ARYNews.tv | Urdu – Har Lamha Bakhabar

Tag: یو اے ای

یو اے ای

متحدہ عرب امارات سے تازہ ترین خبریں اور معلومات

یو اے ای

  • عجمان، شامی شہری نے فلیٹ کے ساتویں فلور سے بچے کو گرنے سے بچالیا

    عجمان، شامی شہری نے فلیٹ کے ساتویں فلور سے بچے کو گرنے سے بچالیا

    عجمان: متحدہ عرب امارات میں شامی شہری نے فلیٹ کے ساتویں فلور کی کھڑکی سے بچے کو گرنے سے بچالیا، پولیس کی جانب سے نوجوان کو اعزاز دے دیا گیا۔

    عرب میڈیا کے مطابق عجمان میں رہائش پذیر شامی شہری محمد انیس العرابی نے تین سالہ بچے کو فلیٹ کے ساتویں فلور کی کھڑکی سے گرنے سے بچالیا، پولیس نے العرابی کے اقدام کو سراہتے ہوئے اعزاز سے نواز دیا۔

    رپورٹ کے مطابق انیس العرابی نے اپنے رہائشی فلیٹ کی کھڑکی سے باہر دیکھا تو سامنے والی بلڈنگ پر انہیں تین سالہ بچہ کھڑکی سے باہر لٹکتا نظر آیا، وہ فوری طور پر مذکورہ فلیٹ پر پہنچے۔

    تیس سالہ العرابی کا کہنا ہے کہ دروازہ کھٹکھٹانے پر گھریلو ملازمہ باہر آئی، بچے کے والدین اس وقت گھر پر نہیں تھے، ملازمہ سے کچھ کہہ بغیر میں اس کمرے کی جانب گیا جہاں بچہ خطرناک انداز میں باہر کو لٹکا ہوا تھا اور گرنے ہی والا تھا تاہم میں نے اسے بچایا اور گلے سے لگا لیا۔

    مزید پڑھیں: متحدہ عرب امارات، 6 سالہ بچی عمارت سے گر کر زخمی

    واقعے کے بعد پولیس کو اطلاع دی گئی، عجمان پولیس کے کمانڈر انچیف میجر جنرل شیخ سلطان النعیمی نے کہا کہ تین سالہ بچے کے والدین گھر سے باہر تھے اور بچے کو گھریلو ملازمہ کی نگرانی پر چھوڑ گئے تھے۔

    انہوں نے کہا کہ انیس العرابی نے حاضر دماغی کا مظاہرہ کرتے ہوئے ایک بچے کی جان بچائی ہے، عجمان پولیس کی جانب سے شامی نوجوان کو اس کی بہادری پر شاندار اعزاز سے نوازا گیا ہے۔

  • متحدہ عرب امارات، والدین کا ’پب جی‘ گیم پر پابندی کا مطالبہ

    متحدہ عرب امارات، والدین کا ’پب جی‘ گیم پر پابندی کا مطالبہ

    دبئی: متحدہ عرب امارات میں والدین نے آن لائن گیم ’پب جی‘ پر پابندی لگانے کا مطالبہ کردیا۔

    عرب میڈیا کے مطابق متحدہ عرب امارات میں والدین نے انتظامیہ سے آن لائن گیم ’پب جی‘ پر پابندی لگانے کا مطالبہ کرتے ہوئے کہا ہے کہ پب جی گیم نوجوان نسل پر برے اثرات مرتب کررہا ہے۔

    دبئی میں ایک طالب علم کی والدہ گلناز عارف نے کہا کہ پب جی گیم پر پابندی ضرور لگانی چاہئے، مذکورہ گیم بچوں کے ذہنوں پر برے اثرات مرتب کررہا ہے، بچوں کا پڑھائی میں دل نہیں لگتا وہ صرف گیم جیتنے کی جستجو میں لگے رہتے ہیں۔

    ایک اور طالب علم کی والدہ معینہ فاروق نے کہا کہ آن لائن گیم پب جی پر جلد از جلد پابندی لگائی جائے۔

    بی بی اوسیما کا کہنا تھا کہ بچے اپنا زیادہ تر وقت گیم کھیلنے میں گزارتے ہیں، گیم کے سبب بچوں کی کھیلوں کی سرگرمیاں ختم ہوکر رہ گئی ہیں۔

