو دوسری جانب فضائی معرکے میں دنیا کا کوئی ملک محمد محمود عالم جیسا شاہین پید انہیں کرسکا جس نے ایک منٹ کے قلیل عرصے میں بھارت کے پانچ جہاز مار گرائے اور ان میں سے بھی چار پہلے تیس سیکنڈ کے قلیل عرصے میں گرائے گئے ۔ آج تک دنیا کا کوئی ہوا باز اس ریکارڈ کو نہیں توڑ سکا۔

    جب بھارت اس جنگ میں اپنے مطلوبہ نتائج حاصل نہیں کرسکا اور اپنے بیشتر علاقے پاکستان کے ہاتھوں گنوا بیٹھا تو جارح اپنی جان چھڑانے کے لئے اقوام ِ متحدہ میں پہنچ گیا اور جنگ بندی کی اپیل کی، اقوام ِ متحدہ کی مداخلت پر پاکستان عالمی قوانین کا احترام کرتے ہوئے اپنی افواج کو واپس چھ ستمبر 1965 والی پوزیشن پر لے آیا۔

    اس جنگ میں جہاں پاک فوج نے لازاوال قربانیاں دے کر دفاع ِ وطن کو ناقابل ِ تسخیر بنایا وہیں عوام بھی اپنی افواج کے شانہ بشانہ جنگ میں شامل تھی اور عام لوگوں نے اسپتالوں میں اور فوج کے لئے سپلائی جمع کرنے کے لئے رضا کارانہ طور پر اپنی خدمات انجام دیں اور شہری دفاع کا منظم محمکہ نہ ہونے کے باوجود بھارت کی جانب سے ہونے والے نقصانات کا سد باب بھی کیا اور بر وقت امدادی کاروائیاں بھی جاری رکھیں۔

    چھ ستمبر کا دن پاکستانیوں کی رگوں میں لہو کو گرما دیتا ہے اوراس دن ہونے والی تقریبات بھی اپنے شہیدوں سے ایفائے عہد کے لئے منعقد کی جاتی ہیں۔ اس سال حکومت اور افواجِ پاکستان نے آج کے دن کو یوم دفاعِ کشمیر کےعنوان سے منانے کا فیصلہ کیا ہے جس کا مقصد بھارتی غاصب افواج کے جبر کا نشانہ بنے نہتے کشمیری شہریوں سے اظہارِ یکجہتی اور انہیں یقین دلانا ہے کہ حکومت عوام اور پاک فوج آخری سانس تک ان کے ساتھ ہیں۔

    آج جی ایچ کیو میں ہونے والی مرکزی تقریب سے خطاب کرتے ہوئے پاک فوج کے سالار جنرل قمر باجوہ نے اس عزم کا اعادہ کیا کہ کشمیر کی خاطر آخری گولی ، آخری سپاہی اور آخری سانس تک لڑیں گے۔ پاکستان اس وقت کشمیر کے لیے سفارتی جنگ لڑرہا ہے اور اقوام عالم کے سامنے بھارتی مظالم کو آشکار کررہا ہے ، یہ پاکستان کی جانب سے امن پسندی کی واضح دلیل ہے کہ ہم جنگ نہیں چاہتے لیکن اگر جنگ مسلط کردی جائے تو ہم جواب دینے میں چوکتے نہیں ہیں بلکہ اپنی مرضی کے وقت اور میدان میں جواب دیا جائے گا۔

    رواں برس 27 فروری کو پاک فضائیہ کے شاہینوں نے بھارت کے د وطیارے گرا کر اور ایک پائلٹ کو قبضے میں لے کر ایک بار پھر سنہ 1965 کی یادیں تازہ کردی تھیں اور دشمن کو واضح جواب دیا تھا کہ ہم وہی سیسہ پلائی دیوار ہیں جو سنہ 1965 میں تھی بلکہ 18 سال دہشت گردی کے خلاف جنگ نے ہمیں مزید کندن بنادیا ہے۔

  • ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے

    اسلام آباد: ملک بھر میں یوم دفاع پاکستان آج ملی جوش وجذبے اور شہدائے وطن کے ساتھ محبت وعقیدت کے ساتھ منایا جا رہا ہے۔

    تفصیلات کے مطابق ملک بھر میں یوم دفاع یوم یکجہتی کشمیر کے طور پر منایا جا رہا ہے جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔

    یوم دفاع پاکستان پر وفاقی دارالحکومت اسلام آباد میں دن کا آغاز 31 اور صوبائی دارالحکومتوں میں 21 توپوں کی سلامی سے ہوا، نماز فجر کے بعد مساجد میں ملکی سلامتی اور کشمیریوں کی آزادی کی دعائیں کی گئیں۔

    شہداء کو خراج عقیدت پیش کرنے کے لیے جی ایچ کیو میں یوم دفاع کی مرکزی تقریب منعقد ہوئی۔ آرمی چیف جنرل قمرجاوید باجوہ تقریب کے مہمان خصوصی تھے۔

    آرمی چیف نے یادگارشہدا پرحاضری دی، پھول چڑھائے اور فاتحہ پڑھی، تقریب میں بگل بجائے گئے اورشہدا کو سلامی پیش کی گئی۔

