Tag: یو اے ای

دبئی: متحدہ عرب امارات سے اچھی خبر ہے کہ کورونا وائرس کے مزید 5 مریض صحت یاب ہوگئے ہیں۔

اماراتی میڈیا کے مطابق وزارت صحت نے کورونا وائرس کے شکار 5 افراد کے صحت یاب ہونے کی تصدیق کرتے ہوئے بتایا ہے کہ علاج کے بعد سے اب تک صحت یاب ہونے والوں کی مجموعی تعداد 17 ہوگئی ہے۔

وزارت صحت نے بتایا کہ جو 5 افراد صحت یاب ہوئے ہیں ان میں 3 کا تعلق متحدہ عرب امارا، ایک کا مصر اور ایک کا تعلق مراکش سے ہے۔

دوسری جانب امارات میں مزید 15 کورونا وائرس کے کیسز رپورٹ ہوئے ہیں جس کے بعد امارات میں مہلک وائرس کے شکار افراد کی تعداد 74 ہوگئی ہے۔

"الصحة" تعلن أن التطبيق الفعال للإجراءات الاحترازية كشف عن 15 حالة إصابة جديدة من جنسيات مختلفة بفيروس كورونا المستجد كانوا جميعهم في الحجر الصحي، وتشمل مخالطين لحالات أعلن عنها مسبقاً وحالات لقادمين من الخارج، وبذلك يبلغ عدد الحالات المعلن عنها 74 حالة، تعافى منها 12 حالة#وام pic.twitter.com/dpJbAZM6Hy

— وكالة أنباء الإمارات (@wamnews) March 10, 2020

وزارت صحت نے اپنے بیان میں بتایا کہ جو نئے کیسز رپورٹ ہوئے ہیں ان میں سے 3 اطالوی، 2 اماراتی، 2 برطانوی، 2 سری لنکا،2 بھارتی، ایک جرمن، ایک جنوبی افریقی، ایک ایران اور ایک تنزانیہ ہیں۔

لندن: کروناوائرس سے پہلا برطانوی شہری ہلاک ہوگیا جبکہ متحدہ عرب امارات میں مہلک وائرس کے مزید دو نئے کیسز سامنے آگئے۔

اے آر وائی نیوز کے مطابق جاپانی محکمہ صحت نے اپنے وضاحتی بیان میں کہا ہے کہ برطانوی شہری کی ہلاکت جاپان میں ہوئی، کروناوائرس سے اب تک 6 جہاز کے مسافر ہلاک ہوچکے ہیں۔

کروناوائرس کا شکار پہلا برطانوی شہری ڈائمنڈ پرنسس بحری جہاز کا مسافر تھا۔

دوسری جانب متحدہ عرب امارا میں کروناوائرس کے 2 مزید کیسز سامنے آگئے ہیں، یو اے ای میں مقیم اٹلی کے 2 شہریوں میں کرروناوائرس کی تصدیق ہوئی۔ جبکہ ابوظہبی اسپورٹس کونسل میں آج صبح سائیکل ریس منسوخ کر دی گئی ہے۔

برطانیہ میں اسکولز بند، کرونا وائرس کا خطرہ بڑھ گیا

ابوظہبی اسپورٹس کونسل کا کہنا ہے کہ تمام سائیکلسٹ اسٹاف اور آرگنائزر کے ٹیسٹ کیے جائیں گے۔

واضح رہے کہ برطانیہ میں اب تک کرونا وائرس کے 13 کیسز سامنے آ چکے ہیں، حالیہ دنوں جاپان سے لیور پول واپس آنے والے بحری جہاز کے چار مسافروں میں کرونا وائرس کی تصدیق ہوئی تھی۔

جاپانی حکام کی جانب سے 23 افراد کو بغیر ٹیسٹ کے جہاز پر جانے دیا گیا تھا جس کے بعد برطانوی طبی ماہرین نے کرونا وائرس کے مذید کیسز سامنے آنے کا خدشہ ظاہر کیا۔