    مزید پڑھیں: بھارتی شہرراج کوٹ میں موبائل گیم ’پب جی‘ پرپابندی عائد

    واضح رہے کہ آن لائن گیم پب جی 2017 میں متعارف کرایا گیا تھا، آن لائن گیم اسمارٹ فون اور کمپیوٹر پر کھیلا جاتا ہے۔

    جنوبی کوریا کی فرم کی جانب سے تیار کردہ پب جی گیم کھیلنے پر بھارت کے مختلف شہروں میں پابندی ہے، پابندی کے باوجود پب جی گیم کھیلنے پر گجرات سے 10 طلباء کو گرفتار کیا گیا تھا۔

    یاد رہے کہ بھارت میں حال ہی میں گیم کھیلنے کے سبب ایک طالب علم کی خودکشی کے بعد ان کے والد کی جانب سے گیم پر پابندی لگانے کا مطالبہ کیا گیا تھا، برلن کے میئر نے بھی کہا تھا کہ جو سرکاری ملازم گیم کھیلنے پکڑا گیا اسے نوکری سے برخاست کردیا جائے گا۔

  • متحدہ عرب امارات پولیس کی کارروائی، 24 افراد گرفتار

    متحدہ عرب امارات پولیس کی کارروائی، 24 افراد گرفتار

    عجمان: متحدہ عرب امارات پولیس نے کامیاب کارروائی کرتے ہوئے 24 افراد پر مشتمل گینگ کو گرفتار کرلیا۔

    عرب میڈیا کے مطابق ابوظبی اور عجمان پولیس نے مشترکہ کارروائی کے دوران اپارٹمنٹ پر چھاپہ مار کر 24 ایشیائی شہریوں کو گرفتار کرلیا، گرفتار ملزمان فون پر فراڈ کرتے تھے جس کی بنیاد پر شواہد اکٹھے کرکے کارروائی کی گئی۔

    ابوظبی پولیس کی جانب سے آپریشن کی ویڈیو سماجی رابطے کی ویب سائٹ انسٹاگرام پر شیئر کی گئی ہے۔

    View this post on Instagram

    . قبضت #شرطة_أبوظبي بشقة سكنية في عجمان و بالتعاون مع #شرطة_عجمان،  على  عصابة، مكونة من 24 شخصاً "آسيوياً"، أرّقت مضاجع الجمهور باتصالاتٍ احتيالية. وأفاد العميد عمران أحمد المزروعي، مدير مديرية التحريات والتحقيقات الجنائية في شرطة أبوظبي، بأن الجُناة استنزفوا ضحاياهم بعد التغرير بهم  بحصولهم على #جوائز_مالية، موضحاً  أنهم كانوا يطالبونهم بتحويل أرصدة إعادة تعبئة بطاقات هاتفية، لاستكمال إجراءات استلام #الجوائز الوهمية. . Abu Dhabi Police, in collaboration with Ajman Police, arrested a gang of 24 Asian nationals from an apartment in Ajman. They were involved in fraudulent phone calls targeting members of the public. Culprits cheated people by promising them bogus cash prizes, noted Brigadier Imran Ahmed Al Mazrouei, director of CID, Abu Dhabi Police. They asked them to transfer telephone recharge cards as charges for processing the cash prizes they have won, he indicated അജ്മാന്‍ പോലീസുമായി സഹകരിച്ച് അബുദാബി പോലീസ് വ്യാജ ഫോണ്‍ കോളുകള്‍ വഴി തട്ടിപ്പു നടത്തി വന്ന 24 ഏഷ്യൻ വംശജരെ അജ്മാനിലെ ഒരു അപ്പാര്‍ട്ട്മെന്‍റില്‍ നിന്നും അറസ്റ്റ് ചെയ്തു. വന്‍ തുക സമ്മാനമായി നേടി എന്ന രീതിയില്‍ ഫോണ്‍ വിളിച്ചാണ് പ്രതികള്‍ ജനങ്ങളെ പറ്റിച്ചിരുന്നത് എന്ന് അബുദാബി പോലീസിന്‍റെ സി.ഐ.ഡി വിഭാഗം ഡയറക്ടർ ബ്രിഗേഡിയർ ഇമ്രാൻ അഹമ്മദ് അൽ മസ്റൂയി പറഞ്ഞു. കൂടാതെ ഈ വിജയിച്ച തുകയുടെ പ്രോസിസ്സിംഗ് ഫീയായി ടെലിഫോൺ റീചാർജ് കാർഡുകൾ കൈമാറാന്‍ ഇവര്‍ ആവശ്യപ്പെട്ടിരുന്നു എന്നും അദ്ദേഹം കൂട്ടിചേര്‍ത്തു. #في_أبوظبي ‏#InAbuDhabi #أبوظبي_أمن_وسلامة ‏#Abudhabi_safe_and_secure #അബുദാബി_സുരക്ഷിതം_സുദൃഢം #الإمارات #أبوظبي #شرطة_أبوظبي #أخبار_شرطة_أبوظبي #الإعلام_الأمني ‏#UAE #AbuDhabi #ADPolice #ADPolice_news ‏#security_media

