Tag: یو اے ای

ابوظہبی : متحدہ عرب امارات نے غیرملکیوں کو کاروبار کے مکمل مالکانہ حقوق دینے کا اعلان کردیا ، اماراتی وزیراعظم نے کہا غیر ملکی افراد کو کاروباری اداروں کا مکمل انتظام اپنے پاس رکھنے کی اجازت حاصل ہوجائے گی۔

تفصیلات کے مطابق متحدہ عرب امارات (یو اے ای) نے ملک میں دہائیوں سے عائد پابندی اٹھاتے ہوئے غیر ملکیوں کو تجارتی مراکز پر مکمل مالکانہ حقوق تفویض کرنے کا فیصلہ کرلیا، اس پابندی کے خاتمے کے بعد غیر ملکی افراد کو کاروباری اداروں کا مکمل انتظام اپنے پاس رکھنے کی اجازت حاصل ہوجائے گی۔

غیرملکی خبررساں ادارے کے مطابق متحدہ عرب امارات کے نائب صدر اور وزیراعظم شیخ محمد بن راشد المکتوم نے سماجی روابط کی ویب سائٹ ٹوئٹر پر ٹوئٹ کرتے ہوئے بتایا کہ ابوظہبی میں میری صدارت میں ہونے والے کابینہ اجلاس میں 122 معاشی سرگرمیوں میں 100 فیصد غیر ملکی ملکیت کی منظوری دے دی گئی۔

In a cabinet meeting I chaired in Abu Dhabi, we approved 100% foreign ownership in 122 economic activities in fields including agriculture, manufacturing, renewable energy, e-commerce, transportation, arts, construction and entertainment. pic.twitter.com/kTO5nqxntH

— HH Sheikh Mohammed (@HHShkMohd) July 2, 2019

اس اعلان سے دہائیوں قبل نافذ کی گئی پابندی کا خاتمہ ہوگیا جس کے تحت غیر ملکیوں کو صرف 49 فیصد مالکانہ حقوق حاصل ہوتے تھے۔

شیخ محمد بن راشد المکتوم کا مزید کہنا تھا کہ اس اجازت کا اطلاق زراعت، مینوفیکچرنگ، متبادل توانائی، ای کامرس ٹرانسپورٹ، ایئرپورٹس، تعمیرات اور انٹرٹینمنٹ کے شعبوں میں ہوگا۔7 عرب ریاستوں پر مشتمل متحدہ عرب امارات میں اہم کاروباری شعبوں میں غیر ملکی ملکیت کے بارے میں فیصلہ خود یو اے ای حکومت کرے گی۔

شیخ محمد المکتوم کا کہنا تھا کہ اس فیصلے سے یو اے ای کی معیشت کے دروازے تمام قومیتوں کے کھلیں گے، جس سے یہ عالمی سرمایہ کاری کا بہترین مقام بن جائے گا۔دنیائے عرب کی سب سے متنوع اور دوسری بڑی کابینہ نے ابتدائی طور پر انتہائی اہم 13 معاشی شعبہ جات کی اجازت دی ہے۔

خیال رہے متحدہ عرب امارات کا دارالحکومت ابو ظہبی تیل کے وسیع ترین وسائل سے مالامال ہے جس کی روزانہ کی پیداوار 30 لاکھ بیرل ہے۔اس کے علاوہ عرب دنیا میں متحدہ عرب امارات براہِ راست غیر ملکی سرمایہ کاری وصول کرنے والا سب سے بڑا ملک ہے جس کو گزشتہ برس اس مد میں 11 ارب ڈالر حاصل ہوئے۔

دبئی: متحدہ عرب امارات حکومت نے ماہ جولائی کے لیے پیٹرولیم مصنوعات کی قیمتوں میں کمی کا اعلان کردیا۔

عرب میڈیا کے مطابق متحدہ عرب امارات حکومت نے ماہ جولائی کے لیے پیٹرولیم مصنوعات کی قیمتوں میں معمولی کمی کی ہے، سپر 98 پیٹرول کی قیمتوں میں 2.30 درہم فی لیٹر کمی کی گئی ہے جبکہ ماہ جون میں 2.53 اضافہ کیا گیا تھا۔

اسپیشل 95 پیٹرول کی قیمتوں میں 2.18 درہم کمی کی گئی ہے، گزشتہ ماہ 2.42 اضافہ کیا گیا تھا۔

⛽ July’s fuel prices as per the #UAE fuel committee are out. Check them below. #InspiringEnergy

إليكم أسعار الوقود ⛽ لشهر يوليو وفقاً لما ذكرته لجنة متابعة أسعار الوقود في الإمارات. #طاقة_مُلهمة pic.twitter.com/Qy2WcMoUnz

— ENOC (@ENOC) June 27, 2019

ایک لیٹر ڈیزل کی قیمت میں 2.35 درہم کمی کی گئی ہے، ماہ جون میں 2.56 درہم اضافہ کیا گیا تھا۔

پیٹرولیم مصنوعات کی نئی قیمتوں کا اطلاق یکم جولائی سے ہوگا۔

واضح‌ رہے کہ گزشتہ ماہ عالمی منڈی میں‌ پیٹرول کی قیمتوں‌ میں‌ اضافے کے سبب متحدہ عرب امارات حکومت نے پیٹرولیم مصنوعات کی قیمتوں‌ میں‌ اضافہ کیا تھا.

