Tag: یوم علی

کراچی اور لاہور سمیت ملک کے چھوٹے بڑے شہروں میں یوم شہادت علی کرم اللہ وجہہ کے جلوس اختتام پذیر ہوگئے۔
کراچی میں یوم علی رضی اللہ تعالی عنہ کا مرکزی جلوس دوپہر ایک بجے نشتر پارک سے برآمدہوا، مختلف علاقوں سے آنے والے چھوٹے جلوس بھی مرکزی جلوس میں شامل ہوگئے،نمائش چورنگی پر جلوس کے شرکا نے نما ز ظہرین ادا کی، مرکزی جلوس روایتی راستوں سے ہوتا ہوا حسینیہ ایرانیاں کھارادر میں اختتام پذیر ہوا، اس موقع پر سیکیورٹی کے بھی سخت ترین انتظامات کیئے گئے تھے،سولہ ہزار سے زائد پولیس اہلکار جلوس کی سیکیورٹی کیلئے تعینات کیئے گئے تھے۔

لاہور میں یوم علی رضی اللہ تعالی عنہ کا مرکزی جلوس مبارک حویلی سے برآمد ہوا جو روایتی راستوں سے ہوتا ہوا کربلا گامے شاہ پہنچ کر اختتام پذیر ہوا، راول پنڈی میں مرکزی جلوس موہن پورہ سے برآمد ہوا اور روایتی راستوں سے ہوتا ہوا فوارہ چوک پر امام بار گاہ کرنل مقبول حسین پر پہنچ کر ختم ہوا، ملتان میں مرکزی ماتمی جلوس کاشانہ حیدر سے برآمد ہوکر روائیتی راستوں سے ہوتا ہوا آستانہ لعل کڑتی پر اختتام پذیر ہوا، فیصل آباد میں مرکزی امام بارگاہ عزا خانہ سے شبیہ تابوت کا جلوس برآمد ہوا ، عزاداروں نے زنجیر زنی بھی کی، جلوس اپنے روایتی راستوں سے ہوتا ہوا اپنی منزل پر پہنچ کر اختتام پذیر ہوگیا۔

کراچی :حکومت سندھ نےکراچی اورحیدرآبادمیں بیس جولائی بروزاتوارکوحضرت علی کرم اللہ وجہہ کےیوم شہادت کےموقع پرسیکیورٹی خدشات کے پیش نظرموبائل فون سروسزمعطل رکھنےکافیصلہ کیاہے۔

اکیس رمضان المبارک کویوم علی کےموقع پرکراچی اورحیدرآبادمیں موبائل فون سروس صبح چاربجےسےرات گیارہ بجےتک بندرہےگی، سیکریٹری داخلہ سندھ ڈاکٹرنیازعباسی کےمطابق سیکیورٹی خدشات کےپیش نظروزارت داخلہ کوایک خط لکھاگیاتھا۔جس میں استدعاکی گئی تھی کہ بیس جولائی بروزاتواراکیس رمضان المبارک کوکراچی اور حیدرآبادمیں موبائل فون سروس معطل کی جائے۔

جس کی منظوری دیدی گئی اورپی ٹی اےکوہدایت کی گئی ہےکہ وہ موبائل فون کمپنیز کوپابندکریں کہ اکیس رمضان کوصبح چاربجےسےرات گیارہ بجےتک موبائل فون سروسزکومعطل رکھاجائے