    A post shared by Abu Dhabi Police شرطة أبوظبي (@adpolicehq) on

    ڈائریکٹر سی آئی ڈی عمران احمد کے مطابق گرفتار ملزمان فون پر لوگوں کو انعامی رقم جیتنے کا لالچ دے کر فراڈ کرتے تھے، اسی طرح کا ایک واقعہ رواں سال فروری میں بھی پیش آچکا ہے۔

    مزید پڑھیں: متحدہ عرب امارات، 20 لاکھ درہم کی ڈکیتی میں ملوث 5 ملزمان گرفتار

    واضح رہے کہ گزشتہ روز متحدہ عرب امارات میں پولیس نے 20 لاکھ درہم کی ڈکیتی میں ملوث پانچ نائیجرین باشندوں کو حراست میں لیا تھا، پولیس کے مطابق ملزمان کے قبضے سے زیادہ تر رقم برآمد کرلی گئی تھی۔

    پولیس کا کہنا تھا کہ ملزمان مختلف منی ایکسچینجز میں اسٹاف کو تشدد کا نشانہ بنانے کے بعد مختلف ممالک کی کرنسیاں لوٹ کر فرار ہوئے تھے۔

    ملزمان وزٹ ویزے پر 18 مارچ کو متحدہ عرب امارات پہنچے تھے جبکہ ڈکیتی کی واردات التاون کے علاقے کے منی ایکسچینج میں کی گئی تھی۔

  • متحدہ عرب امارات، 20 لاکھ درہم کی ڈکیتی میں ملوث 5 ملزمان گرفتار

    متحدہ عرب امارات، 20 لاکھ درہم کی ڈکیتی میں ملوث 5 ملزمان گرفتار

    شارجہ: متحدہ عرب امارات پولیس نے کامیاب کارروائی کرتے ہوئے 20 لاکھ درہم کی ڈکیتی میں ملوث 5 ملزمان کو گرفتار کرلیا۔

    عرب میڈیا کے مطابق متحدہ عرب امارات میں پولیس نے 20 لاکھ درہم کی ڈکیتی میں ملوث پانچ نائیجرین باشندوں کو حراست میں لیا ہے، پولیس کے مطابق ملزمان کے قبضے سے زیادہ تر رقم برآمد کرلی گئی ہے۔

    پولیس کے مطابق ملزمان مختلف منی ایکسچینجز میں اسٹاف کو تشدد کا نشانہ بنانے کے بعد مختلف ممالک کی کرنسیاں لوٹ کر فرار ہوئے تھے۔

    ڈکیتی مزاحمت پر منی ایکسچینج کے دو ملازم زخمی ہوئے تھے، ایک زخمی شخص نے شارجہ پولیس کو اطلاع دی جس کے بعد شارجہ پولیس نے ابوظبی، راس الخیمہ اور عجمان پولیس کی مدد سے ملزمان کو 48 گھنٹے میں گرفتار کیا۔

    مزید پڑھیں: سری لنکا کو مطلوب ڈرگ مافیا کا سرغنہ دبئی سے گرفتار

    ڈکیتی مزاحمت میں زخمی ہونے والے دونوں ملازموں کو فوری طور پر اسپتال منتقل کیا گیا تھا جہاں انہیں طبی امداد کے بعد ڈسچارج کردیا گیا ہے۔

    ملزمان وزٹ ویزے پر 18 مارچ کو متحدہ عرب امارات پہنچے تھے جبکہ ڈکیتی کی واردات التاون کے علاقے کے منی ایکسچینج میں کی گئی۔

