Tag: یوٹیلیٹی اسٹورز ملازمین

اسلام آباد : یوٹیلیٹی اسٹورز کے ملازمین کے لیے 30 ارب روپے سے زائد کے پیکج کی منظوری دے دی گئی ، ملازمین کو رضاکارانہ پیشن ملے گی۔

تفصیلات کے مطابق اقتصادی رابطہ کمیٹی (ای سی سی) نے یوٹیلیٹی اسٹورز کارپوریشن کی بندش کے منصوبے کی منظوری دے دی ہے جبکہ ملازمین کے لیے 30.2 ارب روپے کا خصوصی پیکج بھی منظور کرلیا گیا۔

وزارت خزانہ کے اعلامیے میں کہا گیا کہ وزیر خزانہ محمد اورنگزیب کی زیر صدارت ای سی سی کے اجلاس میں فیصلہ کیا گیا کہ یوٹیلیٹی اسٹورز کی بندش کے ساتھ ملازمین کو رضاکارانہ پینشن (گولڈن ہینڈ شیک) کے طور پر 30 ارب روپے سے زائد فراہم کیے جائیں گے، وزارت صنعت نے ملازمین کے لیے یہ پیکج تجویز کیا تھا۔

اعلامیے میں کہنا تھا کہ یوٹیلیٹی اسٹورز کارپوریشن کے اثاثے رواں مالی سال کے دوران فروخت کیے جائیں گے اور ای سی سی نے ہدایت دی کہ یہ عمل شفاف انداز میں مکمل کیا جائے۔

اجلاس میں کابینہ کمیٹی برائے سرکاری اداروں نے نیسپاک کے بورڈ آف ڈائریکٹرز کی ازسرِ نو تشکیل کی بھی منظوری دی گئی۔

نئے بورڈ کے لیے جاوید اسلم، محمد علی، پیر سعد احسن الدین، عمر حسن اور شہانہ احمد علی کے ناموں کی منظوری دی گئی ہے۔

وزارت خزانہ کے مطابق امیدواروں کا انتخاب ان کے پیشہ ورانہ تجربے اور قابلیت کی بنیاد پر کیا گیا ہے اور کمیٹی نے ہدایت کی کہ نامزدگیوں کا عمل بروقت اور مربوط انداز میں مکمل کیا جائے۔

اجلاس میں وفاقی وزراء ریاض حسین پیرزادہ، جام کمال خان سمیت دیگر حکام نے بھی شرکت کی۔

اسلام آباد : یوٹیلیٹی اسٹورز کے ملازمین کے لیے رمضان اعزازیہ کی رقم آج بینک کو منتقل کردی جائے گی، ہرڈیلی ویجرکو 25 ہزار روپے اعزازیہ دیا جائے گا۔

تفصیلات کے مطابق یوٹیلیٹی اسٹورز کے ملازمین کو رمضان اعزازیہ آج جاری کرنے کا فیصلہ کرلیا گیا۔

ذرائع یوایس سی نے بتایا کہ ملازمین کوادائیگی کیلئےاعزازیہ کی رقم آج بینک کومنتقل کردی جائے گی ، یوٹیلیٹی اسٹورزکے 10ہزار 303 ملازمین کواعزازیہ دینےکی منظوری ہوئی۔

ذرائع کا کہنا تھا کہ رمضان اعزازیہ کی رقم 19کروڑ 77لاکھ57 ہزار700روپے بنتی ہے، اعزازیہ رمضان پیکج پر عملدرآمد کیلئے اضافی ڈیوٹیز کے باعث دیا جارہاہے۔

مستقل،کنٹریکٹ ملازمین کوابتدائی بنیادی تنخواہ کےبرابر اعزازیہ ملے گا، یوٹیلیٹی اسٹورزکے ہرڈیلی ویجرکو 25 ہزار روپے اعزازیہ دیا جائے گا۔

ذرائع کے مطابق اعزازیہ کیلئے ماہ رمضان میں کم ازکم80 فیصد حاضری ضروری تھی۔

اسلام آباد : یوٹیلیٹی اسٹورز ملازمین کو سابقہ پی ٹی آئی دور کا اعزازیہ دینے کا فیصلہ کرلیا گیا، ملازمین کو فی ڈیلی ویجر 12ہزار روپے کا اعزازیہ ملے گا۔

تفصیلات کے مطبق یوٹیلیٹی اسٹورز کے ہزاروں مستقل ، کنٹریکٹ اورڈیلی ویجز ملازمین کیلئے خوشخبری آگئی، یوٹیلیٹی اسٹورز ملازمین کو سابقہ پی ٹی آئی دور کا اعزازیہ دینے کا فیصلہ کرلیا گیا۔

ذرائع نے بتایا کہ اعزازیہ کارپوریشن کے مستقل، کنٹریکٹ اور ڈیلی ویجز ملازمین کو ملے گا، مستقل اور کنٹریکٹ ملازمین کو بنیادی تنخواہ کےبرابراعزازیہ دینےکا فیصلہ کیا گیا ہے۔

ڈیلی ویجز ملازمین کو فی ڈیلی ویجر 12ہزار روپے کا اعزازیہ ملے گا، ملازمین کو مالی سال 2020-21 کا اعزازیہ دینے کا فیصلہ کیا گیا۔

اعزازیہ30جون2021کوکارپوریشن میں خدمات انجام دینےوالےملازمین کوملےگا تاہم اعزازیہ کے حصول کے لئے 2020-21میں کم از کم 90 دن ڈیوٹی کی شرط عائد ہے۔

اس سے قبل ملازمین کو رمضان ریلیف پیکج2023 کا اعزازیہ ادا کیا جاچکا ہے۔