Tag: یوم عاشور

کراچی میں ڈبل سواری پر پابندی عائد

کراچی : یومِ عاشور کے موقع پرسیکورٹی کو مدنظر رکھتے ہوئے کراچی میں موٹرسائیکل کی ڈبل سواری پرپابندی لگا دی گئی ہے۔

تفصیلات کے مطابق محکمہ داخلہ سندھ نے کراچی میں آٹھ، نو اور دس محرم الحرام کو موٹرسائیکل کی ڈبل سواری پر پابندی عائد کردی ہے۔ حکام کا کہنا ہے پابندی لگائے جانے کی وجہ یومِ عاشور پر کیے جانے والے سیکورٹی انتظامات کو موثر بناناہے۔

محکمہ داخلہ سندھ کی جانب سے صوبے بھر میں 60 روز کے لیے اسلحے کی نمائش پرپابندی عائد کی گئی ہے اور سادہ لباس سیکورٹی گارڈ کے اسلحہ لے کرچلنے پربھی پابندی ہے۔

دس محرم الحرام تک پولیس موبائل سے مماثلت رکھنے والی گاڑیوں کے استعمال پربھی پابندی ہوگی۔

محرم الحرام جلوس، متبادل ٹریفک پلان جاری

واضح رہے کہ گزشتہ روز محرم الحرام میں ٹریفک کی آمد و رفت کو بحال رکھنے اور عوام کو مشکلات سے بچانے کے لیے ٹریفک پولیس نے 8 تا 10 محرم کا متبادل ٹریفک پلان جاری کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ستمبر 29, 2017
یوم عاشور: کراچی میں موبائل فون سروس بند رکھنے کا فیصلہ

کراچی : صوبائی وزیر اطلاعات ونشریات ناصر حسین شاہ نے کہا ہے کہ دس محرم کو کراچی میں موبائل فون سروس معطل رہے گی ،9،8 محرم کوسندھ میں جلوسوں کی گزرگاہوں پرموبائل سروس بند ہوگی۔

تفصیلات کے مطابق سندھ حکومت نے یوم عاشور پر قیام امن اور کسی بھی ناخوشگوار واقعے سے نمٹنے کیلئے حکمت عملی مرتب کرلی۔

اس حوالے سے صوبائی وزیر ناصر حسین شاہ نے کہا ہے کہ سیکیورٹی کے پیش نظر8اور9محرم الحرام کو سندھ میں جلوسوں کی گزرگاہوں پرموبائل سروس بند رہے گی، جبکہ دس محرم کو کراچی میں موبائل سروس بند رکھنے کا فیصلہ کیا گیا ہے۔

صوبائی وزیر ناصر حسین شاہ نے مزید کہا کہ ہم پر سندھ میں نوکریوں کی بندر بانٹ کا الزام درست نہیں ہے، سینیٹرز، ارکان اسمبلی کو نوکریوں میں کوئی کوٹہ نہیں دیا گیا، سندھ کےعوام کویقین دلاتا ہوں کہ سرکاری ملازمتیں میرٹ پر ہی دی جائیں گی۔

اسی سے متعلق: سندھ بھر میں ڈبل سواری پر پابندی کا فیصلہ

ایک سوال کے جواب میں ناصرحسین شاہ کا کہنا تھا کہ سندھ میں پیپلزپارٹی اور عدالتوں کی قربت کچھ زیادہ ہی ہے، کراچی گیمز کے انعقاد پرانتظامیہ کو مبارک باد پیش کرتا ہوں، انہوں نے کہا کہ پاکستان میں کرکٹ کے عالمی میچز کا انعقاد خوش آئند ہے۔

ستمبر 15, 2017
سندھ کے مختلف شہروں میں موبائل سروس معطل

کراچی : محکمہ داخلہ سندھ کا کہنا ہے کہ یوم عاشور کے دن سیکورٹی خدشات کے پیش نظرسندھ کے مختلف شہروں میں موبائل سروس بند رہے گی۔

محمکہ داخلہ سندھ کے مطابق یوم عاشورہ کے دن سندھ کے مختلف شہروں میں موبائل سروس ساڑھے بارہ بجے سے شام ساڑھے سات بجے تک بند رہے گی۔

