Tag: یوم سیاہ

سری نگر : بھارت کے یوم آزادی کے موقع پر ایک حملے میں مقبوضہ کشمیر پر قابض بھارتی سیکیورٹی فورسز کے دو اہلکار ہلاک ہو گئے ہیں جب کہ دو کشمیریوں کی شہادت کی بھی اطلاعات ہیں۔

تفصیلات کے مطابق مقبوضہ کشمیر کے علاقے نوہاٹہ میں بھارتی سیکیورٹی فورسز پر مسلحح افراد کی جانب سے حملہ کیا گیا ہے جس میں 2 اہلکار ہلاک اور 6 بھارتی فوجی شدید زخمی ہو گئے ہیں۔

مقبوضہ کشمیرمیں بھارت کا یوم آزادی یوم سیاہ کے طورپرمنایا جا رہا ہے

کشمیری میڈیا کے مطابق حملہ آور اور بھارتی سیکیورٹی فورس کے درمیان کافی دیر تک فائرنگ کا تبادلہ ہوتا رہا جس کے نتیجے میں 2 بھارتی فوجی ہلاک اور متعدد زکمی ہو گئے ہیں جب کہ دو کشمیریوں کی شہادت کی بھی اطلاعات ہیں

ذرائع کے مطابق واقعے کے بعد بھارتی سیکیورٹی فورسز نے نوہاٹہ میں مزید نفری طلب کر لی ہے اور علاقہ کا محاصرہ کرکے گھر گھر تلاشی کا عمل شروع کردیا ہے۔

نوہاٹہ کے داخلی اور خارجی راستوں کی بندش کے باعث علاقہ کی صورت حال کا درست اندازہ لگانے اور مصدقہ اطلاعات کے حصول میں دقت پیش آرہی ہے۔

یاد رہے مقبوضہ کشمیر میں آج بھارت کے یوم آزادی کے موقع پر یوم سیاہ منایا جا رہا ہے جب کہ پاکستان سے یکجہتی کے لیے 13 اور 14 اگست کو حریت پسند رہنماؤں کی جانب سے فریڈم مارچ بھی کیا گیا تھا۔

واضح رہے کو برہان وانی کی شہادت کے بعد سے کشمیر میں جاری بھارت مخلاف مظاہروں میں تیزی آگئی ہے اور ایک ماہ سے زائد عرصہ گذر جانے کے باوجود مقبوضہ کشمیر کے کئی علاقوں میں کرفیو نافذ ہے اور موبائل فون اور انٹر نیٹ پر پابندی عائد ہے۔

اسلام آباد: مشیر خارجہ سرتاج عزیز کہتے ہیں کہ کشمیری قیادت کی شمولیت کے بغیر کشمیر کا مسئلہ حل نہیں ہوسکتا۔ حق خودارادیت کا مطالبہ دہشت گردی نہیں ہے۔

مقبوضہ کشمیر میں بھارتی مظالم کے خلاف پاکستان سمیت دنیا بھر میں یوم سیاہ منایا جارہا ہے۔ اس حوالے سے منعقدہ ایک تقریب میں مشیر خارجہ سرتاج عزیز نے کہا کہ حکومت مقبوضہ کشمیر میں بھارتی مظالم کا معاملہ عالمی فورمز پر اٹھا رہی ہے۔ کشمیریوں کا حق خود ارادیت کا مطالبہ دہشت گردی نہیں ہے۔

انہوں نے مطالبہ کیا کہ بھارتی کشمیریوں کو اقوام متحدہ کی قراردادوں کے مطابق حق خودارادیت دے۔

سرتاج عزیز نے مزید کہا کہ کشمیری مسئلہ کے اہم فریق ہیں، کشمیری قیادت کی شمولیت کے بغیر مسئلہ کشمیر حل نہیں ہو سکتا۔

واضح رہے کہ کشمیری حریت پسند برہان وانی کی بھارتی فوج کے ہاتھوں شہادت پر ہونے والے احتجاج کو قابض فوج نے بذریعہ جبر دبانے کی کوشش کی۔ بھارت کی وحشیانہ کارروائیوں میں اب تک 50 کے قریب کشمیری شہید ہوچکے ہیں۔

مقبوضہ وادی میں مسلسل تیرہویں روز بھی کرفیو نافذ ہے اور بھارتی فورسز کی جانب سے نہتے کشمیریوں کے خون سے ہولی کھیلنے کا عمل جاری ہے۔

اسلام آباد : حکومت پاکستان نے مقبوضہ کشمیر میں معصوم اور نہتے عوام کے قتل عام کے خلاف یوم سیاہ 19جولائی کے بجائے 20 جولائی کو منایا جانے گا۔

تفصیلات کے مطابق اس سے پہلے حکومت نے وفاقی کابینہ کے اجلاس میں مقبوضہ کشمیر پر بھارتی جارحیت کے خلاف ملک بھر میں 19 جولائی کو یوم سیاہ بنانے کا اعلان کیا تھا تا ہم وفاقی کابینہ کے علم میں نہیں تھا کہ اہلیان کشمیر ہر سال 19 جولائی کو یوم الحاقِ کشمیر کے طور منایا جاتا ہے اور اس دن کشمیری عوام پاکستان سے الحاق کے حق میں ریلیاں نکالتے اور مظاہرے کرتے ہیں۔

مزید جانیے : وفاقی کابینہ اجلاس میں 19 جولائی کو یوم سیاہ منانے کا فیصلہ

ذرائع مطابق میڈیا کی جانب سے کی گئی نشاندہی کے بعد حکومت پاکستان کشمیریوں کے دلی جذبات کو مد نظر رکھتے ہوئے 19 جولائی کو یوم الحاقِ کشمیر اور 20 جولائی کو بھارتی ظلم و بربریت کے خلاف سرکاری سطح پر یوم سیاہ منانے کا فیصلہ کیا ہے۔

ترجمان وزیراعظم ہاوس کا اس بارے میں کہنا ہے کہ یوم الحاق کشمیر منانے کا مقصد کشمیریوں سے مکمل اظہار یکجہتی کرنا ہے،اس دن ملک بھر میں کشمیریوں کے حق میں ریلیاں نکالی جائیں گی اور ہر فورم پر کشمیریوں کی جدوجہد کو اجاگر کیا جائے گا،حکومتِ پاکستان اور پاکستانی عوام کے دل کشمیریوں کے ساتھ دھڑکتے ہیں۔

یوم سیاہ کیوں منایا جا رہا ہے جانیے : بھارتی فوج کی بربریت،تین حریت پسند شہید

یاد رہے حریت پسند کارکن برہان ربانی کی بھارتی فوج کے ہاتھوں شہادت پر مقبوضہ کشمیر کا ایک ایک شخص سراپا احتجاج ہے،عوام کے احتجاج کو دبانے کے لیے بھارتی عوام نے شہر میں کرفیو نافذ کر رکھا ہے اور نہتے عوام پر گولیاں برسائی جا رہی ہیں،مقبوضہ کشمیر میں بھارتی بربریت کے خلاف وفاقی کابینہ کا اہم اجلاس وزیر اعظم کی صدارت میں گورنر ہاؤس لاہور میں ہوا تھا۔