ویڈیو شیئرنگ پلیٹ فارم یوٹیوب کے مختصر ویڈیوز کے سیکشن یوٹیوب شارٹس نے نئے کانٹینٹ کے تخلیق کاروں کے لئے آلات متعارف کرانے کا اعلان کردیا۔
یوٹیوب شارٹس کی جانب سے متعارف کرائے جانے والے فیچرز میں سب سے اہم اضافہ ’کولیب‘ فیچر کا ہوگا جس کے باعث ’سائیڈ بائی سائیڈ فارمیٹ‘ پر کسی دوسری یوٹیوب ویڈیو یا دیگر شارٹ کے برابر میں شارٹ ریکارڈ کیا جاسکے گا۔
صارفین جلد ہی اپنے شارٹس میں سوال و جواب کے اسٹِکر کو بھی شامل کرپائیں گے، شارٹس کی جانب سے ایک اور فیچر متعارف کرایا جائے گا جو شارٹس فیڈ میں لائیو ویڈیوز کی جھلکیاں دِکھائے گا۔
پلیٹ فارم کی جانب سے کہا گیا ہے کہ کچھ دنوں میں ’ری کمپوزیشن ٹولز‘ کی آزمائش شروع کی جائے جس کو استعمال کرتے ہوئے صارفین یوٹیوب ویڈیوز کو باآسانی شارٹس میں تبدیل کرسکیں گے۔
کمپنی کا کہنا ہے کہ رواں برس دوسرے سہ ماہی میں 2 ارب لاگڈ اِن صارفین نے ہر ماہ یوٹیوب شارٹس کا مشاہدہ کیا، 2022 میں یہ تعداد 1.5 ارب تھی۔ واضح رہے کہ یوٹیوب کی جانب سے کچھ عرصے میں شارٹس کے عوض دی جانے والی رقم میں اضافہ کردیا گیا ہے۔
