Tag: یوٹیلیٹی اسٹورز

اسلام آباد : نئے پیکج کے اطلاق تک یوٹیلیٹی اسٹورز پر موجودہ وزیراعظم پیکج جاری رکھنے کا فیصلہ کرلیا گیا، اسٹورز پر5 بنیادی اشیاء پر سبسڈی دی جارہی ہے۔

تفصیلات کے مطابق بجٹ میں اعلان کردہ وزیر اعظم ریلیف پیکج کا اطلاق آج سے نہ ہوسکا، یوٹیلیٹی اسٹورز پر وزیراعظم ریلیف پیکج کی مدت ختم ہوگئی۔

ذرائع نے بتایا کہ نئے پیکج کے اطلاق تک موجودہ وزیراعظم پیکج جاری رکھنے کا فیصلہ کیا تاہم جب تک نئے پیکج کا اطلاق نہیں ہوتا، موجودہ وزیراعظم پیکج جاری رکھا جائے گا۔

اسٹورز پر نئے پیکج کیلئے ای سی سی اوروفاقی کابینہ کو سمری بھیجی جائے گی، وزیراعظم پیکج کے تحت اسٹورز پر5 بنیادی اشیاء پر سبسڈی دی جارہی ہے۔

حکام کا کہنا ہے کہ چینی، گھی، آٹا، چاول،دالوں پر بی آئی ایس پی صارفین کو سبسڈی دی جارہی ہے،بجٹ میں وزیراعظم اوررمضان پیکج کیلئے65 ارب روپے مختص کیےگئے۔

وزیراعظم رمضان ریلیف پیکج کے لیے 10 ارب روپے اور وزیراعظم ریلیف پیکج کے لیے 55 ارب روپے مختص کیے گئے ہیں جبکہ مالی سال کیلئے وزیراعظم پیکج کے تحت 35 ارب روپے مختص کیے گئے تھے۔

اسلام آباد : نئے مالی سال کیلئے ملکی تاریخ کے سب سے بڑے وزیراعظم پیکج کی تجویز سامنے آئی ، یوٹیلیٹی اسٹورز سے خریداری کرنے والوں کو ریلیف ملنے کا امکان ہے۔

تفصیلات کےمطابق یوٹیلیٹی اسٹورز نے نئے مالی سال کیلئے ملکی تاریخ کا سب سے بڑا وزیراعظم پیکج تجویز کردیا اور پیکج کیلئے بجٹ میں85 ارب مانگ لیے۔

ذرائع کا کہنا ہے کہ آئندہ سال کے وزیر اعظم رمضان پیکج کیلئے 12 ارب روپے تجویز کیے گئے ہیں، 73 ارب روپے آئندہ مالی سال کے11 ماہ کیلئےمانگے گئے ، آئندہ مالی سال کیلئے اوسط ماہانہ تقریبا 6ً ارب 64 کروڑ روپے مانگے گئے۔

حکومتی ذرائع نے بتایا ہے کہ یوٹیلیٹی اسٹورز نے جتنے فنڈزمانگے اتنےمنظور ہونے کےامکانات بہت کم ہیں تاہم وزیر اعظم ریلیف پیکج کیلئے فنڈزسےمتعلق تجاویز کو وزارت خزانہ حتمی شکل دے گی۔

ذرائع کے مطابق نئے مالی سال وزیراعظم پیکج کےتحت 5 بنیادی اشیاپرسبسڈی جاری رکھنے کی تجویز ہے، چینی، آٹا، گھی، دالوں اور چاول پربی آئی ایس پی صارفین کیلئے سبسڈی کی تجویز دی گئی ہے۔

ذرائع نے کہا کہ یوٹیلیٹی اسٹورز پر موجودہ وزیر اعظم ریلیف پیکج 30 جون کوختم ہوجائے گا۔

اسلام آباد : حکومت کی جانب سے مہنگائی سے پریشان عوام کو ریلیف دینے کا فیصلہ کرلیا، یوٹیلیٹی اسٹورز پر چینی، آٹا، گھی، دال، چاول پر صارفین کو سبسڈی ملے گی۔

تفصیلات کے مطابق یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ کرلیا گیا، ذرائع نے کہا ہے کہ پیکج کے تحت 5 بنیادی اشیاپر سبسڈی برقرار رہے گی، چینی ، آٹا، گھی، دال ، چاول پر بی آئی ایس پی صارفین کوسبسڈی ملے گی۔

ذرائع کا کہنا تھا کہ وزیراعظم ریلیف پیکج کے تحت ماہانہ 3ارب روپے کی سبسڈی دی جائے گی، بی آئی ایس پی صارفین کیلئے چینی کی قیمت 109روپے فی کلو ہوگی۔