سندھ حکومت نے اس سے قبل نو اور دس محرم الحرام کے دن سندھ کے مختلف شہروں میں موبائل سروس بندکرنے کی وفاقی حکومت سےسفارش کی تھی تاہم نو محرم کو موبائل سروس بند نہیں کی گئی لیکن آج سندھ حکومت کی سفارش پر موبائل سروس بند کرنے کا فیصلہ کیا گیا ہے۔

Mobile phone service remain off in sindh… by arynews

وزارت داخلہ پاکستان کی جانب سے محکمہ داخلہ سندھ کو موبائل سروس بندکرنے کے حوالے سے باضابطہ طور پر آگاہ کردیا گیا ہے۔

محکمہ داخلہ سندھ کا کہنا ہے کہ ہم نے جو سفارش کی تھی اس بنیاد پر کراچی سمیت سندھ کے مختلف شہروں میں موبائل سروس بندکرنے کا فیصلہ کیا گیا اور جلوس کے اختتام پذیز ہونے تک مختلف شہروں میں موبائل سروس معطل رہے گی۔

دوسری جانب لاہور سمیت پنجاب کے کئی شہروں میں بھی موبائل فون سروس بند کرنے کا فیصلہ کیا گیا ہے۔صوبہ پنجاب کے دارالحکومت لاہور میں جلوس کے روٹ اور اس کے گردونواح میں موبائل سروس جلوس کے اختتام تک بند رہے گی۔

مزید پڑھیں: وفاقی دارالحکومت میں موبائل سروس بندنہ کرنےکافیصلہ

یاد رہے کہ گزشتہ روز وزارت داخلہ کی جانب سے وفاقی دارالحکومت میں موبائل سروس بند نہ کرنے کافیصلہ کیا گیا تھااور ساتھ ہی جلوس کے راستوں پر سیکورٹی کے فول پروف انتظامات کرنے کی ہدایات کی گئی تھیں۔

واضح رہے کہ چاروں صوبوں، گلگت،فاٹا اور اسلام آباد انتظامیہ نے نو اور دس محرم کو موبائل فون سروس بند کرنے کے لیے وفاقی حکومت کو درخواست دی تھی جبکہ کراچی، لاہور،راولپنڈی ،پشاور اور کوئٹہ سمیت کئی شہروں میں ڈبل سواری پربھی پابندی ہے۔

اکتوبر 12, 2016
یوم عاشور،صوبائی دارالحکومتوں میں جلوس اختتام پذیر

کراچی: کراچی سمیت صوبائی دارلحکومتوں میں یوم عاشور کے مرکزی جلوس پُر امن طور پر اپنی منزل کو پہنچ گئے۔

کربلا میں گھر لُٹانے والے حضرت امام حُسینؓ کی قُربانی کو خراج عقیدت پیش کرنے کیلئے کراچی میں مرکزی جلوس نشتر پارک سے بر آمد ہوا شہر کے دیگر چھوٹے جلوس بھی مرکزی جلوس میں شامل ہوگئے عزادار ماتم کرتے ہوئے،تبت سینٹر پہنچے جہاں نماز ظہرین ادا کی گئی۔

نماز ظہرین کے بعد مرکزی جلوس علم و تعزیوں کے ساتھ ایم اے جناح روٖڈ سے گزرتا ہوا حسینیہ ایرانیاں کھارادر پہنچ کر اختتام پذیر ہوگیا۔

لاہور میں شبیہ ذوالجناح کا مرکزی جلوس رات گئے نثار حویلی سے بر آمد ہوا جو سارا دن مقررہ راستوں پر رواں دواں رہا، عزداروں نے مرثیہ خوانی اور زنجیر زنی کر کے شہدائے کربلا کو خراج عقیدت پیش کیا۔

پشاور میں بھی یوم عاشور کے تمام ماتمی جلو س پرامن طورپر اختتام پذیر ہوگئے، جلوس کے شُرکا نے شہدائے کربلا کو خراج عقیدت پیش کرتے ہوئے ماتم کیا اور نوحہ خوانی کی۔

کوئٹہ میں بھی عاشورہ کا مرکزی جلوس مقررہ گزرگاہوں سے ہوتا ہواامام بارگاہ پنجابی علمدار روڈ پہنچ کر اختتام پذیر ہوگیا۔

