Tag: یو این جنرل اسمبلی

نیویارک: اقوام متحدہ کی جنرل اسمبلی کے اجلاس میں غزہ میں جنگ بندی کے لیے ووٹ دینے اور نہ دینے والے ممالک کی تفصیلات سامنے آ گئی ہیں۔

الجزیرہ کی رپورٹ کے مطابق اقوام متحدہ کی جنرل اسمبلی نے ایک قرارداد منظور کی ہے، جس میں انسانی بنیادوں پر اسرائیل اور حماس کے درمیان فوری طور پر جنگ بندی اور غزہ تک امدادی رسائی کا مطالبہ کیا گیا ہے۔

اس قرارداد کے حق میں 120 ممالک نے ووٹ دیا، اسرائیل اور امریکا سمیت 14 ممالک نے مخالفت میں ووٹ دیا، جب کہ 45 ممالک نے ووٹ ہی نہیں دیا۔

غیر حاضرین میں کینیڈا بھی شامل تھا، جس نے ایک ترمیم متعارف کرائی تھی جس میں اسرائیل پر حماس کے 7 اکتوبر کے حملے کو ’’دہشت گردانہ‘‘ قرار دے کر مذمت کی گئی تھی اور حماس کے ہاتھوں پکڑے گئے یرغمالیوں کی فوری رہائی کا مطالبہ کیا گیا تھا، جب کہ فلسطینی شہریوں پر اسرائیلی وحشیانہ بمباری کا ذکر تک نہیں کیا گیا تھا۔ یہ قرارداد بری طرح ناکامی سے دوچار ہوئی۔

حق میں ووٹ دینے والے 120 ممالک

افغانستان، الجزائر، أندورا، انگولا، انٹیگوا اور باربوڈا، ارجنٹائن، آرمینیا، آذربائیجان، بہاماس، بحرین، بنگلا دیش، بارباڈوس، بیلاروس، بیلجیم، بیلیز، بھوٹان، بولیویا، بوسنیا ہرزیگووینا، بوٹسوانا، برازیل، برونائی، وسطی افریقی جمہوریہ، چاڈ، چلی، چین، کولمبیا، کوموروس، کوسٹا ریکا، کوٹ ڈی آئیوری، کیوبا۔

اقوام متحدہ کی جنرل اسمبلی میں غزہ میں جنگ بندی کیلئے قرارداد منظور

جمہوری عوامی جمہوریہ کوریا (شمالی کوریا)، جمہوریہ کانگو، جبوتی، ڈومینیکا، ڈومینیکن ریپبلک، ایکواڈور، مصر، ایل سلواڈور، استوائی گنی، اریٹیریا، فرانس، گبون، گمبیا، گھانا، گریناڈا، گنی، گنی بساؤ، گویانا، ہونڈوراس، انڈونیشیا، ایران، آئرلینڈ، اردن، قازقستان، کینیا، کویت، کرغزستان، لاؤس، لبنان، لیسوتھو، لیبیا، لیختنسٹین، لکسمبرگ۔

مڈغاسکر، ملاوی، ملائیشیا، مالدیپ، مالی، مالٹا، موریطانیہ، ماریشس، میکسیکو، منگولیا، مونٹی نیگرو، مراکش، موزمبیق، میانمار، نمیبیا، نیپال، نیوزی لینڈ، نکاراگوا، نائجر، نائجیریا، ناروے، عمان، پاکستان، پیرو، پرتگال، قطر، روس۔

سینٹ کٹس اینڈ نیوس، سینٹ لوسیا، سینٹ ونسنٹ اور گریناڈائنز، سعودی عرب، سینیگال، سیرا لیون، سنگاپور، سلووینیا، جزائر سلیمان، صومالیہ، جنوبی افریقہ، اسپین، سری لنکا، سوڈان، سورینام، سوئٹزرلینڈ، شام، تاجکستان، تھائی لینڈ، مشرقی تیمور، ٹرینیڈاڈ اور ٹوباگو، ترکی، یوگنڈا، متحدہ عرب امارات، متحدہ جمہوریہ تنزانیہ، ازبکستان، ویتنام، یمن، زمبابوے۔

مخالفت میں ووٹ دینے والے 14 ممالک

آسٹریا، کروشیا، چیکیا، فجی، گوئٹے مالا، ہنگری، اسرائیل، مارشل آئی لینڈز، مائیکرونیشیا، نورو، پاپوا نیو گنی، پیراگوئے، ٹونگا، اور ریاستہائے متحدہ امریکا۔

ووٹ نہ دینے والے 45 ممالک

البانیہ، آسٹریلیا، بلغاریہ، کابو وردے، کیمرون، کینیڈا، قبرص، ڈنمارک، ایسٹونیا، ایتھوپیا، فن لینڈ، جارجیا، جرمنی، یونان، ہیٹی، آئس لینڈ، انڈیا، عراق، اٹلی، جاپان، کریباتی، لٹویا، لتھوانیا، موناکو، نیدرلینڈز، شمالی مقدونیہ، پلاؤ، پاناما، فلپائن، پولینڈ، جمہوریہ کوریا (جنوبی کوریا)، جمہوریہ مالڈووا، رومانیہ، سان مارینو، سربیا، سلوواکیہ، جنوبی سوڈان، سویڈن، تیونس، تووالو، یوکرین، برطانیہ، یوراگوئے، وانواتو، زمبیا۔