روس کی جانب سے یوکرین کے دارالحکومت کیف میں بڑا حملہ کیا گیا ہے، جس کے نتیجے میں 15 شہری ہلاک ہوگئے۔
بین الاقوامی خبر رساں ادارے کی رپورٹ کے مطابق یوکرین کے دارالحکومت کیف پر روسی فوج کی جانب سے سیکڑوں ڈرونز اور درجنوں میزائلوں سے شہری ٹھکانوں کو نشانہ بنایا گیا، جس میں 15 شہری ہلاک ہوگئے۔
یوکرین کے صدر ولادیمیر زیلنسکی کا اس حوالے سے کہنا تھا کہ روس کی فوج نے 440 ڈرون اور 32 میزائلوں سے حملہ کیا جو مہلک ترین حملوں میں سے ایک تھا۔
یوکرینی صدر کا کہنا تھا کہ یہ حملے ایک دہشت گردی ہے، جس پر امریکا اور یورپ کو کچھ ضرور کرنا ہوگا۔
یوکرینی سرکاری ذرائع کے مطابق دارالحکومت کیف میں 27 مختلف مقامات پر حملہ کیا گیا جس میں تعلیمی اداروں اور رہائشی عمارتوں کو نشانہ بنایا گیا ہے۔
واضح رہے کہ ایران اور اسرائیل کے حملوں کے بعد امریکا نے یوکرین سے بعض میزائل دفاعی نظام مشرق وسطیٰ منتقل کردیے ہیں۔
امریکی وزیر دفاع پیٹ ہیگستھ نے فاکس نیوز سے انٹرویو میں میزائل دفاعی نظام مشرق وسطیٰ منتقل کرنے کی تصدیق کردی ہے۔
امریکی وزیر دفاع کا کہنا ہے تمام تروسائل استعمال کررہے ہیں تاکہ اس خطے میں اپنے لوگوں کو بچا سکیں، ہیگستھ نے اس اقدام کو اس خطے میں امریکی فوجی اہلکاروں کی حفاظت کے لیے ضروری قرار دیا۔
تہران طویل جنگ کیلئے تیار ہے، بریگیڈیئر جنرل احمد واحدی
جنگ کی تیزی سے بدلتی ہوئی نوعیت پر تبصرہ کرتے ہوئے ہیگستھ نے صورتحال کو خوفناک لیکن تعینات اہلکاروں پر اعتماد کا اظہار کرتے ہوئے امریکی افواج کی تیاری پر زور دیا، امریکی وزیردفاع کا کہنا تھا چھوٹے نظاموں سے خطرات لاحق ہوسکتے ہیں۔
