Tag: یو اے ای

دبئی: متحدہ عرب امارات میں تیز بارش کے دوران شہریوں کی مدد کرنے والے پولیس اہلکاروں کی ویڈیو وائرل ہوگئی۔

خلیج ٹائمز کی رپورٹ کے مطابق متحدہ عرب امارات میں گزشتہ روز تیز بارش ہوئی جس کے سبب متعدد افراد سڑکوں پر گاڑی خراب ہونے کے سبب پھنس گئے، پولیس اہلکار نے شہریوں کی مدد کی جس کی ویڈیو وائرل ہوئی۔

دبئی پولیس چیف کی جانب سے بھی پولیس اہلکار کے عزم کی تعریف کی گئی ہے۔

كرّم سعادة اللواء عبد الله خليفة المري، القائد العام لشرطة دبي، الرقيب سعيد عباد قاسم مثنى، والشرطي عبد اللطيف ضيف الله علي صالح، وذلك لمساعدتهما سائق تاكسي تعطلت مركبته اثناء تساقط الامطار.
وأشاد سعادته بجهود وانضباط والتزام كل من الرقيب والشرطي، مثمناً أداءهما المتميز. pic.twitter.com/B0Q5gvs411

— Dubai Policeشرطة دبي (@DubaiPoliceHQ) February 20, 2019

دبئی پولیس چیف کی جانب سے افسروں کی جانب سے تیز بارشوں میں شہریوں کی مدد کرنے پر اہلکاروں کو اعزاز سے بھی نوازا جائے گا۔ دو اہلکاروں سعید عباد قاسم اور عبدالطیف علی صالح کو اعزاز سے نوازا گیا ہے۔

ویڈیو میں دیکھا جاسکتا ہے کہ پولیس اہلکاروں کے گشت کے دوران ایک ٹیکسی خراب نظر آرہی ہے جبکہ پولیس اہلکار اس کی گاڑی کو ٹھیک کرنے میں اس کی مدد کررہے ہیں۔

میجر المری کی جانب سے دونوں پولیس اہلکاروں کو ان کی خدمات کے اعتراف میں اعزاز دینے کو اچھا اقدام قرار دیا گیا۔

ان کا کہنا تھا کہ دونوں اہلکار سعید عباد قاسم اور عبدالطیف علی صالح اس ایوارڈ کے حق دار تھے۔

دبئی: متحدہ عرب امارات میں ایسی چند حرکتیں کرنا آپ کو جیل کی ہوا کھلا سکتا ہے، یہ بظاہر معمولی حرکات قید کے علاوہ بھاری جرمانے کا سبب بھی بن سکتی ہیں۔

عرب میڈیا کے مطابق متحدہ عرب امارات میں سوشل میڈیا استعمال کرنے والوں کو بہت احتیاط برتنی چاہئے کیونکہ چند ایسی حرکات جو دیگر ممالک میں قابل معافی ہیں ان کے یہاں ارتکاب پر آپ بھاری مصیبت کا شکار ہوسکتے ہیں۔

کسی بھی مرد یا عورت کی تصویریں یا ویڈیو اس کی اجازت کے بغیر سوشل میڈیا ویب سائٹس پر شیئر کرنا آپ کے لیے بڑی پریشانی کا باعث بن سکتا ہے کیونکہ یہ ذاتی زندگی میں مداخلت اور کاپی رائٹ کی خلاف ورزی کے زمرے میں آتا ہے۔

اکتوبر 2015 میں ایک مصری شہری کو دبئی پولیس نے گرفتار کیا جس نے سوشل میڈیا پر بلوندر ساہئی کو ڈی فائیو برانڈڈ روز رائس کی تصویر پوسٹ کی تھی جو مبینہ طور پر غلط پارک کی گئی تھی۔

مزید پڑھیں: اماراتی عدالت نے شوہر کو قتل کی دھمکیاں دینے والی خاتون کو ٹرائل پر بھیج دیا

واٹس ایپ پر کسی کو دھمکیاں نہ دیں کسی کو دھمکی آمیز پیغام بھیجنا، گالم گلوچ کرنے پر آپ کے خلاف مقدمے کا اندراج ہوگا جو آپ کو جیل بھی بھیج سکتا ہے۔

سوشل میڈیا پر شراب کی یا بولڈ تصاویر پوسٹ نہ کریں، شراب اور منشیات کی تصاویر کو اماراتی سماجی اقدار اور اسلامی شعائر کے خلاف تصویر کیا جاتا ہے، جنوری 2018 میں ایک عرب خاتون کو سوشل میڈیا پر نازیبا ویڈیوز پوسٹ کرنے کے جرم میں ایک سال قید کی سزا سنائی گئی تھی۔

اماراتی سائبر کرائم قانون کے مطابق جو شخص غلط معلومات پھیلائے گا اسے دس لاکھ درہم جرمانہ ادا کرنا ہوں گے، جون 2018 میں دبئی پولیس نے 43 ایشیائی باشندوں کو اس جرم میں گرفتار کیا تھا، ملزم نے ایک شخص کو لالچ دے کر اس سے بھاری رقم ہتھیا لی تھی۔