    یوم دفاع پرصدرمملکت کا قوم کے نام پیغام

    صدر پاکستان ڈاکٹر عارف علوی نے قوم کے نام اپنے پیغام میں کہا کہ 6 ستمبر قومی ولولوں کی یاد تازہ کرنے کا یوم تجدید عہد ہے، 54 سال پہلے پاک فوج نے قوم کے شانہ بشانہ دشمن کےعزائم کو ناکام بنایا۔

    صدر مملکت نے کہا کہ ہماری مسلح افواج جدت کے ساتھ ساتھ جذبہ حب الوطنی سے لیس ہیں، ہماری مسلح افواج ہرقسم کے چیلننجز سے نمٹنے کے لیے ہمہ وقت تیار ہے۔

    ڈاکٹر عارف علوی نے کہا کہ پاک فوج بیرونی مہم جوئی کو ناکام بنانے کی بھرپورصلاحیت رکھتی ہے۔ انہوں نے کہاکہ آج کے دن عہد کرتے ہیں کہ کشمیریوں کو ان کا حق خودارادیت دلا کر رہیں گے۔

    وزیراعظم عمران خان کا قوم کے نام پیغام

    وزیراعظم عمران خان نے یوم دفاع پر اپنے پیغام میں کہا کہ قوم دشمن کی کسی بھی جارحیت کا جواب دینے کے لیے مکمل تیار ہے، دنیا کو بتا دیا ہے کہ پاکستانی جنگ نہیں چاہتے۔

    وزیراعظم پاکستان نے کہا کہ اپنی سلامتی اورخودمختاری پرسمجھوتا نہیں کریں گے، دشمن کو بھر پورردعمل دینے کے لیے پوری طرح تیار ہیں۔

    علاوہ ازیں یوم دفاع پر مزار قائد اور مزار اقبال پر گارڈز کی تبدیلی کی پروقار تقریب منعقد ہوئی جس میں پاک فضائیہ کے کیڈیٹس نے مزار قائد جبکہ پاک فوج کے کیڈیٹس نے مزار اقبال پر گارڈز کے فرائض سنبھال لیے۔

    یوم دفاع پر وزیراعظم عمران خان آذاد کشمیر کے دارالحکومت مظفرآباد جائیں گے جہاں وہ کشمیری شہدا کے حوالے سے تقریب سے خطاب کریں گے۔

    وزیراعظم کی ہدایات کے مطابق صوبائی دارالحکومتوں میں خصوصی تقریبات ہوں گی جن میں کشمیریوں سے اظہار یکجہتی کیا جائے گا۔

  • یوم دفاع پرصدرمملکت اوروزیراعظم پاکستان کا قوم کے نام پیغام

    یوم دفاع پرصدرمملکت اوروزیراعظم پاکستان کا قوم کے نام پیغام

    اسلام آباد: یوم دفاع پاکستان کے موقع پر صدر مملکت ڈاکٹر عارف علوی اور وزیراعظم عمران خان نے قوم کے نام الگ الگ پیغامات دیے ہیں۔

    تفصیلات کے مطابق صدر پاکستان ڈاکٹر عارف علوی نے قوم کے نام اپنے پیغام میں کہا کہ 6 ستمبر قومی ولولوں کی یاد تازہ کرنے کا یوم تجدید عہد ہے، 54 سال پہلے پاک فوج نے قوم کے شانہ بشانہ دشمن کےعزائم کو ناکام بنایا۔

    صدر مملکت نے کہا کہ ہماری مسلح افواج جدت کے ساتھ ساتھ جذبہ حب الوطنی سے لیس ہیں، ہماری مسلح افواج ہرقسم کے چیلننجز سے نمٹنے کے لیے ہمہ وقت تیار ہے۔

    ڈاکٹر عارف علوی نے کہا کہ پاک فوج بیرونی مہم جوئی کو ناکام بنانے کی بھرپورصلاحیت رکھتی ہے۔ انہوں نے کہاکہ آج کے دن عہد کرتے ہیں کہ کشمیریوں کو ان کا حق خودارادیت دلا کر رہیں گے۔

    وزیراعظم عمران خان نے یوم دفاع پر اپنے پیغام میں کہا کہ قوم دشمن کی کسی بھی جارحیت کا جواب دینے کے لیے مکمل تیار ہے، دنیا کو بتا دیا ہے کہ پاکستانی جنگ نہیں چاہتے۔

    وزیراعظم پاکستان نے کہا کہ اپنی سلامتی اورخودمختاری پرسمجھوتا نہیں کریں گے، دشمن کو بھر پورردعمل دینے کے لیے پوری طرح تیار ہیں۔

    واضح رہے کہ ملک بھر میں یوم دفاع پاکستان آج ملی جوش وجذبے اور شہدائے وطن کے ساتھ محبت وعقیدت کے ساتھ منایا جائے گا۔ شہداء کو خراج عیقدت پیش کرنے کے لیے جنرل ہیڈکوارٹرز جی ایچ کیو میں یوم دفاع کی مرکزی تقریب ہوگی۔

    یوم دفاع پر وزیراعظم عمران خان آزاد کشمیر کے دارالحکومت مظفرآباد جائیں گے جہاں وہ کشمیری شہدا کے حوالے سے تقریب سے خطاب کریں گے۔