بی آئی ایس پی صارفین کے لیے آٹے کا 10کلوتھیلا648 روپے میں دستیاب ہوگا جبکہ گھی کی فی کلو قیمت 393 روپےمقررکی گئی ہے اور دالوں ، چاول پرفی کلو 25روپےسبسڈی ملے گی۔

مزید پڑھیں : رمضان پیکج، یوٹیلیٹی اسٹورز کے 4 زونز ہدف حاصل کرنے میں ناکام

وزیر اعظم پیکج جون 2024 تک جاری رکھنے کا پلان ہے تاہم آئندہ مالی سال وزیر اعظم پیکج جاری رکھنے سے متعلق فیصلہ وفاقی حکومت کرے گی۔

یاد رہے یوٹیلیٹی اسٹورز کے 9 میں سے 4 زونز رمضان پیکج کے تحت سیل ہدف حاصل کرنے میں ناکام ہونے کا انکشاف ہوا تھا۔

ذرائع کا کہنا تھا کہ کراچی، کوئٹہ، پشاور اور ایبٹ آباد زونز کے یوٹیلیٹی اسٹورز رمضان پیکج کے تحت مقررہ سیل اہداف حاصل نہیں کر سکے ہیں۔

کراچی زون کی سیل 3 ارب 20 کروڑ ہدف کے مقابلے 3 ارب 18 کروڑ رہی، کوئٹہ زون کی سیل ایک ارب 40 کروڑ ہدف کے مقابلے ایک ارب 32 کروڑ رہی، پشاور زون کی سیل 6 ارب 12 کروڑ ہدف کے مقابلے 5 ارب 73 کروڑ ریکارڈ کی گئی، اور ایبٹ آباد زون کی سیل 4 ارب 80 کروڑ ہدف کے مقابلے 4 ارب 51 کروڑ سے زائد رہی۔

اسلام آباد : یوٹیلیٹی اسٹورز کے ملازمین کے لیے رمضان اعزازیہ کی رقم آج بینک کو منتقل کردی جائے گی، ہرڈیلی ویجرکو 25 ہزار روپے اعزازیہ دیا جائے گا۔

تفصیلات کے مطابق یوٹیلیٹی اسٹورز کے ملازمین کو رمضان اعزازیہ آج جاری کرنے کا فیصلہ کرلیا گیا۔

ذرائع یوایس سی نے بتایا کہ ملازمین کوادائیگی کیلئےاعزازیہ کی رقم آج بینک کومنتقل کردی جائے گی ، یوٹیلیٹی اسٹورزکے 10ہزار 303 ملازمین کواعزازیہ دینےکی منظوری ہوئی۔

ذرائع کا کہنا تھا کہ رمضان اعزازیہ کی رقم 19کروڑ 77لاکھ57 ہزار700روپے بنتی ہے، اعزازیہ رمضان پیکج پر عملدرآمد کیلئے اضافی ڈیوٹیز کے باعث دیا جارہاہے۔

مستقل،کنٹریکٹ ملازمین کوابتدائی بنیادی تنخواہ کےبرابر اعزازیہ ملے گا، یوٹیلیٹی اسٹورزکے ہرڈیلی ویجرکو 25 ہزار روپے اعزازیہ دیا جائے گا۔

ذرائع کے مطابق اعزازیہ کیلئے ماہ رمضان میں کم ازکم80 فیصد حاضری ضروری تھی۔

اسلام آباد : وزیراعظم شہباز شریف کی ہدایت پر یوٹیلیٹی اسٹورز کو افطاری کے بعد رات 10 بجے تک کھلے رکھنے کا فیصلہ کرلیا گیا۔

تفصیلات کے مطابق وزیراعظم شہباز شریف نے رمضان پیکچ کے تحت شہریوں کی سہولت کے لئے ہدایت جاری کردیں ، ذرائع نے بتایا کہ یوٹیلیٹی اسٹورز کارپوریشن نے یوٹیلیٹی اسٹورزکےاوقات کار بڑھادیے۔

ذرائع کا کہنا تھا کہ یوٹیلیٹی اسٹورز کو افطاری کے بعد رات 10 بجے تک کھلے رکھنے کا فیصلہ کیا ہے جبکہ یوٹیلیٹی اسٹورزملازمین کوفی ملازم یومیہ 500 روپے افطاری الاؤنس ملے گا۔

ذرائع نے کہا کہ رمضان ریلیف پیکج کےتحت افطاری الاؤنس چاند رات تک دیا جائے گا،یوٹیلیٹی اسٹورزنےعملدرآمد کیلئے زونل ،جنرل منیجرز کو احکامات جاری کردیئے ہیں۔