    پولیس نے ملزمان کے زیر استعمال گاڑی اور بڑی تعداد میں نمبر پلیٹس برآمد کرلی ہیں۔

    رپورٹ کے مطابق ایک ملزم کو شارجہ سے گرفتار کیا گیا جبکہ دیگر 4 ملزمان کو عجمان، ابوظبی اور راس الخیمہ سے حراست میں لیا گیا۔

    ملزمان نے جرم کا اعتراف کرلیا ہے جبکہ مزید کارروائی کے لیے انہیں عدالت میں پیش کیا جائے گا۔

  • سعودی عرب اور یو اے ای نواز شریف کی سیاست سے نفرت کرتے ہیں: شیخ رشید

    سعودی عرب اور یو اے ای نواز شریف کی سیاست سے نفرت کرتے ہیں: شیخ رشید

    لاہور: وفاقی وزیر ریلوے شیخ رشید احمد نے کہا ہے کہ سعودی عرب اور یو اے ای نواز شریف کی سیاست سے نفرت کرتے ہیں، اور عمران خان کو کرپشن سے نفرت ہے۔

    تفصیلات کے مطابق شیخ رشید اے آر وائی نیوز کے پروگرام سوال یہ ہے میں گفتگو کر رہے تھے، انھوں نے کہا کہ جمہوریت کا مضبوط ہونا اسٹیبلشمنٹ کے لیے بھی نا گزیر ہے، سیاسی قیادت غلط نہیں ہوتی سوچنے کے انداز الگ ہوتے ہیں۔

    [bs-quote quote=”دوائیوں کو سستا ہونا چاہیے، وزیر اعظم سے کہہ چکا ہوں کہ لوگ اس پر بات کر رہے ہیں، ادویات مہنگی ہیں۔” style=”style-8″ align=”left” author_name=”شیخ رشید”][/bs-quote]

    ان کا کہنا تھا کہ عمران خان اور اسٹیبلشمنٹ جتنے قریب ہیں اتنا پہلے کسی کو نہیں دیکھا، مہنگائی میں اضافے کے علاوہ حکومت کے پاس کوئی آپشن نہیں، گزشتہ چوروں اور ڈاکوؤں کی وجہ سے آج حکومت کو سزا مل رہی ہے۔

    ریلوے وزیر نے کہا کہ ڈان لیکس نواز شریف کے گھر سے شروع ہو گیا تھا، وہ مشکوک ہوگئے تھے ملک سے باہر جا کر بھارت فون کرتے تھے، سری لنکا جا کر بھارت فون کیا۔

    انھوں نے کہا کہ این آر او کے لیے حکومت پر کوئی دباؤ نہیں، شہباز شریف حکومت کے ساتھ چلنا چاہتے ہیں، اس وقت مریم نواز اور شہباز شریف کی سیاست ایک دوسرے سے مختلف ہے، نواز شریف اور شہباز شریف بھی ایک سکے کے دورخ نہیں ہیں۔

    شیخ رشید نے شریف برادران کی اگلی نسل میں خلیج پیدا ہونے کا بھی دعویٰ کیا، اپنی لڑائیوں کے بارے میں تبصرہ کرتے ہوئے کہا کہ چھوٹی موٹی ساس بہو کی لڑائی چلتی رہے گی۔

    انھوں نے کہا کہ میں ریلوے کا وزیر ہوں حکومت کا ترجمان نہیں، این آر او ڈیل کی باتوں پر حکومت کا مؤقف بیان نہیں کر رہا، شہباز شریف کو این آر او کی بھیک مانگتے دیکھا اور سنا ہے، آصف زرداری اور بلاول بھٹو کو کبھی ڈیل کرتے نہیں دیکھا، مریم نواز اور حمزہ شہباز کو بھی ڈیل کرتے نہیں دیکھا۔

    وزیر ریلوے نے ادویات کے مہنگا ہونے پر کہا کہ دوائیوں کو سستا ہونا چاہیے، وزیر اعظم سے کہہ چکا ہوں کہ لوگ اس پر بات کر رہے ہیں، ادویات مہنگی ہیں۔

    انھوں نے کہا کہ ہر کرپٹ آدمی نیب سے نا خوش ہے، خان صاحب کہیں گے تو بھی نیب آرڈیننس ترمیم کے لیے ووٹ نہیں دوں گا، 18 ویں ترمیم کے خاتمے کے لیے ووٹ کی کوئی خواہش نہیں، کسی اپوزیشن جماعت کو عمران خان کے لیے خطرہ محسوس نہیں کرتا۔