ابوظبی: متحدہ عرب امارات کی ریاست ابوظبی میں نشے میں دھت خاتون نے پولیس اہلکار پر حملہ کردیا اور اس کی گاڑی کو بھی نقصان پہنچایا۔

عرب میڈیا کے مطابق ابوظبی کی عدالت میں پولیس اہلکار پر حملے کے کیس کی سماعت ہوئی جس میں خاتون نے نشے میں دھت ہوکر بغیر لائسنس گاڑی چلانے کا اعتراف کیا۔

[bs-quote quote=”خاتون نے عدالت میں بغیر لائسنس نشے میں دھت ہوکر گاڑی چلانے کا اعتراف کرلیا” style=”style-8″ align=”left”][/bs-quote]

خاتون پر الزام ہے کہ اس پر ابوظبی میں پولیس اہلکار پر حملہ اور گاڑی کے شیشے کو نقصان پہنچایا۔

خاتون نے عدالت میں بغیر لائسنس نشے میں دھت ہوکر گاڑی چلانے کا اعتراف تو کیا تاہم اپنے اوپر عائد پولیس اہلکار پر حملے اور پولیس گاڑی کے شیشے کو نقصان پہنچانے کے الزام کو مسترد کردیا۔

پراسیکیوٹر کا کہنا تھا کہ خاتون کو مذکورہ واقعے کے حوالے سے کچھ بھی یاد نہیں ہے جس کی وجہ یہ ہے کہ وہ نشے میں دھت ہوکر گاڑی چلارہی تھیں۔

خاتون کے وکیل کا کہنا تھا کہ خاتون کو شراب کا لائسنس حاصل کرنے کی ضرورت نہیں تھی کیونکہ وہ مسلمان نہیں ہے اور اس کا اطلاق خاتون پر نہیں ہوتا۔

خاتون نے عدالت میں موقف اختیار کیا کہ وہ 6 سال سے متحدہ عرب امارات میں رہائش پذیر ہے اور یہاں کے قانون پر ہر صورت عملدرآمد کرتی ہے اور نہ ہی ان کا کوئی کرمنل ریکارڈ ہے۔

ملزمہ کا کہنا تھا کہ جب تک عدالت میں کیس چل رہا ہے مجھے ریلیف فراہم کیا جائے۔

راس الخیمہ: متحدہ عرب امارات کی ریاست راس الخیمہ میں خوفناک ٹریفک حادثے میں 4 بچوں کی ماں جاں بحق ہوگئیں۔

خلیج ٹائمز کی رپورٹ کے مطابق راس الخیمہ کے علاقے شام میں 32 سالہ اماراتی خاتون ٹریفک حادثے میں جاں بحق ہوگئی جبکہ ان کی دوست 29 سالہ خاتون کو زخمی حالت میں اسپتال منتقل کردیا گیا۔

راس الخیمہ پولیس کے مطابق حادثے میں زخمی ہونے والی خاتون کے جسم پر متعدد چوٹیں آئی ہیں انہیں طبی امداد فراہم کی جارہی ہے۔

رپورٹ کے مطابق حادثے میں جاں بحق خاتون کی شناخت فاطمہ کے نام سے ہوئی ہیں، وہ ایک اسکول میں ٹیچر تھیں اور ان کے چار بچے تھے ان کی سب سے چھوٹی بچی 3 ماہ کی ہیں۔

شام پولیس اسٹیشن کے چیف کرنل عبداللہ سعید القیس کا کہنا تھا کہ ہمیں ٹریفک حادثے کی اطلاع صبح 7:45 منٹ پر ملی۔

مزید پڑھیں: متحدہ عرب امارات، 2 سالہ بچی ٹریفک حادثے میں جاں بحق

ٹریفک پولیس، ایمبولینس، فائر بریگیڈ اور ریسکیو ٹیمیں فوری طور پر جائے وقوعہ پر پہنچیں اور حادثے میں زخمی اور جاں بحق خاتون کو اسپتال منتقل کیا۔

حادثے خاتون ڈرائیور کی جانب سے اسٹیئرنگ پر کنٹرول نہ کرنے کے سبب پیش آیا اور تیز رفتار گاڑی روڈ کے بیریئر سے جاٹکرائی۔

جاں بحق خاتون فاطمہ کی لاش کو ضابطے کی کارروائی کے بعد ورثا کے حوالے کردیا گیا۔

بریگیڈیئر احمد النقبی کا کہنا تھا کہ خواتین و حضرات دوران ڈرائیونگ اسپیڈ لمٹ کا خیال کریں اور روڈ پر فوکس کریں اور دوران ڈرائیونگ موبائل فون کا استعمال نہ کریں۔

یاد رہے کہ گزشتہ روز راس الخیمہ میں ہی ٹریفک حادثے کے نتیجے میں 2 سالہ بچی جان کی بازی ہار گئی تھی جبکہ اس کے والد اور والدہ کو شدید زخمی حالت میں اسپتال منتقل کردیا گیا تھا۔