ریسلنگ فیڈریشن آف انڈیا کے انتخابات نہ کروانے پر یونائیٹڈ ورلڈ ریسلنگ (یو ڈبلیو ڈبلیو) نے بھارت کی رکنیت کو معطل کردیا۔
یو ڈبلیو ڈبلیو کی جانب سے رکنیت معطل ہونے کے بعد بھارتی ریسلرز آئندہ چیمپئن شپ میں ملک کی نمائندگی نہیں کر پائیں گے۔
بھارتی ریسلرز 16 ستمبر سے شروع ہونے والی اولمپکس کوالیفائنگ ورلڈ چیمپئن شپ میں بطور’نیوٹرل ایتھلیٹس’ شریک ہوں گے۔
واضح رہے کہ بھارت میں خواتین ریسلرز کی جانب سے اس وقت کے فیڈریشن چیف برج بھوشن پر جنسی ہراسانی کے الزامات کے بعد جون میں طے شدہ انتخابات نہیں کروائے گئے تھے۔
یہ بھی یاد رہے کہ خواتین ریسلرز نے برج بھوشن کے خلاف زبردست مظاہرے بھی کئے اور دیگر حلقوں نے بھی ان کے خلاف آواز اُٹھائی، جس کے بعد برج بھوشن جنسی ہراسانی کے مقدمات کا سامنا کررہے ہیں۔
