پشاور : پاکستان کرکٹ ٹیم کے تجربہ کار بیٹسمین یونس خان نے پشاور میں آرمی پبلک اسکور کا دورہ کیا اور نیوزی لینڈ کرکٹ ٹیم کی جانب سے دیا گیا سامان انتظامیہ کے حوالے کیا۔
پشاورمیں آرمی پبلک اسکول پر ہونے والے حملے پر پاکستان کرکٹ ٹیم کے کھلاڑیوں سمیت کیوی کھلاڑی بھی بے حد غمزدہ دکھائی دیے۔ یونس خان نے کیو ی اور پاکستانی کھلاڑیوں کی جانب سے دیا گیا سامان انتظامیہ کے حوالے کیا۔
تجربہ کار بیٹسمین کیوی ٹیم منیجمنٹ کی جانب سے دیا گیا خط بھی پڑھ کر سنایا۔ جس میں کیوی کھلاڑی اور ٹیم انتظامیہ نے افسوس ناک واقع پر غم کا اظہا کیا۔
یونس خان کا کہنا تھا کہ سانحہ پشاور کھلی بربریت ہے وہ اور تمام کھلاڑی شہدا کے ورثاء کے ساتھ کھڑے ہیں۔
واضح رہے کہ سانحہ پشاور پر بین الاقوامی برادری کی جانب شدید غم وغصہ اور مذمت کا اظہار کیا گیا،اور شہداء کے لئے غائبانہ نماز جنازہ کی ادائیگی اور ان کی مغفرت کیلئےخصوصی دعائیں مانگی گئیں۔
