Tag: یو اے ای

دبئی: متحدہ عرب امارات میں چار اعلیٰ عہدیداروں کو غبن کے الزام میں قید اور جرمانے کی سزا سنا دی گئی۔

اماراتی میڈیا کے مطابق ریاست راس الخیمہ کی کرمنل کورٹ نے انویسٹمنٹ اتھارٹی کے چار اعلیٰ عہدیداروں پر خردبرد کا الزام ثابت ہونے پر مجرمان کو قصور ٹہرا دیا۔

عدالت نے سابق سی ای او راس الخیمہ انویسٹمنٹ اتھارٹی اور موجودہ سی ای او راکین جیوریجا پراپرٹی ڈویلپرز سمیت 4 آفیشلز کو 36 ملین درہم جرمانے کے ساتھ ساتھ 10 سال قید کی سزا سنائی ہے۔

عدالت نے مجرمان کو غبن کرنے کے جرمان ملازمتوں سے بھی فوری طور پر برطرف کرنے کا حکم دیا ہے۔

اس ہائی پروفائل کیس سے متعلق عدالت نے خصوصی سیشنز کیے جو طویل دورانیے پر محیط تھے اور تمام دستیاب ثبوتوں اور ریکارڈز کی بنیاد پر مقدمے کا فیصلہ سنایا۔

سزا پانے والے چاروں مجرمان مختلف ممالک سے تعلق رکھتے ہیں۔

ابوظہبی: متحدہ عرب امارات کے شہریوں کو سال نو کا تحفہ مل گیا، ابوظہبی اور راس الخیمہ کے درمیان بس سروس کا آغاز ہونے جارہا ہے۔

اماراتی میڈیا کے مطابق ابوظہبی کے محکمہ ٹرانسپورٹ اور راس الخیمہ کی ٹرانسپورٹ اتھارٹی نے بس سروس کی مفاہمتی یاد داشت پر دستخط کیے ہیں، اس اقدام کا مقصد سرکاری اداروں کے مابین تعاون اور عوامی خدمات کی سہولیات میں مزید اضافہ کرنا ہے۔

بسیں جمعرات سے ہفتہ کو راس الخیمہ سے ابوظہبی روٹ پر چلیں گی اور اس کا پہلا بیچ صبح دس اور دوسرا سہ پہر تین بجے روانہ ہوگا، اس روٹ کا یکطرفہ کرایہ 45 درہم مقرر کیا گیا ہے۔

ابوظہبی سے راس الخیمہ کے روٹ پر ان ہی دنوں میں پہلا قافلہ دوپہر ڈھائی اور دوسرا شام ساڑھے سات بجے روانہ ہوگا تاہم اس کا کرایہ 35 درہم طے پایا ہے۔

اس معاہدے سے دو اماراتوں کے درمیان رہنے والے شہریوں کو بہترین سفری سہولت میسر آئے گی جب کہ مناسب کرایوں کی بدولت دونوں جانب کے مکین بخوشی اس سروس سے فائدے اٹھائیں گے۔

دبئی: اگر آپ متحدہ عرب امارات کے کسی حصے میں سفر کر رہے ہیں اور گاڑی کی اگلی نشست پر کوئی بچہ بیٹھا ہے تو کیا آپ پر کوئی جرمانہ ہوگا؟

اس اہم معاملے پر یو اے ای پولیس نے وضاحت پیش کی ہے کہ گاڑی کی فرنٹ سیٹ پر 10 سال سے کم عمر بچہ بیٹھا ہوا پایا گیا تو ڈرائیور پر جرمانہ عائد کیا جائے گا۔

یو اے ای پولیس کے مطابق دوران سفر گاڑی کی اگلی نشست پر بیٹھنے والا بچہ 10 سال سے کم یا اس کا قد 145 سینٹی میٹر سے کم ہوا تو ڈرائیور کو 400 درہم بطور جرمانہ ادا کرنا پڑے گا۔

#أخبارنا | #شرطة_أبوظبي تطلق حملة للتوعية بمخاطر ركوب الأطفال في المقاعد الأمامية بالمركبةhttps://t.co/O3Pl3ht6SI pic.twitter.com/emEVtMeBb9

— شرطة أبوظبي (@ADPoliceHQ) December 21, 2019

اماراتی پولیس نے شہریوں میں ٹریفک قوانین کی پاسداری اور بچوں کو اگلی نشست پر بٹھانے کے حوالے سے آگاہی مہم شروع کی ہے جس میں گاہے بگاہے ٹریفک رولز اور جرمانوں سے متعلق مواد کی تشہیر کی جارہی ہے۔

حال ہی میں یو اے ای کی پولیس نے سوشل میڈیا پر ایک پوسٹ شیئر کی ہے جس میں گاڑی کی اگلی نشست پر بچہ بیٹھا ہے اور اس حوالے سے والدین اور شہریوں کو رہنمااصولوں کے ساتھ ساتھ قواعد و ضوابط سے آگا کیا جارہا ہے۔

دبئی: متحدہ عرب امارات کے وفاقی ادارے برائے شناخت و شہریت نے گولڈن ویزہ کے خواہشمندوں کے لیے ویب سائٹ متعارف کروادی۔

خلیجی میڈیا کے مطابق سرمایہ کار، کاروباری حضرات، خصوصی ہنر مند، باصلاحیت و ذہین افراد اور محققین طویل مدتی گولڈن ویزہ کے حصول کے لیے درخواست دے سکتے ہیں۔

اہل امیدوار ویب سائٹ کے ذریعے آن لائن فارم جمع کرواسکتے ہیں اور متعلقہ سرکاری ادارے اس درخواست کا جائزہ لیں گے کہ آیا امیدوار اہلیت پر پورا اترتا ہے کہ نہیں۔

یہ ویب سائٹ متعارف کروائے جانے کے بعد سے پوری طرح فعال ہے، بزنس ویزہ سے کاروباری افراد کو یو اے ای میں بزنس کی آزادی کی حاصل ہوگی تاکہ وہ اپنا اور اہل خانہ کا مستقبل محفوظ بنا سکیں۔

اس حوالے سے چیئرمین فیڈرل اتھارٹی برائے شناخت و شہریت علی محمد الشمسی کا کہنا ہے کہ اس ویب سائٹ کے ذریعے کاروباری حضرات کو مزید سروسز اور سہولیات میسر آئیں گی جب کہ بہت سے مراحل بھی کم ہو جائیں گے۔

گولڈن ریزیڈینسی ویزہ یا گولڈ کارڈ کے حامل افراد 5 سے 10 سال تک یو اے ای میں رہائش اختیار کرسکتے ہیں تاہم اس کے لیے کچھ شرائط و ضوابط لاگو ہیں جس پر پورا اترنے والوں کی مدت معیاد کی ازخود تجدید ہوجائے گی۔

گولڈ ویزہ پراسس رواں سال کی 21 مئی سے شروع کیا گیا تھا اور جنرل ڈائریکٹر برائے ریذیڈینس و فارن افیئرز نے 6ہزار 8 سو ویزہ کارڈ کے اجرا کا ہدف مقرر کر رکھا ہے۔

ویب سائٹ: https://business.goldenvisa.ae/