دبئی: متحدہ عرب امارات میں 6 سالہ بچی عمارت سے گر کر زخمی ہوگئے جسے فوری طور پر اسپتال منتقل کردیا گیا۔
خلیج ٹائمز کی رپورٹ کے مطابق متحدہ عرب امارات کے علاقے فجیرہ میں 6 سالہ بچی اپارٹمنٹ کی عمارت کی دوسری منزل سے گر کر زخمی ہوگئی جسے فوری طور پر اسپتال منتقل کردیا گیا ہے۔
فجیرہ پولیس کے مطابق حادثے کی تحقیقات کی جارہی ہیں کہ بچی کس طرح عمارت سے گری ہے۔
بچی کے حوالے سے مزید تفصیلات سامنے نہیں آسکی اور نہ ہی اس کا نام ظاہر کیاگیا ہے اور یہ بھی معلوم نہیں ہوسکا کہ اس کا تعلق کس ملک سے تھا۔
مزید پڑھیں: شارجہ: پاکستانی شخص نے کثیرالامنزلہ عمارت سے چھلانگ لگا کر خودکشی کرلی
واضح رہے کہ گزشتہ سال جون میں گھریلو ناچاقی کی بنا پر شارجہ کے رہائشی پاکستانی نوجوان نے 7 منزلہ عمارت سے چھلانگ لگا کر خودکشی کرلی تھی۔
پولیس کا کہنا تھا کہ ہمیں اطلاع ملی کہ ایک شخص نے بلڈنگ سے کود گیا ہے، پولیس جائے وقوعہ پر پہنچی اور مذکورہ شخص کو فوری اسپتال منتقل کیا گیا تاہم خون زیادہ بہہ جانے کی وجہ سے وہ جانبر نہ ہوسکا۔
یاد رہے کہ گزشتہ سال ریاست فجیرہ کی رہائشی عمارت میں خوفناک آتشزدگی کے نتیجے میں 2 افراد زخمی ہوگئے تھے جنہیں فوری طور پر اسپتال منتقل کردیا گیا تھا۔
