Tag: یو اے ای

فجیرہ: متحدہ عرب امارات کی ریاست فجیرہ میں ہائی وے پر گاڑیوں کے خطرناک اسٹنٹس دکھانے والے 3 نوجوانوں کو گرفتار کرلیا گیا۔

عرب میڈیا کے مطابق گزشتہ دنوں سوشل میڈیا پر ایک ویڈیو وائرل ہوئی تھی جس میں تین اماراتی نوجوانوں کو فجیرہ کی شاہراہ پر گاڑیوں کی ریس اور مختلف خطرناک اسٹنٹس کرتے دیکھا گیا تھا۔

پولیس کے مطابق ان تینوں نوجوانوں کو نشاندہی کرکے گرفتار کرلیا گیا ہے اور فجیرہ ٹریفک پراسیکیوشن کے حوالے کیا گیا ہے جہاں ان کے خلاف قانونی کارروائی کی جائے گی۔

ان نوجوانوں کی خطرناک ڈرائیونگ کے باعث سڑک پر سے گزرنے والے دیگر ڈرائیورز کو بھی شدید دشواری کا سامنا کرنا پڑ رہا تھا اور ان کی اپنی زندگی بھی خطرے میں محسوس ہورہی تھی۔

فجیرہ پولیس کے ڈپٹی کمانڈر انچیف بریگیڈیئر محمد بن نایا التنائجی نے کہا کہ ان نوجوانوں نے بادیا اور ہالا کے علاقوں میں میں گاڑیوں کے خطرناک اسٹنٹس کیے جس سے ہائی ویز کے کچھ حصے کو بھی شدید نقصان پہنچا۔

View this post on Instagram

. شرطة الفجيرة تضبط 3 سائقين قاموا باستعراضات خطرة بمركباتهم ضبطت إدارة شرطة دبا بالقيادة العامة لشرطة الفجيرة 3 شبان قاموا باستعراضات خطرة بمركباتهم وذلك في منطقة البدية ومنطقة الحلاة بإمارة الفجيرة مما شكل خطورة بالغة على حياتهم وحياة الآخرين، وتم اتخاذ الإجراءات القانونية بحقهم وتوقيفهم وحجز مركباتهم والتنسيق مع الجهات المعنية لدفع الأضرار التي تسببوا في الطرقات. وأكد العميد محمد بن نايع الطنيجي نائب القائد العام أن المخالفات التي تشكل خطورة على السلامة المرورية يتم التعامل معها بحسم بدون أي تهاون وذلك فى إطار الجهود المستمرة والتي تهدف للحد من القيادة بطيش وتهور، لافتا إلى أن هناك رقابة مستمرة ومكثفة من خلال الدوريات لمراقبة المناطق التي تتم فيها التجمعات الشبابية لتفحيط الويلات . ومن جانبه دعا العميد حميد محمد اليماحي مدير عام العمليات الشرطية أولياء الأمور والأسر إلى نصح أبنائهم وحثهم على الالتزام بقوانين السير والمرور، وتحذيرهم من القيام بالحركات الخطرة بالمركبات حفاظا على سلامتهم في المقام الأول وسلامة مستخدمي الطريق، لافتا إلى أن الاستعراضات الخطرة التي يقوم بها بعض السائقين تحول القيادة من هواية ومتعة إلى حوادث مرورية جسيمة ينتج عنها وفيات وإصابات بليغة. وحذرت شرطة الفجيرة من قيادة المركبات بطيش وتهور على الطرق، والابتعاد عن إجراء السباقات والاستعراضات الخطرة التي تعرض حياتهم وحياة مستخدمي الطريق للخطر، وأكدت على أنه سيتم تطبيق القانون على "المتهورين"، وإيقافهم وحجز مركباتهم واتخاذ الإجراءات القانونية تجاههم. شرطة_الفجيرة

A post shared by الرمس نت (@alramsnet) on Jul 17, 2019 at 2:09am PDT

انہوں نے کہا کہ خطرناک اسٹنٹس میں استعمال ہونے والی گاڑیاں ضبط کرلی گئیں، اس کے علاوہ ان تینوں ڈرائیورز پر بھاری جرمانہ عائد کیا گیا ہے۔

بریگیڈیئر محمد بن نایا التنائجی نے بتایا کہ ان علاقوں میں خاص طور پر پولیس کی پیٹرولنگ بڑھا دی گئی ہے جہاں پر نوجوان ڈرائیور اس طرح کے خطرناک اسٹنٹس کرتے رہتے ہیں۔

انہوں نے والدین سے بھی اپیل کی ہے کہ وہ اپنے بچوں کی سرگرمیوں پر خاص طور پر نظر رکھیں اور انہیں ٹریفک قواعد و ضوابط کا احترام کرنا سکھائیں۔

واضح رہے کہ متحدہ عرب ٹریفک قوانین کے مطابق خطرناک ڈرائیونگ پر 2 ہزار درہم جرمانہ، 23 ٹریفک پوائنٹس میں کمی اور 60 دن کے لیے گاڑی تحویل میں لے لی جاتی ہے۔

