Tag: یوٹیلیٹی اسٹورز

اسلام آباد : یوٹیلیٹی اسٹورز گھی کی فی کلو قیمت میں 25 روپے کا اضافہ کردیا گیا ، قیمت میں اضافے کا اطلاق آج سے ہوگا۔

تفصیلات کے مطابق یوٹیلیٹی اسٹورز پر بی آئی ایس پی کے بعد صارفین کیلئے گھی بھی مہنگا ہوگیا، بی آئی ایس پی کے سوا باقی صارفین کیلئے سسبڈی ختم کردی گئی۔

یوٹیلیٹی اسٹورز پر گھی کی فی کلو قیمت میں 25 روپے کا اضافہ کردیا گیا، گھی کی فی کلو قیمت 398 روپے سے بڑھا کر 423 روپے کردی گئی۔

گھی کی قیمت میں اضافے کا اطلاق آج سے ہوگا، اس حوالے سے نوٹیفکیشن جاری کردیا گیا، جس میں بتایا ہے کہ بی آئی ایس پی کےاہل افراد کیلئےفی کلو گھی 53 روپےمہنگا کیا گیا، جس کے بعد بی آئی ایس پی اہل افراد کیلئے فی کلو گھی 300 سےبڑھا کر353 روپےہوگیا۔

یوٹیلیٹی اسٹورز پرصرف بی آئی ایس پی صارفین کو ٹارگٹڈ سبسڈی ملے گی۔

کراچی: یوٹیلیٹی اسٹورز پر 10 کلو آٹے کی قیمت تاریخ کی بلند ترین سطح پرپہنچ گئی۔

تفصیلات کے مطابق حکومت کی مدت ختم ہونے کے ساتھ ہی یوٹیلیٹی اسٹورز پر اشیائے خردونوش کی قیمتوں میں بھی اضافہ کردیا گیا ہے، آٹے کی قیمت تاریخ کی بلند ترین سطح پرپہنچ گئی۔

10 کلو آٹے کا تھیلا 648 روپے سے بڑھ کر 1 ہزار 310 روپے کا ہوگیا، 10 کلو آٹے کے تھیلے کی قیمت میں 662 روپے کا ریکارڈ اضافہ کیا گیا ہے۔

دوسری جانب بی آئی ایس پی کارڈ کے حامل افراد کو 10 کلو آٹے کا تھیلا 648 روپے میں دستیاب ہوگا، بینظیر انکم سپورٹ پروگرام کیلئے فی کلو چینی 102 روپے دستیاب ہوگی جبکہ عام صارفین کیلئے چنے کی دال 415، مونگ کی دال 315 فی کلو دستیاب ہوگی۔

اسلام آباد: یوٹیلیٹی اسٹورز پر چینی بحران کو ختم کرنے کے اقدامات کو بڑا دھچکا لگ گیا،  وزارت صنعت نے یوٹیلیٹی اسٹورز کو خریدی گئی چینی بیچنے سے روک دیا۔

ذرائع یوٹیلیٹی اسٹورز کے مطابق  وزارت صنعت وپیداوار نے یوٹیلیٹی اسٹورز کو خریدی گئی چینی بیچنے سے روک دیا جس سے غیر معینہ مدت تک چینی کی دستیابی کے امکانات ختم ہوگئے۔

ذرائع کا کہنا ہے کی وزیر صنعت وپیداوار نے مہنگی چینی خریداری کا کہہ کر ہدایت دے کر چینی بیچنے سے روک دیا ہے دوسری جانب وزیراعظم پیکچ کے تحت یوٹیلیٹی اسٹورز پر شہری مسلسل سستی چینی خریدنے سے محروم ہیں۔

ذرائع کا بتانا ہے کہ خریدی گئی چینی اٹھانے کا عمل شروع کردیا تھا، کارپوریشن نے حال ہی میں 10 ہزار میٹرک ٹن چینی خریدی تھی جو کہ فی کلو چینی 130 روپے کے حساب سے خریدی گئی تھی۔

ذرائع یوٹیلیٹی اسٹورز کا بتانا ہے کہ اخراجات ملاکر فی کلو چینی تقریباً 140 روپے میں پڑے گی، وفاقی حکومت نے وزیر اعظم پیکچ کے تحت چینی پر بھاری سبسڈی مختص کی ہے۔

اسلام آباد : وزیراعظم کے 30 ارب کے نئے پیکچ کے باوجود یوٹیلیٹی اسٹورز پر دالیں مہنگی ہوگئی، وزیراعظم پیکچ کے تحت دالوں سمیت 5 اشیا پر سبسڈی ہے۔

تفصیلات کے مطابق وزیراعظم کے 30 ارب کے نئے پیکچ کے باوجود یوٹیلیٹی اسٹورز پر دالیں مہنگی ہوگئی، ادارہ شماریات کی دستاویز میں بتایا گیا یوٹیلیٹی اسٹورز پر دال چنا اوپن مارکیٹ سے فی کلو 15.36روپے اور دال مسور اوپن مارکیٹ سے فی کلو 11.69روپے مہنگی مل رہی ہے۔

یوٹیلیٹی اسٹورز پرسفیدچنے اوپن مارکیٹ سے فی کلو 10.53 روپے مہنگے ہے، یوٹیلیٹی اسٹورز پرسفیدچنےکی فی کلو قیمت395  روپے مقرر ہے جبکہ اوپن مارکیٹ میں سفید چنے کی فی کلو قیمت384.47 روپے ہے۔

دستاویز میں کہا گیا ہے کہ یوٹیلیٹی اسٹورز پردال مسور کی فی کلو قیمت285 روپے اور اوپن مارکیٹ میں دال مسورکی فی کلو قیمت273.31 روپے ہے جبکہ دال چنے کی فی کلو قیمت یوٹیلیٹی اسٹورز پر255روپے مقرر اور اوپن مارکیٹ میں دال چنے کی فی کلو قیمت239.64 روپے ہے۔

حکام کا کہنا ہے کہ یوٹیلیٹی اسٹورز پروزیراعظم پیکچ کے تحت دالوں سمیت5 اشیاپر سبسڈی ہے، رواں مالی سال کیلئے وزیراعظم پیکچ کے تحت 30 ارب کی سبسڈی منظور کی گئی۔