کیف: یوکرائن میں ارکان پارلیمنٹ کرپشن بل پیش کرنے کے معاملے پر ایک دوسرے سے لڑپڑے ۔
یوکرائن کی پارلیمنٹ کے باہر دوارکان پارلیمنٹ آپس میں لڑ پڑے،لڑائی کی بنیادی وجہ بنا کرپشن سے متلق بل جو پیش کیا گیا۔
دو ممبران نے پارلیمنٹ کے باہر ہاتھا پائی کی جس میں ایک ارکان پارلیمنٹ کی ناک بھی پھٹ گئی۔
پارلیمنٹ کی کمیٹی نے دونوں ممبران کو پانچ روز کے لئے معطل کردیا ہے۔
واشنگٹن : امریکی محکمہ خارجہ نے یوکرائن میں روسی مداخلت کے شواہد میڈیا میں جاری کر دیئے گئے ہیں ۔
امریکی محکمہ خارجہ نے یوکرائن میں روسی مداخلت کے حوالے سے تصاویر پر مبنی شواہد فراہم کرتے ہوئے تفصیلات جاری کی ہیں، محکمہ خارجہ کے مطابق یوکرائنی فورسز اور علیحدگی پسندوں کے درمیان جھڑپ کے دوران روس کی سرحد سے فورسز پر راکٹ فائر کیے گئے۔
محکمہ خارجہ کا کہنا ہے کہ روس کی جانب سے علیحدگی پسندوں کو بھاری اسلحے کی فراہمی جاری ہے، جو یوکرائن کی خود مختاری کی کھلی خلاف ورزی ہے۔ اس سے قبل روس نے شواہد نہ ہونے پر الزامات کی تردید کی تھی۔
واشنگٹن: یوکرائن میں تباہ والے ملائشین طیارے پر امریکی انٹیلی جنس کا کہنا ہے کہ واقعے میں روس براہ راست ملوث نہیں ہے، طیارہ غلطی سے روس نواز باغیوں کا نشانہ بنا۔
یوکرائن میں ملائشین طیارے کی تباہی پرامریکی انٹیلی جنس حکام نے ابتدائی تحقیقات کے بعد میڈیا بریفنگ دیتے ہوئے کہا کہ طیارے کو روس نواز باغیوں کی جانب سے غلطی سے نشانہ بنایا گیا تاہم روسی حکومت کے براہ راست ملوث ہونے کے شواہد نہیں ملے۔
دوسری جانب حادثے کے شکار دو سو افراد کی لاشوں کو نیدر لینڈ منتقل کرنے کا بندوبست کرلیا گیا ہے، مزید لاشوں کی تلاش کے لئے امدادی کارروئیاں جاری ہیں، روسی صدر کا کہنا ہے کہ روس معاملے کی تحقیقات کے لیے باغیوں کے خلاف اثرو رسوخ استعمال کرے گا۔
یوکرائن : ملائشیا کا طیارہ یوکرائن میں گرنے سے دو سو پچانوے افراد ہلاک ہوگئے، طیارے کے مسافروں کی فہرست جاری کر دی گئی ہے۔ متعدد ایئرلائنز نے یوکرائن کی فضائی حدود استعمال نہ کرنے کا اعلان کردیا ہے۔
ملائیشیا کا ایک اور طیارہ گر کرتباہ ہوگیا، بوئنگ ٹرپل سیون ایئربس ایمسٹرڈیم سے کوالالمپور جارہی تھی کہ یوکرائن کی فضائی حدود میں اس پر مبینہ طور پر میزائل حملہ کیا گیا، جس کے نتیجے میں جہاز گر کر تباہ ہوا، ملائیشین طیارے ایم ایچ سیونٹین پر عملے کے پندرہ ارکان سمیت دوسو پچانوے مسافر سوار تھے۔
یوکرائنی وزارت داخلہ نے تمام افراد کی ہلاکت کی تصدیق کردی ہے، یوکرائن کا کہنا ہے کہ جس علاقے میں جہاز گرکرتباہ ہوا وہ علاقہ روسی سرحد کے قریب ہے، جہاں روسی نواز علیحدگی پسند یوکرائن کے خلاف مزاحمت کررہے ہیں، یوکرائن نے دعویٰ کیا ہے کہ جہاز پرمیزائل حملہ روس نے کیا ہے تاہم روس نے اس الزام کو مسترد کردیا ہے ۔
ملائشین وزیراعظم نے حادثے پر افسوس کا اظہار کرتے ہوئے تحقیقات کا حکم دے دیا ہے، واقعے کے بعد روس ،فرانس، ترکی سمیت مختلف ممالک نے یوکرائن کی فضائی حدود استعمال نہ کرنے کا اعلان کیا ہے۔
یوکراین : ملائشیا کاطیارہ یوکرین میں گرکرتباہ ہوگیا،طیارے میں دو سوپچانوےمسافر سوار تھے۔
غیرملکی خبررساں ادارے کے مطابق ملائیشیا کاایک اور طیارہ گرکرتباہ ہوگیا۔بوئنگ ٹرپل سیون ایئربس ایمسٹرڈیم سے کوالالمپور جارہی تھاکہ یوکرین کی فضائی حدود میں اس پر مبینہ طور پر میزائل حملہ کیاگیا۔جس کے نتیجے میں جہاز گرکرتباہ ہوا۔ملائیشین طیارے ایم ایچ سیونٹین پر عملے کے پندرہ ارکان سمیت دوسوپچانوے مسافرو سوار تھے۔
یوکرائنی وزارت داخلہ نے تمام افراد کی ہلاکت کی تصدیق کردی ہے ،یوکرائن کاکہناہے جس علاقے میں جہاز گرکرتباہ ہوا وہ علاقہ روسی سرحد کے قریب ہے، جہاں روسی نواز علیحدگی پسند یوکرائن کے خلاف مزاحمت کررہے ہیں، یوکرائن نے دعویٰ کیا ہے کہ جہاز پرمیزائل حملہ روس نے کیا ہے تاہم روس نے اس الزام کو مسترد کردیا ہے، ملا ئیشین وزیراعظم نے حادثے پرافسوس کااظہارکرتے ہوئے تحقیقات کاحکم دے دیا ہے۔
کیف : یوکرائنی عوام روس اور فرانس کے درمیان ہونے والی اسلحہ کی ڈیل کے خلاف سڑکوں پر نکل آئے۔
یوکرائن کے دارالحکومت کیف میں عوام نے فرانسیسی سفیر کے گھر کے باہر احتجاجی مظاہرہ کیا، مظاہرین کا کہنا تھا کہ روس یوکرائن میں مسلسل مداخلت کر رہا ہے اور فرانس سے حاصل ہونے والے بحری جہاز یوکرائن کے خلاف استعمال کرسکتا ہے۔
مظاہرین نے فرانس سے مطالبہ کیا کہ روس سے بحری جنگی جہازوں کی فروخت کا معاہدہ منسوخ کیا جائے، معاہدے کے تحت روس فرانس سے چارمیسٹرال جنگی بحری جہاز خریدے گا۔