شارجہ: متحدہ عرب امارات کے شہریوں کو شارجہ پولیس نے خبردار کیا ہے کہ واٹس ایپ پر دوست بنانے سے قبل احتیاط برتیں۔

خلیج ٹائمز کی رپورٹ کے مطابق شارجہ پولیس نے متحدہ عرب امارات کے شہریوں کو خبردار کیا ہے کہ واٹس ایپ پر دوست بنانے سے قبل احتیاط کی جائے، متعدد بلیک میلرز کے خلاف شکایات موصول ہوئی ہیں۔

شارجہ پولیس حکام کے مطابق واٹس ایپ پر اجنبی کی جانب سے میسج بھیجا جارہا ہے جس میں انعام جیتنے کا لالچ دے کر فراڈ کیا جارہا ہے، جس کی متعدد شکایات درج کرائی گئی ہیں۔

سائبر کرائم ڈیپارٹمنٹ نے خبردار کیا ہے کہ کسی بھی اجنبی نمبر سے بھیجے جانے والے میسج کا جواب نہ دیں کیونکہ بلیک میلرز واٹس ایپ پر چیٹنگ کے بعد معلومات حاصل کرکے مذکورہ شخص کو نہ صرف ہراساں کرتے بلکہ اسے دھمکیاں بھی دیتے ہیں۔

مزید پڑھیں: خبردار!پرائیویسی میں مخل ہونے پرپانچ لاکھ درہم کا جرمانہ ہوسکتا ہے

پولیس رپورٹ کے مطابق واٹس ایپ پر مختلف خواتین کو ہراساں کرنے کے واقعات سامنے آئے ہیں، شکایت درج کرانے والے شہریوں کے مطابق دھمکیاں دی جاتی ہیں کہ اگر ڈیمانڈ پوری نہیں کی گئی تو میسج اور ویڈیوز سوشل میڈیا پر شیئر کردی جائیں گی۔

دوسری جانب یہ بھی اطلاعات سامنے آئی ہیں کہ شارجہ میں بلیک میلرز واٹس ایپ پر لاٹری جیتنے کا لالچ دے کر اکاؤنٹ نمبر اور دیگر تفصیلات حاصل کرتے ہیں جس کے بعد بینک اکاؤنٹ کا صفایا ہوجاتا ہے۔

ڈائریکٹر سائبر کرائم محسن احمد نے کہا ہے کہ سوشل میڈیا پر دھوکا دہی میں مرتب متعدد جعلسازوں کو گرفتار کیا گیا ہے تاہم شہری کسی بھی اجنبی شخص کے ساتھ اپنی بینک یا دیگر معلومات شیئر نہ کریں۔

دبئی: متحدہ عرب امارات کے شہر دبئی کے انٹرنیشنل ایئرپورٹ نے مسلسل پانچویں بار سال کے مصروف ترین فضائی اڈے کا اعزاز اپنے نام کرلیا ہے۔

دبئی ایئرپورٹ انتظامیہ کے مطابق رواں سال مطلوبہ ہدف مکمل نہ ہونے کے باوجود دبئی ایئرپورٹ 2013 سے مسلسل دنیا کے سب سے مصروف ترین ایئرپورٹ کے اعزاز کا حامل ہے۔

ایئرپورٹ انتظامیہ کا کہنا تھا کہ پچھلے سال کے دوران دبئی ایئرپورٹ پر 90 کروڑ افراد نے سفر کیا ہے، ان افراد میں سب سے زیادہ بھارتی مسافر تھے جن کے بعد دوسرے نمبر پر سعودی مسافر ہیں۔

مزید پڑھیں: امارات ایئرلائنزکی پاکستان کے لیے پروازوں کی تعداد میں کمی

قبل ازیں سال 2017 کے دوران تقریبا 89 کروڑ افراد نے دبئی ایئرپورٹ کے ذریعے سفر کیا تھا۔

دبئی ایئرپورٹ بین الا براعظمی فضائی روٹس کے درمیان ٹرانسٹ حب کی حیثیت رکھتا ہے اور خلیج کے دیگر ممالک کی طرح اس کے مسافروں کی تعداد میں گزشتہ چند سالوں میں حیرت انگیز اضافہ دیکھنے میں آیا ہے۔

واضح رہے کہ اس سے قبل لندن کا ہیتھرو ایئرپورٹ دنیا کا سب سے مصروف ترین ایئرپورٹ ہوا کرتا تھا تاہم دبئی نے اس سے یہ اعزاز سنہ 2014 میں چھین لیا تھا اور آج تک پہلی پوزیشن کو برقرار رکھنے میں کامیاب رہا ہے۔

یاد رہے کہ امریکا کی جانب سے دو سال قبل متحدہ عرب امارات سمیت مڈل ایسٹ اور شمالی افریقہ کے کئی ممالک سے لیپ ٹاپ اور ٹیبلٹ لے کر سفر کرنے پر پابندی عائد کردی تھی۔

جولائی 2017 میں پابندی عائد ہونے کے پانچ ماہ بعد ہی دبئی کی ایئر لائن ایمرٹس نے اعلان کیا تھا کہ نئے حفاظتی اقدامات کے بعد انہیں امریکا کی جانب سے عائد کردہ اس پابندی سے استثنیٰ مل گیا ہے۔