دبئی: متحدہ عرب امارات کی ریاست دبئی میں گاڑی پارک کرنے پر جھگڑا ہوا جس پر نوجوان نے خاتون کا ہاتھ توڑ دیا۔

عرب میڈیا کے مطابق دبئی میں مقیم غیرملکی نوجوان نے شاپنگ مال کے پارکنگ ایریا میں گاڑی کھڑی کرنے پر جھگڑے کے دوران خاتون کو بدترین تشدد کا نشانہ بنا کر اس کا ہاتھ توڑ دیا، پولیس نے ملزم کو گرفتار کرلیا۔

رپورٹ کے مطابق متاثرہ خاتون پارکنگ ایریا میں غلط لین میں چلی گئی تو اس نے گاڑی صحیح طریقے سے پارک کرنے کے لیے ریورس کی تو وہاں موجود گاڑی میں بیٹھا نوجوان اپنی گاڑی پارک کرنے کے لیے ہارن دینے لگا۔

خاتون نے اسے انتظار کرنے کوکہا اس پر نوجوان خاتون کا مذاق اڑانے لگا، عرب خاتون نے جب نوجوان کو مذاق اڑاتے دیکھا تو گاڑی سے اتر کر اس کے پاس گئی اور پوچھا کہ وہ اس کی بے عزتی کیوں کررہا ہے۔

ملزم بھی گاڑی سے باہر نکل آیا اور خاتون کو دھکا دے کر نیچے گرادیا، خاتون نے ملزم کی گاڑی کی نمبر پلیٹ کی تصویر کھینچنے کی کوشش کی تاکہ پولیس کو شکایت درج کراسکے۔

مزید پڑھیں: ابوظبی، نشے میں دھت خاتون کا پولیس اہلکار پر حملہ

غیرملکی نوجوان یہ دیکھ کر مشتعل ہوگیا اور خاتون پر تشدد کرکے اس کا ہاتھ توڑ دیا، خاتون کی چیخ و پکار پر وہاں لوگ جمع ہوگئے اور نوجوان کو روکنے کی کوشش کی تو وہ موقع سے فرار ہوگیا۔

بعدازاں خاتون کو اسپتال منتقل کیا گیا جہاں ڈاکٹروں سے اسے بتایا کہ اس حملے کے باعث اس کے ہاتھ کی ہڈی ٹوٹ گئی ہے۔

عرب خاتون نے عدالت میں موقف اختیار کیا کہ ہاتھ میں فریکچر کے سبب اسے نوکری سے بھی نکال دیا گیا ہے۔

شاپنگ مال کی پارکنگ میں نصب کیمرے کی ویڈیو بھی عدالت میں پیش کی گئی، اس واقعے کی اگلی سماعت کچھ روز کے لیے ملتوی کردی گئی ہے۔

ابوظبی: متحدہ عرب امارات کی ریاست ابوظبی میں عدالت نے ایک عرب نوجوان کو اپنے دوست کی تصویر اس کی مرضی کے بغیر سوشل میڈیا پر شیئر کرنے کے جرم میں بھاری جرمانے کی سزا سنادی۔

عرب میڈیا کے مطابق نوجوان نے اپنے دوست کے خلاف عدالت سے رجوع کیا تھا جس میں کہا گیا تھا کہ دوست نے پیشگی اجازت کے بغیر اس کی نجی نوعیت کی تصویر سوشل میڈیا پر جاری کرکے اماراتی سائبر قوانین کی خلاف ورزی کی ہے اس لیے اس پر جرمانہ عائد کیا جائے۔

عدالت نے نوجوان کو قصور وار ٹھہراتے ہوئے 10 ہزار درہم جرمانہ عائد کیا اور 21 ہزار درہم ہرجانے کی مد میں دوست کو ادا کرنے کا حکم سنایا۔

ابوظبی کی عدالت نے ملزم کو مقدمے پر اٹھنے والے تمام اخراجات کی ادائیگی کا بھی حکم سنایا۔

مزید پڑھیں: ابوظبی: نوجوان کو سوشل میڈیا پرمزاحیہ ویڈیو شیئر کرنا مہنگا پڑ گیا

ملزم نے اس فیصلے کے خلاف اعلیٰ عدالت میں اپیل دائر کی جس میں اس نے ایک دستاویز پیش کرکے یہ ثابت کرنے کی کوشش کی کہ اس نے اپنے دوست کی جو تصویر سوشل میڈیا پر شیئر کی اسے وہ خود بھی سوشل میڈیا پر پہلے ہی شیئر کرچکا ہے۔

عدالت نے ملزم پر عائد جرمانہ برقرار رکھتے ہوئے اسے مجموعی طور پر 31 ہزار درہم کی ادائیگی کا حکم سنایا۔

واضح رہے کہ متحدہ عرب امارات میں انفاریشن ٹیکنالوجی جرائم کے انسداد کا قانون جاری کیا تھا جس کے تحت کسی شخص کی نجی نوعیت کی تصویر یا ویڈیو سوشل میڈیا پر بغیر اجازت کے شیئر کرنا جرم ہے۔