اکتوبر 24, 2015
یوم عاشور کے دن پیش آنے والے تاریخ کے عظیم واقعات

یوم عاشورہ بڑا ہی مہتم بالشان اور شرف عظمت والا دن ہے اس دن تاریخ کے عظیم واقعات رونما ہوئے ہیں جو مندرجہ بالا ہیں۔

یومِ عاشور : حضرت آدم علیہ السلام کی پیدائش ہوئی۔

یومِ عاشور: حضرت آدم جنت سے زمین پربھیجے گئے تھے تا کہ انسانیت کی تخلیق ہو اور اللہ تعالیٰ کی توحیدومعرفت کا پیغام مخلوقِ عالم تک پہنچے۔

یومِ عاشور: حضرت آدم علیہ السلام کی توبہ قبول ہوئی.

یومِ عاشور: حضرت ابراہیم علیہ السلام کی ولادت ہوئی۔

یومِ عاشور: حضرت ابراہیم علیہ السلام کونمرود کی آگ سے نجات ملی۔

یومِ عاشور: حضرت عیسیٰ علیہ السلام کی ولادت ہوئی اورآپ آسمان پر اٹھائے گئے۔

یومِ عاشور: حضرت موسیٰ علیہ السلام کی قوم کو فرعون سے نجات ملی اور فرعون اور اس کا لشکردریائے نیل میں غرق ہوا۔

یومِ عاشور: حضرت یونس علیہ السلام مچھلی کے پیٹ سے باہرآئے تھے۔

یومِ عاشور: حضرت یعقوب علیہ السلام کی آنکھوں کی بینائی واپس آئی تھی۔

یومِ عاشور: اللہ تعالیٰ نے عرش وفرش،زمینوں، آسمانوں اورلوح وقلم کو پیدا فرمایا۔

یومِ عاشور: اللہ تعالیٰ نے پہلی بار آسمان سے بارش نازل فرمائی۔

یومِ عاشور: ساری دنیا اور ساری مخلوق فنا ہوگی اور قیامت قائم ہوگی۔

یومِ عاشور: حضور ﷺ کے نواسے، حضرت فاطمہ ؓ کے لخت جگر اور علی کرم اللہ وجہہ کے نور نظر حضرت حسینؓ رضی اللہ تعالیٰ عنہ کی شہادت کا عظیم اور کربناک واقعہ پیش آیا۔

اکتوبر 24, 2015
سرگودھا میں دوگروپوں میں تصادم، 2افراد 7 زخمی

سرگودھا: یوم عاشور پر نکالے گئے جلوس میں دو مخالف گروہ کے درمیان ہنگامہ آرائی ہوگئی جس کے نتیجے میں دو افراد جاں بحق جبکہ ساتھ افراد ذخمی ہوگئے۔

سرگودھا میں یوم عاشور کے موقع پر نکالے گئے ماتمی جلوس میں دو گروہوں کے درمیان اچانک تصادم ہوگیا ، جس کے نتیجے میں دو افراد جان کی بازی ہار گئے ، جبکہ تصادم سے سات افراد زخمی ہوگئے جنہیں قریبی اسپتام منتقل کردیا گیا، دو افراد کی ہلاکت کے بعد مشتعل شہری سڑکوں پرآگئے۔جنہوں نے گاڑیوں پرپتھراؤ اور احتجاج شروع کردیا، صورتحال پرقابوپانے کیلئےفوج طلب کرلی گئی۔

واقع کے صورتحال کو کنٹرول کرنے کے لئے پاک فوج کے جوانوں نے علاقے کو گھیرے میں لے لیا۔ پاک فوج نے صوتحال کو دیکھتے ہوئے علاقے میں ہائی الرٹ جاری کردیا ۔