    شیخ رشید نے کہا کہ کسی اپوزیشن جماعت نے گڑ بڑ کی تو 7 سے 8 لوگ پی ٹی آئی آنے کو تیار ہیں، ریلوے کی جگہ کسی اور جگہ ہوتا تو انھیں پی ٹی آئی میں شامل کرا چکا ہوتا، پیپلز پارٹی کے نہیں معلوم مگر ن لیگ کے لوگ تیار بیٹھے ہیں۔

  • متحدہ عرب امارات: ڈرائیور کی غلطی سے گاڑی ریسٹورنٹ میں جاگھسی، ویڈیو وائرل

    متحدہ عرب امارات: ڈرائیور کی غلطی سے گاڑی ریسٹورنٹ میں جاگھسی، ویڈیو وائرل

    دبئی: متحدہ عرب امارات میں ڈرائیور کی معمولی غلطی سے گاڑی ریسٹورنٹ میں جاگھسی جس کی ویڈیو سوشل میڈیا پر وائرل ہوگئی۔

    عرب میڈیا کے مطابق متحدہ عرب امارات کی ریاست ام القوین میں 70 سالہ بزرگ کی معمولی غلطی سے گاڑی حادثے کا شکار ہوکر ریسٹورنٹ میں جاگھسی، خوش قسمتی سے حادثے میں کوئی جانی نقصان نہیں ہوا۔

    رپورٹ کے مطابق 70 سالہ بزرگ شہری جب گاڑی میں بیٹھے تو انہوں نے گاڑی ریورس کرنے کے بجائے غلطی سے آگے بڑھا دی جو حادثے کی وجہ بنی۔

    حادثے کے نتیجے میں ریسٹورنٹ کا شیشہ چکنا چور ہوگیا جبکہ خوش قسمتی سے کوئی زخمی نہیں ہوا۔

    ام القوین پولیس کی جانب سے بزرگ شہری پر کوئی جرمانہ نہیں کیا گیا تاہم انہیں گاڑی دھیان سے چلانے اور ٹریفک قوانین کی پاسداری کی ہدایت کردی گئی۔

    مزید پڑھیں: دبئی: ٹریفک حادثے میں پاکستانی خاندان کے 3 افراد ہلاک، بچہ زخمی

    واضح رہے کہ رواں ماہ کے اوائل میں دبئی کے العین روڈ پر تیز رفتار جیپ اور کار میں تصادم کے نتیجے میں دو خواتین سمیت 3 افراد جاں بحق اور ایک بچہ زخمی ہوگیا تھا۔

    جاں بحق ہونے والے شخص کی شناخت 29 سالہ پاکستانی شہری محمد فیاض کے نام سے ہوئی تھی جبکہ خواتین میں ایک مذکورہ شخص کی بہن اور دوسری اہلیہ تھی۔

  • دبئی: شیشے کے باکس سے سونے کی اینٹ نکالو اور کروڑ پتی بن جاؤ

    دبئی: شیشے کے باکس سے سونے کی اینٹ نکالو اور کروڑ پتی بن جاؤ

    دبئی: متحدہ عرب امارات کے شہر دبئی کے ایئرپورٹ پر 20 کلو وزنی سونے کی اینٹ جیتنے کا چیلنج دیا گیا ہے، شیشے کے باکس سے سونے کی اینٹ نکالو اور کروڑ پتی بن جاؤ۔

    تفصیلات کے مطابق دبئی کے ایئرپورٹ پر شیشے کے باکس میں ایک 20 کلو گرام وزنی سونے کی اینٹ رکھی گئی ہے اور ایئرپورٹ پر آنے والوں کے لیے دعوت عام ہے کہ جو شخص اس اینٹ کو باکس سے نکال لے گا، سونا اس کا ہوجائے گا۔

    شیشے کے اس باکس میں ایک چھوٹا سا سوراخ ہے جس میں بمشکل ہاتھ اندر جاتا ہے، ویڈیو میں دیکھا جاسکتا ہے کہ کئی لوگ اس اینٹ کو باکس سے نکالنے کی کوشش کررہے ہیں لیکن ناکام ثابت ہوئے ہیں تاہم ایک شخص نے ویڈیو شیئر کرکے دعویٰ کیا ہے کہ وہ یہ چیلنج جیت گیا ہے۔