دبئی: متحدہ عرب امارات کے محکمہ صحت نے ملک میں مزید 6 افراد میں کروناوائرس کی تصدیق کردی۔

اے آر وائی نیوز کے مطابق محکمہ صحت یو اے ای نے کہا ہے کہ متاثرہ مریضوں نے ایران کا دورہ بھی کیا تھا، مریضوں میں 4ایرانی باشندے، ایک بحرینی اور ایک چینی شہری ہے۔

متحدہ عرب امارات میں کروناوائرس کیسز کی تعداد 19 ہوگئی۔

کرونا وائرس نے پوری دنیا میں دہشت پھیلا رکھی ہے، اماراتی وزارت صحت کی جانب سے متحدہ عرب امارات کے تمام اسپتالوں میں کرونا وائر س کے متاثرین کا مفت علاج کا اعلان کیا گیا ہے۔

کرونا وائرس کے مریضوں کے لیے متحدہ عرب امارات کا بڑا اعلان

مفت علاج کی یہ سہولت اُن تمام مریضوں کو میسر ہوگی ، جن میں کرونا وائرس کی تصدیق ہو گئی ہو ، یا اس موذی مرض میں مبتلا ہونے کا شُبہ ہو، مشتبہ مریضوں کے تمام ٹیسٹ مفت ہوں گے۔

خیال رہے کہ متحدہ عرب امارات میں مقیم شہریوں نے کرونا وائرس سے محفوظ رہنے کے لیے حفاظتی ماسک کا استعمال شروع کردیا ہے جبکہ کرونا وائرس کے حوالے سے ہوائی اڈوں پر بھی سکریننگ کے خصوصی انتظامات کیے گئے ہیں۔

دبئی ٹریفک پولیس نے رعایتی اسکیم کے تحت خاتون کا ڈیڑھ لاکھ درہم کا جرمانہ ختم کردیا۔

اماراتی میڈیا کے مطابق ایک خاتونہ خانہ اس وقت حیرت زدہ ہو گئی جب اسے معلوم ہوا کہ ڈبئی ٹریفک پولیس نے قوانین کی خلاف ورزی پر عائد کردہ ڈیڑھ لاکھ درہم کا جرمانہ معاف کردیا ہے۔

عمیرہ اسماعیل نامی خاتون کو دو کاروں پر جرمانہ کیا گیا تھا اور وہ لائسنس کی جدید کی بھی سکت نہیں رکھتی تھیں، بھاری جرمانے کی وجہ سے ان پر ڈیڑھ لاکھ درہم واجب الادا تھے جو وہ دو سال سے ادا نہیں کر سکی تھیں۔

یہ بھی پڑھیں: ٹریفک جرمانوں میں 100 فیصد رعایت

دبئی پولیس نے اعلان کیا کہ خاتون کا جرمانہ رعایتی اسکیم کے تحت ختم کردیا گیا ہے، پولیس نے گزشتہ سال اسکیم سے فائدہ اٹھانے والوں کا ڈیٹا شیئر کرتے ہوئے بتایا کہ مجموعی طور پر 5 لاکھ 57 ہزار 430 ڈرائیورز رعایتی اسکیم سے مستفید ہوئے۔

فائدہ اٹھانے والوں میں 4 لاکھ 44 ہزار 661 خواتین اور ایک لاکھ 14 ہزار 769 مرد شامل ہیں۔

دبئی پولیس کے مطابق 100 فیصد رعایتی اسکیم کے ذریعے کار سواروں نے مجموعی طور پر ساڑھے پانچ کروڑ درہم بچائے جس میں اوسط فی کار سوار قریباً ایک ہزار درہم ہے۔

مزید برآں پولیس کا کہنا ہے کہ اس عرصے کے دوران ٹریفک حادثات میں اموات کی شرح میں 16 فیصد کمی ہوئی جب کہ حادثات میں شدید زخمیوں کی شرح میں 38 فیصد کمی ہوئی۔