نومبر 4, 2014
ملک بھر میں یوم عاشور کے مرکزی جلوس اختتام پزیر

کراچی: شہدائےکربلا کی یاد میں ملک بھر سے نکانے گئے ماتمی جلوس اختتام پذیر ہوگئے۔

کراچی میں یوم عاشور کا مرکزی جلوس کھارادر حسینیہ ایرانیاں امام بارگاہ پر اختتام پذیر ہوگیا, بھکرمیں یوم عاشور کا مرکزی جلوس قدیمی امام بارگاہ کربلا میں اختتام پذیر ہوگیا ہے,فیصل آباد میں یوم عاشور کا مرکزی جلوس اپنے مقررہ راستوں سے ہوتا ہوا واپس مرکزی امام بارگاہ عزاخانہ شبیر پر اختتام پذیر ہو رہا ہے،محرم الحرام کا مرکزی جلوس جھنگ میں روایتی راستوں سے گزرتا ہوا بلاق شاہ پہنچ چکا ہے، پشاور میں یوم عاشورہ کے تمام ماتمی جلوس اختتام پزیر ہو گئے ہیں، کوئٹہ میں امام بارگاہ حسینی سے برآمد ہونے والے سفر علمدار روڈ پر پنجابی امام بارگاہ پہنچ کر ختم ہوا۔

ملتان میں بھی استاد کا تعزیہ امام بارگاہ شاہ رسال جبکہ شاگرد کا تعزیہ امام بارگاہ محلہ جھک پہنچ کر ختم ہو گیا۔ گوجرانوالہ میں امام بارگاہ حیدری روڈ سے شہر کا بڑاجلوس برآمد ہوا جو حیدری روڈ، جی ٹی روڈ اور گوندلانوالہ چوک سے ہوتا ہوا گھنٹہ گھر پہنچا۔ فیصل آباد میں مرکزی جلوس امام بارگاہ حیدریہ سے برآمد ہوا جو اپنی منزل پر پہنچ کر ختم ہو گیا۔

نومبر 4, 2014
یوم عاشور کے مرکزی جلوس اپنے مقررہ راستوں کیجانب رواں دواں

کراچی : دنیا بھرکی طرح ملک کےمختلف شہروں میں یومِ عاشورعقیدت اور احترام کے ساتھ منایا جارہا ہے، مخلتف شہروں میں یومِ عاشور کے مرکزی جلوس اپنے مقررہ راستوں سے گذرتے ہوئے منزل کیجانب رواں دواں ہیں۔

یوم عاشور کے موقع پر ملک بھر کے مختلف شہروں میں دس محرم الحرام کے مرکزی جلوس عزاداروں کو اپنے جلو میں لیے اپنے روایتی اور مقررہ راستوں سے گذرتے ہوئے منزل کیجانب گامزن ہیں۔

کراچی میں دس محرم الحرام کا مرکزی جلوس نشترپارک سے برآمد ہوا، پولیس اور رینجرز کی جانب سے سیکیورٹی کو فول پروف بنانے کے اقدامات کئے گئے ہیں، مرکزی جلوس امام بارگاہ حسینہ ارانیاں کھارادر میں اختتام پزیر ہوگا ۔

جھنگ میں عاشورہ کا مرکزی جلوس امام بارگاہ حسینیہ گوہر شاہ سےبرآمد ہوا، جو اپنی منزل کیجانب رواں دواں ہے، اس موقع پرسیکیورٹی کےسخت انتظامات کیےگئے ہیں۔

رحیم یارخان میں یوم عاشورہ کا مرکزی جلوس امام بارگاہ لنگر حسینی سے برآمد ہوا، مظفرآباد میں دسویں محرم کا مرکزی جلوس امام بارگاہ پیرعلم شاہ بخاری سے برآمد ہوا، بھکر میں مختلف مقامات پر ذو الجناح، تعزیہ اور علم کے جلوس برامد ہوئے جبکہ بڑی تعداد میں لوگ زیارت کے لیئے امام بارگاہوں میں موجود ہیں، بنوں میں دسویں محرم الحرام کے سلسلے میں عزاداروں کا جلوس مرکزی امام بارگاہ حسینیہ سے برآمد ہوا، سخت سیکیورٹی میں جلوس اپنے گزرگاہوں پررواں دواں ہیں۔

حیدرآباد میں یوم عاشور کاجلوس اپنےروایتی راستوں پررواں دواں ہے۔ جلوس میں بچوں اور عورتوں کی بڑی تعداد شامل ہے، تمام جلوسوں کے راستوں پر سیکیورٹی کے سخت انتظامات بھی کیے گئے ہیں۔

نومبر 4, 2014