    سماجی رابطے کی ویب سائٹ پر شیئر کی گئی ویڈیو میں دیکھا جاسکتا ہے کہ ایک شخص نے سونے کی اینٹ کامیابی سے نکال لی ہے تاہم انتظامیہ کی جانب سے اس کی جیت کے حوالے سے کوئی بیان سامنے نہیں آیا ہے۔

    واضح رہے کہ دبئی میں لاکھوں درہم جیتنے کی مختلف انعامی اسکیمیں متعارف کرائی جاتی ہیں تاہم ایئرپورٹ پراس طرح کی اسکیم پہلی بار متعارف کرائی گئی ہے۔

  • ابوظبی کے جزیرے میں آگ بھڑک اُٹھی

    ابوظبی کے جزیرے میں آگ بھڑک اُٹھی

    دبئی: متحدہ عرب امارات کے شہر ابوظبی کے لُولُو جزیرے میں آگ بھڑک اُٹھی۔

    عرب میڈیا کے مطابق ابوظبی کے لُولُو جزیرے میں آگ بھڑک اُٹھی، خوش قسمتی سے کوئی جانی نقصان نہیں ہوا، آگ صبح 11 بجے کے درمیان لگی جس پر قابو پالیا گیا ہے۔

    ابوظبی حکام کی جانب سے تصدیق کی گئی ہے کہ آتشزدگی کے نتیجے میں کوئی جانی نقصان نہیں ہوا ہے تاہم آگ لگنے کی وجوہات معلوم نہیں ہوسکی ہیں۔

    ابوظبی کے رہائشی شہری کا کہنا تھا کہ ’میں نے اپنے آفس کی عمارت سے دیکھا کہ آگ کے شعلے آسمان تک بلند ہورہے ہیں، آگ کافی بڑی لگ رہی تھی۔‘

    عینی شاہد یوسف ملک کے مطابق آگ کے شعلے بہت زیازہ بلند ہورہے تھے جس کو دیکھ کر یہ اندازہ ہورہا تھا کہ آگ کی نوعیت معمولی نہیں ہے۔

    ابوظبی کے شہریوں کی جانب سے آتشزدگی کی تصاویر اور ویڈیوز سوشل میڈیا ویب سائٹ پر بھی شیئر کی گئی ہیں۔

    سول ڈیفنس کی جانب سے جزیرے کو بند کردیا گیا تھا جبکہ دوپہر کے وقت ہیلی کاپٹر کی مدد سے آگ پر قابو پالیا گیا تھا۔

    مزید پڑھیں: متحدہ عرب امارات، گھر میں ہولناک آتشزدگی، 8 افراد جاں بحق

    واضح رہے کہ گزشتہ سال اکتوبر میں ابوظبی کے علاقے بنی یاس میں گھر میں ہولناک آتشزدگی کے نتیجے میں ایک ہی خاندان کے 8 افراد جاں بحق ہوگئے تھے۔

    یاد رہے کہ گزشتہ سال جنوری میں متحدہ عرب امارات کے ایک گھر میں آگ لگنے کے بعد دھواں پھیل جانے اور دم گھٹنے سے 7 بہن بھائی جاں بحق ہوگئے تھے، یہ افسوسناک واقعہ مشرقی ریاست فجیرہ میں پیش آیا تھا، جاں بحق ہونے والوں میں تین بچے اور چار بچیاں شامل تھیں۔

  • شارجہ: رات بھر آن لائن گیمز کھیلنے والے لڑکے نے عمارت سے چھلانگ لگا کر خودکشی کرلی

    شارجہ: رات بھر آن لائن گیمز کھیلنے والے لڑکے نے عمارت سے چھلانگ لگا کر خودکشی کرلی

    شارجہ: متحدہ عرب امارات میں رات بھر آن لائن گیمز کھیلنے والے لڑکے نے کثیر المنزلہ عمارت کے 15 ویں فلور سے چھلانگ لگا کر خودکشی کرلی۔

    عرب میڈیا کے مطابق شارجہ میں رات بھر آن لائن گیمز کھیل کر ڈپریشن کا شکار ہونے والے 14 سالہ یوکرائنی لڑکے نے کثیر المنزلہ عمارت کے 15 ویں فلور کی کھڑکی سے چھلانگ لگا کر اپنی زندگی کا خاتمہ کرلیا، لڑکے کے دادا نے موت کی وجہ ویڈیو گیمز کو قرار دے دیا۔

    رپورٹ کے مطابق 14 سالہ لڑکا دو روز قبل ہی چھٹیاں گزارنے اپنے دادا کے گھر پہنچا تھا جبکہ اہل خانہ بھی اس کے بدلتے ہوئے روئیے کی وجہ سے پریشان تھے۔

    لڑکے کے دادا کا کہنا ہے کہ وہ نوٹس کررہے تھے کہ وہ اپنے ساتھ کپڑے بھی نہیں لایا تھا اور اس کے ہاتھ میں ہر وقت اسمارٹ فون موجود رہتا تھا جس پر وہ گیمز کھیلنے میں مصروف رہتا تھا۔

    مزید پڑھیں: متحدہ عرب امارات، 6 سالہ بچی عمارت سے گر کر زخمی

    انہوں نے کہا کہ مجھے یقین ہے کہ وہ واقعے سے پہلے پریشان تھا اور اس کی خودکشی کی وجہ ویڈیو گیمز کھیل کر ڈپریشن کا شکار ہونا ہی ہے۔

    ان کا کہنا تھا کہ وقوعہ کے وقت گھر کے تمام افراد سو رہے تھے، پولیس نے دروازے پر دستک دی اور بتایا گیا کہ گھر کی کھڑکی سے ایک لڑکے نے چھلانگ لگا کر خودکشی کرلی ہے۔

    پولیس کے مطابق واقعے کی تحقیقات جاری ہیں، لڑکے کی لاش کو پوسٹ مارٹم کے لیے اسپتال منتقل کردیا گیا ہے، یوکرائنی لڑکا اپنی والدہ کے ساتھ سعودی عرب میں رہائش پذیر تھا جبکہ ان کے والدین کے درمیان علیحدگی ہوچکی ہے۔

  • یو اے ای، منشیات کے زیادہ استعمال سے دوست کی موت، خاتون کو 10 سال قید کی سزا

    یو اے ای، منشیات کے زیادہ استعمال سے دوست کی موت، خاتون کو 10 سال قید کی سزا

    دبئی: متحدہ عرب امارات میں منشیات کے زیادہ استعمال کی وجہ سے دوست کی موت کے سبب خاتون کو 10 سال قید کی سزا سنادی گئی۔

    عرب میڈیا کے مطابق متحدہ عرب امارات کی ریاست راس الخیمہ کی عدالت نے منشیات کے زیادہ استعمال سبب دوست کی موت کا جرم ثابت ہونے پر خاتون کو 10 سال قید اور 10ہزار درہم جرمانے کی سزا سنادی۔

    رپورٹ کے مطابق دوسرے مجرم کو عدم ثبوت کی بنا پر بری کردیا گیا جبکہ تیسرے مجرم کو آئس ہیروئن استعمال کرنے کا الزام ثابت ہونے پر ایک سال قید کی سزا سنادی گئی ہے۔

    عدم ثبوت کی بنا پر بری ہونے والی خاتون کے شوہر کو گھر کے اندر اہلیہ کی دوستوں کو آئس ہیروئن منشیات کے استعمال کی اجازت دینے کے الزام میں 2 سال قید کی سزا سنائی گئی ہے۔

    مزید پڑھیں: دبئی: منشیات رکھنے کا الزام ، برطانوی شہری کو ڈیڑھ لاکھ درہم اور تین ماہ قید کی سزا

    واضح رہے کہ راس الخیمہ پولیس نے چھاپہ مار کارروائی کے دوران ملزمان کو گرفتار کیا تھا جبکہ ایک خاتون کو حالت بگڑنے پر اسپتال منتقل کیا گیا تھا جہاں وہ دم توڑ گئی تھی۔

    باعزت بری ہونے والی خاتون نے پولیس بیان میں کہا ہے کہ اس کی دوست کی موت آئس منشیات کے زیادہ استعمال کے سبب ہوئی ہے، دو سال قید کی سزا پانے والے شخص کی اہلیہ کا کہنا ہے کہ مرنے والی خاتون اسپتال لے جانے سے قبل ہی دم توڑ گئی تھی۔

    بری ہونے والی خاتون اور ایک سال کی سزا پانے والے ملزم کا کہنا ہے کہ ہم سب ایک ساتھ کام کرتے تھے اور ہمیں ایک دوست نے نائٹ کلب کے دوران ملاقات میں آئس ہیروئن کے نشے کا عادی بنادیا تھا۔